Vijay Banner | சிறுவன் மீது சரிந்த விஜய் பேனர் பரபரப்பு CCTV காட்சி
Download ABP Live App and Watch All Latest Videos
View In Appகள்ளக்குறிச்சி அருகே சின்னசேலத்தில் நடிகரும் தமிழக வெற்றிக் கழகத்தின் தலைவருமான விஜயின் பிறந்தநாள் விழாவிற்கு வைக்கப்பட்ட டிஜிட்டல் பேனர் காற்றில் சாய்ந்து விழுந்ததில் அதில் ஒரு 10 வயது சிறுவன் மாட்டிக் கொண்டான். அக்கம் பக்கத்தில் இருந்தவர்கள் ஓடி சென்று சிறுவனை காப்பாற்றிய சம்பவம் அங்கு பரபரப்பை ஏற்படுத்தியது.
கள்ளக்குறிச்சி மாவட்டம் சின்னசேலத்தில் விஜயபுரம் என்ற பகுதிக்கு செல்லும் வழியில் நடிகரும் தமிழக வெற்றிக் கழகத்தின் தலைவருமான விஜய்க்கு பிறந்தநாள் விழா பேனரை அவரது ரசிகர்களான தொண்டர்கள் வைத்திருந்தனர். நேற்று மாலை மழை பெய்வதற்கு முன்பாக பலத்த காற்று வீசியது அப்போது அங்கு வைக்கப்பட்டிருந்த பெரிய அளவிலான அந்த டிஜிட்டல் பேனர் காற்றின் வேகத்தில் நிற்க முடியாமல் கீழே சாய்ந்தது.
டிஜிட்டல் பேனர் சாய்கின்ற போது அங்கு நடந்து சென்று கொண்டிருந்த 10 வயது சிறுவன் மேல் விழுந்தது. நல்ல வேலையாக பேனர் சிறுவன் மீது விழுந்த போது அதே இடத்தில் ஒரு இரு சக்கர வாகனமும் நின்று கொண்டிருந்தது. சிறுவன் மீதும் இருசக்கர வாகனத்தின் மீதும் அந்த டிஜிட்டல் பேனர் விழுந்ததால் இருசக்கர வாகனத்தின் உதவியால் அந்த சிறுவனுக்கு காயங்கள் ஏதும் ஏற்படவில்லை. டிஜிட்டல் பேனர் விழுந்ததைக் கண்ட அருகில் இருந்தவர்கள் ஓடி சென்று அதை தூக்கி அதன் அடியில் சிக்கிக் கொண்ட சிறுவனை மீட்டனர்.
சிறுவன் காயங்கள் இன்றி தப்பி வீட்டிற்கு சென்றான். கடந்த மூன்று தினங்களுக்கு முன்னர் வைக்கப்பட்ட டிஜிட்டல் பேனர் தொடர்ந்து அதே இடத்தில் அகற்றப்படாமல் இருந்ததால் காற்றின் வேகத்தில் அது சாய்ந்து சிறு விபத்தை ஏற்படுத்தியது.