MG Windsor Vs Tata Punch EV: டாடா பஞ்ச் மற்றும் எம்ஜி வின்ட்சர் மின்சார கார் மாடல்களில் எது சிறந்தட்து என்பது கீழே விவரிக்கப்பட்டுள்ளது.


டாடா பஞ்ச் Vs எம்ஜி வின்ட்சர்:


புதிய வின்ட்சர் மின்சார வாகனமானது ஒரு சுவாரஸ்யமான விலை பட்டியலுடன் விற்பனைக்கு வந்துள்ளது. காரணம்,  MG மோட்டார் காருடன் பேட்டரியின் விலையைக் கேட்கவில்லை, அதற்குப் பதிலாக பேட்டரிக்கு தனி வாடகைத் திட்டத்தைக் கொண்டுள்ளது. அதன்படி, பேட்டரிக்கு ஒரு கிலோ மீட்டருக்கு  ரூ. 3.5 செலுத்த வேண்டும். கார் ரூ.9.99 லட்சத்தில் இருந்து தொடங்குகிறது. ஆனால் சராசரியாக 3 வருட உபயோகத்தைப் பார்த்தால், வின்ட்சர் ரூ.12 லட்சமாக இருக்கும். 3 ஆண்டுகளுக்குப் பிறகு, 45,000 கிமீ எம்ஜியிலிருந்து திரும்பப்பெறும் திட்டமும் உள்ளது, இது 60 சதவிகிதம் திரும்பப் பெறுவதாக உறுதியளிக்கிறது. வின்ட்சர் தோராயமாக அதே விலை அடைப்புக்குள் இருப்பதால், பஞ்ச் EV உடன் ஒப்பிட்டு பார்க்கலாம்.


எது பெரியது?


வின்ட்சர் 4295 மிமீ நீளமும் 2126 மிமீ அகலமும் கொண்டது. ஒப்பிடுகையில், Tata Punch EV 3857mm நீளமும் 1742mm அகலமும் கொண்டுள்ளது. இரண்டு EVக்களும் ஏரோ எஃபீசியண்ட் சக்கரங்கள், லைட் பார் மற்றும் பலவற்றைக் கொண்டுள்ளன. அதே நேரத்தில் வின்ட்சர் அதன் கேப் ஃபார்வார்ட் நிலைப்பாட்டைக் கொண்டு கிராஸ்ஓவராக இருக்கும் அதே வேளையில் பஞ்ச் EV ஒரு மினி SUV ஆகும். வீல்பேஸைப் பொறுத்தவரை, பஞ்ச் EV 2445 மிமீ மற்றும் வின்ட்சர் 2700 மிமீ பெற்றுள்ளது.


இதையும் படியுங்கள்: எம்ஜி-யின் வின்ட்சர் EV கார் அறிமுகம் - ஒரு வருடம் இலவச சார்ஜிங், வாடகை பேட்டரியா?


எந்த காரில் அதிக அம்சங்கள் உள்ளன?


இரண்டு கார்களும் அதிக தொழில்நுட்ப அம்சங்களை பெறுகின்றன. அதே நேரத்தில் விண்ட்சரில் காற்றோட்டமான இருக்கைகள்,  பவர்ட் டிரைவர் சீட், ஒரு பெரிய 15.6 இன்ச் தொடுதிரை, டிஜிட்டல் டிரைவர் டிஸ்ப்ளே, 360 டிகிரி கேமரா, 9-ஸ்பீக்கர் ஆடியோ சிஸ்டம், நிலையான கண்ணாடி பனோரமிக் கூரை, 135 டிகிரி சாய்ந்த பின் இருக்கைகள் போன்ற அம்சங்கள் உள்ளன. மறுபுறம், பஞ்ச் EV ஆனது காற்றோட்டமான இருக்கைகள், 360 டிகிரி கேமரா, நிலையான சன்ரூஃப், காற்று சுத்திகரிப்பு, 10.25-இன்ச் திரை மற்றும் பல அம்சங்களைப் பெறுகிறது.


எந்த கார் அதிக ரேஞ்ச் கொண்டது?


Windsor ஆனது 38kWh LFP பேட்டரியுடன் ப்ரிஸ்மாடிக் செல்கள் கொண்ட ஒரு பேட்டரி பேக் விருப்பத்தைக் கொண்டுள்ளது. இதனை ஒருமுறை முழுமையாக சார்ஜ் செய்தால் 330கிமீ தூரம் பயணிக்கும் என தெரிவிக்கப்பட்டுள்ளது. முன்பக்க மோட்டாரிலிருந்து 136எச்பி பவர் மற்றும் 200என்எம் டார்க் ஆற்றல் உற்பத்தி செய்யப்படுகிறது. பஞ்ச் EV இரண்டு பேட்டரி பேக்குகளுடன் வருகிறது. 25kWh பேட்டரி 315km ரேஞ்சையும், 35kWh பேட்டரி 421km ரேஞ்சையும் வழங்குகிறது. இதில் உள்ள மோட்டார்  122எச்பி மற்றும் 190என்எம் ஆற்றலை உற்பத்தி செய்கிறது.


விலைக்கு வொர்த்தா?


பஞ்ச் EV இப்போது விலை தள்ளுபடிகளை பெறுகிறது. இதன் விலை ரூ.9.99 லட்சம் முதல் ரூ.13.7 லட்சம் வரை உள்ளது. அதே சமயம் எம்ஜி வின்ட்சர் ஆரம்ப விலை ரூ.9.99 லட்சம் அல்லது பேட்டரி விலையுடன் சுமார் ரூ.12 லட்சம். பஞ்ச் EV அதிக கிரவுண்ட் கிளியரன்ஸ் மற்றும் வரம்பை வழங்குகிறது, அதே நேரத்தில் வின்ட்சர் அதிக இடம், அம்சங்கள் மற்றும் பெரிய உட்புறம் மற்றும் பைபேக் திட்டத்தைக் கொண்டுள்ளது. 


Car loan Information:

Calculate Car Loan EMI