Honda Motorcycle: ஹோண்டா நிறுவனத்தின் புதிய XL750 Transalp அட்வென்சர் பைக் அறிமுகம் - விலை இவ்வளவா?

Honda Motorcycle: ஹோண்டா நிறுவனத்தின் புதிய XL750 Transalp அட்வென்சர் மோட்டார்சைக்கிள், இந்திய ஆட்டோமொபைல் சந்தையில் அறிமுகப்படுத்தப்பட்டுள்ளது.

Honda Motorcycle: ஹோண்டா நிறுவனத்தின் புதிய XL750 Transalp அட்வென்சர் மோட்டார்சைக்கிள் விலை, இந்தியாவில் ரூ.11 லட்சம் என நிர்ணயம் செய்யப்பட்டுள்ளது.

ஹீரோ அட்வென்சர் மோட்டார்சைக்கிள்:

ஹோண்டா நிறுவனத்தின்  XL750 Transalp எனப்படும் அட்வென்சர் மோட்டார் சைக்கிளானது, ஜப்பானில் முழுமையாக கட்டமைக்கப்பட்டு இந்தியாவிற்கு வந்தடைகிறது. ஹோண்டாவின் பிரீமியம் பிக்விங் டாப் லைன் டீலர்ஷிப் கடைகளில், இந்த மோட்டார் சைக்கிள் பிரத்தியேகமாக கிடைக்கும் என தெரிவிக்கப்பட்டுள்ளது. இந்திய சந்தைக்கு உயர்தர சாகச மோட்டார் சைக்கிள்களை வழங்குவதற்கான, ஹோண்டாவின் நடவடிக்கையை இது காட்டுகிறது.  ஹோண்டாவின் புகழ்பெற்ற அட்வென்சர் வெர்ஷனில் இடம்பெற்றுள்ள XL750 Transalp மோட்டார் சைக்கிள், பயனாளர்களின் சாகச சுற்றுலா அனுபவங்களை மறுவரையறை செய்ய உதவும் என அந்நிறுவனம் தரப்பில் தெரிவிக்கப்பட்டுள்ளது.

இன்ஜின் விவரங்கள்:

XL750 Transalp மோட்டார்சைக்கிளில் 755cc லிக்விட்-கூல்டு 270º கிராங்க் இன்-லைன் டூ-சிலிண்டர் இன்ஜினை கொண்டுள்ளது. இது 67.5 kW பவர் மற்றும் 75 Nm உச்ச முறுக்குவிசையையும் வெளிப்படுத்தும்.  6-ஸ்பீடு கியர்பாக்ஸ் உடன் இணைக்கப்பட்டுள்ளது. சிலிண்டர்களில் வழங்கப்பட்டுள்ள Ni-SiC பூச்சு இயந்திர செயல்திறனை அதிகரிக்கிறது.

பயனாளர்கள் தங்களது விருப்பத்திற்கு ஏற்ப ஏபிஎஸ் மற்றும் அசிஸ்ட் ஸ்லிப்பர் கிளட்ச் கொண்ட இன்ஜின் பவர், இன்ஜின் பிரேக்கிங் மற்றும் ஹோண்டா செலக்டபிள் டார்க் கன்ட்ரோல் ஆகியவற்றின் கலவையை கஸ்டமைஸ் செய்து கொள்ளலாம். இதில், Sport, Standard, Rain, Gravel மற்றும் User என ஐந்து விதமான ரைடிங் மோட்களை கொண்டுள்ளது.

வடிவமப்பு:

XL750 Transalp தனித்துவமான ஸ்டைலிங் மூலம் சாகச உணர்வை உள்ளடக்கியுள்ளது. இது 1980 களில் இருந்து சின்னமான அசல் Transalp இன் ஸ்டைலிங்கை மேம்படுத்தியுள்ளது. கச்சிதமான  முகப்பு விளக்கு, ஒருங்கிணைக்கப்பட்ட விண்ட்ஸ்கிரீன் மற்றும் பெரிய டேங்க் கவசங்கள் ஆகியவை அதன் ஏரோடைனமிக் செயல்திறனை மேம்படுத்துகின்றன. பின்புறம் அலுமினியம் கேரியர் மற்றும் எல்.ஈ.டி விளக்கு அமைப்பு ஆகியவற்றைக் கொண்டுள்ளது. இவை அட்வென்சர் பைக்குகளுக்கான தோற்றத்தை நிறைவு செய்கிறது.

5.0-இன்ச் TFT பேனலில் ஸ்பீடோமீட்டர், டேகோமீட்டர், கியர்-பொசிஷன் இண்டிகேட்டர், ஃப்யூவல் கேஜ், நுகர்வுத் தரவு, சவாரி முறைகள், இன்ஜின் அளவுருக்கள் உள்ளிட்ட அத்தியாவசிய தரவுகள் கிடைக்கின்றன.  டிஸ்பிளே ரைடரின் விருப்பங்களுக்கு ஏற்ப தனிப்பயனாக்கக்கூடியது.

ஹோண்டா ஸ்மார்ட்போன் வாய்ஸ் கண்ட்ரோல் சிஸ்டம் (HSVCs) மோட்டார்சைக்கிளுடன் தடையின்றி ஒருங்கிணைக்கிறது. பயணத்தின் போது அழைப்புகள், செய்திகள், இசை மற்றும் வழிசெலுத்தலின் குரல் மேலாண்மையை நிர்வகிக்கிறது.  அவசர நிறுத்த சிக்னல் செயல்பாடு மற்றும் தானியங்கி டர்ன் சிக்னல் ரத்து செய்வது ஆகியவை பாதுகாப்பு அம்சங்களாக உள்ளன.

இதர அம்சங்கள்:

ஸ்போக்குகள் பொருத்தப்பட்ட 21-இன்ச் முன் சக்கரத்தையும் மற்றும் 18-இன்ச் பின்புற சக்கரத்தையும் கொண்டுள்ளது. முன்பக்கத்தில் ஹைட்ராலிக் 2-பிஸ்டன் காலிப்பர்கள் கொண்ட இரட்டை 310 மிமீ அலை டிஸ்க்குகள் மற்றும் பின்புறத்தில் 1-பாட் காலிபர் கொண்ட 256 மிமீ ஒற்றை டிஸ்க் மூலம் பிரேக்கிங் வசதி செய்யப்பட்டுள்ளது. இதில் டூயல்-சேனல் ஏபிஎஸ் தரநிலையாக உள்ளது.

விலை விவரங்கள்:

புதிய ஹோண்டா XL750 Transalp மாடலின் விலை இந்திய சந்தையில், ரூ. 10,99,990  என நிர்ணயம் செய்யப்பட்டுள்ளது. ராஸ் ஒயிட் மற்றும் மேட் பாலிஸ்டிக் பிளாக் ஆகிய இரண்டு நிறங்களில் இந்த பைக் கிடைக்கிறது.  குருகிராம் (ஹரியானா), மும்பை (மகாராஷ்டிரா), பெங்களூரு (கர்நாடகா), இந்தூர் (மத்தியப் பிரதேசம்), கொச்சி (கேரளா), ஐதராபாத் (தெலங்கானா), சென்னை (தமிழ்நாடு) மற்றும் கொல்கத்தா (மேற்கு வங்கம்). ஆகிய இடங்களில் உள்ள ஹீரோ மோட்டார்ஸின்  பிரத்யேக பிக்விங் டாப்லைன் டீலர்ஷிப்களில் முதல் 100 வாடிக்கையாளர்களுக்கான முன்பதிவு இப்போது தொடங்கியுள்ளது. அடுத்த மாதமே இந்த வாகனத்தின் டெலிவரி தொடங்கும் எனவும் கூறப்பட்டுள்ளது.

Car loan Information: