Woman Police Attack | ”நீ எவன்ட வேணா சொல்லு”பெண் போலீஸ் மீது தாக்குதல்..நடுரோட்டில் பரபரப்பு

மதுரையில் சாலையில் பட்ட பகலில் பொது இடத்தில் வைத்து பெண் காவலரை ஒரு நபர் தாக்கும் வீடியோ மூகவலைதளங்களில் வெளியாகி பரபரப்பை ஏற்படுத்தியுள்ளது.. 

மதுரை மாநகர் தல்லாகுளம் பகுதியில் பெண் காவலர் ஒருவர் சாலையோரம் நின்று கொண்டிருந்த நிலையில் பைக்கில் அங்கு வந்த நபர் ஒருவர் திடீரென சாலையில் பொது இடத்தில் வைத்து பெண் காவலரை தாக்கியதாக தெரிகிறது. இதனை கண்ட இளைஞர் ஒருவர் அதனை தட்டி கேட்கும் வகையில் நானும் STAFF தான் என சொல்லி அதனை வீடியோவாக பதிவு செய்துள்ளார். 

இதனையடுத்து நான் 100க்கு போன் செய்து புகார் அளிப்பேன் வீடியோ பதிவு செய்த நபர்  கூறுவதும் நீ எங்குவேண்டுமானாலும் சொல்லிக்கொள் என கூறியபடி  அந்த நபர் பெண்காவலரை தனது பைக்கில் அழைத்துசெல்கிறார். 

அப்போது இவரைப்போன்ற கணவனோடு வாழ்வதற்கு சும்மாவே இருந்துவிடலாம் என கூறும் அந்த இளைஞர் இந்த வீடியோவை தனது சமூக வலைதளங்களில் வெளியிட்டுள்ளது சர்ச்சையை ஏற்படுத்தியுள்ளது.

பெண்காவலருடன் வாக்குவாதம் செய்த நபர் அவருடைய கணவராக இருக்கலாம் என தெரியவரும் நிலையில், பெண் போலீசுக்கே நடு ரோட்டில் இப்படி ஒரு நிலையா என்று பலர் கேள்வி எழுப்பி வருகின்றனர்