DMK Maanadu | ”சுடச்சுட பிரியாணி, சிக்கன் 65” கனிமொழி தடபுடல் ஏற்பாடு! மகளிரணி மாநாட்டில் அசத்தல்

தஞ்சையில் நடைபெறும் திமு வின் டெல்டா மண்டல மகளிர் மாநாட்டிற்கு வருகை தரும் பெண்களுக்கு வழங்க சுடச்சட  மட்டன் பிரியாணியும் சிக்கன் 65-உம் தயாராகும் காட்சிகள் இணையத்தில் வைரலாகி வருகிறது..

தஞ்சை மாவட்டம் செங்கிப்பட்டியில் டெல்டா மண்டல திமுக மகளிர் அணி மாநாடு முதல்வர் ஸ்டாலின் தலைமையில் மாலை நடைபெறுகிறது.

 இதில் தஞ்சை திருச்சி திருவாரூர் நாகை புதுக்கோட்டை அரியலூர் பெரம்பலூர் கடலூர் மயிலாடுதுறை உள்பட 15  மாவட்டங்களை சேர்ந்த 46 சட்டமன்ற தொகுதியிலிருந்து ஒரு லட்சத்து 25 ஆயிரம் பெண்கள் கலந்து கொள்ள உள்ளனர். 

மாநாட்டிற்கு வரும் அனைவருக்கும் மதிய உணவாக வழங்கும் வகையில் 2500 கிலோ ஆடு 2500 கிலோ கோழிக்கறியுடன் மட்டன் பிரியாணி சிக்கன் 65 முட்டை தால்சா என கமகமக்கும் கறி விருந்து தயார் செய்யப்பட்டு ஹாட் பாக்ஸ்களில் பேக் செய்யப்படுகிறது.

இப்பணியில் சுமார் 200 பணியாளர்கள் ஈடுபட்டுள்ளனர். இந்நிலையில் கமகமக்கும் மட்டன் பிரியாணி தயாராகும் வீடியோ காட்சிகள் வெளியாகி உள்ளது. வெல்லும் தமிழ் பெண்கள் மாநாட்டிற்கான ஏற்பாடுகளை செய்து அசத்தியிருக்கிறார் எம்.பி கனிமொழி.