CNG Cars Mileage: பட்ஜெட்டில் 34 கிமீ மைலேஜ் - கம்மி விலையில் ஓட்ட சிறந்த சிஎன்ஜி கார்களின் லிஸ்ட் இதோ..!

CNG Cars Mileage: இந்திய ஆட்டோமொபைல் சந்தையில் 34 கிமீ மைலேஜ் வழங்கக்கூடிய சிஎன்ஜி கார்களின் விவரங்கள் கீழே பட்டியலிடப்பட்டுள்ளன.

CNG Cars Mileage: இந்திய ஆட்டோமொபைல் சந்தையில் குறைந்த விலையில், அதிக மைலேஜ் தரக்கூடிய சிஎன்ஜி கார்களின் விவரங்களை இந்த தொகுப்பில் அறியலாம்.

சிஎன்ஜி கார்கள்:

பெட்ரோல் விலை லிட்டருக்கு 100 ரூபாய்க்கும் அதிகமாக இருக்கும் சூழலில், சந்தையில் சிஎன்ஜி மற்றும் இரட்டை எரிபொருள் தன்மையில் இயங்கும் கார்கள் பொதுமக்களால் அதிகளவில் ஏற்றுக்கொள்ளப்படுகின்றன. கடந்த நிதியாண்டில் 4.3 லட்சத்துக்கும் அதிகமான இரட்டை எரிபொருள் அம்சம் கொண்ட பயணிகள் கார்களை விற்பனை செய்து இந்த பட்டியலில் மாருதி சுசூகி முன்னணியில் உள்ளது. ஹுண்டாய் மற்றும் டாடா மோட்டார்ஸ் ஆகியவையும் இந்த பிரிவில் வலுவான விற்பனையை பதிவு செய்துள்ளன. நீங்கள் CNG-ஆற்றல் கொண்ட காரை வாங்கத் திட்டமிட்டிருந்தால், அதிகபட்சமாக விற்பனை செய்யப்பட்ட மைலேஜ் மதிப்பீட்டின் அடிப்படையில் உங்களுக்கான சிறந்த சில விருப்பங்கள் கீழே பட்டியலிடப்பட்டுள்ளன.

சிறந்த மைலேஜ் கொண்ட சிஎன்ஜி கார்கள்:

5. மாருதி சுசூகி டிசைர்:

ஃப்ளீட் ஆபரேட்டர்களால் மிகவும் விரும்பப்படும் வாகனங்களில் ஒன்றான மாருதி சுசூகி டிசைர் சிஎன்ஜி வடிவில், ஒரு கிலோவிற்கு 31.12 கிலோ மீட்டர் மைலேஜ் வழங்கும். சிஎன்ஜி வேரியண்டின் விலை ரூ.8.44 லட்சம் முதல் ரூ.9.12 லட்சம் வரை (எக்ஸ்-ஷோரூம்) நிர்ணயிக்கப்பட்டுள்ளது. இதில் 1.2 லிட்டர் கே-சீரிஸ் பெட்ரோல் இன்ஜின் ஆப்ஷன் உள்ளது. அடுத்த சில தினங்களில் மாருதி டிசைரின் அப்டேடட் வெர்ஷன் இந்திய சந்தையில் அறிமுகப்படுத்தப்பட உள்ளது குறிப்பிடத்தக்கது.

4. மாருதி சுசுகி எஸ்-பிரஸ்ஸோ:

மாருதி சுசூகி எஸ்-பிரெஸ்ஸோ CNG வேரியண்ட்ல் ஒரு கிலோவிற்கு 32.73 கிலோ மீட்டர் என்ற கவர்ச்சிகரமான செயல்திறனை கொண்டுள்ளது. S-Presso 1-லிட்டர் K-சீரிஸ் பெட்ரோல் இன்ஜின் மூலம் இயக்கப்படுகிறது. இரண்டு டிரிம்களில் கிடைக்கும், எஸ்-பிரஸ்ஸோ சிஎன்ஜியின் விலை ரூ. 5.91 லட்சம் முதல் ரூ.6.11 லட்சம் வரை (எக்ஸ்-ஷோரூம்) நிர்ணயிக்கப்பட்டுள்ளது.

3. மாருதி சுசூகி ஆல்டோ கே10:

மாருதி சுசூகியின் விலை குறைந்த கார் பட்டியலில் மூன்றாவது இடத்தில் உள்ளது ஆல்டோ கே10 எடிஷன் கார் மாடல். இதுவும் 1-லிட்டர், K-சீரிஸ் இன்ஜினை S-Presso, WagonR மற்றும் Celerio உடன் பகிர்ந்து கொள்கிறது. சிஎன்ஜி வகைகளின் விலை ரூ.5.73 லட்சம் முதல் ரூ.5.96 லட்சம் (எக்ஸ்-ஷோரூம்) வரை நிர்ணயிக்கப்பட்டுள்ளது. CNG வேரியண்டில் ஒரு கிலோவிற்கு 33.85 கிலோ  மீட்டர் மைலேஜ் வழங்கும் திறனை கொண்டுள்ளது.

2. மாருதி சுசுகி வேகன்ஆர்:

டால்பாய் டிசைன்ட் வேகன்ஆர் ஒரு கிலோவிற்கு 34.05 கிலோ மீட்டர் என்ற மைலேஜுடன், இந்த பட்டியலில் இரண்டாவது இடத்தில் உள்ளது. வேகன்ஆர் சிஎன்ஜியின் விலை ரூ.6.44 லட்சம் முதல் ரூ.6.89 லட்சம் வரை (எக்ஸ்-ஷோரூம்) நிர்ணயிக்கப்பட்டுள்ளது. இதிலும், அதே 1-லிட்டர் K-சீரிஸ் பெட்ரோல் இன்ஜின் தான் பொருத்தப்பட்டுள்ளது.

1. மாருதி சுசுகி செலிரியோ:

இரண்டு வகையான எரிபொருளில் இயங்கும் திறன் கொண்ட செலிரியோ ஒரே டிரிமில் கிடைக்கிறது. இதன் விலை ரூ.6.73 லட்சம் (எக்ஸ்-ஷோரூம்) என நிர்ணயிக்கப்பட்டுள்ளது. சிக்கனமான அதே சமயம் சுவாரஸ்யமாக இருக்கும் அதே 1-லிட்டர் K-சீரிஸ் இன்ஜினை தான் இதுவும் பெறுகிறது. இந்த வாகனத்தின் எரிபொருள் திறன் சிஎன்ஜி எடிஷனில் அதிகபட்சமாக 34.43 கிமீ/கிலோ ஆக உள்ளது.

Car loan Information: