ஏடிஎம்-ல் பணம் வராம அக்கவுண்ட்ல இருந்து பணம் எடுத்த மாதிரி மேசேஜ் வந்துவிட்டால் என்ன செய்யணும்.?

பணத்தை ஏடிஎம் மூலம் எடுக்கும்போது, பணம் கழிக்கப்பட்டது, ஆனால் கணக்கில் பணம் வரவில்லை, பரிவர்த்தனை செய்திக்கான செய்தியும் வந்துவிட்டது என்றால், கவலைப்பட வேண்டாம்.

ஆர்பிஐ விதிகளின்படி, வங்கிகள் தோல்வியுற்ற பரிவர்த்தனைகளுக்கான பணத்தை விரைவில் திருப்பித் தர வேண்டும்.

பணத்தை ஏடிஎம் மூலம் எடுத்தபோது, பணம் கட் ஆகி, பரிவர்த்தனை பற்றிய குறுஞ்செய்தி வந்தால், T+5 நாட்களுக்குள் வங்கியில் பணத்தை திரும்பப் பெற வேண்டும்.

இதில் T என்பது பரிவர்த்தனை செய்யப்பட்ட நாளைக் குறிக்கிறது. இதனுடன் வரும் 5 வேலை நாட்களில் பணம் உங்கள் கணக்கில் வரவு வைக்கப்படும்.

இந்த நடைமுறை தானாகவே நடக்க வேண்டும். நீங்கள் வங்கியை சுற்றி வர வேண்டிய அவசியம் இல்லை.

உங்கள் பணம் 5 நாட்களுக்குள் வங்கியில் வரவில்லை என்றால், வங்கி 6-வது நாள் முதல் ஒரு நாளைக்கு 100 ரூபாய் அபராதம் செலுத்த வேண்டும்.

தண்டனை பெறுவதற்கு, புகார் அளித்தவர் 30 நாட்களுக்குள் புகார் செய்திருக்க வேண்டும்.

RBI-ன் விதியின்படி, நீங்கள் வேறொரு வங்கியின் ஏடிஎம்மைப் பயன்படுத்தியிருந்தாலும், பணம் பிடித்தம் செய்யப்பட்டால் அதைத் திருப்பித் தர வேண்டும்.

இன்றைய காலகட்டத்தில், பெரும்பாலான வங்கிகள் செயலி மற்றும் இணையதளங்களிலும் புகார் பதிவு செய்யும் வசதியை வழங்குகின்றன.