Tirupati Accident News | திருப்பதி சென்ற குடும்பம் சுற்றுலாவில் நேர்ந்த சோகம் பதற வைக்கும் காட்சி

 திருப்பதி சென்ற குடும்பம் சுற்றுலாவில் நேர்ந்த சோகம் பதற வைக்கும் காட்சி 

திருப்பதி அருகே சாலை நடுவே உள்ள தடுப்பு சுவரில் கார் மோதிய கோர விபத்தில் 4 பேர் உயிரிழந்துள்ளனர். விபத்து நடந்த காட்சி வெளியாகி அதிர்சியடைய வைத்துள்ளது.

ஆந்திரா மாநிலம், நெல்லூர் இந்துகூர்பேட்டையைச் சேர்ந்தவர்கள் திருப்பதி கோவிலுக்கு காரில் சென்றுள்னர். இதன் பின் அவர்கள் சித்தூர் மாவட்டம், காணிப்பாக்கத்தில் உள்ள வரசித்தி விநாயகர் கோவிலுக்கு காரில் புறப்பட்டுச் சென்ற போது கார் சந்திரகிரி மண்டலம்,  அருகே இன்று அதிகாலை தேசிய நெடுஞ்சாலையில் உள்ள தடுப்புச்சுவரில் பயங்கரமாக மோதியது.

இதில் கார் முன்பகுதி முற்றிலும் சேதமடைந்து காரில் இருந்த 4 பேர் உடல் நசுங்கி சம்பவ இடத்திலேயே உயிரிழந்தனர். மேலும் காரில் பயணம் செய்த இருவர் படுகாயமடைந்தனர். அவர்களில் ஒருவரின் நிலைமை கவலைக்கிடமாக உள்ளது.

இந்த விபத்து குறித்து தகவல் அறிந்து வந்த போலீசார் மற்றும் மீட்புப்படையினர் விபத்தில் சிக்கியவர்களை மீட்டு திருப்பதியில் உள்ள தனியார் மருத்துவமனைக்கு அனுப்பி வைத்தனர். மேலும் விபத்தில் உயிரிழந்தவர்களின் உடல்களை பிரேத பரிசோதனைக்கு அனுப்பி வைத்துள்ளனர். இந்த விபத்து காரணாக அப்பகுதியில் சிறிது நேரம் பரபரப்பு நிலவியது.