Maruti Suzuki: வருகிறது புதிய மாருதி சுசுகி.. 7 இருக்கைகள் உடன் கூடுதல் அம்சங்கள்.. அப்டேட்ஸ் இதோ

மாருதி சுசுகி நிறுவனம் 7 இருக்கைகளை கொண்ட இரண்டு புதிய வேரியண்ட் கார்களை அடுத்தடுத்து அறிமுகம் செய்ய உள்ளது.

கிராண்ட் விட்டாரா மாடல் கார் (courtesy:gaadiwaadi.com)

மாருதி சுசுகி நிறுவனம் 7 இருக்கைகளை கொண்ட இரண்டு புதிய வேரியண்ட் கார்களை  அடுத்தடுத்து அறிமுகம் செய்ய உள்ளது. அதன்படி, கிராண்ட் விட்டாரா மற்றும் ரீபேட் செய்யப்பட்ட டொயோட்டா இன்னோவா ஹைக்ராஸ் ஆகியவற்றை இந்தியாவில் அறிமுகப்படுத்தும் என்று எதிர்பார்க்கப்படுகிறது.

Continues below advertisement

மாருதி சுசுகியின் புதிய கார்:

அண்மையில் வெளியான தகவலின்படி, நாட்டின் மிகப்பெரிய ஆட்டோமொபைல் உற்பத்தி நிறுவனமான மாருதி சுசுகி, இந்த தசாப்தத்தின் மத்தியில் மூன்று வரிசை கிராண்ட் விட்டாரா கார் மாடலை அறிமுகம் செய்யும் என கூறப்படுகிறது. அவ்வாறு வரும்போது இது முதன்மையான ICE SUV ஆக இருக்கும். மேலும் இது Grand Vitara XL என அழைக்கப்படலாம். 7 இருக்கைஅக்ள் மட்டுமின்றி மூன்று அடுக்கு இருக்கைகள் கொண்ட கிராண்ட் விட்டாரா 6 இருக்கைகள் கொண்ட வேரியண்டிலும் கிடைக்கும் என தகவல் வெளியாகி உள்ளது. இரு வேரியண்ட்களும் குளோபல் சி  பிளாட்பார்மில் உருவாக்கப்படும் என கூறப்படுகிறது.

வெளியீடு எப்போது?

 இந்த பிரீமியம் எம்பிவி மாடல் டொயோட்டா மாருதி சுசுகி நிறுவனத்திற்கு வழங்கும் முதல் பேட்ஜ் இன்ஜினியரிங் செய்யப்பட்ட மாடலாக இருக்கும். இத்துடன் ADAS சார்ந்த டிரைவர் அசிஸ்டன்ஸ் மற்றும் பாதுகாப்பு தொழில்நுட்ப வசதிகள் அடங்கிய முதல் மாருதி சுசுகி மாடலாகவும் இருக்கும் என சில தகவல்கள் தெரிவிக்கின்றன.  இது முன்புற டிரைவ் வசதி கொண்ட எம்பிவி மாடலாக இருக்கும் என கூறப்படுகிறது. ஹைகிராஸ் போன்றே இந்த மாடலும் 7 மற்றும் 8 சீட்டர் வெர்ஷன்களில் கிடைக்கலாம். இந்த மாடலில் 2.0 லிட்டர் நான்கு சிலிண்டர் கொண்ட NA பெட்ரோல் இன்ஜின் மற்றும் 2.0 லிட்டர் அட்கின்சன் சைக்கிள் TNGA ஸ்டிராங் ஹைப்ரிட் பெட்ரோல் இன்ஜின் வழங்கப்படுகிறது. இந்த கார் லிட்டருக்கு 21 கிலோமீட்டர்களுக்கும் அதிக மைலேஜ் வழங்கும் திறன் கொண்டுள்ளது.

யாருக்கு போட்டி:

புதிய விட்டார கார்களில் 1.5 லிட்டர் நான்கு சிலிண்டர்கள் கொண்ட மைல்டு ஹைப்ரிட் பெட்ரோல் மற்றும் 1.5 லிட்டர் மூன்று சிலிண்டர்கள் கொண்ட அட்கின்சன் சைக்கிள் TNGA பெட்ரோல் இன்ஜின் வழங்கப்படலாம். புதிய எஸ்யுவி தற்போதைய விட்டாரா மாடலை விட தோற்றத்தில் மாறுபடலாம். இதன் ஸ்டிராங் ஹைப்ரிட் பெட்ரோல் இன்ஜின் லிட்டருக்கு 25 கிலோமீட்டர்களுக்கும்,  அதிக மைலேஜ் வழங்கும் என எதிர்பார்க்கப்படுகிறது. இந்திய சந்தையில் இந்த மாடல் மஹிந்திரா XUV700, ஹூண்டாய் அல்கசார், எம்ஜி ஹெக்டார் பிளஸ் மற்றும் டாடா சஃபாரி போன்ற கார் மாடல்களுக்கு போட்டியாக அமையும் என கூறப்படுகிறது. 

சிறப்பம்சங்கள்:

ஒன்பது அங்குல தொடுதிரை இன்ஃபோடெயின்மென்ட் சிஸ்டம், 360 டிகிரி கேமரா அமைப்பு, தானியங்கி வெப்பநிலை கட்டுப்பாடு, வயர்லெஸ் ஆப்பிள் கார்ப்ளே மற்றும் ஆண்ட்ராய்டு ஆட்டோ இணக்கத்தன்மை போன்ற அம்சங்கள் அனைத்தும் இதில் இடம்பெறும் என கூறப்படுகிறது. இதனிடையே,  பெரிய கிராண்ட் விட்டாரா வெளியீட்டு முன் மாருதி சுசுகி நிறுவனம் டொயோட்டா இன்னோவா ஹைகிராஸ் கிராஸ்-பேட்ஜ் வெர்ஷனை அறிமுகம் செய்யும் என கூறப்படுகிறது.