OPS ADMK Alliance | TTV-க்கு பாஜக கொடுத்த TASK! கூட்டணிக்கு வருகிறாரா OPS? குக்கர் சின்னத்தில் போட்டி?
OPS-ஐ கூட்டணிக்குள் கொண்டு வந்தே ஆக வேண்டும் என அசைன்மெண்ட் ஒன்றை TTV கையில் ஒப்படைத்துள்ளது பாஜக. அமமுகவின் குக்கர் சின்னத்தில் OPS-ஐ போட்டியிட வைக்கும் கணக்கையும் பாஜக போட்டுள்ளதாகவும், இன்னும் ஒரு வாரத்தில் OPS முடிவெடுக்க உள்ளதாகவும் தகவல் வெளியாகியுள்ளது.
அதிமுக வாக்குகளை சிதறாமல் திரட்ட படிப்படியாக காய் நகர்த்தி வரும் பாஜக, எடப்பாடி பழனிசாமியை முன்னிலைப்படுத்தும் கூட்டணியில் இருக்க மாட்டேன் எனக் கூறிவந்த TTV தினகரனை முதற்கட்டமாக NDA கூட்டணிக்குள் கொண்டுவந்தது. அடுத்ததாக, நாளுக்கு நாள் இலையுதிர்ந்து தனிமரமாக நிற்கும் ஓபிஎஸ்-ஸையும் கூட்டணிக்குள் கொண்டு வர பாஜக ஆட்டத்தைத் தொடங்கியிருக்கிறது. இதற்கான அசைன்மென்ட்டை TTV தினகரனிடம் பாஜக ஒப்படைத்திருப்பதாகவும் கூறப்படுகிறது. TTV தினகரனின் அடுத்தடுத்த செய்தியாளர் சந்திப்பை பார்த்தாலே அதன் பின்னணி புரிந்துவிடும். தேனி செய்தியாளர்கள் சந்திப்பில் பேசிய TTV தினகரன், ``ஓபிஎஸ் சரியான முடிவை எடுப்பார். அவரின் உயர்வில் எனக்கும் சிறு பங்கு இருக்கிறது. யார் பேச்சையோ கேட்டுக் தர்மயுத்தம் நடத்திய ஓபிஎஸ், அன்னைக்கு ஒருவாரம் பொறுத்திருந்தால் மீண்டும் முதல்வராகியிருப்பார்" என்று கூட்டணி அழைப்பு விடுத்தார்.
அதைத்தொடர்ந்து, மதுரை செய்தியாளர்கள் சந்திப்பில், ``அம்மாவின் ஆட்சி அமைவதற்கு அண்ணன் ஓபிஎஸ் எங்களுடன் இருக்க வேண்டும். ஓபிஎஸ்ஸுக்கும் எடப்பாடிக்கும் இடையே சட்ட ரீதியாக பிரச்னை இருக்கும்போது எப்படி சேர்வது என அவருக்கே தர்மசங்கடம் இருக்கும்" என்று கூறினார்.
இந்த நிலையில் ஓபிஎஸ்ஸை உள்ளே கொண்டு வருவதில் அதிமுக-விடம் பாஜக ஓகே வாங்கிவிட்டதாகத் தகவல் வெளியாகியிருக்கிறது. அதோடு ஏற்கெனவே, தாமரை சின்னத்தில் அவரைப் போட்டியிட வைக்கலாம் என்று பாஜக அணுகியபோது சில காரணங்களால் அவர் மறுத்ததால், TTV தினகரன் மூலம் அடுத்த முயற்சி தொடங்கப்பட்டிருக்கிறது. அதாவது, அமமுக-வின் குக்கர் சின்னத்தில் ஓபிஎஸ்ஸை நிற்கவைக்கலாம் என்ற திட்டத்தோடு அவரைக் கூட்டணிக்குள் கொண்டு வர TTV தினகரனுக்கு பாஜக மேலிடம் டாஸ்க் கொடுத்துள்ளதாக அரசியல் வட்டாரங்களில் பேசப்படுகிறது. இப்போதைய சூழலில் ஓபிஎஸ்ஸால் திமுக பக்கம் செல்ல முடியாது. அதிமுக-வை ஊழல் கட்சி என்று விஜய்யும் விமர்சித்து வருவதால் அந்தபக்கமும் ஓபிஎஸ் செல்வதற்கான வாய்ப்புகள் குறைவு. அதனால் அதிமுக கூட்டணி பக்கம் வருவதற்கான முடிவையே அவர் எடுப்பார் என அதிமுக மற்றும் அமமுக தொண்டர்கள் நம்பிக்கையுடன் சொல்கின்றனர். இன்னும் ஒரு வாரத்தில் ஓபிஎஸ் தனது முடிவை அறிவிப்பார் என அரசியல் வட்டாரத்தில் பேச்சு இருக்கிறது.