SHIFT ஆகும் CM விஜய் அலுவலகம்.. BEACH VIEW உடன் புதிய OFFICE

தமிழக அரசின் தலைமைச் செயலகத்தில் செயல்பட்டு வரும் முதலமைச்சர் விஜய்யின் அலுவலகம், Beach View-வுடன் கூடிய புதிய இடத்துக்கு மாற்றும் பணிகள் தீவிரமாக நடைபெற்றுவருகிறது.

சென்னையில் செயல்பட்டு வரும் தலைமைச் செயலக வளாகத்தில் இரண்டு பிரதான கட்டிடங்கள் உள்ளன. இதில், பிரதான கட்டிடமான புனித செயின்ட் ஜார்ஜ் கோட்டையில் முதலமைச்சர் அலுவலகம் செயல்பட்டு வருகிறது.

இதே கட்டிடத்தில்தான் அமைச்சர்களுக்கான அலுவலக அறைகளும் உள்ளது. மற்றொரு கட்டிடம் 10 அடுக்குமாடிகள் கொண்ட நாமக்கல் கவிஞர் மாளிகை.

இந்த நிலையில், பிரதான கட்டிடத்தில் இடநெருக்கடி, மக்களின் வருகை அதிகரிப்பு, வாகன நிறுத்துமிட வசதி குறைபாடு ஆகிய காரணங்களால், முதலமைச்சர் அலுவலகம் மற்றும் அவரின் செயலாளர்கள் அலுவலகம் நாமக்கல் கவிஞர் மாளிகைக்கு மாற்றப்படுவதாகத் தகவல் வெளியாகியுள்ளது.

நாமக்கல் கவிஞர் மாளிகையின் 10-வது தளத்தில் உள்ள பெரிய மாநாடு கூடம் மற்றும் உணவகப் பகுதியை முதலமைச்சர் அலுவலகமாக மாற்றப்படுவதாகக் கூறப்படுகிறது. இந்த நிலையில் இடமாற்ற வேலைகள் தொடர்பான சில வீடியோக்கள் தற்போது வெளியாகியுள்ளன.

இப்பணிகள் தீவிரமாக நடைபெற்றுவரும் நிலையில், ஆகஸ்ட் மாதத்திற்குள் அலுவலக மாற்ற வேலைகள் முடிந்துவிடும் என்று கூறப்படுகிறது.

எனவே பிரதான கட்டிடத்திலிருந்து நாமக்கல் கவிஞர் மாளிகைக்கு விஜய் மாறும் பட்சத்தில், பாரம்பர்ய கட்டிடத்திலிருந்து வேறு இடத்துக்கு அலுவலகத்தை மாற்றிய முதல் முதலமைச்சர் விஜய் தான் என்பது குறிப்பிடத்தக்கது.

JOIN US ON

Whatsapp
Telegram
Sponsored Links by Taboola