BJP Annamalai Interview: அதிமுகவில் சசிகலாவா? சிக்னல் கொடுத்த அண்ணாமலை

BJP Annamalai Interview: தமிழ்நாட்டில் கடந்த பிப்ரவரி 19ஆம் தேதி நடந்து முடிந்த நகர்ப்புற உள்ளாட்சித் தேர்தலில் பா.ஜ.க தனித்துப்போட்டியிட்டது. `அ.தி.மு.க உடன் நடத்திய இடப் பங்கீடு தொடர்பான பேச்சு வார்த்தை வெற்றியடையாத காரணத்தால், பாஜகவினரும் அதிக இடங்களில் போட்டியிட விரும்பியதால் இந்த முடிவு எடுக்கப்பட்டதாக பாரதிய ஜனதா கட்சியின் மாநில தலைவர் அண்ணாமலை தெரிவித்திருந்தார். ஆனால், தேர்தல் முடிவுகள் பாஜகவிற்கு எதிர்பார்த்த மகிழ்ச்சியை வழங்கவில்லை. பாஜக சார்பில் சட்டமன்ற உறுப்பினராக இருக்கும் வானதி சீனிவாசன் தொகுதியான கோயம்புத்தூரில் கட்சி பெரும் தோல்விதான் மிஞ்சியது. இருப்பினும், பாஜக கட்சி நகர்புற உள்ளாட்சி தேர்தலில் வெற்றி பெற்றிருக்கும் இடங்கள் நம்பிக்கை அளிப்பதாக மாநில தலைவர் கே.அண்ணாமலை தெரிவித்துள்ளார்.