BJP Cadre issue : ”மன்னிப்பு கேட்டுட்டு போ” பாஜக நிர்வாகி பாலியல் தொல்லை? சுற்றிவளைத்த மக்கள்

ஜோலார்பேட்டை அருகே பெண்ணிடம் பாஜக மாவட்ட செயற்குழு உறுப்பினர் பாலியல் சீண்டலில்  ஈடுபட்டுள்ளார்.  அவரை துரத்தி பிடித்த இளைஞர்கள் பாஜக நிர்வாகியை மன்னிப்பு கேட்க வைக்கும் வீடியோ சமூக வலைதளங்களில் வைரலாகி பரபரப்பை ஏற்படுத்தியுள்ளது.

திருப்பத்தூர் மாவட்டம் ஜோலார்பேட்டை அடுத்த ஏலகிரி கிராமம் காளி மகன் சரவணன். இவர் பாஜகவில் மாவட்ட செயற்குழு உறுப்பினராக உள்ளார். இந்த நிலையில் நேற்று ஐஸ்வரியம் கார்டன் பகுதியில் உள்ள தனியார் கல்லூரியில் பயின்று வரும்  பெண் அந்த வழியாக வரும்போது பாலியல் சீண்டலில் ஈடுபட்டுள்ளார். அதன் பின்பு அங்கிருந்து தப்பி சென்றதாக தெரிகிறது. 

இதனையடுத்து அந்த பெண் கொடுத்த தகவலின் பெயரில் அப்பகுதி  இளைஞர்கள் இருசக்கர வாகனத்தில் துரத்தி பிடித்த போது அவர் பாஜக மாவட்ட செயற்குழு உறுப்பினர் சரவணனை என தெரியவந்துள்ளது. பின் அவரரை அந்த பெண்ணிடம் கையெடுத்து கும்பிட்டு மன்னிப்பு கேட்க வைத்துள்ளனர். இதனை அந்த இளைஞர்கள் வீடியோவாக பதிவு செய்து சமூக வலைதளங்களில் பரவ செய்தனர். தற்போது அந்த வீடியோ சமூக வலைதளங்கள் மிக வேகமாக பரவி வருகிறது. 

பாஜக மாவட்ட செயற்குழு உறுப்பினர் பெண்ணிடம் பாலியல் சீண்டலில் ஈடுபட்டு இளைஞர்கள் மன்னிப்பு கேட்க வைக்கும் செயல் பெரும் பரபரப்பு ஏற்படுத்தி உள்ளது.