TRB Raja: யங் மேன் என அழைத்த ஜெ! போஸ்டிங் கொடுத்த திமுக.. டிஆர்பி ராஜாவின் கதை!
TRB Raja: நாமெல்லாம் எதிர்பார்த்தபடியே திமுக ஐடி விங்கின் செயலாளராக டி.ஆர்.பி.ராஜாவை நியமித்திருக்கிறது திமுக தலைமை. கடந்த 2017ல் உருவாக்கப்பட்ட திமுக ஐடிவிங்கின் செயலாளராக நிதியமைச்சர் பி.டி.ஆர்.பழனிவேல் தியாகராஜனை நியமித்திருந்தது. அவரது தலைமையிலான ஐடி விங் இரண்டு தேர்தல்களை சந்தித்தது. தேர்தல் வெற்றிக்குப் பிறகு ஐடி விங் செயலாளராக இருந்த பழனிவேல் தியாகராஜனுக்கு நிதியமைச்சர் பொறுப்பு வழங்கப்பட்டது. அதனால் அவரது பணிச்சுமை காரணமாக ஐடி விங் பொறுப்பிலிருந்து ராஜினாமா செய்துவிட்டதாகவும், அந்த பொறுப்பு டி.ஆர்.பி.ராஜாவுக்கு வழங்கப்படவிருப்பதாகவும் தகவல்கள் வெளியாகியிருந்தது. பி.டி.ஆர் ராஜினாமா செய்ததன் பின்னணி என்ன என்று நாம் ஏற்கனவே அலசியிருந்தோம். அதில் ஐடி விங் செயலாளராக டி.ஆர்பி ராஜாவை நியமித்துவிட்டதாகவும் முறைப்படி அறிவிக்கவேண்டியது மட்டும் தான் பாக்கி என்று சொல்லியிருந்தோம். நாம் எதிர்பார்த்தது போன்றே டி.ஆர்.பி ராஜாவை ஐடி விங் செயலாளராக அதிகாரப்பூர்வமாக அறிவித்துவிட்டது திமுக தலைமை.