CSK vs RCB: டாஸ் வென்ற ருதுராஜ்! பேட்டிங்கை தொடங்கிய ஆர்சிபி.. ரன்னை கட்டுப்படுத்துவார்களா சிஎஸ்கே பவுலர்கள்?

இதுவரை ஆடிய அனைத்து போட்டிகளிலும் டாசில் தோற்ற சிஎஸ்கே அணி நடப்பு சீசனில் முதல் முறையாக டாசில் வென்றுள்ளது

சிஎஸ்கே vs ஆர்சிபி

Source : Twitter

ஐபிஎல் 2026 தொடரின் மிகப்பெரிய மோதல்களில் ஒன்றான, நடப்பு சாம்பியன் ராயல் சேலஞ்சர்ஸ் பெங்களூரு (RCB) மற்றும் ஐந்து முறை சாம்பியனான சென்னை சூப்பர் கிங்ஸ் (CSK) அணிகளுக்கு இடையிலான போட்டி இன்று நடைபெறுகிறது.

இந்த போட்டி பெங்களூருவில் உள்ள எம். சின்னசாமி மைதானத்தில் நடக்கிறது. கடைசியாக இந்த மைதானத்தில் இவ்விரு அணிகள் மோதியபோது, கடுமையான போராட்டத்திற்குப் பிறகு சொந்த மண்ணில் ஆர்சிபி அணி வெற்றி பெற்றது. நடப்பு சீசனின் தற்போதைய நிலவரப்படி, ஆர்சிபி அணி தனது முந்தைய போட்டியில் வெற்றி பெற்று நல்ல பார்மில் உள்ளது. மறுபுறம், சிஎஸ்கே அணி விளையாடிய இரண்டு போட்டிகளிலும் தோல்வியடைந்து, தனது முதல் வெற்றியைத் தேடி புள்ளிப்பட்டியலின் கடைசி இடத்தில் உள்ளது.

டாஸ் வென்ற ருதுராஜ்:

சென்னை சூப்பர் கிங்ஸ் கேப்டன் ருதுராஜ் கெய்க்வாட் டாஸ் வென்று, முதலில் பந்துவீச முடிவு செய்துள்ளார். இதுவரை ஆடிய அனைத்து போட்டிகளிலும் டாசில் தோற்ற சிஎஸ்கே அணி நடப்பு சீசனில் முதல் முறையாக டாசில் வென்றுள்ளது

• ராயல் சேலஞ்சர்ஸ் பெங்களூரு (RCB): பிலிப் சால்ட், விராட் கோலி, தேவ்தத் படிக்கல், ரஜத் படிதார் (கேப்டன்), ஜிதேஷ் சர்மா (விக்கெட் கீப்பர்), டிம் டேவிட், ரொமாரியோ ஷெப்பர்ட், க்ருனால் பாண்டியா, புவனேஷ்வர் குமார், அபிநந்தன் சிங், ஜேக்கப் டஃபி.

• சென்னை சூப்பர் கிங்ஸ் (CSK): சஞ்சு சாம்சன் (விக்கெட் கீப்பர்), ருதுராஜ் கெய்க்வாட் (கேப்டன்), ஆயுஷ் மத்ரே, சர்பராஸ் கான், ஷிவம் துபே, பிரசாந்த் வீர், ஜேமி ஓவர்டன், நூர் அகமது, அன்ஷுல் கம்போஜ், மேட் ஹென்றி, கலீல் அகமது.

ஆர்சிபி vs சிஎஸ்கே: நேருக்கு நேர் சாதனை

ஆர்சிபி மற்றும் சிஎஸ்கே அணிகளுக்கு இடையிலான மோதல் பாரம்பரியமாக 'மென் இன் எல்லோ' எனப்படும் சென்னை அணியின் ஆதிக்கத்தில் இருந்து வருகிறது, இருப்பினும் சமீபத்திய ஆண்டுகளில் இந்த இடைவெளி குறைந்து வருகிறது. இவ்விரு அணிகளுக்கும் இடையே இதுவரை நடந்துள்ள 36 போட்டிகளின் விவரம்:

• மொத்த போட்டிகள்: 36

• சென்னை சூப்பர் கிங்ஸ் வெற்றி: 22

• ராயல் சேலஞ்சர்ஸ் பெங்களூரு வெற்றி: 13

• முடிவில்லை: 1

ஒட்டுமொத்த புள்ளிவிவரங்கள் சென்னைக்கு சாதகமாக இருந்தாலும், சமீபத்திய நான்கு போட்டிகளில் மூன்றில் வெற்றி பெற்று, பெங்களூரு அணி தனது ஆதிக்கத்தை வெளிப்படுத்தி வருகிறது. ஆர்சிபி அணிக்கு தொடக்க ஆட்டக்காரர்களாக ஃபில் சால்ட் மற்றும் விராட் கோலி விளையாடி வருகின்றனர்