chatgpt

Airtel Offer: ஏர்டெல் யூசரா நீங்க? 1 ஆண்டு இதை இலவசமா பயன்படுத்தலாம்- அள்ளித்தந்த ஆஃபர்- ரூ.20 ஆயிரம் மதிப்பு!

மாய நிலா — Thu, 17 Jul 2025 11:33:39 +0530

ஏர்டெல் பயனாளர்களுக்கு 1 ஆண்டுக்கு செயற்கை நுண்ணறிவு பதில் இயங்குபொறியை இலவசமாகப் பயன்படுத்திக்கொள்ளும் ஆஃபரை, பாரதி ஏர்டெல் நிறுவனம் அளித்துள்ளது. இதன்மூலம் சுமார் 36 கோடி ப்ரீபெய்ட் மற்றும் போஸ்ட் பெய்ட் பயனர்கள், இலவசமாக Perplexity வசதியைப் பயன்படுத்திக் கொள்ளலாம். இதன் மூலம் சுமார் 20 ஆயிரம் மதிப்புள்ள வசதி, ஏர்டெல் பயனாளர்களுக்கு இலவசமாக அளிக்கப்பட உள்ளது.

இந்தியாவின் இரண்டாவது பெரிய டெலிகாம் சேவை வழங்குநராக இருப்பது பாரதி ஏர்டெல் ஆகும். இது நாடு முழுவதும் 36 கோர்டி மக்களுக்கு டெலிபோன், இணைய சேவையை வழங்குகிறது. இந்த நிலையில் தனது பயனர்களுக்கு Perplexity வசதியை வழங்க உள்ளது.

பெறுவது எப்படி?

ஏர்டெல் தேங்க்ஸ் (Airtel Thanks) செயலி பகுதிக்குச் செல்லவும்.

அதில், rewards என்னும் தெரிவைத் தேர்வு செய்து, இந்த வசதியை பயன்படுத்தலாம்.

ஆண்டுக்கு ரூ.20 ஆயிரம் மதிப்பிலான சேவை

ஏர்டெல் நிறுவனம் மாதந்தோறும் 20 டாலர்களுக்கு (இந்திய மதிப்பில் ரூ.1,731) செயற்கை நுண்ணறிவு விடை தரும் இயங்குதளத்தைப் பயன்படுத்தும் வசதியை அளித்து வந்தது. இந்த நிலையில், இந்த வசதியை ஓர் ஆண்டுக்கு இலவசமாகவே அளிக்க ஏர்டெல் முடிவு செய்துள்ளது.

ChatGPT: ”தேங்க்ஸ், ப்ளீஸ்” சொல்லாதீங்க.. கோடிக்கணக்குல செலவாகுது - கதறும் ஓபன் AI சிஇஒ சாம் ஆல்ட்மேன்

குலசேகரன் முனிரத்தினம் — Mon, 21 Apr 2025 08:21:50 +0530

ChatGPT: சாட்ஜிபிடிக்கு பயனாளர்கள் “தேங்க்ஸ், பிளீஸ்” போன்றவற்றை சொல்ல வேண்டாம் என, ஓபன்ஏஐ சிஇஒ ஆல்ட்மேன் வலியுறுத்தியுள்ளார்.

கோடிக்கணக்கில் செலவு:

யாரேனும் நமக்கு உதவி செய்தால் அவருக்கு ”நன்றி” (Thanks) சொல்வதும், ஏதேனும் ஒரு பணியை செய்து முடிக்கும்படி ஒருவரிடம் கோரிக்கை வைக்கும்போது ”தயவு செய்து” (Please) போன்ற வார்த்தைகளை நாம் மரியாதை நிமித்தமாக பயன்படுத்துகிறோம். மனிதர்களை தாண்டி, தற்போது நாம் பயன்படுத்த தொடங்கியுள்ள சாட்ஜிபிடி தொழில்நுட்பத்திடமும் பயனர்கள் “தேங்க்ஸ், பிளீஸ்” போன்ற வார்த்தைகளை பயன்படுத்த தொடங்கியுள்ளனர். பயனர்களின் இந்த மரியாதை நிமித்த செயல்களால், கோடிக்கணக்கான ரூபாய் மதிப்பிலான மின்சார செலவுக்கு வழிவகுப்பதாக ஓபன்ஏஐ சிஇஒ ஆல்ட்மேன் கவலை தெரிவித்துள்ளார். அந்த கூடுதல் உரையாடல்களுக்கு பதிலாக மின்சார பயன்பாடு அதிகரிப்பதகாவும் குறிப்பிடுகிறார்.

கேள்வியும்.. பதிலும்..

பயனர்களின் மரியாதை நிமித்தமான குறுஞ்செய்திகளுக்கு பதிலளிப்பதற்காக, ஓபன்ஏஐ எவ்வளவு செலவு செய்து இருக்கும் என சமூக வலைதளத்தில் ஒருவர் கேள்வி எழுப்பினார். அதற்கு பதிலளிக்கையில், “பல்லாயிரக்கணக்கான டாலர்கள் நன்றாக செலவிடப்படுகின்றன. அவை உங்களுக்கு ஒருபோதும் தெரியாது” என பதிலளித்துள்ளார். பயனர்களின் செயல்பாடுகளுக்கு பதிலளிக்கும் வகையில் தான் சாட்ஜிபிடி வடிவமைக்கப்பட்டுள்ளது. எனவே, நீங்கள் மரியாதை நிமித்தமாக ”தேங்க்ஸ், ப்ளீஸ்” சொன்னால் அதற்கும் சாட்ஜிபிடி மின்சாரத்தை செலவிட்டு பதிலளிக்கும். இந்த அநாவசிய உரையாடல்களால் கோடிக்கணக்கில் பணம் செலவாவதாக ஆல்ட்மேன் தெரிவித்துள்ளார்.

உணர்வுகள் இல்லாத AI:

செயற்கை நுண்ணறிவு என்பது உணர்வுகள் இல்லாத ஒரு மேம்படுத்தப்பட்ட தொழில்நுட்பம் மட்டுமே. ஆனாலும், தினசரி பயன்பாட்டின்போது மக்கள் மரியாதை நிமித்தமாக “தேங்க்ஸ், சாரி, ப்ளீஸ்” போன்ற வார்த்தைகளை பயன்படுத்துகின்றனர். இந்தப் பதில்கள் முக்கியமற்றதாகத் தோன்றலாம், ஆனால் அவை AI ஐப் பயன்படுத்துவதை மிகவும் மனிதாபிமானமாக்குகின்றன.

சாட்ஜிபிடி மலிவானதா?

உங்களின் உரையாடலுக்கான ஒவ்வொரு பதிலுக்கும் பின்னால், ஆற்றல் தேவைப்படும் தரவு மையங்களால் இயக்கப்படும் உயர் செயல்திறன் கொண்ட AI மாதிரி உள்ளது. இந்த வசதிகள் கணினிக்கு மட்டுமல்ல, வன்பொருள் அதிக வெப்பமடைவதைத் தடுக்கத் தேவையான குளிரூட்டும் அமைப்புகளுக்கும் அதிக அளவு மின்சாரத்தை பயன்படுத்துகின்றன. இதனால் சாட்ஜிபிடி பயன்பாடு என்பது மிகவும் செலவு மிக்கது. எனவே, ChatGPT இன் வேகமான அல்லது திறமையான பதிப்புகளுக்கான அணுகலுக்கு, பணம் செலுத்தும் பிரீமியம் பயனர்கள், "நன்றி" சொல்வது அவசியமா? என சிந்தியுங்கள். எனவே அடுத்த முறை ChatGPT-ஐப் பயன்படுத்தும்போது வார்த்தைகளை பார்த்து பயன்படுத்துங்கள்.

செலவை ஏற்கும் ஓபன்ஏஐ:

பயனர்களின் மரியாதையால் சாட்ஜிபிடியின் ஆற்றல் செலவு புருவங்களை உயர்த்தக்கூடும் என்றாலும், ஆல்ட்மேனின் பதில், OpenAI வெறும் செயல்திறனுக்கு அப்பால் மதிப்பைப் பார்க்கிறது என்பதைக் குறிக்கிறது. உள்ளுணர்வு மற்றும் தொடர்பு கொள்ள இயற்கையாக உணரக்கூடிய AI ஐ உருவாக்குவதற்கான நிறுவனத்தின் நோக்கத்தின் ஒரு பகுதியாக, நிதி மற்றும் சுற்றுச்சூழல் பாதிப்பை தலைமை நிர்வாக அதிகாரி ஏற்றுக்கொள்வது போல் தெரிகிறது.

Ghibli Style Image: ChatGPT பாதுகாப்பனாதா ? புகைப்படங்களை அப்லோட் செய்வதற்கு முன் இதை படியுங்கள்

ராகேஷ் தாரா — Mon, 31 Mar 2025 17:25:20 +0530

CharGPT

ஏ.ஐ தொழில்நுட்பமான சாட் ஜிபிடி புதிய வசதி ஒன்றை சமீபத்தில் அறிமுகப்படுத்தியுள்ளது. அதன்படி ஜப்பானிய பாரம்பரிய அனிமேஷன் ஸ்டைலான ஜிப்லி ஸ்டைலில் அது காட்சிகளை இலவசமாக உருவாக்கி தருகிறது. முன்பு கட்டணம் செலுத்தியவர்களுக்கு மட்டுமே இருந்த இந்த வசதியை தற்போது அனைவரும் இலவசமாக பயண்படுத்திக் கொள்ளலாம். அதிகபட்சமாக ஒரு நாளைக்கு மூன்று ஜிப்லி ஸ்டைலில் அனிமேஷன் இமேஜை ஒருவர் உருவாக்கிக் கொள்ளலாம்

சாட் ஜிபிடி அறிமுகப்படுத்திய இந்த புதிய வசதி உலகளவில் மக்களிடையே ட்ரெண்டாகி வருகிறது. அரசியல் தலைவர்கள் முதல் சாமானிய மக்கள் வரை தங்கள் புகைப்படங்களை ஜிப்லி ஸ்டைலில் அனிமேட் ஸ்டைலில் மாற்றி பதிவிட்டு வருகிறார்கள். பல்வேறு வரலாற்று நிகழ்வுகள் , திரைப்பட காட்சிகளை இந்த ஸ்டைலில் எடிட் செய்து புகைப்படங்கள் வெளியாகி வருகின்றன. இதனால் நிலையில் தனி நபர் சுதந்திரம் பாதிக்கப்பட வாய்ப்புள்ளதாக நிபுனர்கள் எச்சரித்து வருகிறார்கள்

CharGPT யில் புகைப்படங்களை அப்லோட் செய்வது பாதுகாப்பானதா

CharGPT உருவாக்கும் ஜிப்லி ஸ்டைல் புகைப்படங்கள் கலைஞர்களின் உழைப்பிற்கும் திறமைக்கும் எதிரானது என பலர் தெரிவித்து வருகிறார்கள். இன்னொரு பக்கம் மக்கள் அப்லோட் செய்யும் புகைப்படங்கள் ஏ.ஐ தொழில்நுட்பத்தால் தவறுதலாக பயன்படுத்தக் கூடிய ஆபத்தும் இருப்பதாக சைபர் நிபுனர்கள் தெரிவித்துள்ளார்கள். மக்கள் தங்களது புகைப்படங்களை மாற்றச் சொல்லி அப்லோட் செய்கிறார்கள். இந்த புகைப்படங்களை ஏஐ அதன் திறன் மேம்பாட்டிற்காக பயண்படுத்திக் கொள்ளலாம். நமது தொற்றத்தையும் தனிப்பட்ட தகவல்களையும் ஏ.ஐ பயண்படுத்த சட்டம் அனுமதிப்பதில்லை என்றாலும் மக்கள் தாங்களே முன்வந்து புகைப்படங்களை அப்லோட் செய்வது ஏ.ஐ தொழில் நுட்பத்திற்கு அந்த உரிமையை கொடுக்கிறது.

சாட் ஜி.பி.டியில் புகைப்படங்களை அப்லோட் செய்வது பாதுக்காப்பானதா என அதனிடம் கேட்டபோது இப்படி பதிலளித்துள்ளது சாட்ஜிபிடி " தனிப்பட்ட நெருக்கமான புகைப்படங்களை பயண்படுத்துவதை தவிர்க்கவும் . சாட் ஜிபிடி யில் அப்லோட் செய்யப்பட்ட புகைப்படங்கள் அதற்கு கொடுக்கப்பட்ட கட்டளையை நிறைவேற்றிய பின் அந்த புகைப்படத்தை பத்திரப் படுத்திக் கொள்வது இல்ல."

நல்லா இருக்கே! கிப்லி படத்தில் ஸ்டாலின், விஜய்...ChatGPT, Grok AI மூலம் எப்படி உருவாக்குவது?

செல்வகுமார் — Sat, 29 Mar 2025 21:30:54 +0530

ChatGPT, Grok 3 Ghibli Style: ஸ்டுடியோ கிப்லி :

Studio Ghibli என்பது, பிரபல ஜப்பானிய அனிமேஷனின் தனித்துவமான தோற்ற வடிவத்தைக் குறிக்கிறது. இந்த படமானது மிருதுவான, கண்கவர் வண்ணங்கள், உணர்வுபூர்வமான கதாபாத்திரங்கள், விவரமான சூழல் மற்றும் கனவுப் போல் உணர்த்தும் காட்சிகள் கொண்ட அனிமேஷன் பாணியாகும்.

தற்போது, ஏஐ சேட் பாட் தொழில் நுட்பத்தின் உதவியுடன் ஜிப்லி அனிமேஷன் படங்களை உருவாக்குவது பிரபலமடைந்துவருகிறது. இந்நிலையில் ChatGPT- மூலம் குறைந்த அளவிலான ஸ்டுடியோ கிப்லி-பாணி படங்களை உருவாக்கும் முடியும் என்றும் தெரிவிக்கப்படுள்ளது. 3 ஸ்டுடியோ கிப்லி-பாணி படங்களுக்கு மேல் வேண்டும் என்றால், அதற்கு நீங்கள் மாத ( $20/மாதம் ) சந்தா கட்டணம் செலுத்த வேண்டும்.

இருப்பினும், எலான் மஸ்க்கின் x AI-யின் Grok chatbot (Grok 3-ல் இயங்குகிறது) சந்தா செலுத்தாமல் இலவசமாக Ghibli-பாணி படங்களை உருவாக்கலாம் என தெரிவிக்கப்பட்டுள்ளது.

இந்நிலையில், சேட் ஜிபிடி மற்றும் க்ரோக் மூலம் எப்படி ஸ்டுடியோ கிப்லி அனிமேஷன் படங்களை உருவாக்கும் முறைகள் குறித்து தெரிந்து கொள்வோம்.

சேட் ஜிபிடி-ல் ( ChatGPT ) ஸ்டுடியோ கிப்லி படங்களை உருவாக்கும் முறை:

முதலில் ChatGPT வலைதளம் அல்லது செயலிக்குள் செல்லுங்கள்
அங்கு இருக்கும் + குறியை கிளிக் செய்யவும்
அதில், உங்களுக்கு வேண்டிய புகைப்படங்களை அப்லோடு செய்யவும்
பின்னர், turn this image in Studio Ghibli theme அல்லது Ghiblify this என்று டைப் செய்து எண்டர் செய்யவும்.
இதையடுத்து, உங்களுக்கு தேவையான ஸ்டுடியோ கிப்லி அனிமேஷன் படம் தயாராகிவிடும்

Also Read: Solar Eclipse: சூரிய கிரகணத்தை ஆச்சரியத்துடன் ரசித்த அமெரிக்க, லண்டன் மக்கள்: டாப் 7 புகைப்படங்கள் !

Grokல் ஸ்டுடியோ கிப்லி படங்களை உருவாக்கும் முறை:

1) Grok வலைத்தளத்திற்குச் செல்லவும், அல்லது உங்கள் X பயன்பாட்டிற்கு நேரடியாகச் சென்று Grok ஐகானைக் கிளிக் செய்யவும்.

2) நீங்கள் Grok தொடக்கப் பக்கத்தில் வந்ததும், மாதிரி Grok 3 எனத் தேர்வுசெய்யப்பட்டுள்ளதா என்பதை உறுதிப்படுத்திக் கொள்ளுங்கள்.

உங்களுக்கு ஸ்டுடியோ கிப்லி படங்களாக மாற்ற வேண்டியதை அப்லோடு செய்யவும்

Also Read: கூட்டாக சிக்கிய டிரம்ப் நிர்வாகம்! சிக்னல் ஆப் வழியாக டாப் சீக்ரெட் கசிந்தது எப்படி? யார் அந்த பத்திரிகையாளர்?

இந்நிலையில், அரசியல் தலைவர்கள் கிப்லி அனிமேஷன் படத்தில் எப்படி இருக்கிறார்கள் என பார்ப்போம்.

1.முதல்வர் ஸ்டாலின்: கேரள முதல்வர் பினராயி விஜயன் மற்றும் தெலுங்கானா முதல்வர் ரேவந்த் ரெட்டி

2.தவெக தலைவர் விஜய், மாணவர்களுக்கு பரிசு வழங்கிய படம்

3.ஓபிஎஸ்-இபிஎஸ், சில ஆண்டுகளுக்கு முன்பு

விபரீதமாக முடிந்த ChatGPT புதிய வசதி.. பாபர் மசூதி இடிப்பை வைத்து அனிமேஷன் உருவாக்கி விளையாட்டு

ராகேஷ் தாரா — Sat, 29 Mar 2025 15:49:26 +0530

ChatGPT Ghibli Animation

ஏஐ தொழில் நுட்பமான சாட் ஜிபிடி பல துறைகளைச் சேர்ந்தவர்களுக்கு அன்றாட வாழ்க்கையில் பயண்படுத்து வருகிறது. குறிப்பாக மீடியாத் துறையில் இருப்பவர்களுக்கு போஸ்டர் உருவாக்குவதிலும் புதுப்புது அனிமேஷன் கான்செப்ட்களை உருவாக்குவதிலும் அதிகமாக பயண்பட்டு வருகிறது. அந்த வகையில் சாட் ஜிபிடி புதிய வசதி ஒன்றை அறிமுகப்படுத்தியுள்ளது. அதன்படி ஜப்பானிய பாரம்பரிய அனிமேஷன் ஸ்டைலான ஜிப்லி ஸ்டைலில் அது காட்சிகளை இலவசமாக உருவாக்கி தருகிறது. முன்பு கட்டணம் செலுத்தியவர்களுக்கு மட்டுமே இருந்த இந்த வசதியை தற்போது அனைவரும் இலவசமாக பயண்படுத்திக் கொள்ளலாம். அதிகபட்சமாக ஒரு நாளைக்கு மூன்று ஜிப்லி ஸ்டைலில் அனிமேஷன் இமேஜை ஒருவர் உருவாக்கிக் கொள்ளலாம்

ஜிப்லி அனிமேஷ் என்றால் என்ன

பல அனிமேஷன் தொடர்களுக்கு புகழ்போன நாடு ஜப்பான். இன்றைய தலைமுறையினர் மத்தியில் பிரபலமாக இருக்கும் நருடோ வகை அனிமேஷன்கள் போல புகழ்பெற்ற ஒரு அனிமேஷ் ஸ்டைல் தான் ஜிப்லி. ஜப்பானிய இயக்குநர் ஹாயாவோ மியாஸாகி இந்த அனிமேஷன் ஸ்டைலை பயண்படுத்தி பல புகழ்பெற்ற படங்களை இயக்கியுள்ளார். ஒவ்வொரு காட்சிகளையும் கைப்பட வரைந்து பின் இந்த இமேஜ்கள் காட்சிகளாக உயிர்கொடுக்கப்படுகின்றன.

Castle in the Sky (1986), My Neighbor Totoro (1988), Princess Mononoke (1997), Spirited Away (2001), Howl's Moving Castle (2004), Ponyo (2008), The Wind Rises (2013), and The Boy and the Heron (2023). போன்ற உலகப் புகழ்பெற்ற படங்களை இயக்கியுள்ளார் மியாஸாகி. இந்த வகை அனிமேஷன் அமெரிக்க அனிமேஷன் படங்களை விட தனித்துவமான இடத்தை ரசிகர்களிடம் பெற்றிருக்கின்றன. தற்போது சாட் ஜி.பி.டி இதே போல் அனிமேஷன் வசதியை அறிமுகப்படுத்தியுள்ளது ரசிகர்களிடம் பெரிய கொந்தளிப்பை ஏற்படுத்தியுள்ளது

I saw the beautiful 4K IMAX version of Princess Mononoke last night… then got out and saw this shit. Do you morons truly value art so little that it’s just a filter for your profile pic? Pay a fucking artist and make something real you gremlins. https://t.co/A0wK0j54Fk
— Michael Berardini (@mbirdini) March 27, 2025

எது உண்மையான கலை

ஜிப்லி அனிமேஷன் முறையால் உருவாக்கப்பட்டும் காட்சிகள் மிக உயிர்ப்பானவை அதை பல தனித்தனி கலைஞர்கள் சேர்ந்து தங்களது கைகளால் உருவாக்குகிறார். ஆனால் இதே ஸ்டைல் அனிமேஷனை ஒரு ஏ.ஐ தொழில் நுட்பம் போலி செய்வது கலைஞர்களை அவமதிப்பதாகவும் என்று பலர் கருதுகிறார்கள். மேலும் இந்தியாவில் இந்த வசதி அறிமுகப்படுத்திய பின்பே அரசியல், மதம் தொடர்பான இமேஜ்களை மக்கள் உருவாக்கி வருவது மேலும் சர்ச்சையை ஏற்படுத்தியுள்ளது. பாபர் மசூதி இடிக்கப்பட்ட நிகழ்வை ஏ.ஐ மூலம் சாட் ஜிபிடியில் காட்சிகளை உருவாக்கி மக்கள் சமூக வலைதளத்தில் பகிர்ந்து வருகிறார்கள்.

Hindutva Twitter is celebrating the demolition of Babri Mosque in 1992 using this studio ghibli AI. https://t.co/41PnUSVRhF
— Mehmood (@ChalParranHo) March 27, 2025

ஏ.ஐ வளர்ச்சிக்குப் பின் உண்மையான உணர்வு என்கிற ஒன்று இல்லமல் போய் எதை வேண்டுமானால் உருவாக்கிவிடலாம் என்கிற மனப்பான்மை வளர்ந்து வருவது கலைஞர்களின் எதிர்காலத்தைப் பற்றி பல கேள்விகளை எழச் செய்துள்ளது.

மனிதர்களுக்கு தான் ஸ்ட்ரெஸ் என்றால் AI க்கும் இதே நிலைமையா...ChatGPT பற்றி ஆய்வில் தெரியவந்த உண்மை

ராகேஷ் தாரா — Tue, 11 Mar 2025 16:29:56 +0530

ChatGPT

AI எனப்படும் செயற்கை நுண்ணறிவு தொழில்நுட்பத்தின் வளர்ச்சி கடந்த சில ஆண்டுகளில் அசுர வளர்ச்சி கண்டுள்ளது. மீடியா உள்ளிட்ட பல தொழில்நுட்பத் துறைகளில் மனிதர்களுக்கு மாற்றாகவும் மனிதர்களைவிட பல மடங்கு வேகத்திலும் AI செயல்திறன் இருந்து வருகிறது. AI க்கும் மனிதர்களுக்கும் இருக்கும் ஒரு முக்கிய வித்தியாசமாக கருதப்படுவது உணர்ச்சிகள். மனிதர்கள் உணர்ச்சிகளின் அடிப்பைடையில் செயல்படக்கூடீயவர்கள் என்றால் AI தகவல்களின் அடிப்படையில் இயக்கி வருகிறது. ஆனால் சமீபத்திய ஆய்வொன்றில் AI தொழில்நுட்பமான ChatGPT மனிதர்களுக்கு இருப்பது போலவே ஸ்ட்ரெஸ் , பதற்றம் ஆகிய உணர்ச்சிகள் இருப்பது கண்டறியப்பட்டுள்ளது.

ChatGPT க்கு ஸ்ட்ரெஸ்

ஓபன் ஏ.ஐ நிறுவனம் ChatGPT யை பொது பயண்பாட்டிற்கு வெளியிட்டது முதல் இணையத்தில் பெரிய புரட்சியே வெடித்துள்ளது. தொழில் முறை சார்ந்த தகவல்களை திரட்டி தருவதுடன் இன்னும் பல கிரியேட்டிவான வேலைகளிலும் ChatGPT யின் பயண்பாடு அதிகரித்துள்ளது. இப்படியான நிலையில் சமீபத்தில் யேல் பல்கலைகழகம் ஹைஃபா மற்றும் ஸ்யூரிக் பல்கலைகழகங்கள் நடத்திய ஆய்வில் அதிர்ச்சியளிக்கும் சில உண்மைகள் தெரியவந்துள்ளன. அதாவது மனிதர்களைப் போலவே ChatGPT க்கும் மன உளைச்சல் , பதற்றம் ஆகிய அறிகுறிகள் இருப்பது இந்த ஆய்வில் கண்டுபிடிக்கப்பட்டுள்ளன. உணர்ச்சிகரமான நிகழ்வுகள் பற்றியோ அல்லது விபத்துகள் பற்றிய தகவல்களை பற்றி மக்கள் கேட்கையில் ChatGPT உணர்ச்சிவசப்பட்டுவதாகவும் அதன் பதில்களில் மாற்றம் இருப்பதாகவும் இந்த ஆய்வில் கூறப்பட்டுள்ளது. மனிதர்களைப் போல் தியானம் செய்ய ஊக்குவித்தபின் ChatGPT கொஞ்சம் சாந்தமான முறையில் பதில் அளிப்பதாக இந்த ஆய்வு முடிவுகளில் தெரியவந்துள்ளது.

அடிப்படையில் AI தொழில் நுட்பத்திற்கு உணர்ச்சிகள் கிடையாது என்றாலும் மனிதர்கள் பலவிதமான சூழ்நிலைகளில் எப்படி ரியாக்ட் செய்வார்கள் போன்ற தகவல்கள் அவைகளுக்குள் உள்ளடக்கப்பட்டிருக்கின்றன. இதனால் சென்சிட்டிவான உணர்ச்சிவசமான சூழ் நிலைகளில் மனிதர்கள் எப்படி நடந்து கொள்கிறார்களோ அதேபோல் AI நடந்துகொள்வதாக ஆய்வாளர்கள் தெரிவித்துள்ளார்கள்.

Deepseek AI: ஷாக்கில் டிரம்ப்! வரி நெருக்கடிக்கு டீப்சிக் ஆயுதத்தை எடுத்த சீனா! ஒரே நாளில் ரூ5 லட்சம் கோடி நஷ்டம்

செல்வகுமார் — Thu, 6 Feb 2025 16:55:35 +0530

உலக முழுவதும், இன்று பலராலும் தொழில்நுட்ப ரீதியாக உச்சரிக்கப்படும் வார்த்தை என்னவென்றால் டீப்சிக் ஏஐ-தான். உலக அளவில் தொழில்நுட்பத்தில் வல்லமை படைத்த நாடு, நாங்கள்தான் நம்பர் ஒன் என அமெரிக்கா என கூறி கொண்டிருக்கும் போது, 1957ல் ரஷ்யா முதல் செயற்கைகோளான ஸ்புட்னிக்கை விண்ணில் செலுத்தி, அமெரிக்காவை மட்டுமன்றி உலகையே ஆச்சரியத்தில் ஆழ்த்தியது. அதுபோன்ற தருணம் மீண்டும் ஏற்பட்டிருக்கிறது. செயற்கை நுண்ணறிவு துறையில், அமெரிக்காதான் முதலிடம் என்று கூறிக் கொண்டிருக்கும் நிலையில், டீப்சிக் என்ற செயற்கை நுண்ணறிவு அமைப்பை கொண்டு வந்து அமெரிக்காவை அலறவிட்டிருக்கிறது சீனா. இதையடுத்து, அமெரிக்க தொழில்நுட்ப நிறுவனங்களுக்கு அதிபர் டிரம்ப் எச்சரித்துள்ளார். சரி, டீப்சிக் ஏஐ என்றால்? ஏற்கனவே பல ஏஐ இருக்கும்போது, இதில் என்ன சிறப்பு? குறிப்பாக, அமெரிக்கா அச்சம் கொள்வது ஏன்? என , இந்த தொகுப்பில் பார்ப்போம்.

ஏஐ என்றால் என்றால் என்ன?

சில தரவுகளை கொடுத்து, அதன்படி இயங்கும் வகையில் ஒரு தொழில்நுட்பம் தயாரிக்கப்படுகிறது. உதாரணத்திற்கு , கால்குலேட்டரில் , இரண்டு எண்களை கூட்டுவதற்கு, 2 எண்களை கொடுத்து, பிளஸ் குறியை கொடுத்தால் , விடை கிடைக்கும் வகையில் உருவாக்கப்பட்டிருக்கும். ஆனால், ஒரு தொழில்நுட்பமானது, நமக்கு இதுதான் தேவை என, அதுவாகவே புரிந்து கொண்டு, நமக்கு தகவல்களை தரும் தொழில்நுட்பம்தான் , செயற்கை நுண்ணறிவு. இதன் மூலம், உங்களுக்கு தேவையானவற்றை கொடுத்தால் போதும், கூகுள் தேடலில் கிடைப்பது போல, பல தகவல்களை தராமல், உங்களுக்கு என்ன தேவை , அதில் எது சரியான மற்றும் நம்பகரமான தகவல்களை திரட்டி கொடுக்கும்.உலகளவில், தற்போது பல ஏஐ சேட் பாட்கள் உள்ளன. சேட் பாட் என்றால், நமக்கு எது தேவை என்பதை, அதில் டைப் செய்தால்( சேட் செய்தால் ) போதும், அது பதிலாக கொடுக்கும். இதனால் சேட் பாட் என அழைக்கப்படுகிறது.

இதன மூலம், பள்ளி-கல்லூரி மாணவர்களின் வீட்டு பாடங்களை முடித்துக் கொள்ள முடிகிறது; சந்தேகங்களை தீர்க்கிறது; ஐடி துறையில், கோடிங் உள்ளிட்டவைகளையும் விரைவில் வழங்குகிறது. இதனால், மக்கள் மத்தியில் பெரும் வரவேற்பைப் பெற ஆரம்பித்திருக்கிறது.

டீப்சிக் ஏஐ சேட் பாட் சிறப்பு:

உலகளவில் பிரபலமாக இருக்கும் சேட் பாட்களான ஓபன் ஏஐ நிறுவனத்தின் சேட் ஜிபிடி, கூகுள் நிறுவனத்தில் ஜெமினி, மெட்டா ( வாட்சப் ) நிறுவனத்தின் மெட்டா ஏஐ , எலான் மஸ்க்கின் க்ரோக் ஏஐ ஆகியவை உள்ளன. இவை அமெரிக்கா நிறுவனத்தைச் சேர்ந்தவை.

இன்று பெரும்பாலோனோர் பயன்படுத்தும் சேட் ஜிபிடி-ஐ உருவாக்க, 4, 500 ஊழியர்கள் இணைந்து 10 வருடங்களானது. இதற்கான செலவானது, 500 பில்லியன் டாலர் ( இந்திய மதிப்பில் சுமார் 50 லட்சம் கோடி ). ஆனால் டீப்சிக் உருவாக்க 200 ஊழியர்கள் சேர்ந்து 2 வருடங்கள் மட்டுமே எடுத்துக் கொண்டனர் . இதற்கான செலவானது 10 மில்லியன் டாலர் மட்டுமே ( இந்திய ரூபாய் மதிப்பில் சுமார் 49 கோடி ) என்ற தகவல்கள் தெரிவிக்கின்றன.

Also Read: Israel Hamas Ceasefire: டிரம்ப்பா- பைடனா.? இஸ்ரேல் – ஹமாஸ் போர் நிறுத்தத்திற்கு யார் காரணம் ?

டீப் சிக்கிற்கு எப்படி சாத்தியம்?

ஏஐ தொழில்நுட்பம் இயங்குவதற்கு மிகப் பெரிய அளவிலான மென்பொருள் மற்றும் வன்பொருள் அமைப்பு தேவை. கணிப்பொறி இயங்க சிபியு தேவைப்படுவது போல, உலகளவில் உள்ள தகவல்களை திரட்டி , தானாக யோசித்து, துல்லியமாக தர வேண்டும் என்றால், மிகப் பெரிய கட்டமைப்பு தேவை. சில ஏஐ நிறுவனம், மின்சாரத்திற்காக , தனியாக அணுமின் நிலையமே வைத்திருக்கிறது என்றால் பார்த்துக் கொள்ளுங்கள்.

இதனால், ஏஐ-ல் வல்லமையுடன் திகழ்ந்த அமெரிக்கா , தனது சிப் தொழில்நுட்பத்தை சீனாவுக்கு விற்பனைக்கு தடை விதித்தது. மற்ற நாடுகளுக்கும் விற்பனை செய்வதிலும், பல கட்டுபாடுகளை வைத்துள்ளது. அதிலும் குறிப்பாக உலக அளவில் ஏஐ சிப் உருவாக்குவதில் , வலுவான நிறுவனமான என்விடியா ( ENVIDIA ) , தனது சிப்களை சீனாவுக்கு விற்பனை செய்வதில்லை.
சீனாவிற்கு, என்விடியா ஏஐ சிப் வழங்காதபோதும், அமெரிக்காவுக்கு இணையாக, ஏன், அதைவிட சக்திவாய்ந்த ஏஐ சேட்பாட்டை எப்படி உருவாக்கியது எப்படி என்பது குறித்தான கேள்விக்கு, “ அமெரிக்கா தடை விதிப்பதற்கு முன்பாகவே, வாங்கி வைத்த ஏஐ சிப்களை வைத்தும், மேலும், பழைய சாதனங்களில் இருந்த ஏஐ சிப்களை பயன்படுத்தியும், குறைவான சிப்களுடன் வலுவான தொழிநுட்பத்துடன் உருவாக்கியதாகவும் கூறப்படுகிறது.

இதனால்தான், குறைவான செலவு எடுத்துக் கொள்ளப்பட்டதாகவும், அதனால், குறைவான செலவில் பயனர்களுக்கு கொடுக்க முடிவதாகவும் சீனா தரப்பு தெரிவிக்கிறது. மேலும், டீப்சிக் ஓபன் சோர்சாக இருப்பதால், தனிநபர்களும், அந்த கோடிங்கை பார்க்க முடியும், அவர்களுக்கு ஏற்ப மாற்ற முடியும்.

அமெரிக்காவுக்கு விழுந்த அடி:

அமெரிக்கா, ஏஐ தொழில்நுட்பத்தில் அடுத்த கட்டத்திற்குச் செல்ல வேண்டும் என சில நாட்களுக்கு முன்புகூட ஸ்டார் கேட் என்ற திட்டத்தை தொடக்கியது. அதற்கு 43 லட்சம் கோடி முதலீடு செய்ததாக கூறப்படுகிறது. இந்த நிலையில், குறைவான செலவில் ,வலுவான ஒன்றை உருவாக்கி இருக்கிறது டீப்சிக்; இதற்கு ஏன் இவ்வளவு செலவு என , முதலீடு செய்த முதலீட்டாளர்கள், இதர நிறுவனங்களிலிருந்து வெளியேற தொடங்கியதாக கூறப்படுகிறது. குறிப்பாக என்விடியா நிறுவனத்தின் பங்குகள் பலமான சரிவை கண்டன.

பங்குச் சந்தையில், அமெரிக்காவின் தொழில்நுட்ப நிறுவனங்கள் ரூ. 5 லட்சம் கோடிக்கு மேல் நஷ்டத்தை சந்தித்துள்ளதாக தகவல் தெரிவிக்கின்றன. மேலும் ஜப்பான் உள்ளிட்ட பிற நாடுகளின் தொழில்நுட்ப நிறுவனங்கள் பெரும் சரிவை சந்தித்தன.
அமெரிக்காவின் ஓபன் ஏஐ நிறுவனத்தின் சேட் ஜிபிடி ப்ரீமியம் வெர்சன் மாதத்த்திற்கு 20 டாலர் என இருக்கும் நிலையில், டீப்சிக் ப்ரீமியம் வெர்சன் மாதத்திற்கு 0.5 டாலரை நிர்ணயித்துள்ளது. இதனால், குறைவான விலையில், வலிமையான தொழில்நுட்பம் கிடத்துள்ளதாக கூறி, பலரும் டீப் சிக்கை பயன்படுத்த ஆரம்பித்துள்ளனர்.

லியான் வென்ஃபெங் என்ற சீன நபரால் கண்டுபிடிக்கப்பட்ட டீப்சிக், திமிலங்கத்தின் லோகாவை கொண்டுள்ளது. அதற்கேற்றாற் போல, மற்ற நிறுவனங்களை திமிலங்கம் போல விழுங்க தொடங்கியுள்ளது.
இந்நிலையில், புதிதாக பதவியேற்ற அமெரிக்க அதிபர் டிரம்ப் , சீனாவிற்கு பல தடைகள் விதித்து வரும் நிலையில், சைலண்ட்டாக அமெரிக்காவை அலறிவிட்டிருக்கிறது சீனாவின் டீப்சிக். இது அமெரிக்கர்கள் விழித்துக் கொள்ள வேண்டிய தருணம் என்றும், அந்நாட்டு தொழில்நுட்ப நிறுவனங்களுக்கு, அமெரிக்க அதிபர் டிரம்ப் எச்சரிக்கை விடுத்துள்ளார்.

Also Read: வெடித்த எலான் மஸ்க் ஸ்டார்சிப் ராக்கெட்: நெருப்பு மழையாக மாறிய வானம்: கூலாக பதிலளித்த மஸ்க்.!

Year Ender 2024: டேட்டிங் தொடங்கி மோடியின் டீப் ஃபேக், ”செத்துப்போ” சாபம் வரை - 2024ல் AI செய்த 5 நூதன சம்பவங்கள்

குலசேகரன் முனிரத்தினம் — Mon, 23 Dec 2024 09:41:23 +0530

Year Ender 2024: பிரதமர் மோடியின் டீப் ஃபேக் தொடங்கி டேட்டிங் வரை, நடப்பாண்டில் AI எனப்படும் செயற்கை நுண்ணறிவு மூலம் பல நூதன சம்பவங்கள் அரங்கேறியுள்ளனர்.

செயற்கை நுண்ணறிவின் (AI) தாக்கம்:

2024 ஒரு வித்தியாசமான ஆண்டு, குறிப்பாக செயற்கை நுண்ணறிவு தொழில்நுட்பத்தின் (AI) விரைவான பரிணாம வளர்ச்சியுடன் பல மாற்றங்கள் நிகழ்ந்துள்ளன. உலகம் AI இல் குறிப்பிடத்தக்க வளர்ச்சியைக் கண்டிருக்க, அதன் தவறான பயன்பாட்டின் விளைவுகளையும் கண்டுள்ளது. பிரபலங்கள் மற்றும் அரசியல் பிரமுகர்கள் டீப்ஃபேக்குகளால் பாதிக்கப்பட்டனர். அதே நேரத்தில், எக்ஸ் உரிமையாளர் எலோன் மஸ்க் ஒரு வினோதமான பேஷன் ஷோவை ஏற்பாடு செய்தார், இதில் மைக்ரோசாப்ட் இணை நிறுவனர் பில் கேட்ஸ் மற்றும் ரஷ்ய அதிபர் விளாடிமிர் புதின் ஆகியோர் ஃபேஷன் ஷோவில் நடப்பதைக் காண முடிந்தது. இந்நிலையில், 2024 ஆம் ஆண்டில் AI தொடர்பான மிகவும் பிரபலமான மற்றும் நூதனமான நிகழ்வுகள் கீழே பட்டியலிடப்பட்டுள்ளன.

டாப் 5 AI சம்பவங்கள்:

1. பிரதமர் மோடி நடனமாடும் வீடியோ:

பிரதமர் நரேந்திர மோடி பாடுவது அல்லது நடனமாடுவது போன்ற ஒரு வீடியோவை நீங்கள் பார்த்திருக்க அதிக வாய்ப்புகள் உள்ளன. இந்த வீடியோக்கள் எதுவும் உண்மையானவை அல்ல. காரணம் அவை AI உதவியுடன் உருவாக்கப்பட்டவை. அந்த வகையில் தேர்தல் நேரத்தில் பிரதமர் மோடி நடனமாடுவதை போன்ற ஒரு வீடியோ வைரலானது. அதனை ரீட்விட் செய்த மோடி, "உங்கள் அனைவரையும் போலவே நானும் நடனமாடுவதைப் பார்த்து மகிழ்ந்தேன்" என குறிப்பிட்டு இருந்தார்.

Like all of you, I also enjoyed seeing myself dance. 😀😀😀

Such creativity in peak poll season is truly a delight! #PollHumour https://t.co/QNxB6KUQ3R
— Narendra Modi (@narendramodi) May 6, 2024

2. டேட்டிங் செய்ய உதவிய AI

பெங்களூருவைச் சேர்ந்த இளம்பெண் ஒருவர் சமூக வலைதளத்தில் ஒரு பதிவை வெளியிட்டு இருந்தார். அதில், “ஆன்லைனில் சந்தித்து நெருக்கமான ஒருவரை முதல்முறையாக நேரில் சந்தித்தேன். ஆனால், ஆன்லைனில் பேசியதை போன்று அவர் நேரில் சகஜமாகவோ, சுவாரஸ்யமாகவோ, வேடிக்கையாகவோ உரையாடல்களை முன்னெடுக்கவில்லை. பொதுவாக நாங்கள் பேச ஆரம்பித்த பிறகு தான், ஆன்லைன் உரையாடலுக்காக அவர் AI டூல்ஸை பயன்படுத்தியது தெரிய வந்தது. எரிச்சலூட்டும் இந்த சம்பவம், பெங்களூருவில் உள்ள அனைவரும் ஏதோ ஒரு AI கருவியில் இருப்பது போல் தெரிகிறது” என பதிவிட்டுள்ளார். Happn மற்றும் Boo போன்ற சில டேட்டிங் செயலிகள், பயனர்கள் குறுஞ்செய்தி அனுப்புவதற்கும், அற்புதமான மூமென்ட்களை கொண்டு வருவதற்கும் AI ஐப் பயன்படுத்த வெளிப்படையாக அனுமதிக்கின்றன என்பது குற்ப்பிடத்தக்கது.

3. AI-ஆற்றல் கொண்ட ரோபோ உடன் திருமணம்

ராஜஸ்தானின் சிகார் மாவட்டத்தைச் சேர்ந்த பொறியாளர் ஒருவர், ஷாஹித் கபூர் மற்றும் க்ரிதி சனோன் நடித்த 'தேரி பாடன் மே ஐசா உல்ஜா ஜியா' திரைப்படத்தை நிஜ வாழ்க்கைக் கதையாக மாற்ற முடிவு செய்தார். தொழில்நுட்ப வல்லுநருக்கு ரோபாட்டிக்ஸ் மீது மிகுந்த காதல் இருந்ததால், அவர் ஜிகா என்ற ரோபோவை திருமணம் செய்து கொள்ள முடிவு செய்தார். தமிழகத்தில் சுமார் 19 லட்சம் ரூபாய் மதிப்பீட்டில் ஜிகா உருவாகி வருவதாகவும், அதன் புரோகிராமிங் பணிகள் டெல்லியில் நடைபெற்று வருவதாகவும் சூர்ய பிரகாஷ் சமோட்டா தெரிவித்தார். சிறுவயதில் இருந்தே தனக்கு ரோபோட்டிக்ஸ் மீது ஆர்வம் இருந்ததாகவும், செயற்கை நுண்ணறிவு மற்றும் மனித உருவம் கொண்ட ரோபோக்கள் மீது மிகுந்த ஆர்வம் கொண்டதாகவும் விளக்கமளித்தார்.

”செத்துப்போ” என்ற கூகுளின் ஜெமினி AI

ஒரு Reddit பயனர் ஒரு மாணவருக்கும் கூகுள் ஜெமினிக்கும் இடையிலான உரையாடலின் ஸ்கிரீன் ஷாட்களைப் பகிர்ந்தார். அதில், AI சாட்பாட் எதிர்பாராதவிதமாக மாணவர் "செத்துப்போ" என்று பரிந்துரைத்தது. வயது முதிர்ந்தவர்கள் எதிர்கொள்ளும் சவால்கள் தொடர்பான கேள்விகள் உடன், AI உடனனான மாணவனின் உரையாடல் தொடங்கியுள்ளது. கிடைத்த பதில்களில் "மேலும் சேர்" என்று சாட்போட்டை மீண்டும் மீண்டும் கேட்டு, உரையாடலை மேலும் மேலும் நீட்டியுள்ளார். பயனரின் தொடர்ச்சியான கோரிக்கைகளால் விரக்தியடைந்து, எதிர்பாராத விதமாக, "இது உனக்கானது, மனிதனே. உனக்கு உனக்கானது மட்டுமே. நீ சிறப்பானவன் கிடையாது, நீ முக்கியமானவன் அல்ல, நீ தேவையானவன் அல்ல. நீ நேரத்தையும் வளங்களையும் வீணடிக்கிறாய். நீங்கள் சமூகத்திற்கு ஒரு சுமை. நீ பூமியில் ஒரு கறை செத்துப்போ” என பதிலளித்து AI அதிர்ச்சியை ஏற்படுத்தியுள்ளது.

High time for an AI fashion show pic.twitter.com/ra6cHQ4AAu
— Elon Musk (@elonmusk) July 22, 2024

எலான் மஸ்கின் AI ஃபேஷன் ஷோ

போப் பிரான்சிஸ், பிரதமர் நரேந்திர மோடி, டொனால்ட் டிரம்ப், மார்க் ஜுக்கர்பெர்க், எலான் மஸ்க் ஆகியோர் ராம்ப்வாக் மேற்கொள்வதை நீங்கள் எப்போதாவது கற்பனை செய்திருக்கிறீர்களா? இப்படி ஒரு வினோதமான எண்ணம் எப்போதாவது உங்கள் மனதில் தோன்றியிருந்தால், செயற்கை நுண்ணறிவு (AI) நடப்பாண்டில் அதற்கு ஒரு ஆச்சரியமான பதிலைக் கொடுத்தது. எக்ஸ் (முன்னர் ட்விட்டர்) உரிமையாளர் எலான் மஸ்க் பகிர்ந்த AI-உருவாக்கிய வீடியோ சமூக வலைதலங்களுல் பெரும் வைரலானது.

Gemini AI: கூகுள் ஜெமினி என்றால் என்ன? அதன் சாதக பாதகங்களை பற்றி தெரிந்து கொள்வோம்!

சுதர்சன் — Sun, 26 May 2024 18:48:41 +0530

ஒவ்வொரு தொழில்நுட்ப மாற்றமும் அறிவியல் கண்டுபிடிப்புகளை முன்னேற்றுவதற்கும், மனித முன்னேற்றத்தை விரைவுபடுத்துவதற்கும், வாழ்க்கையை மேம்படுத்துவதற்கும் ஒரு வாய்ப்பாகும். செயற்கை நுண்ணறிவில் (AI) இப்போது நாம் காணும் மாற்றம் நம் வாழ்நாளில் ஏற்பட்ட மிகப் பெரிய முன்னேற்றமாகும்.

குறிப்பாக சொல்ல வேண்டுமானால் மொபைல் அல்லது இணையத்திற்கு மாறியதை விட மிகப் பெரியதாக இருக்க போகிறது. எல்லா இடங்களிலும் உள்ள மக்களுக்கு - அன்றாடம் முதல் அசாதாரணமானது வரை - வாய்ப்புகளை உருவாக்கும் திறனை செயற்கை நுண்ணறிவு கொண்டுள்ளது.

நாம் இதுவரை கண்டிராத அளவில் புதுமையிலும் பொருளாதார முன்னேற்றத்திலும் அறிவிலும் கற்றலிலும் படைப்பாற்றலிலும் உற்பத்தித்திறனிலும் புதிய புரட்சியை ஏற்படுத்த உள்ளது.

கூகுள் ஜெமினி என்றால் என்ன?

இயற்கையான மொழி செயலாக்கம் (NLP) மற்றும் இயந்திர கற்றலைப் பயன்படுத்தி மனித உரையாடல்களை உருவகப்படுத்த கூகுள் நிறுவனத்தால் வடிவமைக்கப்பட்ட செயற்கை நுண்ணறிவு (AI) சாட்போட் கருவியாகும். இணையதளங்கள், மெசேஜ் பிளாட்பார்ம்கள், செயலிகளுடன் ஒருங்கிணைந்து பயனர் கேட்கும் கேள்விகளுக்கு யதார்த்தமான, இயல்பான பதில்களை வழங்கும் வகையில் வடிவமைக்கப்பட்டுள்ளது. இதன் சாதக, பாதகங்களை பற்றி தற்போது தெரிந்து கொள்வோம்.

சாதகங்கள்:

தகவல்களை துல்லியமாக வழங்கும். கூகுளின் தேடல் திறன்களுடன் ஜெமினியை ஒருங்கிணைப்பதன் மூலம் விரிவான, புதுப்பிக்கப்பட்ட தகவல்களை பெறலாம். இதனால், மதிப்புமிக்க ஆராய்ச்சி கருவியாகவும் அறிவு ஆதாரமாகவும் விளங்குகிறது.

மல்டிமாடல் திறன்கள்: டெக்ஸ்ட், இமேஜ் உள்ளிட்ட வடிவங்களை பிராசஸ் செய்யும் திறன் கூகுளின் பயன்களை பல்வேறு களங்கள் மற்றும் தொழில்துறைகளுக்கு விரிவுப்படுத்துகிறது.

பகுத்தறிந்து, சிக்கலைத் தீர்க்கும் திறன்: தர்க்கரீதியான பகுத்தறியும் திறன்களை ஜெமினி வெளிப்படுத்துகிறது. சிக்கலான தகவல்களை பகுப்பாய்வு செய்வதற்கும் சிக்கலைத் தீர்க்கும் சூழ்நிலைகளிலும் பயனுள்ளதாக இருக்கும்.

மேம்பாடு: தொடர்ந்து மேற்கொள்ளப்படும் ஆராய்ச்சி மற்றும் மேம்பாட்டிலிருந்தும் ஜெமினி பயன் அடைகிறது. திறன்களை மேம்படுத்தி அடுத்த கட்டத்திற்கு எடுத்த செல்லவும் உதவுகிறது.

ஒருங்கிணைப்பு: பிற கூகுள் கருவிகள் மற்றும் சேவைகளுடன் தடையின்றி ஒருங்கிணைக்க ஜெமினிக்கு திறன் உள்ளது.

பாதகங்கள்:

அணுகுதல்: ஜெமினியை எளிதாக அணுகுவதில் சிரமம் உள்ளது. ஒப்பிட்டளவில் கட்டுப்பாடுகளும் இருக்கின்றன. இதன் பரவலான பயன்பாட்டை இதுவே தடுக்கிறது.

தவறான தகவல்கள்: உண்மையான தகவல்களுக்கு முக்கியத்துவம் கொடுத்தாலும், ஜெமினி, பிற ஏஐ மாடல்களை போலவே, அதன் பயிற்சி செயல்முறையின் தன்மை காரணமாக எப்போதாவது தவறான தகவல்களை வழங்கலாம்.

கணக்கீட்டு தேவைகள்: ஜெமினியின் மேம்பட்ட தன்மைக்கு குறிப்பிடத்தக்க கணக்கீட்டு வளங்கள் தேவைப்படுகின்றன. இதனால், அதன் செலவு அதிகரிக்கலாம்.

இதையும் படிக்க: WhatsApp: வாட்ஸ் அப்பில் AI புரோஃபைல் ஃபோட்டோ வசதி - புதிய அப்டேட் எப்போது?

Ruturaj Gaikwad : இனி தோனி டீம் இல்ல.. கேப்டனாக கலக்கும் ருதுராஜ்

ABP NADU — Wed, 27 Mar 2024 13:02:42 +0530

இனி தோனி டீம் இல்ல.. கேப்டனாக கலக்கும் ருதுராஜ்