வாட்ஸப், டெலிகிராம், ஃபேஸ்புக்கில் 'ஸ்டாக் மார்க்கெட் டிப்ஸ்' அல்லது 'பெரிய லாபங்கள்' என்று குழுக்களில் சேர்த்தால் உடனடியாக வெளியே வந்துவிடுங்கள்.

முதலீடு செய்யும் செயலி அல்லது நிறுவனம் கண்டிப்பாக செபி (SEBI) யில் பதிவு செய்யப்பட்டதா என சரிபார்க்கவும்.

ஒரு நாளிலேயே பணம் இரட்டிப்பாகும் அல்லது ஒரு மாதத்தில் 50% லாபம் போன்ற சலுகைகளை வழங்குபவர்கள் அனைவரும் மோசடி பேர்வழிகளே.

குற்றவாளிகள் அனுப்பும் இணைப்புகள் மூலம் ஏதேனும் APK கோப்புகளை அல்லது அறிமுகமில்லாத செயலிகளை நிறுவ வேண்டாம்.

தனிப்பட்ட கணக்குகளுக்கு பணத்தை மாற்ற வேண்டாம் வர்த்தகத்திற்காக நீங்கள் அனுப்பும் பணம் எப்போதும் ஒரு கார்ப்பரேட் நிறுவனத்தின் கணக்கிற்கு செல்ல வேண்டும்.

உங்கள் லாபத்தை திரும்பப் பெற மீண்டும் 'வரி' அல்லது 'சேவைக் கட்டணம்' கேட்டால் ஏமாற்றப்பட்டீர்கள் என்று அர்த்தம்.

திரை பகிர்வு செயலிகள் வேண்டாம். AnyDesk அல்லது TeamViewer போன்ற திரை பகிர்வு செயலிகளை பதிவிறக்கம் செய்யுமாறு சைபர் குற்றவாளிகள் கேட்பார்கள்.

குற்றவாளிகள் பிரபலமான வர்த்தக நிறுவனங்களின் பெயர்களைப் பயன்படுத்தி போலி இணையதளங்களை உருவாக்குகிறார்கள். அந்த இணையதள முகவரியின் (URL) எழுத்துக்கூட்டலை கவனமாக சரிபார்க்கவும்.

வங்கி பரிவர்த்தனைகளை செய்யும் போது பொது இடங்களில் உள்ள இலவச வைஃபையை பயன்படுத்துவது பாதுகாப்பானது அல்ல.

ஏமாற்றப்பட்டீர்கள் என்று தெரிந்தால் சிறிதும் தாமதிக்காமல் 1930 என்ற சைபர் கிரைம் ஹெல்ப்லைன் எண்ணில் அல்லது wwwcybercrimegovin போர்ட்டலில் புகார் செய்யுங்கள்.