மேலும் அறிய

ஐபிஎல்-ல் மிரட்ட காத்திருக்கும் நம்ம நடராஜன்! வெறித்தனமாக பந்துவீசும் யார்க்கர் கிங் - செம மாஸான வீடியோ

யார்க்கர் கிங் என்று அழைக்கப்படும் நடராஜன் ஐபிஎல் தொடருக்காக வெறித்தனமாக தயாராகி வருகிறார். இதுதொடர்பான வீடியோ வைரலாகிறது.

By : ராஜேஷ். எஸ் | Updated at : 16 Feb 2026 01:14 PM (IST)

நடராஜன்

Source : facebook

வரும் ஐபிஎல் தொடரில் விளையாடுவதற்காக டெல்லி கேபிடல்ஸ் அணியின் வேகப்பந்து வீச்சாளர் நடராஜன் வெறித்தனமாக பயிற்சியில் ஈடுபட்டு வருகிறார். இதுதொடர்பான வீடியோ சமூகவலைதளங்களில் வைரலாகி வருகிறது.

ஐ.பி.எல். கிரிக்கெட்

ஐ.பி.எல். கிரிக்கெட் தொடரின் 19-வது சீசன் மார்ச் அல்லது ஏப்ரலில் தொடங்கும் என்று எதிர்பார்க்கப்படுகிறது. இதற்காக அந்தந்த அணி வீரர்கள் தற்பொழுதே பயிற்சியில் ஈடுபட்டு வருகின்றனர். சென்னை சூப்பர் கிங்ஸ் அணியின் நட்சத்திர வீரர் தோனி, ராஞ்சியில் பயிற்சியை தொடங்கி தீவிரமாக ஈடுபட்டு வருகிறார். ஐபிஎல் தொடரில், விளையாட இருக்கும் டி20 இந்திய அணி வீரர்கள் உலகக்கோப்பை முடிந்தவுடன், தீவிர பயிற்சியில் ஈடுபடுவார்கள் என்று எதிர்பார்க்கப்படுகிறது.

யார்க்கர் கிங் நடராஜன்

தமிழ்நாட்டைச் சேர்ந்த நடராஜனை டெல்லி அணி 10.5 கோடி ரூபாய் கொடுத்து வாங்கியது. இடது கை வேகப்பந்து வீச்சாளரான நடராஜன், யாக்கர் என சொல்லக் கூடிய பந்து வீசுவதில் வல்லவர். டெல்லி அணிக்காக அதிக தொகை கொடுத்து வாங்கப்பட்டவர் என்பது குறிப்பிடத்தக்கது.

இந்த நிலையில், டெல்லி கேபிடல்ஸ் அணியின் இடதுகை வேகப்பந்து வீச்சாளர் நடராஜன் தீவிரமாக பயிற்சியில் ஈடுபட்டு வருகிறார். இதுதொடர்பான வீடியோவை, அவர் தனது எக்ஸ் தளப்பக்கத்தில் வெளியிட்டுள்ளார். அதில், வெறித்தனமாக பந்துவீசும் அவர் பல யார்க்கர்களை வீசியதோடு மட்டுமல்லாமல், பவுல்டும் எடுத்து அசத்தினார். இந்த வீடியோ தற்போது சமூக வலைதளங்களில் வைரலாகி வருகிறது. இதைப்பார்க்கும் கிரிக்கெட் ரசிகர்கள் வரும் தொடரில் நடராஜன் நன்றாக பந்துவீசி கலக்க வேண்டும் என்று தெரிவித்தனர்.