விழி கவரும் இயற்கை விசித்திரம்: தஞ்சை அருகே பூத்துக் குலுங்கும் 'கூந்தல் பனை'!

Viral Video: வீடியோ காலில் தந்தையின் இறுதிச்சடங்கு..! “எப்ப முடியும்? குளிச்சிட்டு, சாப்டனும்” மகள்களின் வீடியோ

குலசேகரன் முனிரத்தினம் — Thu, 6 Aug 2026 11:21:09 +0530

Viral Video: முதியோர் இல்லத்தில் உயிரிழந்த தந்தையின் இறுதிச்சடங்கில் கூட பங்கேற்காத மகள்களை நெட்டிசன்கள் கடுமையாக விமர்சித்து வருகின்றனர்.

முதியோர் இல்லத்தில் உயிரிழந்த தந்தை:

பெற்றெடுத்த 3 மகள்களை படிக்க வைக்கவும், வாழ்க்கையில் ஒரு நல்ல நிலைக்கு உயர்த்தவும் தனது வாழ்நாள் முழுவதும் உழைத்த முதியவர் ஹரியானாவில் சோனிபட் எனும் பகுதியில் உள்ள முதியோர் இல்லத்தில் உயிரிழந்துள்ளார். ஆனால், அவரது இறுதிச்சடங்கில் ஒரு மகள் கூட பங்கேற்கவில்லை. மாறாக மூன்று மகள்களும் முறையே நேபாளம், உத்தரபிரதேசம் மற்று மும்பை ஆகிய பகுதிகளிலிருந்து வீடியோ கால் வாயிலாக இறுதிச்சடங்கில் பங்கேற்றனர். இதுதொடர்பான வீடியோ இணையத்தில் வைரலாக பெற்றோர்களுக்கு பிள்ளைகள் ஆற்ற வேண்டிய கடமைகள் தொடர்பான விவாதங்கள் பெரும் பேசுபொருளாக மாறியுள்ளன.

யார் இந்த முதியவர்?

மும்பையை சேர்ந்த ஜவுளி வியாபாரியான சிவசரன் ராம் ரதன் குப்தா, சோனிபட்டின் மேற்கு ராம் நகரில் உள்ள சமஜ் கல்யான் சிக்‌ஷா சமிதி எனும் முதியோர் இல்லத்தில் கடந்த ஒன்றரை ஆண்டுகளாக வசித்து வந்துள்ளார். அதே இடத்தில் அவருடன் வசித்து வந்த மனைவி மீனா ஏற்கனவே வயது மூப்பு காரணமாக உயிரிழந்துள்ளார். நீண்ட கால உடல்நல குறைபாடுகளால் பாதிக்கப்பட்டு இருந்த குப்தா, கடந்த செவ்வாயன்று அதிகாலை 3.30 மணியளவில் உயிரிழந்துள்ளார். இதையடுத்து, அவரது மகள்கள் மூன்று பேருக்கும் முதியோர் இல்ல நிர்வாகம் தகவல் தெரிவித்துள்ளது. ஆனாலும், தந்தையின் இறுதிச்சடங்கில் பங்கேற்க முடியவில்லை என மூன்று மகள்களும் தெரிவித்துள்ளனர். முதியோர் இல்ல நிர்வாகிகள் மற்றும் அக்கம்பக்கத்தினர் சேர்ந்து குப்தாவின் இறுதிச்சடங்கை மேற்கொண்டுள்ளனர். அதோடு, வீடியோ கால் வாயிலாக 3 மகள்களும் இறுதிச்சடங்கில் பங்கேற்றுள்ளனர்.

What’s even the point of life if you can’t be there for your parents’ last rites ? video from Sonipat Imagine attending the funeral of the people who raised you stood by you your whole life through a video call. No one should ever have to go through this. pic.twitter.com/qrAqOYFWzT
— Nikhil saini (@iNikhilsaini) August 5, 2026

வீடியோ கால் மூலம் இறுதிச்சடங்கில் பங்கேற்ற மகள்கள்

இதுதொடர்பாக பேசிய முதியோர் இல்ல நிர்வாகி, “குப்தாவின் உடல்நிலை மோசமடைந்து வருவது குறித்து, சுமார் 20 நாட்களுக்கு முன்பே மகள்களுக்குத் தெரிவித்தோம். ஆனாலும் தந்தையை அவரைப் பார்க்க வரவில்லை. அவரிடமிருந்த தொலைபேசி மூலம் தன் மகள்களுடன் பேசி வந்தார். அவருக்கு உடல்நிலை சரியில்லாத பிறகு, அவர்களது அழைப்புகள் நின்றுவிட்டன. குப்தா இறந்த பிறகு, நிர்வாகம் தரப்பில் மகள்களை தொடர்புகொண்டு, சோனிபட்டுக்கு வந்தால் ஏற்பாடுகள் செய்து தருவதாகக் கூறினோம். ஆனால், பயணம் செய்ய தங்களுக்கு நேரமில்லை என்று அவர்கள் கூறினர். பின்னர் மகள்கள் காணொளிக் காட்சி மூலம் இறுதிச்சடங்கில் இணைந்து, தங்கள் தந்தையின் இறுதிச் சடங்குகளைத் தொலைவிலிருந்து பார்த்தனர். நேபாளத்தில் ஆசிரியையாகப் பணிபுரியும் அனிதா, தனது தந்தையின் இறுதிச் சடங்குகள் முறையாக நடத்தப்பட வேண்டும் என்று கோரி, ஆன்லைனில் ரூ. 5,100 அனுப்பினார். தகனச் சடங்கிற்குப் பிறகு, மகள்கள் முதியோர் இல்லத்திடம் இறுதிச் சடங்கு நிகழ்வுகளின் காணொளிகளைத் தங்களுக்கு அனுப்புமாறு கேட்டனர்” என தெரிவித்தார். வீடியோ காலில் பங்கேற்ற ஒரு மகள், ”இது இன்னும் எவ்வளவு நேரம் எடுக்கும்? நாங்கள் சாப்பிடவும் குளிக்கவும் வேண்டும்" என்று கூறுவது தொடர்பான காட்சிகள் இணையதில் வைரலாகியுள்ளன.

இதையும் படியுங்கள்: Supreme Court: வீணாய் போன 22 ஆண்டுகள்..! காது கொடுக்காத நீதிமன்றங்கள், உச்சநீதிமன்றம் அதிருப்தி

கண்களை தானமாக வழங்கிய குப்தா..

குப்தாவின் மூத்த மகள் அனிதா நேபாளத்திலும், நிஷா உத்தரப் பிரதேசத்தில் உள்ள ஆசம்கரிலும், இளைய மகளான பிரியா மும்பையிலும் வசிக்கின்றனர். மூவருக்கும் திருமணமாகி, சொந்தக் குடும்பங்கள் உள்ளன. ஆரம்பத்தில் தந்தையின் அஸ்தியை பாதுகாப்பாக வைத்திருக்க கூறிய மகள்கள், பின்னர் சோனிபட்டுக்கு வர தங்களுக்கு நேரமில்லை என கூறி, முதியோர் இல்ல நிர்வாகிகளையே அஸ்தியை கங்கையில் கரைக்குமாறு கோரிக்கை விடுத்துள்ளனர். அதேநேரம், குப்தாவின் குடும்பத்தினரின் விருப்பத்திற்கு இணங்க, அவரது மரணத்திற்குப் பிறகு கண்கள் தானம் செய்யப்பட்டுள்ளன.

Car Accident: 7 பைக்குகளை முட்டி மோதிய சிறுவன், காருக்கு அடியில் சிக்கிய முதியவர் - நையப்புடைத்த பொதுமக்கள்

குலசேகரன் முனிரத்தினம் — Mon, 3 Aug 2026 10:42:07 +0530

Car Accident: சிறுவன் ஓட்டி வந்த கார் 7 பைக்குகளை முட்டி மோதியதோடு, முதியவர் ஒருவரும் தூக்கி வீசப்பட்ட சம்பவம் ஐதராபாத்தில் அரங்கேறியுள்ளது.

பயங்கர விபத்து - சிசிடிவி காட்சிகள்

ஐதராபாத் நகரின் போர்பந்தா பகுதியில் ஓட்டுனர் உரிமம் இல்லாத 17 வயது சிறுவன், மாருதி பலேனோ காரை ஓட்டி வந்து சாலையோரம் நிறுத்தி வைத்து இருந்த 7 இருசக்கர வாகனங்களை முட்டி மோதியுள்ளார், தொடர்ந்து இருசக்கர வாகனத்தில் வந்து கொண்டிருந்த சகோதரர்கள் மீதும் போது, அவர்கள் இருவருமே தூக்கி வீசப்பட்டு படுகாயமடைந்துள்ளனர். இதுதொடர்பான சிசிடிவி காட்சிகளில் சிறுவனின் கட்டுப்பட்டை இழந்த கார் சாலையில் தறிகெட்டு ஓடி, வாகனங்களை இடித்து தள்ளிய பிறகு இரண்டு பேர் மீது மோதியதும் பதிவாகியுள்ளது.

#Telangana #Hyderabad

A 17-Year-old #Minor Allegedly lost control of a #Rentedcar in #KarmikaNagar on Sunday, injuring two brothers on their way to #Church and damaging seven parked #Motorcycles #MadhurNagar Police have registered a #Case & are investigating.@hydcitypolice pic.twitter.com/FUrc0jiOLv
— Gummalla Lakshmana (@GUMMALLALAKSHM3) August 2, 2026

உறைய வைக்கும் சிசிடிவி காட்சிகள்

இதுதொடர்பான சிசிடிவி காட்சிகளின்படி, கார் தறிகெட்டு வருவதை கண்டதும், எதிர்திசையில் தனது வயது முதிர்ந்த சகோதரருடன் இருசக்கர வாகனத்தில் வந்தவர் சாலையோரம் ஒதுங்கியுள்ளார். இதனிடையே, கட்டுப்பாட்டை இழந்த கார் அடுத்தடுத்து நிறுத்தப்பட்டு இருந்த இருசக்கர வாகனங்கள் மீது மோதியதோடு, சாலையோரம் ஒதுங்கிய சகோதரர்கள் மீதும் பாய்ந்துள்ளது. இதில் வாகனத்தை ஓட்டி வந்தவர் மீது காரின் பக்கவாட்டு அமைப்பு மட்டும் உரசி கீழே தள்ளியுள்ளது. அதேநேரம், இருசக்கர வாகனத்தின் பின்புறம் அமர்ந்து இருந்த முதியவர் மீது காரின் முன்பக்கம் முழுமையாக மோதி தூக்கிவீசப்பட்டுள்ளார். அதோடு, ஒட்டுமொத்த காரும் அவர் மீது ஏறிய நின்ற நிலையில் நகர முடியாமல் வாகனங்களுக்கு மேலே சிக்கிக் கொண்டது.

காரை தூக்கி முதியவரை மீட்ட பொதுமக்கள்

விபத்து தொடர்பான பெரும் சத்தத்தை கேட்ட அக்கம்பக்கத்தினர் உடனடியாக அங்கு குவிந்தனர். கூட்டாக சேர்ந்து காரை மேல்நோக்கி தூக்கி சக்கரத்தின் அடியில் சிக்கியிருந்த முதியவரை காப்பாற்ற முயன்றனர். அப்போது காரை ஓட்டி வந்த 17 வயது சிறுவன் கருப்பு சட்டை அணிந்தபடி வாகனத்தில் இருந்து வெளியே வந்துள்ளான். பின்பு காரை சுற்றி பார்த்தபடி சென்று பொதுமக்களுடன் சேர்ந்து சக்கரத்தின் கீழ் சிக்கியிருந்த முதியவரை வெளியே இழுக்க உதவியுள்ளான். பின்பு, சூழல் மோசமாவதை உணர்ந்ததும் எதுவுமே நடைபெறாததை போன்று மெதுவாக நடந்து சம்பவ இடத்தில் இருந்து தப்பிக்க முயன்றுள்ளான்.

இதையும் படியுங்கள்: TN Cabinet: காங்., ஷாக்.. ”4 பேர் நீக்கம், 3 பேர் இலாகா மாற்றம், புதுசா 3 பேர்” CM விஜய் அமைச்சரவை மாற்றம் அப்டேட்

பொளந்துகட்டிய பொதுமக்கள்

அந்த சிறுவன் தப்பித்துச் செல்வதை கண்ட அங்கிருந்த இளைஞர் ஒருவர் பார்த்ததும் ஓடிச் சென்று மடக்கி பிடித்தார். சரமாரியாக தாக்கியபடியே மீண்டும் சம்பவ இடத்திற்கு இழுத்து வந்துள்ளார். அவருடன் சேர்ந்து மேலும் சிலரும் சிறுவனை நையப்புடைத்துள்ளனர். இதனிடியே தகவலறிந்து வந்த போலீசார் காரை பறிமுதல் செய்து, வழக்குப்பதிவு செய்துள்ளனர். காவல்துறையின் தகவலின்படி, வாகனம் சுத்தம் செய்யப்பட்ட பிறகு அதனுள்ளேயே இருந்த சாவியை எடுத்துக்கொண்டு அந்தச் சிறுவன் காரை எடுத்துச் சென்றதாகக் கூறப்படுகிறது.

காலம் முழுவதும் துணை நின்ற மனைவிக்கு துரோகம் செய்த ஸ்டீபன் ஹாக்கிங்ஸ்? உலகப் புகழ் விஞ்ஞானியின் காதல் சர்ச்சை!

ராகேஷ் தாரா — Mon, 27 Jul 2026 14:03:44 +0530

உலகின் தலைசிறந்த கோட்பாட்டு இயற்பியலாளர்களில் ஒருவராக போற்றப்படும் ஸ்டீபன் ஹாக்கிங்ஸ், தனது அறிவாற்றலாலும் அறிவியல் சாதனைகளாலும் கோடிக்கணக்கான மக்களுக்கு உத்வேகமாக திகழ்ந்தவர். ஆனால், அவரது தனிப்பட்ட வாழ்க்கையில் நடந்த சில சம்பவங்கள், குறிப்பாக முதல் மனைவி ஜேன் ஹாக்கிங்ஸுடனான உறவு, பல ஆண்டுகளாக விவாதத்திற்குரிய விஷயமாக இருந்து வருகிறது.

காலம் முழுவதும் துணை நின்ற மனைவி

21 வயதிலேயே ALS (Amyotrophic Lateral Sclerosis) என்ற நரம்புத் தளர்ச்சி நோயால் பாதிக்கப்பட்ட ஹாக்கிங்ஸுக்கு, மருத்துவர்கள் மிகக் குறுகிய ஆயுளையே கணித்தனர். அப்போது அவரை விட்டு விலகாமல் நின்றவர் அவரது காதலியும் பின்னர் மனைவியுமான ஜேன் வைல்ட். 1965-ல் இருவரும் திருமணம் செய்து கொண்டனர்.

திருமண வாழ்க்கையின் தொடக்கத்தில் இருந்தே ஹாக்கிங்ஸின் உடல்நிலை மோசமடைந்தது. அவரால் நடக்கவோ, பேசவோ முடியாத நிலை ஏற்பட்டது. மூன்று குழந்தைகளை கவனித்ததோடு, கணவரின் முழு பராமரிப்பையும் ஜேன் தனியாக மேற்கொண்டார். ஹாக்கிங்ஸ் தனது ஆராய்ச்சிப் பணிகளை தொடர்வதற்கான சூழலை உருவாக்கியதில் ஜேனின் பங்கு மிகப்பெரியது என்று அவரது வாழ்க்கை வரலாறுகள் குறிப்பிடுகின்றன.

செவிலியருடன் காதல்

இதற்கிடையில், ஹாக்கிங்ஸின் மருத்துவ பராமரிப்புக்காக பல செவிலியர்கள் நியமிக்கப்பட்டனர். அவர்களில் ஒருவரான எலெய்ன் மேசனுடன் (Elaine Mason) ஹாக்கிங்ஸ் நெருக்கமாக பழகத் தொடங்கியதாக கூறப்படுகிறது. இந்த உறவு, ஜேன் மற்றும் ஹாக்கிங்ஸ் இடையேயான திருமணத்தில் விரிசலை ஏற்படுத்தியதாக பல வாழ்க்கை வரலாற்று நூல்கள் குறிப்பிடுகின்றன.

இந்தக் கதையில் அதிகம் பேசப்பட்ட மற்றொரு நபர் எலெய்னின் கணவர் டேவிட் மேசன் (David Mason). அவர் ஒரு பொறியியலாளர். ஸ்டீபன் ஹாக்கிங்ஸ் தனது குரலை உலகம் முழுவதும் கேட்கச் செய்த புகழ்பெற்ற கணினி அடிப்படையிலான speech synthesizer கருவியை உருவாக்கிய குழுவில் முக்கிய பங்கு வகித்தவர். ஹாக்கிங்ஸ் பயன்படுத்திய தகவல் தொடர்பு அமைப்பை மேம்படுத்தியதில் டேவிட் மேசனின் பங்களிப்பு குறிப்பிடத்தக்கதாக இருந்தது. பின்னர், எலெய்ன் தனது கணவர் டேவிட் மேசனை விவாகரத்து செய்தார். அதன் பிறகே ஹாக்கிங்ஸும் ஜேனும் விவாகரத்து பெற்றனர். தொடர்ந்து 1995-ஆம் ஆண்டு ஸ்டீபன் ஹாக்கிங்ஸும் எலெய்ன் மேசனும் திருமணம் செய்து கொண்டனர்.

இந்தத் திருமணம் அப்போது உலகம் முழுவதும் பெரும் பரபரப்பை ஏற்படுத்தியது. நீண்ட காலம் கணவரின் உடல்நலனுக்காக தன்னை அர்ப்பணித்த ஜேனை விட்டு, அவரது சிகிச்சையில் ஈடுபட்டிருந்த செவிலியரையே ஹாக்கிங்ஸ் திருமணம் செய்து கொண்டது பல்வேறு விமர்சனங்களுக்கு வழிவகுத்தது.

பிரதமர் மோடி மற்றும் முதல்வர் விஜய் செய்யாததை நான் செய்திருக்கிறேன்...கரப்பான்பூச்சி ஜனதா பார்ட்டி மாணவி பேச்சு வைரல்

ராகேஷ் தாரா — Wed, 22 Jul 2026 12:29:22 +0530

நீட் தேர்வு வினாத்தாள் கசிவை கண்டித்து கல்வித்துறை அமைச்சர் தர்மேந்திர பிரதான் ராஜினாமா செய்ய கோரி டெல்லியில் மாணவர்கள் போராட்டம் உச்சத்தை எட்டியுள்ளது. இதனைத் தொடர்ந்து தமிழ்நாட்டிலும் நீத் தேர்வை ரத்து செய்ய கோரி பல்வேறு மாணவர் குழுக்கள் போராடி வருகிறார்கள். போராட்டத்தில் கலந்துகொண்ட மாணவி ஒருவர் இந்திய பிரதமர் நரேந்திர மோடி மற்றும் முதல்வர் விஜயை விமர்சித்து பேசியுள்ளது வைரலாக பகிரப்பட்டு வருகிறது.

மெளம் காக்கும் முதல்வர் விஜய்

டெல்லியில் மாணவர்கள் போராட்டத்திற்கு இதுவரை மத்திய அரசு தரப்பில் எந்த வித பேச்சுவார்த்தையும் நடத்தப்படாதது மட்டுமில்லை அமைதி முறையில் போராடி வந்த மாணவர்கள் மீது டெல்லி காவல்துறை தடியடி நடத்தியுள்ளது நாடு முழுவதும் கோப அலைகளை எழுப்பியுள்ளது. மேலும் இந்த போராட்டம் குறித்தும் மாணவர்கள் தாக்கப்பட்டது குறித்தும் தமிழக முதல்வர் விஜய் இதுவரை எந்த கருத்தும் தெரிவிக்காததை எதிர்கட்சிகள் கடுமையாக விமர்சித்து வருகிறார்கள் . மேலும் தமிழ்நாட்டில் நீட் தேர்வுக்கு எதிராக போராடுபவர்கள் காவல்துறையால் அதிரடியாக கைது செய்யப்படுவதை பலர் கண்டித்தும் வருகிறார்கள்.

மாணவி பேசிய வீடியோ வைரல்

தமிழ்நாட்டில் நீட் தேர்வை ரத்து செய்யக்கோரி பல்வேறு மாணவர் குழுக்கல் போராட்டத்தில் ஈடுபட்டு வருகிறார்கள். அப்போது மாணவி ஒருவர் முதல்வர் விஜய் மற்றும் பிரதமர் நரேந்திர மோடி குறித்து பேசியுள்ள வீடியோ ஒன்று சமூக வலைதளத்தில் வைரலாகி வருகிறது . இந்த வீடியோவில் அந்த மாணவி " நான் இந்த போராட்டத்தில் கலந்துகொண்டபோது பத்திரிகையாளர்கள் என்னை பேச சொன்னார்கள். இது என்னுடைய முதல் பத்திரிகையாளர் சந்திப்பை . அப்படிபார்த்தால் நான் பிரதமர் மோடி மற்றும் முதல்வர் விஜயைவிட அதிகமாக பத்திரிகையாளர்களை சந்தித்து பேசியிருக்கிறேன். " என்று அந்த மாணவி கூற மற்ற போராட்டக்காரர்கள் கைதட்டி சிரித்தனர்.

மோடி & Vijay ah விட நான் தான் அதிகமுறை Press ah சந்திச்சிருக்கேன்...😂

போட்டு சிதைச்சு விட்டுருச்சி😂🔥 pic.twitter.com/0j7WG0c7Xa
— ADMK Tweets (@Admk_Tweets) July 21, 2026

செந்தில் பாலாஜி தலைமறைவு ஆட்டத்தை ஆரம்பித்த CM விஜய்:Senthil Balaji

ABP NADU — Thu, 2 Jul 2026 15:30:59 +0530

செந்தில் பாலாஜி தலைமறைவு ஆட்டத்தை ஆரம்பித்த CM விஜய்:Senthil Balaji

கட்டுப்பாட்டை இழந்த கார் அந்தரத்தில் தொங்கும் காட்சிகள்:car accident

ABP NADU — Thu, 2 Jul 2026 15:15:25 +0530

கட்டுப்பாட்டை இழந்த கார் அந்தரத்தில் தொங்கும் காட்சிகள்:car accident

Hologram Govt School |அறிவியல் பாடம் எடுக்க வகுப்பறைக்குள் வந்த EINSTEIN! வியப்பில் ஆழ்ந்த மாணவர்கள்

ABP NADU — Sat, 20 Jun 2026 11:42:54 +0530

Hologram Govt School |அறிவியல் பாடம் எடுக்க வகுப்பறைக்குள் வந்த EINSTEIN! வியப்பில் ஆழ்ந்த மாணவர்கள்

கயிறு கட்ட மறந்த ஊழியர்கள்..பரிதாபமாக உயிரிழந்த பெண்:Bungee Jumping Accident

ABP NADU — Sun, 14 Jun 2026 13:11:44 +0530

கயிறு கட்ட மறந்த ஊழியர்கள்..பரிதாபமாக உயிரிழந்த பெண்:Bungee Jumping Accident

"வெக்கமா இல்லையா வெறும் நடிப்பு தான்":DMK Slams Rahul Gandhi

ABP NADU — Sat, 6 Jun 2026 17:34:22 +0530

"வெக்கமா இல்லையா வெறும் நடிப்பு தான்":DMK Slams Rahul Gandhi

விழி கவரும் இயற்கை விசித்திரம்: தஞ்சை அருகே பூத்துக் குலுங்கும் 'கூந்தல் பனை'!

என்.நாகராஜன் — Thu, 4 Jun 2026 17:36:50 +0530

தஞ்சாவூர்: தஞ்சை மாரியம்மன்கோவில் அருகே பூத்துக் குலுங்கும் ‘கூந்தல் பனை’ மரத்தை பக்தர்கள் மற்றும் பொதுமக்கள் ஆச்சரியம் கலந்த வியப்புடன் பார்த்துச் செல்கின்றனர். இதனை தாலிப்பனை, குடைப்பனை, தேர் பனை என்று பல்வேறு பெயர்களிலும் அழைக்கின்றனர். ஆயுளில் ஒருமுறை மட்டுமே இந்த விசித்திரமான அதிசயம் நிகழும் என்பதும் குறிப்பிடத்தக்கது.

தஞ்சை அருகே பிரசித்தி பெற்ற புன்னைநல்லூர் மாரியம்மன் கோயில் அமைந்துள்ளது. இக்கோயிலுக்கு தினமும் ஏராளமான பக்தர்கள் வந்து செல்கின்றனர். இக்கோயிலுக்கு அருகில் காண்போரைக் கவர்ந்து இழுக்கும் வகையில் மிகவும் அரிதான ‘கூந்தல் பனை’ மரம் ஒன்று வான்முட்டப் பூத்துக் குலுங்குகிறது. தாவரவியல் ரீதியாகப் பல்வேறு விசித்திரங்களைக் கொண்ட இம்மரத்தை, அப்பகுதி மக்கள் மற்றும் பக்தர்கள் வியப்புடன் பார்த்துச் செல்கின்றனர்.

பொதுவாகப் பனை குடும்பத்தைச் சேர்ந்த மரங்கள் பல ஆண்டுகள் வாழக்கூடியவை. ஆனால், இந்த ‘கூந்தல் பனை’ (Fishtail Palm) மரத்திற்கு என்று ஒரு தனித்துவமான குணம் உண்டு. இதன் இலைகளின் ஓரங்கள் மீனின் வால் வடிவிலும், இதன் பூங்குலைகள் பெண்களின் அடர்ந்த கூந்தல் அவிழ்ந்து தொங்குவது போலவும் காட்சியளிக்கும். இதனாலேயே இதற்கு ‘கூந்தல் பனை’ என்று பெயர் வந்ததாக கூறப்படுகிறது.

இம்மரத்தின் மிக முக்கிய விசித்திரம் என்னவென்றால், இது தன் வாழ்நாளில் ஒரே ஒரு முறை மட்டுமே பூத்து குலுங்கும் தன்மையுடையது. மரத்தின் உச்சிப் பகுதியில் தொடங்கி, படிப்படியாகக் கீழ்நோக்கி ஒவ்வொரு கணுவாகப் பூங்குலைகள் வெளிவரும். கணு வரை பூத்து முடித்தவுடன், இம்மரம் தன் ஆயுளை முடித்துக் கொண்டு பட்டுப்போய்விடும். அதாவது இறந்துவிடும்.

தற்போது தஞ்சை மாரியம்மன் கோவில் பிரதான சாலையோரம் உள்ள இந்த மரத்தின் உச்சிப் பகுதியில், மஞ்சள் மற்றும் வெண்மை கலந்த நிறத்தில் பிரம்மாண்டமான பூங்குலை மலர்ந்து காட்சியளிக்கிறது. இது இம்மரத்தின் இறுதிப் பருவத்தின் தொடக்கத்தைக் காட்டுகிறது.

மாரியம்மன் கோயில் போன்ற ஆன்மீகத் தலங்களுக்கு நாள்தோறும் ஆயிரக்கணக்கான பக்தர்கள் வந்து செல்லும் நிலையில், சாலையோரம் கம்பீரமாகத் தலைநிமிர்ந்து பூத்து நிற்கும் இந்த மரத்தின் அழகும், அதன் பின்னணியில் உள்ள தாவரவியல் ரகசியமும் பலரையும் ஈர்த்துள்ளது.

"சாலையைக் கடந்து செல்லும் போது விசித்திரமான பூவோடு இந்த மரம் நிற்பதைப் பார்த்தோம். இதன் ஆயுட்காலத்தில் ஒரே ஒருமுறைதான் இப்படிப் பூக்கும் என்றும், அதன் பிறகு மரம் அழிந்துவிடும் என்றும் அறிந்தபோது இயற்கையின் படைப்பு வியப்பாக இருந்தது" என பக்தர்கள் தெரிவித்தனர்.

இயற்கை ஆர்வலர்கள் மற்றும் தாவரவியல் ஆராய்ச்சியாளர்கள் மத்தியிலும், இந்த கூந்தல் பனையின் அரிதான இறுதிப் பருவ மலர்ச்சி தற்போது பெரும் கவனத்தைப் பெற்றுள்ளது.