குறைந்த பட்ஜெட்டில் அதிக நபர்கள் பயணிக்கும் காரை தேடுபவர்களுக்கு மாருதி சுஸுகி ஈகோ (Maruti Eeco) ஒரு சிறந்த மலிவு விலை தேர்வாகும். 5 சீட்டர் மற்றும் அதற்கும் மேற்பட்ட இருக்கை வசதிகளுடன் வரும் இந்த கார், மக்கள் மத்தியில் மிகவும் பிரபலமான வேன் மாடலாகும். இதன் பேஸ் வேரியண்ட்டை வாங்கும்போது, முழு தொகையையும் உடனே செலுத்தாமல் கார் கடன் மூலமும் எளிதாக வாங்க முடியும்.
விலை விவரங்கள்
மாருதி ஈகோவின் பேஸ் வேரியண்டான 5 Seater STD மாடலின் எக்ஸ் ஷோரூம் விலை சுமார் ரூ.5.28 லட்சமாக உள்ளது. இதனுடன் ஆர்டிஓ, இன்சூரன்ஸ் மற்றும் இதர அவசியமான கட்டணங்கள் சேர்க்கப்படும்போது, காரின் ஆன் ரோடு விலை தோராயமாக ரூ.5.85 லட்சத்தை எட்டுகிறது. வாடிக்கையாளர்கள் காரை வாங்க பட்ஜெட்டை திட்டமிடும்போது, எக்ஸ் ஷோரூம் விலையை மட்டுமின்றி இந்த ஆன் ரோடு விலையையே கணக்கில் கொள்ள வேண்டும்.
ரூ.1 லட்சம் முன்பணத்திற்கான EMI கணக்கீடு
காரின் ஆன் ரோடு விலையான ரூ.5.85 லட்சத்தில், வாடிக்கையாளர் முதலில் ரூ.1 லட்சம் முன்பணம் செலுத்தினால், மீதமுள்ள தொகையான ரூ.4.85 லட்சத்திற்கு கார் கடன் பெற வேண்டியிருக்கும். 7 ஆண்டுகள் (84 மாதங்கள்) கால அவகாசத்தில், 9% வருடாந்திர வட்டி விகிதத்தில் கடன் பெற்றால், உங்களின் மாதாந்திர தவணை சுமார் ரூ.7,894 ஆக இருக்கும். அதாவது, அடுத்த 7 ஆண்டுகளுக்கு மாதம் தோராயமாக ரூ.8,000 செலுத்த வேண்டும். வட்டி விகிதம் மற்றும் வங்கிகளின் விதிமுறைகளைப் பொறுத்து இது மாறுபடலாம்.
யாரெல்லாம் பயன்படுத்தலாம்?
எளிமையான மற்றும் விசாலமான கேபின் வடிவமைப்பு கொண்ட இந்த கார், குடும்பப் பயணம், சிறு வணிகப் பயன்பாடுகள் மற்றும் தினசரி சரக்குகளைக் கொண்டு செல்ல மிகவும் ஏற்றது. எஸ்யூவி அல்லது பெரிய எம்பிவி வாங்கும் பட்ஜெட் இல்லாதவர்களுக்கு குறைந்த விலையில் இது அதிக மதிப்பையும், சிறப்பான இடவசதியையும் தருகிறது.
இதை மறந்துடாதீங்க
கடன் பெறுவதற்கு முன், இஎம்ஐ தொகையை மட்டும் பார்க்காமல் மொத்த வட்டி, பிராசஸிங் கட்டணங்கள் மற்றும் பிற கட்டணங்களை வங்கிகளிடம் சரிபார்க்க வேண்டும். உங்களின் மாத வருமானம், செலவுகளுக்கு ஏற்ப இஎம்ஐ தொகையைத் தீர்மானிக்க வேண்டும். மேலும், அதிக முன்பணம் செலுத்தினால் மாதாந்திர தவணையும், நீண்டகால வட்டியும் கணிசமாகக் குறையும். எனவே, ஒரே நேரத்தில் பெரிய தொகையைச் செலவிட விரும்பாதவர்களுக்கு ரூ.1 லட்சம் முன்பணம் செலுத்தும் திட்டம் சிறந்த தேர்வாக இருக்கும். பல வங்கிகளின் வட்டி விகிதங்களை ஒப்பிட்டுப் பார்த்து கடன் பெறுவது நல்லது.
Car loan Information:
Calculate Car Loan EMI