olympics

LA Olympics: ஒலிம்பிக்கில் கிரிக்கெட் - 128 வருட காத்திருப்பு, பொமோனா தெரியுமா? போட்டிகள் எங்கு, எப்போது நடைபெறும்?

குலசேகரன் முனிரத்தினம் — Thu, 17 Apr 2025 07:43:32 +0530

LA 2028 Olympics Cricket: லாஸ் ஏஞ்சல்ஸ் ஒலிம்பிக்கில் கிரிக்கெட் போட்டியில், ஆடவர் மற்றும் மகளிர் பிரிவில் தலா 6 அணிகள் பங்கேற்க உள்ளன.

ஒலிம்பிக்ஸில் கிரிக்கெட்:

ஒலிம்பிக், விளையாட்டு போட்டிகளின் உச்சபட்ச நிகழ்வாக சர்வதேச அளவில் கொண்டாடப்படுகிறது. அடுத்த ஒலிம்பிக்ஸ் போட்டிக்காக அமெரிக்காவின் லாஸ் ஏஞ்சல்ஸ் நகரம் பிரமாண்டமாக தயாராகி வருகிறது. இந்நிலையில் அதை மேலும் பொதுமக்களிடம் கொண்டு சேர்க்கும் வகையில், 128 வருட இடைவெளிக்குப் பிறகு கிரிக்கெட் ஒலிம்பிக் போட்டிகளில் மீண்டும் இடம்பெற உள்ளது. 1900 ஆம் ஆண்டு ஒரே முறையாக நடத்தப்பட்ட பிறகு, 2028 ஆம் ஆண்டு லாஸ் ஏஞ்சல்ஸ் போட்டிகளில் கிரிக்கெட் மீண்டும் இடம்பெறுகிறது. இந்த எடிஷனில் சேர்க்கப்பட்டுள்ள ஐந்து புதிய விளையாட்டுகளில் இதுவும் ஒன்றாகும். அதுவும் கிரிக்கெட்டிற்கு இடைக்கால அனுமதி மட்டுமே வழங்கப்பட்டுள்ளது.

போட்டிகள் எங்கு, எப்போது நடைபெறும்?

ஒலிம்பிக்கில் கிரிக்கெட் இடம்பெறும் என்ற அறிவிப்பே ரசிகர்கள் இடையே பெரும் எதிர்பார்ப்பை ஏற்படுத்தியுள்ளது. அதோடு, எந்த மைதானத்தில் போட்டி நடைபெறும், எப்போது நடைபெறும் என்ற கேள்வியும் எழுந்துள்ளது. இந்நிலையில் தான், ”கலிபோர்னியாவின் கிழக்கு லாஸ் ஏஞ்சல்ஸ் கவுண்டியில் உள்ள போமோனா நகரில் கிரிக்கெட் போட்டிகள் நடைபெறும். போமோனாவில் உள்ள ஃபேர்கிரவுண்டில் தற்காலிகமாக கட்டப்பட்ட மைதானத்தில் போட்டிகள் நடைபெறும்” என்று லாஸ் ஏஞ்சல்ஸ் 2028 ஒலிம்பிக்ஸ் ஏற்பாட்டுக் குழு அறிவித்துள்ளது. ஜூலை 14 முதல் 30 வரை நடைபெறும் இந்த விளையாட்டுப் போட்டிகளில், ஆண்கள் மற்றும் பெண்கள் பிரிவுகளில் இருந்து தலா ஆறு அணிகள் பங்கேற்கும்.

போமோனா எங்கே இருக்கிறது?

குறிப்பாக, போமோனா என்பது அமெரிக்காவின் கலிபோர்னியாவின் கிழக்கு லாஸ் ஏஞ்சல்ஸ் கவுண்டியில் உள்ள ஒரு நகரமாகும். இது போமோனா பள்ளத்தாக்கில் இன்லேண்ட் எம்பையருக்கும், சான் கேப்ரியல் பள்ளத்தாக்கிற்கும் இடையில் அமைந்துள்ளது. 2020 மக்கள் தொகை கணக்கெடுப்பின்படி நகரத்தின் மக்கள் தொகை 1,51,713 மட்டுமே ஆகும்.

நகரத்தின் வானிலையைப் பற்றிப் பேசுகையில், போமோனா ஒரு மத்திய தரைக்கடல் காலநிலையைக் கொண்டுள்ளது. கோடை காலம் வெப்பமாகவும் வறண்டதாகவும் இருக்கும், அதே நேரத்தில் குளிர்காலம் லேசானதாகவும் ஈரப்பதமாகவும் இருக்கும். ஆண்டு முழுவதும் அதிக அளவு சூரிய ஒளி இருக்கும். கோடை காலம் பொதுவாக வெயிலாக இருக்கும், ஜூன் முதல் செப்டம்பர் வரை மிகக் குறைந்த மழைப்பொழிவு மட்டுமே இருக்கும்.

கிரிக்கெட்டை பரப்பும் நடவடிக்கை:

லாஸ் ஏஞ்சல்ஸ் ஒலிம்பிக்கில் கிரிக்கெட் போட்டி நடைபெறுவது, உலகின் மற்ற பகுதிகளுக்கும் கிரிக்கெட்டைப் பரப்புவதில் ஒரு முக்கியமான நிகழ்வாக இருக்கும். 2024 ஆம் ஆண்டு டி20 உலகக் கோப்பையை அமெரிக்கா, மேற்கிந்திய தீவுகளுடன் இணைந்து நடத்தியது. அமெரிக்காவில் இவ்வளவு பெரிய சர்வதேச மட்டத்தில் கிரிக்கெட் விளையாடப்படுவதற்கான மற்றொரு எடுத்துக்காட்டாகும்.

ஐசிசி சொல்வது என்ன?

பொமோனாவில் கிரிக்கெட் போட்டிகள் நடத்தப்படும் என்ற அறிவிப்பை ஐ.சி.சி தலைவர் ஜெய் ஷா வரவேற்றார். அதன்படி, "2028 ஆம் ஆண்டு லாஸ் ஏஞ்சல்ஸில் கிரிக்கெட் போட்டி நடைபெறும் இடம் குறித்த அறிவிப்பை நாங்கள் வரவேற்கிறோம், ஏனெனில் இது நமது விளையாட்டு ஒலிம்பிக்கில் மீண்டும் வருவதற்கான நடவடிக்கையில் ஒரு குறிப்பிடத்தக்க படியாகும். கிரிக்கெட் மிகவும் பிரபலமான விளையாட்டு என்றாலும், புதிய பார்வையாளர்களை ஈர்க்கும் வேகமான, உற்சாகமான டி20 வடிவத்தில் ஒலிம்பிக்கில் இடம்பெறும்போது பாரம்பரிய எல்லைகளை விரிவுபடுத்துவதற்கான ஒரு அருமையான வாய்ப்பாக இது இருக்கும்" என்று அமித் ஷா தெரிவித்துள்ளார்.

Kavya Maran: என்ன டா விளையாடுறீங்க? கடுப்பான காவ்யா மாறன்.. சொதப்பும் சன்ரைசர்ஸ்! வைரல் வீடியோ!

ஜேம்ஸ் — Mon, 7 Apr 2025 09:04:30 +0530

ஹைதராபாத்தில் உள்ள ராஜீவ் காந்தி சர்வதேச மைதானத்தில் குஜராத் டைட்டன்ஸ் (GT) அணிக்கு எதிரான இந்தியன் பிரீமியர் லீக் (IPL) 2025 போட்டியின் போது அபிஷேக் சர்மா தனது விக்கெட்டை இழந்ததை அடுத்து சன்ரைசர்ஸ் ஹைதராபாத் (SRH) அணியின் உரிமையாளர் காவ்யா மாறன் விரக்தியடைந்தார். கடந்த ஐபிஎல் சீசனில் இரண்டாம் இடத்தைப் பிடித்த SRH, ஷுப்மான் கில் தலைமையிலான GT அணிக்கு ஏழு விக்கெட் வித்தியாசத்தில் தோல்வியை அளித்ததால், தொடர்ந்து நான்காவது தோல்வியை சந்தித்தது.

2024 ஐபிஎல் தொடரில் சன்ரைசர்ஸ் ஹைதராபாத்தின் அதிரடி பேட்டிங், ஐபிஎல் 2025 இல் அவர்களின் முத்திரையாக மாறியது, ஆனால் ஐபிஎல் 2025 இல் அது மோசமாகவே உள்ளது. ராஜஸ்தான் ராயல்ஸுக்கு எதிரான சீசன் தொடக்க ஆட்டத்தில் 286 ரன்கள் எடுத்த பிறகு, இதுவரை மீதமுள்ள அனைத்து போட்டிகளிலும் சன்ரைசர்ஸ் ஹைதராபாத் 200 ரன்களைக் கடக்கத் தவறிவிட்டது. டிராவிஸ் ஹெட், அபிஷேக் சர்மா, இஷான் கிஷான், ஹென்ரிச் கிளாசென் மற்றும் நிதிஷ் ரெட்டி போன்ற பெரிய ஹிட்டர்களைக் கொண்ட அவர்களின் பேட்டிங் ஒட்டுமொத்தமாக தோல்வியடைந்துள்ளது.

கடந்த சீசனில் தனது அற்புதமான ஆட்டத்திற்காக SRH அணியால் 14 கோடி ரூபாய்க்கு தக்கவைத்துக் கொள்ளப்பட்ட அபிஷேக், இன்னும் ஒரு அரைசதம் கூட அடிக்கவில்லை. GT அணிக்கு எதிரான SRH அணியின் பேட்டிங் இன்னிங்ஸின் நான்காவது ஓவரில் முகமது சிராஜ் வீசிய பந்தில் ஆட்டமிழப்பதற்கு முன்பு அவர் 18 ரன்கள் மட்டுமே எடுத்தார். அபிஷேக் சர்மாவின் ஆட்டம் SRH உரிமையாளர் காவ்யா மாறனின் கோபத்தை தூண்டியது, அவர் மைதானத்தில் வெளிப்படையாகவே அதிருப்தி அடைந்தார். அவரது எரிச்சலூட்டும் வெளிப்பாடு சமூக ஊடகங்களில் விரைவாக வைரலானது.

]

pic.twitter.com/ojfr9V6Wfj
— Drizzyat12Kennyat8 (@45kennyat7PM) April 6, 2025

டாஸ் இழந்த சன்ரைசர்ஸ் ஹைதராபாத் அணி முதலில் பேட்டிங் செய்ய அழைக்கப்பட்டது, டிராவிஸ் ஹெட் இரண்டு பவுண்டரிகளை அடித்தார், ஆனால் முதல் ஓவரின் இறுதி பந்தில் ஆட்டமிழந்தார். அவரது துணையான அபிஷேக் சர்மா எச்சரிக்கையுடன் தொடங்கி 16 பந்துகளில் 18 ரன்கள் எடுத்து, ஒரு ஆபத்தான ஷாட்டில் வீழ்ந்தார். ஆரம்பகால பின்னடைவுகள் இருந்தபோதிலும், நிதிஷ் குமார் ரெட்டி (31), ஹென்ரிச் கிளாசென் (27), மற்றும் பேட் கம்மின்ஸ் (22*) ஆகியோரின் சிறப்பான பங்களிப்புடன் SRH 20 ஓவர்களில் 152/8 ரன்கள் எடுத்தது. குஜராத் டைட்டன்ஸ் அணிக்காக, முகமது சிராஜ் நான்கு விக்கெட்டுகளையும், சாய் கிஷோர் மற்றும் பிரசித் கிருஷ்ணா தலா இரண்டு விக்கெட்டுகளையும் வீழ்த்தினர்.

பதிலுக்கு துடுப்பெடுத்தாடிய ஜிடி அணி, கேப்டன் ஷுப்மான் கில்லின் ஆட்டமிழக்காத 61 ரன்கள் மூலம் 16.4 ஓவர்களில் 153 ரன்கள் இலக்கை எளிதாக எட்டியது. வாஷிங்டன் சுந்தர் (49) மற்றும் ஷெர்பேன் ரூதர்ஃபோர்ட் (35*) ஆகியோர் முக்கிய ஆதரவுடன் ஏழு விக்கெட் வித்தியாசத்தில் ஆதிக்கம் செலுத்தும் வெற்றியைப் பதிவு செய்தனர்.

Commonwealth Games: மிஷன் 2036.. காமன்வெல்த் போட்டிகளை நடத்த தயார்.. இந்தியாவின் மாஸ்டர் பிளான்

ஜேம்ஸ் — Sat, 22 Mar 2025 09:21:13 +0530

2030 ஆம் ஆண்டு நடைப்பெறவுள்ள காமன்வெல்த் போட்டிகளை நடத்த இந்திய விண்ணப்பித்துள்ளதாக தகவல் வெளியாகி உள்ளது.

காமன்வெல்த் போட்டிகள்:

2036 ஒலிம்பிக்கிற்கு முன்பு, 2030 காமன்வெல்த் விளையாட்டுப் போட்டிகளை நடத்த இந்தியாவும் விண்ணப்பித்துள்ளது. 2030 காமன்வெல்த் விளையாட்டுப் போட்டிகளை இந்தியாவில் நடத்த இந்திய ஒலிம்பிக் சங்கம் (IOA) மார்ச் 13, 2025 அன்று காமன்வெல்த் விளையாட்டு கூட்டமைப்பிற்கு (CGF) போட்டி தொடரை நடத்த விண்ணப்பத்தை சமர்ப்பித்துள்ளதாக விளையாட்டு அமைச்சர் மன்சுக் மண்டவியா நாடாளுமன்றத்தில் தெரிவித்தார்.

இந்தியா கடைசியாக 2010 ஆம் ஆண்டு டெல்லியில் காமன்வெல்த் விளையாட்டுப் போட்டிகளை நடத்தியது. 2036 ஆம் ஆண்டு ஒலிம்பிக் மற்றும் பாராலிம்பிக் போட்டிகளை நடத்துவதற்கான இந்தியாவின் ஆர்வத்தை முறையாக வெளிப்படுத்தும் வகையில், கடந்த ஆண்டு அக்டோபர் 1 ஆம் தேதி இந்திய ஒலிம்பிக் அமைப்பு ஏற்கனவே ஒரு விருப்பக் கடிதத்தை வெளியிட்டதைத் தொடர்ந்து இந்த சமீபத்திய நடவடிக்கை வந்துள்ளது. இந்தியாவில் ஒலிம்பிக் போட்டிகள் இதற்கு நடத்தப்பட்டதில்லை.

முன்னதாக, 2026 காமன்வெல்த் விளையாட்டுப் போட்டிகளை ஆஸ்திரேலியாவின் விக்டோரியா நடத்துவதாக இருந்தது, ஆனால் பல்வேறு காரணங்களால், முதன்மையாக நிதி பற்றாக்குறை காரணமாக, போட்டியை நடத்தும் நாடு விளையாட்டுப் போட்டிகளிலிருந்து விலகியது. அதன் பிறகு, 2026 காமன்வெல்த் விளையாட்டுப் போட்டிகளுக்கு மாற்றாக ஸ்காட்லாந்தின் கிளாஸ்கோவை காம்வெல்த் அமைப்பு தேர்வு செய்தது.

நீக்கப்பட்ட போட்டிகள்:

2026 காமன்வெல்த் விளையாட்டுப் போட்டிகளில், ஹாக்கி, பேட்மிண்டன், மல்யுத்தம் மற்றும் துப்பாக்கிச் சூடு போன்ற இந்தியாவில் பிரபலமாக உள்ள சில விளையாட்டுகள் நீக்கப்பட்டுள்ளன. 2026 காமன்வெல்த் விளையாட்டுப் போட்டிக்கான இடம் மாற்றப்பட்டதால், முந்தைய விளையாட்டுகளுடன் ஒப்பிடும்போது பட்ஜெட், காலக்கெடு மற்றும் விளையாட்டுத் திட்டம் மிகவும் குறைக்கப்பட்டுள்ளது என்றும், 2026 காமன்வெல்த் விளையாட்டுப் போட்டிக்கு 10 விளையாட்டுகள் மட்டுமே தேர்ந்தெடுக்கப்பட்டுள்ளன என்றும் விளையாட்டு அமைச்சர் நாடாளுமன்றத்தில் தெரிவித்தார்.

மீண்டும் வாய்ப்பு:

"பேட்மிண்டன், கிரிக்கெட், ஹாக்கி, துப்பாக்கி சுடுதல், ஸ்குவாஷ், டேபிள் டென்னிஸ் மற்றும் மல்யுத்தம் போன்ற 9 முக்கிய விளையாட்டுகளை விலக்குவது குறித்து CGF தலைவருக்கு அரசாங்கம் கடிதம் எழுதியது. 2026 விளையாட்டுகளைப் பாதுகாப்பதற்கான தற்காலிக நிலைப்பாடு 10 விளையாட்டுத் துறைகள் மட்டுமே என்றும், எந்தவொரு விளையாட்டையும் விலக்குவது எதிர்கால விளையாட்டுகளில் சேர்ப்பதற்கான முன்னுதாரணத்தை அமைக்காது என்றும் CGF தலைவர் பதிலளித்துள்ளார்," என்று விளையாட்டு அமைச்சர் நாடாளுமன்றத்தில் தெரிவித்தார்.

காமன்வெல்த் விளையாட்டுப் போட்டிகளில் விளையாட்டுத் துறையைச் சேர்ப்பது குறித்த முடிவுகளை CGF மற்றும் சம்பந்தப்பட்ட போட்டி நடத்தும் நாடு எடுக்கின்றன. CGF என்பது காமன்வெல்த் விளையாட்டுப் போட்டிகள், காமன்வெல்த் விளையாட்டு இயக்கம் மற்றும் பிற தொடர்புடைய நிகழ்வுகளின் இயக்கம் மற்றும் கட்டுப்பாட்டிற்குப் பொறுப்பான அமைப்பாகும்.

போட்டிகளை நடத்தும் வாய்ப்பை இந்தியாவுக்கு கிடைத்தால் குஜராத் மாநிலம் அகமதாபாத்தில் நடத்த திட்டமிட்டுள்ளது. விண்ணப்பிப்பதற்கான கடைசி தேதி மார்ச் 31-ம் தேதி ஆக உள்ள நிலையில் இந்தியா அதற்கு முன்னதாகவே தனது விண்ணப்பத்தை சமர்ப்பித்துள்ளது.

Neeraj Chopra : ”யப்பா இந்த முடி இருக்கே.. முடில டா சாமி!” மனம் திறந்த நீரஜ் சோப்ரா

ஜேம்ஸ் — Tue, 7 Jan 2025 10:04:42 +0530

ஈட்டி எறிதல் வீரரான நீரஜ் சோப்ரா டென்னிஸ் ஜாம்பாவனான ரோஜர் பெடரருடன் தனது சந்திப்பு குறித்து மனம் திறந்து பேசியுள்ளார்

நீரஜ் சோப்ரா:

இந்தியாவிக் அதிகம் பின்தொடரும் விளையாட்டு வீரர்களில் ஒருவரான நீரஜ் சோப்ராவுக்கு இந்தியாவில் தனி ரசிகர் பட்டாளமே உள்ளது. இவர் 2020-ல் டோக்கியோ ஒலிம்பிக் போட்டியில் தங்கம் வென்று அசத்தியிருந்தார். அதன் பிறகு 2024 பாரிஸ் ஒலிம்பிக்கில் வெள்ளிப் பதக்கம் வென்றார். மேலும் உலக சாம்பியன்ஷிப் போட்டிகளில் ஈட்டி எறிதலில் தங்கம் வென்ற முதல் ஆசியர் என்ற பெருமையையும் பெற்றார்.

மேலும் 2020-ல் இருந்து அவர் பங்கேற்ற அனைத்து போட்டிகளிலும் தங்கம் வென்றும், 24 முறை முதல் மூன்று இடங்களில் எதாவது ஒரு இடத்தை பிடித்து அசத்தியிருந்தார்.

இதையும் படிங்க: Justin Trudeau : கட்சிக்குள் கிளம்பிய எதிர்ப்பு.. கனடா பிரதமர் ஜஸ்டின் ட்ரூடோ ராஜினாமா.. பிண்ணனி என்ன?

முடியை பராமரிப்பது கடினம்:

இந்த நிலையில் தனது முடி குறித்தும் ரோஜ்ர் ஃபெடரர் குறித்து தனது உரையாடல் குறித்து சமீபத்திய பேட்டி ஒன்றில் பேசிய நீரஜ் சோப்ரா, “நான் என் தலைமுடியை கவனிக்கவில்லை, இப்போது அது மெதுவாக மறைந்து வருகிறது. அதைக் கவனிப்பது மற்றும் பராமரிப்பது கடினம். மிகப்பெரிய பிரச்சனை என்னவென்றால், எந்த விளையாட்டு வீரரைப் பார்த்தாலும், அவர்கள் டென்னிஸ் வீரர்கள் ரஃபேல் நடால் அல்லது ஃபெடரரைப் போல நீண்ட முடியை வைத்திருப்பார்கள். யார் அதை வைத்தாலும், அவர்களுக்கு வியர்வை அதிகமாக இருக்கும், ஆனால் பெண்களுக்கு ஷாம்பு மற்றும் எண்ணெய் அதிகம் பயன்படுத்தி தங்கள் முடியை பாரமரித்து இருப்பார்கள், அவர்களுக்கு எப்படி இவ்வளவு நேரம் கிடைக்கிறது என்று எனக்குத் தெரியவில்லை. என்னால் அது முடியாது. பயிற்சிக்குப் பிறகு நான் என் வியர்வை முடியை டவலால் உலர்த்திவிட்டு குளித்துவிட்டு தூங்குவேன். இப்போது என் தலைமுடி வலுவிழந்து விட்டது,” என்றார்.

இதையும் படிங்க: Nepal earthquake : நேபாளத்தில் அதிகாலையில் பயங்கர நிலநடுக்கம்..அதிர்ந்த கட்டிடங்கள்.. பீதியில் மக்கள்

ரோஜர் ஃபெடரர் சந்திப்பு:

மேலும் ரோஜர் ஃபெடரர் சந்திப்பு குறித்து அவர் பேசியதாவது “நான் பெடரரை சூரிச்சில் சந்தித்தேன். அவர் சுவிஸ் சுற்றுலாத் தூதுவர், இந்தியாவின் தரப்பிலிருந்து எனக்கும் அதே பங்கு உண்டு. அதன் மூலம் அவரைச் சந்திக்க நேர்ந்தது. எங்கள் உரையாடல் சாதாரணமாக நடந்தது, அது விளையாட்டு மற்றும் ஆஃப் கேமராவைப் பற்றியது. அவர் மிகவும் உண்மையானவர், அவர் எப்படிப்பட்ட விளையாட்டு வீரர் என்பது அனைவருக்கும் தெரியும், ”என்று அவர் கூறினார்.

இந்தியா மீதான பெடரரின் அன்பை குறித்து பேசிய நீரஜ் சோப்ரா, “இந்திய உணவு எப்போதும் தனது முதல் ஐந்து இடங்களில் இருப்பதாக அவர் ஃபெடரர். அவர் எங்கு சென்றாலும், இந்திய உணவை ஆர்டர் செய்ய முயற்சிப்பதாக ஃபெடரர் கூறியதாக நீரஜ் சோப்ரா கூறினார்.

பாலின குழப்பத்தை அறிந்திருந்தும் அல்ஜீரியா வீராங்கனையை போட்டியிட அனுமதித்த ஒலிம்பிக் கமிட்டி? கொதித்தெழுந்த குத்துச்சண்டை சங்கம்

மு.வா.ஜெகதீஸ் குமார் — Wed, 6 Nov 2024 11:52:47 +0530

பாரிஸ் ஒலிம்பிக் போட்டிகளில் பெண்களுக்கு எதிராக ஒரு 'ஆண்' போட்டியிட அனுமதித்ததற்காக சர்வதேச ஒலிம்பிக் கமிட்டியின் தலைவர் தாமஸ் பாக் மன்னிப்பு கேட்க வேண்டும் என்று சர்வதேச குத்துச்சண்டை சங்கம் தலைவர் உமர் கிரெம்லேவ் கூறியுள்ளார்.

இமானே கெலிஃப் ஆண் தான்:

அல்ஜீரிய வீராங்கனை இமானே கெலிஃப் 2024 பாரிஸ் ஒலிம்பிக் தொடரில் மகளிர் குத்துச்சண்டை பிரிவில் தங்கம் வென்று அசத்தினார். அதே நேரம் அவர் ஒரு பெண் இல்லை என்றும் ஆண் என்றும் பல்வேறு தரப்பில் குற்றம் சுமத்தப்பட்டது. இந்த நிலையில், இமானே கெலிஃப் ஒரு ஆண் என்பதற்கான மருத்துவ அறிக்கை தற்போது வெளியாகி உள்ளது. பிரெஞ்சு பத்திரிக்கையாளர் ஜாஃபர் ஐட் அவுடியா இந்த மருத்துவ அறிக்கையை கைப்பற்றி இருக்கிறார்.

மேலும், இமானே கெலிஃப்-க்கு உடலின் உட்புறமாக ஆண்களுக்கு இருப்பது போன்ற விதைப்பைகள் இருப்பதும், நுண் ஆண் குறி இருப்பதும் அந்த அறிக்கையில் குறிப்பிடப்பட்டு இருக்கிறது. இமானே கெலிஃப்-க்கு ஆண்களுக்கு மட்டுமே வரக்கூடிய 5 ஆல்ஃபா ரிடக்டேஸ் இன்சஃபீசியன்ஸி (5-alpha reductase insufficiency) என்ற குறைபாடு இருப்பதும் அந்த அறிக்கையில் குறிப்பிடப்பட்டு இருக்கிறது. இந்த குறைபாடு இருக்கும் ஆண்களுக்கு முகத்தில் மீசை, தாடி ஆகியவை இருக்காது. இதை அடுத்து ஆண் என மருத்துவ அறிக்கையில் கூறப்பட்ட ஒருவரை பெண்களுக்கான குத்துச்சண்டை பிரிவில் பங்கேற்க வைத்தது மிகப்பெரும் சர்ச்சையாக வெடித்து இருக்கிறது.

மன்னிப்பு கேட்க வேண்டும்:

இந்த நிலையில், IBA (சர்வதேச குத்துச்சண்டை சங்கம்) தலைவர் உமர் கிரெம்லேவ், பாரிஸ் ஒலிம்பிக் போட்டிகளில் பெண்களுக்கு எதிராக ஒரு 'ஆண்' போட்டியிட அனுமதித்ததற்காக சர்வதேச ஒலிம்பிக் கமிட்டியின் தலைவர் தாமஸ் பாக் மன்னிப்பு கேட்க வேண்டும் என்று கேட்டுக்கொண்டுள்ளார். இது தொடர்பாக அவர் வெளியிட்டுள்ள அறிக்கையில்,"எல்லோரும் ஏற்கனவே அறிந்த செய்தி. சர்வதேச ஒலிம்பிக் கமிட்டி ஒரு பெண்ணுக்கு எதிராக ஒரு ஆணை வைத்து அனைத்து விளையாட்டு விதிகளையும் மீறியுள்ளது. இமானே கெலிஃப் உண்மையில் ஒரு ஆண் என்பதை சோதனைகள் மீண்டும் உறுதிப்படுத்தியுள்ளன.

இன்று, பாலினத்தை உயர்த்தும் சர்வதேச குத்துச்சண்டை சங்கத்தின் தலைவராக, சமத்துவம் மற்றும் பெண்கள் மற்றும் ஆண்கள் குத்துச்சண்டை இரண்டையும் பாதுகாக்கிறது, தாமஸ் பாக் மற்றும் அவரது குழுவினர் வாய்மொழியாகவும் எழுத்துப்பூர்வமாகவும் உலகளாவிய குத்துச்சண்டை சமூகத்திடம் மன்னிப்பு கேட்க வேண்டும் என்று நான் கோருகிறேன். தாமஸ் பாக் தான் இதற்கு நேரடிப் பொறுப்பை ஏற்கிறார், அவர் தனிப்பட்ட முறையில் பெண்களுக்கு எதிராகப் போராடினார் - ஆண்கள் பெண்களுக்கு எதிராகப் போராடினார்.

உலகில் உள்ள அனைத்து குத்துச்சண்டை வீரர்கள் சார்பாக, குத்துச்சண்டை சமூகத்திடமும் அந்த சிறுமிகளிடமும் மண்டியிட்டு மன்னிப்பு கேட்க வேண்டும் என்று நான் கோருகிறேன். தாமஸ் பாக் தாக்கப்பட்டு துஷ்பிரயோகம் செய்யப்பட்டவர்களே, உங்களின் அதிகாரபூர்வ மன்னிப்புக்காக IBAவில் உள்ள அனைவரையும் போலவே நானும் இப்போது காத்திருக்கிறேன்" என்று கிரெம்லேவ் அந்த அறிக்கையில் கூறியுள்ளார்.

ஒலிம்பிக்கில் தங்கம் வென்ற அல்ஜீரியா வீராங்கனை ஒரு ஆண்? வெளியான மருத்துவ அறிக்கை! ஹர்பஜன்சிங் வைத்து கோரிக்கை

மு.வா.ஜெகதீஸ் குமார் — Tue, 5 Nov 2024 13:49:09 +0530

இந்திய கிரிக்கெட் அணியின் முன்னாள் வீரர் ஹர்பஜன் சிங் இமானே கெலிஃப் வென்ற தங்கப்பதக்கத்தை அவரிடம் இருந்து ஒலிம்பிக் அமைப்பு திரும்பப்பெற வேண்டும் என்று கூறியுள்ளார்.

வெளியான மருத்துவ அறிக்கை:

அந்த அறிக்கையில் இமானே கெலிஃப்-க்கு ஆண்களுக்கு உரிய உடலமைப்புகள் மற்றும் மருத்துவ ரீதியான குணாதிசயங்கள் இருப்பது தெரிய வந்துள்ளது. மேலும், அவருக்கு கர்ப்பப்பை இல்லை என்பதும் உறுதி செய்யப்பட்டு இருக்கிறது. அவருக்கு எக்ஸ் ஒய் குரோமோசோம் (XY Chromosome) இருப்பது அந்த அறிக்கை மூலம் வெளியாகி இருக்கிறது. மேலும், இமானே கெலிஃப்-க்கு உடலின் உட்புறமாக ஆண்களுக்கு இருப்பது போன்ற விதைப்பைகள் இருப்பதும், நுண் ஆண் குறி இருப்பதும் அந்த அறிக்கையில் குறிப்பிடப்பட்டு இருக்கிறது.

இமானே கெலிஃப்-க்கு ஆண்களுக்கு மட்டுமே வரக்கூடிய 5 ஆல்ஃபா ரிடக்டேஸ் இன்சஃபீசியன்ஸி (5-alpha reductase insufficiency) என்ற குறைபாடு இருப்பதும் அந்த அறிக்கையில் குறிப்பிடப்பட்டு இருக்கிறது. இந்த குறைபாடு இருக்கும் ஆண்களுக்கு முகத்தில் மீசை, தாடி ஆகியவை இருக்காது. இதை அடுத்து ஆண் என மருத்துவ அறிக்கையில் கூறப்பட்ட ஒருவரை பெண்களுக்கான குத்துச்சண்டை பிரிவில் பங்கேற்க வைத்தது மிகப்பெரும் சர்ச்சையாக வெடித்து இருக்கிறது.

ஹர்பஜன் சிங் வைத்த கோரிக்கை:

இந்த நிலையில், இந்திய கிரிக்கெட் அணியின் முன்னாள் வீரர் ஹர்பஜன் சிங் இமானே கெலிஃப் வென்ற தங்கப்பதக்கத்தை அவரிடம் இருந்து ஒலிம்பிக் அமைப்பு திரும்பப்பெற வேண்டும் என்று கூறியுள்ளார்.

Take the Gold back @Olympics This isn’t fair https://t.co/ZO3yJmqdpY
— Harbhajan Turbanator (@harbhajan_singh) November 5, 2024

இது தொடர்பாக ஹர்பஜன் சிங் தன்னுடைய எக்ஸ் பக்கத்தில் ஒலிம்பிக் பக்கத்தை டேக் செய்து அவரிடம் இருந்து தங்க பதக்கத்தை திரும்ப பெறும் படி கேட்டுக்கொண்டுள்ளார்.

பாரா ஒலிம்பிக் 2024 - தலைவர் சந்திரசேகரை சந்தித்த வீரர் மற்றும் வீராங்கனைகள் - ஏன் தெரியுமா ?

சேர்மசாமி — Thu, 26 Sep 2024 07:49:53 +0530

தமிழக வீரர்களுக்கு ரூ. 5 கோடி ஊக்கத் தொகை

முதல்வர் மு.க.ஸ்டாலின் தலைமைச் செயலகத்தில், இளைஞர் நலன் மற்றும் விளையாட்டு மேம்பாட்டுத் துறை சார்பில் 2024 பிரான்ஸ் நாட்டின் பாரீஸில் நடைபெற்ற பாரா ஒலிம்பிக் போட்டிகளில் வெள்ளி மற்றும் வெண்கலப் பதக்கங்கள் வென்ற விளையாட்டு வீராங்கனைகள் துளசிமதி, நித்ய ஸ்ரீ, மனிஷா மற்றும் விளையாட்டு வீரர் மாரியப்பன் ஆகியோருக்கு உயரிய ஊக்கத் தொகையாக மொத்தம் 5 கோடி ரூபாய்க்கான காசோலைகளை வழங்கி வாழ்த்தினார்.

2024 ஆம் ஆண்டு ஆகஸ்ட் - செப்டம்பர் மாதத்தில் பிரான்ஸ் நாட்டில் நடைபெற்ற பாரீஸ் பாரா ஒலிம்பிக் போட்டிகளில் வெள்ளிப் பதக்கம் வென்ற பாட்மிண்டன் வீராங்கனை துளசிமதிக்கு 2 கோடி ரூபாய் , வெண்கலப் பதக்கம் வென்ற பேட்மிண்டன் வீராங்கனைகள் நித்ய ஸ்ரீ மற்றும் மனிஷா ஆகியோருக்கு தலா 1 கோடி ரூபாய் , ஆடவர் உயரம் தாண்டுதலில் வெண்கலப் பதக்கம் வென்ற தடகள வீரர் மாரியப்பனுக்கு 1 கோடி ரூபாய், என உயரிய ஊக்கத் தொகையாக மொத்தம் 5 கோடி ரூபாய்க்கான காசோலைகளை முதல்வர் வழங்கினார்.

இந்நிகழ்ச்சியில் , இளைஞர் நலன் மற்றும் விளையாட்டு மேம்பாட்டுத்துறை அமைச்சர் உதயநிதி ஸ்டாலின், இளைஞர் நலன் மற்றும் விளையாட்டு மேம்பாட்டுத்துறை அரசு கூடுதல் தலைமைச் செயலாளர் அதுல்ய மிஸ்ரா, தமிழ்நாடு விளையாட்டு மேம்பாட்டு ஆணைய உறுப்பினர் செயலர் ஜெ.மேகநாத ரெட்டி, ஆகியோர் கலந்து கொண்டனர்.

பாரா ஒலிம்பிக் தலைவர் சந்திரசேகரை சந்தித்த வீரர் மற்றும் வீராங்கனைகள்

பாரா ஒலிம்பிக் விளையாட்டுப் போட்டியில் 29 பதக்கங்கள் பெற்று இந்திய வீரர்கள் சாதனை படைத்துள்ளனர். அதிலும் குறிப்பாக தமிழக மாற்றுத்திறனாளி வீரர்களின் பங்கு முக்கியத்துவம் வாய்ந்தது. இன்னிலையில் இவர்கள் அனைவரும் தங்களை ஊக்குவித்த தமிழ்நாடு பாரா ஒலிம்பிக் விளையாட்டு சங்கத்தின் தலைவர் சந்திரசேகரை சந்தித்து நன்றி தெரிவித்தனர்.

இந்திய வீரர்கள் 29 பதக்கங்கள் பெற்று உலக அளவில் பதினெட்டாவது இடத்தை பிடித்து சாதனை படைத்தனர். இதில் தமிழக மாற்றுத்திறனாளி வீரர்களின் பங்கு முக்கியத்துவம் வாய்ந்தது. குறிப்பாக கடந்த நான்கு ஆண்டுகளில் தமிழக மாற்றுத்திறனாளி விளையாட்டு வீரர்கள் தேசிய அளவிலும், சர்வதேச அளவிலும் பதக்கங்கள் பெற்று பல சாதனைகள் செய்து வருகின்றனர் . இதற்கு முக்கிய காரணமாக இருப்பவர் தமிழ்நாடு பாரா ஒலிம்பிக் விளையாட்டு சங்கத்தின் தலைவர் சந்திரசேகர். இவர் நலிவடைந்த மாற்றுத்திறனாளி விளையாட்டு வீரர்களின் வாழ்க்கை தரத்தை உயர்த்தவும், ஒவ்வொரு மாவட்டங்களிலும் உள்ள கிராம மற்றும் நகர் புறங்களுக்கு சென்று பாரா ஸ்போர்ட்ஸ் பற்றிய விழிப்புணர்வு ஏற்படுத்தவும், மாவட்ட அளவில் சிறந்த மாற்றுத்திறனாளி விளையாட்டு வீரர்களை கண்டறிந்து அவர்களுக்கு தேவையான உதவியும் ஊக்கமும் அளித்து சர்வதேச அளவில் சாதிக்க வைக்க வேண்டும் என ஐந்து வாக்குறுதிகள் கொடுத்து அதனை நிறைவேற்றி காட்டியுள்ளார்.

மேலும் தமிழ்நாடு பாரா ஒலிம்பிக் விளையாட்டு சங்கத்தின் தலைவர் சந்திரசேகருக்கு மாற்றுத்திறனாளி விளையாட்டு வீரர்கள் நன்றி தெரிவித்தனர். இவரை போன்று ஒவ்வொரு சங்கத்தின் தலைவர்களும் செயல்பட்டால் இந்தியா வெகு விரைவில் ஒலிம்பிக்கில் முதல் இடத்தை பிடிக்கும் என தெரிவித்தனர்.

Para Olympic 2024: பாரா ஒலிம்பிக்கில் 3வது முறையாக பதக்கம்: மாரியப்பனுக்கு சொந்த ஊரில் உற்சாக வரவேற்பு

சதீஷ் குமார் — Fri, 20 Sep 2024 06:27:23 +0530

சேலம் மாவட்டம் தீவட்டிப்பட்டி அடுத்துள்ள பெரிய வடகம்பட்டி கிராமத்தைச் சேர்ந்த தங்கவேலு மாரியப்பன் கடந்த 2016 ஆம் ஆண்டு ரியோ வில் நடைபெற்ற பாரா ஒலிம்பிக் போட்டியில் உயரம் தாண்டுதல் பிரிவில் தங்கப் பதக்கம் என்று சாதனை படைத்தார். 2020 ஆம் ஆண்டு டோக்கியோவில் நடைபெற்ற பாரா ஒலிம்பிக் போட்டியில் வெள்ளிப் பதக்கம் வென்ற மாரியப்பன் பாரிசில் நடைபெற்ற பாரா ஒலிம்பிக் போட்டியில் 1.85 மீட்டர் உயரம் தாண்டி வெண்கல பதக்கம் வென்று சாதனை படைத்துள்ளார். தொடர்ச்சியாக மூன்று பாரா ஒலிம்பிக் போட்டிகளில் பதக்கங்களை வென்று தமிழக வீரர் மாரியப்பன் சாதனை படைத்துள்ளார்.

இதனிடையே பாரீஸ் பாரா ஒலிம்பிக் போட்டிக்குப் பிறகு முதல்முறையாக சொந்த ஊருக்குத் திரும்பிய தங்கவேலு மாரியப்பனுக்கு மாவட்ட நிர்வாகம் மற்றும் ஊர் பொதுமக்கள் சார்பில் உற்சாக வரவேற்பு அளிக்கப்பட்டது. தீவட்டிப்பட்டியில் மாவட்ட ஆட்சியர் பிருந்தா தேவி, பாரா ஒலிம்பிக் வீரர் தங்கவேலு மாரியப்பனுக்கு பூங்கொத்து அளித்து வரவேற்றார். இதனையடுத்து, மாரியப்பனின் தாயார் சரோஜா மற்றும் குடும்பத்தினர் உற்சாகத்துடன் வரவேற்றனர். ஊர் பொதுமக்கள் சார்பில் மாரியப்பனுக்கு ஆளுயர மாலை அணிவிக்கப்பட்டதுடன் மலர்களைத் தூவி வரவேற்பு அளித்தனர். தீவட்டிப்பட்டியில் இருந்து ஜீப்பில் மேல் நின்றபடி பாரா ஓலிம்பிக் பதக்கத்துடன் மாரியப்பன், சொந்த ஊருக்கு பேண்டு வாத்தியம் முழங்க ஊர்வலமாக சென்றார்.

முன்னதாக பாரா ஒலிம்பிக் வீரர் மாரியப்பன் செய்தியாளர்களை சந்தித்தார். அப்போது அவர் கூறியது, "இந்தியாவிற்காக மூன்று முறை பதக்கம் வென்றது மகிழ்ச்சியளிக்கிறது. சொந்த ஊரில் குடும்பத்தினர் மற்றும் ஊர் பொதுமக்கள் அளித்த வரவேற்பு உற்சாகத்தை அளிக்கிறது. இம்முறை வெண்கலப் பதக்கம் வென்றுள்ள நிலையில் அடுத்த முறை நிச்சயமாக தங்கப் பதக்கம் வெல்ல முயற்சிப்பேன். எல்லோருக்கும் நன்றியைத் தெரிவித்துக் கொள்கிறேன்.கடந்த ஒலிம்பிக் போட்டிகளை விட பாரீஸ் பாரா ஒலிம்பிக் போட்டியில் மிக சுலபமாகத் தான் இருந்தது. ஆனால் கடைசி நேரத்தில் எனக்கு காய்ச்சல் வந்து விட்டது. சீதாஷ்ண நிலை எனக்கு ஒத்துக்கொள்ளவில்லை. அதனால்தான் தங்கம் தவறிவிட்டது. அடுத்த முறை நிச்சயம் தவறாது. நிச்சயம் தங்கப்பதக்கம் வெல்வேன். உலக தடகளப் போட்டிகள், ஆசியப் போட்டிகள் மற்றும் ஒலிம்பிக் போட்டிகளில் தங்கம் வெல்வதே அடுத்த இலக்கு" என்று பாரா ஒலிம்பிக் வீரர் தங்கவேலு மாரியப்பன் தெரிவித்தார்.