ஆன்லைன் ஷாப்பிங் தளமான ஃபிளிப்கார்ட், தனது வாடிக்கையாளர்களுக்காக ஒரு கவர்ச்சிகரமான சலுகையை அறிமுகப்படுத்தியுள்ளது. நீங்கள் ஃபிளிப்கார்ட்டில் அடிக்கடி ஷாப்பிங் செய்பவராக இருந்தால், இனி ஷாப்பிங்குடன் பொழுதுபோக்கையும் அனுபவிக்கலாம். தேர்ந்தெடுக்கப்பட்ட பயனர்களுக்கு இலவச நெட்ஃபிளிக்ஸ் சந்தாக்களை வழங்க ஃபிளிப்கார்ட் தயாராகி வருகிறது. இருப்பினும், இந்த சலுகையை பெற சில நிபந்தனைகளை பூர்த்தி செய்ய வேண்டும். இந்த சலுகையின் முழு விவரங்களையும் இப்போது தெரிந்து கொள்வோம்.
ஷாப்பிங்குடன் போனஸாக பொழுதுபோக்கு
ஃபிளிப்கார்ட் தனது பிளஸ் உறுப்பினர்களுக்காக ஒரு புதிய வெகுமதித் திட்டத்தை அறிமுகப்படுத்தியுள்ளது. இதன் மூலம், தகுதியுள்ள வாடிக்கையாளர்களுக்கு இலவச நெட்ஃபிளிக்ஸ் மொபைல் சந்தா திட்டம் வழங்கப்படுகிறது. வாடிக்கையாளர்களுக்கு ஒரு சிறந்த ஷாப்பிங் அனுபவத்தையும், கூடுதல் பொழுதுபோக்கு அம்சங்களையும் வழங்குவதே இந்நிறுவனத்தின் நோக்கமாகும்.
இந்த சலுகையின் மூலம், ஃபிளிப்கார்ட் தனது விசுவாசமான வாடிக்கையாளர்களுக்கு பரிசளிக்க விரும்புகிறது. முக்கியமாக, இது ஃபிளிப்கார்ட் மினிட்ஸ் வழியாக செய்யப்படும் ஆர்டர்களையும் உள்ளடக்கியிருப்பதால், வாடிக்கையாளர்கள் இந்த சலுகையை பெறுவது இன்னும் எளிதாகிறது.
இந்த சலுகையை யார் பயன்படுத்திக் கொள்ளலாம்.?
Flipkart Plus உறுப்பினர்கள் மட்டுமே இந்த சலுகைக்கு தகுதி பெறுவார்கள். மேலும், பூர்த்தி செய்யப்பட வேண்டிய வேறு சில நிபந்தனைகளும் உள்ளன. இந்த விதிகளை நீங்கள் பின்பற்றினால், 30 நாட்களுக்கு இலவச Netflix Mobile சந்தாவை பெறலாம்.
இலவச நெட்ஃபிக்ஸ் சந்தாவை பெறுவது எப்படி.?
முதலில், நீங்கள் ஒரு ஃபிளிப்கார்ட் பிளஸ் உறுப்பினராக இருக்க வேண்டும். அடுத்து, ஒரு காலண்டர் மாதத்திற்குள் குறைந்தது நான்கு வெற்றிகரமான ஆர்டர்களை நீங்கள் முடிக்க வேண்டும். ஒவ்வொரு ஆர்டரின் மதிப்பும் 299 ரூபாய் அல்லது அதற்கு அதிகமாக இருக்க வேண்டும். ஃபிளிப்கார்ட் மினிட்ஸை பயன்படுத்தி செய்யப்படும் வாங்குதல்களும்(Purchase) இந்த ஆர்டர்களுக்கு தகுதி பெறும்.
நீங்கள் அனைத்து தேவைகளையும் பூர்த்தி செய்த உடன், Flipkart செயலியின் Plus பகுதிக்கு சென்று, Netflix மொபைல் திட்டத்தைப் பெறலாம். இந்த சந்தா 30 நாட்களுக்கு கிடைக்கும்.
எந்த பயனர்களுக்கு இந்த சலுகை கிடைக்கிறது.?
இந்த அம்சம் தற்போது அனைத்து வாடிக்கையாளர்களுக்கும் கிடைக்காது. ஃபிளிப்கார்ட் இந்த சலுகையை தேர்ந்தெடுக்கப்பட்ட பயனர்களுக்கு வழங்கி வருகிறது. எனவே, இந்த சலுகையை நீங்கள் இப்போது காணவில்லை என்றால், வரும் நாட்களில் இது உங்கள் கணக்கில் கிடைக்கக்கூடும்.
சலுகையை பெறுவதற்கு முன் கவனத்தில் கொள்ள வேண்டியவை
இந்த சலுகையை பயன்படுத்திக்கொள்ள, உங்கள் ஆர்டர்கள் அனைத்தும் வெற்றிகரமாக டெலிவரி செய்யப்பட்டிருப்பதையும், அவற்றின் குறைந்தபட்ச மதிப்பு 299 ரூபாயாக இருப்பதையும் உறுதி செய்யுங்கள். செயலில் உள்ள Flipkart Plus மெம்பர்ஷிப்பும் இதற்கு தேவை. இந்த நிபந்தனைகளை பூர்த்தி செய்த பின்னரே, Netflix சந்தாவை பெறத் தகுதி பெறுவீர்கள். நீங்கள் Flipkart-ல் வழக்கமாக ஷாப்பிங் செய்பவராக இருந்தால், இந்த சலுகை ஒரு கூடுதல் நன்மையாக அமையக்கூடும்.