ipl

CSK Playoff Chance:ரசிகர்களே! ப்ளே ஆஃப் போகுமா சென்னை? சாத்தியமா? அசாத்தியமா?

சுகுமாறன் — Fri, 1 May 2026 17:54:44 +0530

ஐபிஎல் தொடர் நாளுக்கு நாள் விறுவிறுப்பு அடைந்து வருகிறது. இதில் ஐபிஎல் தொடக்க காலம் முதலே ஆதிக்கம் செலுத்தி வந்த சென்னை சூப்பர் கிங்ஸ், மும்பை இந்தியன்ஸ் அணிகள் படுமோசமாக ஆடி வருகிறது.

ப்ளே ஆஃப் செல்லுமா சென்னை?

இந்த சூழலில், சென்னை சூப்பர் கிங்ஸ் அணியின் ப்ளே ஆஃப் வாய்ப்பு இந்த தொடரில் எப்படி உள்ளது? என்பதை கீழே விரிவாக காணலாம்.

சென்னை சூப்பர் கிங்ஸ் அணி தற்போது 8 போட்டிகளில் ஆடி 3 போட்டிகளில் வெற்றி பெற்று 5 போட்டிகளில் தோல்வி அடைந்து 6 புள்ளிகளுடன் 6வது இடத்தில் உள்ளது. சென்னை அணிக்கு இன்னும் 6 போட்டிகள் எஞ்சியுள்ளது. இந்த 6 போட்டிகளிலும் கட்டாயம் வெற்றி பெற்றால் மட்டுமே ப்ளே ஆஃப் வாய்ப்பை பிரகாசப்படுத்த முடியும். மேலும், சென்னை அணியின் ரன்ரேட் -0.121 என்ற மோசமான நிலையிலே உள்ளது.

சென்னை அணிக்கு அடுத்தடுத்து போட்டி மும்பை, டெல்லி, லக்னோ, சன்ரைசர்ஸ் ஹைதரபாத், குஜராத் ஆகிய அணிகளுடன் மோத உள்ளது. இதில் லக்னோ அணியுடன் இரு முறை மோதுகிறது.

14 புள்ளிகள் வேண்டும்:

டெல்லி, சன்ரைசர்ஸ், குஜராத் அணிகள் பலமாக உள்ளது. குறைந்தது 5 போட்டிகளில் கட்டாயம் வெற்றி பெற்றால் மட்டுமே புள்ளிப்பட்டியலில் 14 புள்ளிகளுடன் ப்ளே ஆஃப் சுற்றுக்கான அடிப்படை தகுதியைப் பெற முடியும். எஞ்சியுள்ள 6 போட்டிகளில் 2 போட்டிகளில் தோல்வி அடைந்தால் சென்னை அணியின் ப்ளே ஆஃப் வாய்ப்பு தவிடுபொடியாகிவிடும்.

சென்னை அணியைப் பொறுத்தமட்டில் சாம்சன், ருதுராஜ், ப்ரெவிஸ், ஆயுஷ் மாத்ரே, சர்பராஸ், ஷிவம் துபே என சிறந்த பேட்ஸ்மேன்கள் இருந்தாலும் ஒரு அணியாக அவர்கள் சிறப்பாக ஆடாதது அணிக்கு பின்னடைவாக உள்ளது. தோனி இல்லாதது மிகப்பெரிய பின்னடைவாக அமைந்துள்ளது.

பந்துவீச்சு:

கம்போஜ் மட்டுமே தொடர்ந்து சிறப்பாக பந்துவீசி வருகிறார். மற்ற பந்துவீச்சாளர்கள் எந்த தாக்கத்தையும் ஏற்படுத்தவில்லை. அடுத்தடுத்து வரும் போட்டிகளில் அவர்கள் சிறப்பான ஆட்டத்தை வெளிப்படுத்தினாலும், மற்ற அணிகளின் வெற்றி வாய்ப்பை பொறுத்தே சென்னையின் ப்ளே ஆஃப் வாய்ப்பு அமைந்துள்ளது.

சென்னை அணியின் ஆட்டம் கடந்த சீசனிலே ரசிகர்களுக்கு கவலை அளித்த நிலையில், இந்த முறை ஏலத்திற்கு பிறகு இளம் மற்றும் அனுபவம் வாய்ந்த அணியாக களமிறங்கியுள்ளது. ஆனாலும், அணியாக அவர்கள் இதுவரை ஒற்றுமையாக ஆடாததால் வெற்றி வாய்ப்பு சவாலாகி வருகிறது. தற்போதைய சூழலில், பஞ்சாப் 13 மற்றும் ஆர்சிபி 12 புள்ளிகளுடன் ப்ளே ஆஃப் வாய்ப்பிற்கு மிக அருகில் உள்ளது. சன்ரைசர்ஸ் ஹைதரபாத், ராஜஸ்தான், குஜராத் அணிகள் ப்ளே ஆஃப் வாய்ப்பிற்கு மல்லு கட்டி வருகின்றனர்.

Virat Kohli: விராட் கோலி இன்னும் எவ்ளோ நாள் IPL ஆடுவார்? உண்மையை உடைத்த தினேஷ் கார்த்திக்

GT vs RCB: 342 நாட்களுக்குப் பிறகு நேர்ந்த சோகம்! குஜராத் பந்துவீச்சில் நிலைகுலைந்த ஆர்சிபி..புள்ளிப்பட்டியலில் முன்னேறிய GT

ஜேம்ஸ் — Fri, 1 May 2026 08:35:25 +0530

குஜராத் டைட்டன்ஸ் அணி ராயல் சேலஞ்சர்ஸ் பெங்களூருவை வீழ்த்தி அபார வெற்றி பெற்றுள்ளது. பேட்டிங்கில் சொதப்பிய ஆர்சிபி, பந்துவீச்சிலும் குஜராத்தின் அதிரடியை கட்டுப்படுத்த முடியாமல் திணறிய நிலையில் நீண்ட நாட்களுக்கு பிறகு ஆல் அவுட் ஆனது

சொதப்பிய பேட்டிங்:

முதலில் பேட்டிங் செய்த பெங்களூரு அணி, குஜராத் பந்துவீச்சை எதிர்கொள்ள முடியாமல் அடுத்தடுத்து விக்கெட்டுகளை இழந்தது. நட்சத்திர வீரர்களான விராட் கோலி மற்றும் ரஜத் படிதார் ஓரளவிற்கு ரன்களை சேர்த்தாலும், அவர்களால் பெரிய ஸ்கோராக மாற்ற முடியவில்லை. அதிரடி மன்னன் டிம் டேவிட் இந்த முறை ரசிகர்களை ஏமாற்றினார்.

ஒரு கட்டத்தில் 96 ரன்களுக்கு 6 விக்கெட்டுகளை இழந்து ஆர்சிபி தத்தளித்தது. இறுதியில் ரோமாரியோ ஷெப்பர்ட், வெங்கடேஷ் ஐயர் மற்றும் புவனேஷ்வர் குமார் ஆகியோர் நிதானமாக ஆடி ரன்களை சேர்த்ததால், பெங்களூரு 150 ரன்களை கடந்தது. கடைசி 4 விக்கெட்டுகளுக்கு அந்த அணி 59 ரன்கள் சேர்த்தது குறிப்பிடத்தக்கது. இறுதியில் 155 ரன்களுக்கு பெங்களூரு 'ஆல்-அவுட்' ஆனது.

நீண்ட நாள் கழித்து

கடந்த 342 நாட்களில் ஐபிஎல் தொடரில் ஆர்சிபி அணி ஆல்-அவுட் ஆவது இதுவே முதல் முறை. இதற்கு முன்பு 2025 மே 23 அன்று சன்ரைசர்ஸ் ஹைதராபாத் அணிக்கு எதிராக பெங்களூரு அனைத்து விக்கெட்டுகளையும் இழந்திருந்தது.

ருத்ரதாண்டவம்' ஆடிய ஷுப்மன் கில்

156 ரன்கள் என்ற இலக்கை நோக்கி ஆடிய குஜராத் அணிக்கு, கேப்டன் ஷுப்மன் கில் அதிரடி தொடக்கம் தந்தார். வெறும் 18 பந்துகளில் 43 ரன்கள் குவித்து ஆர்சிபி பந்துவீச்சை சிதறடித்தார். ஷுப்மன் கில் கொடுத்த கடினமான கேட்ச்சை விராட் கோலி அபாரமாகப் பிடித்து அவரை வெளியேற்றினார். 3வது வீரராக வந்த ஜோஸ் பட்லர் 19 பந்துகளில் 39 ரன்கள் சேர்த்தார்.

இறுதியில் 'இம்பாக்ட் பிளேயராக' களம் புகுந்த ராகுல் தெவாட்டியா, 17 பந்துகளில் 27 ரன்கள் எடுத்து ஆட்டமிழக்காமல் அணியை வெற்றிக்கு அழைத்துச் சென்றார்.

இதையும் படிங்க: Virat Kohli: விராட் கோலி இன்னும் எவ்ளோ நாள் IPL ஆடுவார்? உண்மையை உடைத்த தினேஷ் கார்த்திக்

பாயிண்ட்ஸ் டேபிள்:

இந்த வெற்றியின் மூலம் குஜராத் டைட்டன்ஸ் 10 புள்ளிகளுடன் 5-வது இடத்திற்கு முன்னேறியுள்ளது.தோல்வியுற்ற போதிலும் பெங்களூரு அணி புள்ளிப்பட்டியலில் 2-வது இடத்திலேயே நீடிக்கிறது. 25 பந்துகள் மீதமிருக்கையிலேயே குஜராத் இலக்கை எட்டியது, அந்த அணியின் 'நெட் ரன் ரேட்டை' (Net Run Rate) கணிசமாக உயர்த்தியுள்ளது.

சிஎஸ்கே vs மும்பை ரசிகர்களுக்கு மெகா ஆஃபர் - "மேட்ச் டிக்கெட் இருந்தா போதும்.. மெட்ரோ பயணம் ஃப்ரீ!"

ராஜேஷ். எஸ் — Thu, 30 Apr 2026 16:58:39 +0530

ஐபிஎல் தொடரில் வரும் 2ஆம் தேதி சென்னையில் நடைபெறும் சிஎஸ்கே - மும்பை இந்தியன்ஸ் மோதும் போட்டிக்கான டிக்கெட் வைத்திருப்பவர்கள் மெட்ரோ ரயிலில் பயணிக்கலாம் என்று சென்னை மெட்ரோ ரயில் நிறுவனம் தெரிவித்துள்ளது.

இதுதொடர்பாக வெளியிடப்பட்டுள்ள அறிக்கையில்,

IPL 2026 போட்டியை காண செல்பவர்கள் ஸ்பான்சர் செய்யப்பட்ட பயணச்சீட்டுகளை பயன்படுத்தி சென்னை மெட்ரோ இரயிலில் பயணிக்கலாம் பயணிகளின் வசதியை மேம்படுத்தவும், நகரில் நடைபெறும் முக்கிய விளையாட்டு நிகழ்வுகளுக்குத் தடையற்ற பயணத்தை வழங்கவும், சென்னை மெட்ரோ இரயில் நிறுவனம் CSK Cricket Limited நிறுவனத்துடன் இணைந்து “IPL 2026” லீக் போட்டிகளைக் காண வரும் ரசிகர்களுக்காக, பிரத்யேக மெட்ரோ பயணங்களை வழங்க முன்வந்துள்ளது. அரசினர் தோட்டம் மெட்ரோ நிலையத்திற்கு மிக அருகில் அமைந்துள்ள சேப்பாக்கம் எம்.ஏ.சிதம்பரம் மைதானத்தில் நடைபெற உள்ள, சென்னை சூப்பர் கிங்ஸ் (CSK) மற்றும் மும்பை இந்தியன்ஸ் (MI), அணிகள் இடையிலான IPL 2026 லீக் போட்டி எண் 44, வருகின்ற, 02 மே 2026 அன்று நடைபெற உள்ளது. இந்த போட்டிக்காக ரசிகர்களுக்கு ஸ்பான்சர் செய்யப்பட்ட மெட்ரோ பயணங்களும், கூடுதல் மெட்ரோ இரயில் சேவைகளும் ஏற்பாடு செய்யப்பட்டுள்ளது. ஸ்பான்சர் செய்யப்பட்ட IPL போட்டிகான பயணச்சீட்டு வைத்திருப்பவர்கள், பயணச்சீட்டுகளில் (both Digital & Physical) உள்ள தனித்துவமான QR குறியீட்டை தானியங்கி நுழைவு இயந்திரத்தில் ஸ்கேன் செய்து மெட்ரோவில் பயணிக்கலாம். இந்த சிறப்பு சலுகை ஒரு சுற்றுப் பயணத்திற்கு (2 நுழைவு மற்றும் 2 வெளியேறுதல்) பயன்படுத்தலாம். சென்னையில் செயல்பாட்டில் உள்ள எந்த மெட்ரோ இரயில் நிலையத்திலிருந்தும் போட்டி நடைபெறும் மைதானத்திற்கு அருகிலுள்ள அரசினர் தோட்டம் மெட்ரோ இரயில் நிலையத்திற்கு இடையே மெட்ரோ இரயிலில் எந்தவித கட்டணமும் இல்லாமல் பயணிக்கலாம்.

மே 02, 2026 அன்று CSK மற்றும் MI அணிகளுக்கு இடையே நடைபெறவுள்ள கிரிக்கெட் போட்டியை முன்னிட்டு, அரசினா் தோட்டம் மெட்ரோ இரயில் நிலையத்திலிருந்து நீட்டிக்கப்பட்ட சிறப்பு மெட்ரோ இரயில் சேவை குறித்த விவரங்கள்:

அரசினா் தோட்டம் மெட்ரோ நிலையத்திலிருந்து விம்கோ நகர் பணிமனை மற்றும் விமான நிலைய மெட்ரோ நிலையங்களை நோக்கிச் செல்லும் கடைசி மெட்ரோ இரயில் நள்ளிரவு 01:00 மணிக்கு புறப்படும்.

மேலும் படிக்க: ஸ்டைல் காட்டி சிக்கலில் மாட்டிய ரியான் பராக்.. இ-சிகரெட்டால் கிடைத்த தண்டனை என்ன தெரியுமா?

பச்சை வழித்தடத்தில் (வழித்தடம் 2) உள்ள மெட்ரோ இரயில் நிலையங்களுக்கு செல்லும் பயணிகள் புரட்சித்தலைவர் டாக்டர். எம்.ஜி. இராமச்சந்திரன் சென்ட்ரல் மெட்ரோ இரயில் நிலையத்தில் மட்டுமே வழித்தடம் மாற்றம் செய்து கொள்ளலாம்.

பயணிகள் கடைசி மெட்ரோ இரயில் புறப்படுவதற்கு 10 நிமிடங்களுக்கு முன்னதாகவே அரசினர் தோட்டம் மெட்ரோ இரயில் நிலையத்திற்குள் வருமாறு கேட்டுக் கொள்ளப்படுகிறார்கள். IPL 2026 போட்டியை காண செல்பவர்கள் மேற்குறிப்பிட்டுள்ள இந்த வசதிகளை பயன்படுத்திக் கொள்ளுமாறு சென்னை மெட்ரோ இரயில் நிறுவனம் கேட்டுக்கொள்கிறது. இவ்வாறு அதில் தெரிவிக்கப்பட்டுள்ளது.

Metro Train Free Travel : CSK- MI போட்டியை பார்க்கப்போறீங்களா.! மெட்ரோ ரயிலில் இலவசமாக பயணிக்கலாம்- சூப்பர் அறிவிப்பு

கு. அஜ்மல்கான் — Thu, 30 Apr 2026 16:44:06 +0530

சென்னையில் மெட்ரோ ரயில் சேவை

சென்னையில் போக்குவரத்து நெரிசலுக்கு தீர்வு காணும் வகையில் மெட்ரோ ரயில் சேவை தொடங்கப்பட்டது. மெட்ரோ ரயில் திட்டத்திற்கு பொதுமக்கள் பெரும் வரவேற்பை கொடுத்ததையடுத்து சென்னையில் பல்வேறு பகுதிகளை இணைக்கும் வகையில் மெட்ரோ ரயில் திட்டம் செயல்படுத்தப்பட்டு வருகிறது. இந்த நிலையில் சென்னையில் நடைபெறவுள்ள சிஎஸ்கே- மும்பை இந்தியன்ஸ் போட்டி நடைபெறவுள்ள நிலையில், இந்த போட்டியை பார்க்கவரும் ரசிகர்கள் மெட்ரோ ரயிலில் இலவசமாக பயணிக்கலாம் என மெட்ரோ ரயில் நிர்வாகம் அறிவித்துள்ளது.

சென்னையில் ஐபிஎல் போட்டி

இது தொடர்பாக சென்னை மெட்ரோ ரயில் நிர்வாகம் வெளியிட்டுள்ள அறிக்கையில், சென்னை மெட்ரோ இரயில் நிறுவனம் CSK Cricket Limited நிறுவனத்துடன் இணைந்து “IPL 2026" லீக் போட்டிகளைக் காண வரும் ரசிகர்களுக்காக, பிரத்யேக மெட்ரோ பயணங்களை வழங்க முன்வந்துள்ளது. அந்த வகையில் அரசினர் தோட்டம் மெட்ரோ நிலையத்திற்கு மிக அருகில் அமைந்துள்ள சேப்பாக்கம் எம்.ஏ.சிதம்பரம் மைதானத்தில் நடைபெற உள்ள, சென்னை சூப்பர் கிங்ஸ் (CSK) மற்றும் மும்பை இந்தியன்ஸ் (MI), அணிகள் இடையிலான IPL 2026 லீக் போட்டி எண் 44, வருகின்ற. 02 மே 2026 அன்று நடைபெற உள்ளது. இந்த போட்டிக்காக ரசிகர்களுக்கு ஸ்பான்சர் பயணங்களும், கூடுதல் மெட்ரோ ரயில்களும் இயக்கப்படவுள்ளது.

ஸ்பான்சர் செய்யப்பட்ட IPL போட்டிகான பயணச்சீட்டு வைத்திருப்பவர்கள் பயணச்சீட்டுகளில் (both Digital & Physical) உள்ள தனித்துவமான QR குறியீட்டை தானியங்கி நுழைவு இயந்திரத்தில் ஸ்கேன் செய்து மெட்ரோவில் பயணிக்கலாம். இந்த சிறப்பு சலுகை ஒரு சுற்றுப் பயணத்திற்கு (2 நுழைவு மற்றும் 2 வெளியேறுதல்) பயன்படுத்தலாம். சென்னையில் செயல்பாட்டில் உள்ள எந்த மெட்ரோ இரயில் நிலையத்திலிருந்தும் போட்டி நடைபெறும் மைதானத்திற்கு அருகிலுள்ள அரசினர் தோட்டம் மெட்ரோ இரயில் நிலையத்திற்கு இடையே மெட்ரோ இரயிலில் எந்தவித கட்டணமும் இல்லாமல் பயணிக்கலாம் என தெரிவிக்கப்பட்டுள்ளது.

சிஎஸ்கே போட்டி - மெட்ரோ ரயில் இலவச பயணம்

மே 02, 2026 அன்று CSK மற்றும் MI அணிகளுக்கு இடையே நடைபெறவுள்ள கிரிக்கெட் போட்டியை முன்னிட்டு, அரசினர் தோட்டம் மெட்ரோ இரயில் நிலையத்திலிருந்து நீட்டிக்கப்பட்ட சிறப்பு மெட்ரோ இரயில் சேவை குறித்த விவரங்கள்:

அரசினர் தோட்டம் மெட்ரோ நிலையத்திலிருந்து விம்கோ நகர் பணிமனை மற்றும் விமான நிலைய மெட்ரோ நிலையங்களை நோக்கிச் செல்லும் கடைசி மெட்ரோ இரயில் நள்ளிரவு 01:00 மணிக்கு புறப்படும்.
பச்சை வழித்தடத்தில் (வழித்தடம் 2) உள்ள மெட்ரோ இரயில் நிலையங்களுக்கு செல்லும் பயணிகள் புரட்சித்தலைவர் டாக்டர் எம்.ஜி. இராமச்சந்திரன் சென்ட்ரல் மெட்ரோ இரயில் நிலையத்தில் மட்டுமே வழித்தடம் மாற்றம் செய்து கொள்ளலாம்.

பயணிகள் கடைசி மெட்ரோ இரயில் புறப்படுவதற்கு 10 நிமிடங்களுக்கு முன்னதாகவே அரசினர் தோட்டம் மெட்ரோ இரயில் நிலையத்திற்குள் வருமாறு கேட்டுக் கொள்ளப்படுவதாக அந்த அறிவிப்பில் கூறப்பட்டுள்ளது.

ஸ்டைல் காட்டி சிக்கலில் மாட்டிய ரியான் பராக்.. இ-சிகரெட்டால் கிடைத்த தண்டனை என்ன தெரியுமா?

ராஜேஷ். எஸ் — Thu, 30 Apr 2026 16:16:35 +0530

ஐபிஎல் போட்டியின்போது ஓய்வறையில் இ-சிகரெட் புகைத்த ராஜஸ்தான் அணி கேப்டன் ரியான் பராக்-க்கு அபராதம் விதிக்கப்பட்டது. அவருக்கு போட்டியின் கட்டணத்தில் இருந்து 25 சதவீதம் அபராதம் விதித்து பிசிசிஐ நடவடிக்கை எடுத்துள்ளது.

பஞ்சாப் கிங்ஸ் அணிக்கு எதிரான போட்டியின்போது ரியான் பராக் ஓய்வறையில் இ-சிகரெட் புகைத்த படம் வெளியாகி சர்ச்சையானது. ராஜஸ்தான் ராயல்ஸ் அணி 223 ரன்கள் என்ற பிரம்மாண்டமான இலக்கைத் துரத்திக் கொண்டிருந்தபோது, பராக் ஆடை மாற்றும் அறைக்குள் வேப்பிங் செய்துகொண்டிருந்தபோது கையும் களவுமாகப் பிடிபட்டார்.

இது தொடர்பான வீடியோ சமூக வலைதளங்களில் விரைவில் வைரலானதைத் தொடர்ந்து, பராக்கிற்கு அவரது போட்டி ஊதியத்தில் 25% அபராதம் விதிக்கப்பட்டுள்ளது. மேலும், ஐபிஎல் வீரர்கள் மற்றும் அணி அதிகாரிகளுக்கான நடத்தை விதிகளின் நிலை 1-ஐ மீறியதற்காக அவருக்கு ஒரு தகுதிக்குறைப்புப் புள்ளியும் கிடைத்துள்ளது. "விளையாட்டிற்கு அவப்பெயரை ஏற்படுத்தும் நடத்தை" தொடர்பான ஐபிஎல் நடத்தை விதிகளின் பிரிவு 2.21-ஐ ராஜஸ்தான் ராயல்ஸ் அணியின் கேப்டன் மீறியது கண்டறியப்பட்டது.

மேலும் படிக்க: Virat Kohli: விராட் கோலி இன்னும் எவ்ளோ நாள் IPL ஆடுவார்? உண்மையை உடைத்த தினேஷ் கார்த்திக்

ரியான் பராக் தனது தவறை ஒப்புக்கொண்டு தண்டனையை ஏற்றுக்கொண்ட போதிலும், போட்டி நடுவர் அமித் ஷர்மா அவருக்கு எதிராகத் தடைகளை விதித்தார். மேலும், இனிவரும் காலங்களில் தவறு செய்யும் அணிகள் மீது கடுமையான நடவடிக்கை எடுப்பதற்கான வழிகளை ஆராய்ந்து வருவதாகவும் பிசிசிஐ தெரிவித்துள்ளது.

"ஐபிஎல்-இன் நற்பெயர் சிதைவின்றி இருப்பதை உறுதி செய்வதற்காக, தவறு செய்த அணி, அதன் அதிகாரிகள் மற்றும் வீரர்கள் மீது கடுமையான நடவடிக்கை எடுப்பதற்கான நடவடிக்கைகளைத் தொடங்குவதற்கு பிசிசிஐ மற்ற வழிகளையும் ஆராய்ந்து வருகிறது," என்று பிசிசிஐ தனது அறிக்கையில் கூறியுள்ளது.

MI vs SRH: பிளே-ஆஃப் கனவு அவ்வளவுதானா? ஹர்திக் பாண்டியா செய்த அந்த தவறு..கதறும் மும்பை ரசிகர்கள்..

ஜேம்ஸ் — Thu, 30 Apr 2026 09:33:46 +0530

மும்பை வான்கடே மைதானத்தில் நடைபெற்ற 41-வது லீக் ஆட்டத்தில் சன்ரைசர்ஸ் ஹைதராபாத் அணி, மும்பை இந்தியன்ஸை 6 விக்கெட் வித்தியாசத்தில் வீழ்த்தி மிரட்டலான வெற்றியைப் பதிவு செய்துள்ளது. சொந்த மண்ணிலேயே மும்பை இந்தியன்ஸ் தோல்வியைத் தழுவியது அந்த அணி ரசிகர்களுக்குப் பெரும் ஏமாற்றத்தை அளித்துள்ளது. இமாலய இலக்கை நிர்ணயித்த போதிலும், பந்துவீச்சில் சொதப்பியதால் மும்பை அணி புள்ளிகள் பட்டியலில் 9-வது இடத்திற்குத் தள்ளப்பட்டது. இதனால் அந்த அணியின் பிளே ஆஃப் கனவு தற்போது கேள்விக்குறியாகி உள்ளது.

ரிக்கிள்டன் சாதனை.. டிராவிஸ் ஹெட் பதிலடி!

முதலில் பேட்டிங் செய்த மும்பை இந்தியன்ஸ் அணி, நிர்ணயிக்கப்பட்ட 20 ஓவர்களில் 5 விக்கெட் இழப்பிற்கு 243 ரன்கள் குவித்தது. அதிரடியாக விளையாடிய ரையன் ரிக்கிள்டன் 123 ரன்கள் குவித்து ஆட்டமிழக்காமல் இருந்து சாதனை படைத்தார். மும்பை அணியின் ஜாம்பவான்களால் கூட எட்ட முடியாத ஒரு மைல்கல்லை அவர் எட்டி அசத்தினார். இதையடுத்து 244 ரன்கள் என்ற கடினமான இலக்குடன் களம் இறங்கிய ஹைதராபாத் அணிக்கு டிராவிஸ் ஹெட் மற்றும் அபிஷேக் சர்மா ஜோடி அதிரடித் தொடக்கம் கொடுத்தது. குறிப்பாக டிராவிஸ் ஹெட் சிக்ஸர்களைப் பறக்கவிட்டு மும்பை பந்துவீச்சாளர்களைத் திணறடித்தார். இடையில் விக்கெட்டுகள் சரிந்தாலும், கிளாசன் மற்றும் சலில் அரோரா ஜோடி அதிரடியைத் தொடர்ந்து 8 பந்துகள் மீதமிருக்கையிலேயே அணியை வெற்றிப் பாதைக்கு அழைத்துச் சென்றனர்.

தோல்விக்குக் காரணம் என்ன?

மும்பை அணியின் இந்தத் தோல்விக்கு பந்துவீச்சாளர்களின் மோசமான செயல்பாடு, கேப்டன் ஹர்திக் பாண்டியாவின் சில தவறான முடிவுகள் மற்றும் முக்கியமான தருணங்களில் விடப்பட்ட கேட்ச்களே முக்கியக் காரணமாகப் பார்க்கப்படுகிறது. குறிப்பாக டிராவிஸ் ஹெட்டுக்கு வழங்கப்பட்ட மூன்று கேட்ச் வாய்ப்புகள் மற்றும் முக்கியமான நேரத்தில் ஹர்திக் பாண்டியா எடுத்த தவறான டிஆர்எஸ் முடிவு மும்பை அணிக்கு வெற்றியைப் பறிக்கும் காரணியாக அமைந்தது. இந்தத் தோல்வியின் மூலம் மும்பை அணி விளையாடிய 8 போட்டிகளில் வெறும் 2 வெற்றிகளுடன் 4 புள்ளிகளை மட்டுமே பெற்றுள்ளது.

மும்பையின் பிளே ஆஃப் வாய்ப்பு எப்படி?

தற்போது 9-வது இடத்தில் உள்ள மும்பை அணி பிளே ஆஃப் சுற்றுக்குத் தகுதி பெற வேண்டுமானால், மீதமுள்ள 6 போட்டிகளிலும் கட்டாயம் வெற்றி பெற்றாக வேண்டும். அப்படி வெற்றி பெற்றால் 16 புள்ளிகளுடன் உறுதியாகப் பிளே ஆஃப் செல்லலாம். ஒருவேளை 5 போட்டிகளில் வெற்றி பெற்றால் 14 புள்ளிகளுடன் மற்ற அணிகளின் வெற்றி தோல்வி மற்றும் ரன் ரேட் கணக்குகளைச் சார்ந்து இருக்க வேண்டிய கட்டாயம் ஏற்படும். இன்னும் இரண்டு போட்டிகளில் தோற்றால் மும்பை அணி இந்த சீசனில் இருந்து அதிகாரப்பூர்வமாக வெளியேற நேரிடும்.

அடுத்தடுத்த சவால்கள்!

மும்பை அணி தனது அடுத்தடுத்த போட்டிகளை மே 2-ம் தேதி சென்னை சூப்பர் கிங்ஸ் அணிக்கு எதிராகவும், மே 4-ம் தேதி லக்னோ அணிக்கு எதிராகவும் எதிர்கொள்கிறது. அதைத் தொடர்ந்து ஆர்சிபி, பஞ்சாப் கிங்ஸ், கேகேஆர் மற்றும் ராஜஸ்தான் ராயல்ஸ் அணிகளுடன் மோத உள்ளது. ஐந்து முறை சாம்பியன் பட்டம் வென்ற மும்பை அணி, ஹர்திக் பாண்டியாவின் தலைமையில் அணியாக விளையாடமல் தவிப்பதாக ரசிகர்கள் விமர்சித்து வருகின்றனர். இனிவரும் போட்டிகளில் மற்ற அணிகளின் முடிவுகளை எதிர்பார்க்காமல் மும்பை தனது பலத்தை நிரூபிக்குமா என்பதைப் பொறுத்திருந்து தான் பார்க்க வேண்டும்.

IPL Points Table 2026: பஞ்சாப்புக்கு முதல் தோல்வி... பரிதாப நிலையில் சிஎஸ்கே.. மும்பை... பாயிண்ட்ஸ் டேபிளில் யார் டாப்?

ஜேம்ஸ் — Wed, 29 Apr 2026 10:34:45 +0530

ஐபிஎல் 2026 தொடரின் 40வது போட்டி, பஞ்சாப் கிங்ஸ் மற்றும் ராஜஸ்தான் ராயல்ஸ் அணிகளுக்கிடையே நடைபெற்றது . எட்டு போட்டிகளில் விளையாடிய பஞ்சாப் கிங்ஸ் அணி முதல் தோல்வியை சந்தித்தது. இதன் மூலம் புள்ளிப்பட்டியலில் எந்த அணி எந்த இடத்தில் உள்ளது என்பதை காணலாம்,

பஞ்சாப் முதல் தோல்வி:

ராஜஸ்தான் ராயல்ஸ் அணிக்கு எதிரான போட்டியில் 223 என்கிற இலக்கை கட்டுப்படுத்த முடியாமல் பஞ்சாப் அணி 6 விக்கெட் வித்தியாசத்தில் தோல்வியை சந்தித்தது. இலக்கைத் துரத்திய வைபவ் சூர்யவன்ஷி, 16 பந்துகளில் 5 சிக்ஸர்கள் மற்றும் 3 பவுண்டரிகளின் உதவியுடன் 43 ரன்கள் குவித்து அதிரடியான தொடக்கத்தை அளித்தார். பின்னர், யஷஸ்வி ஜெய்ஸ்வால் 27 பந்துகளில் 51 ரன்கள் குவித்து அரைசதம் அடித்தார். 26 பந்துகளில் 52 ரன்கள் குவித்து ஆட்டத்தை முடித்து வைத்த டோனோவன் ஃபெரேரா ஆட்ட நாயகன் விருதைப் பெற்றார். இருப்பினும், இந்தத் தோல்விக்குப் பிறகும், பஞ்சாப் அணி புள்ளிப் பட்டியலில் முதலிடத்தில் நீடிக்கிறது.

முதல் இடத்தில் பஞ்சாப்:

பஞ்சாப் கிங்ஸ் அணி எட்டு போட்டிகளில் விளையாடி, ஒன்றில் மட்டுமே தோல்வியடைந்துள்ளது. அந்த அணி ஆறு போட்டிகளில் வெற்றி பெற்றுள்ளது, ஒரு போட்டி மழையின் காரணமாக கைவிடப்பட்டது. பஞ்சாப் அணி 13 புள்ளிகளுடன் புள்ளிப் பட்டியலில் முதலிடத்தில் உள்ளது. ராயல் சேலஞ்சர்ஸ் பெங்களூரு அணி 12 புள்ளிகளுடன் இரண்டாம் இடத்தில் உள்ளது.

Point of third place team - 12.
Point of Sixth place team - 6.

That is a huge difference with only 6 games left for most teams in this season 🎯 pic.twitter.com/9nz2rdGwNb
— Johns. (@CricCrazyJohns) April 28, 2026

முன்னேறிய ராயல்ஸ்:

பஞ்சாப் கிங்ஸை வீழ்த்திய பிறகு, ராஜஸ்தான் ராயல்ஸ் புள்ளிப் பட்டியலில் ஒரு இடம் (3வது) முன்னேறியுள்ளது. ராஜஸ்தான் தனது ஒன்பது போட்டிகளில் ஆறில் வெற்றி பெற்று மூன்றில் தோல்வியடைந்துள்ளது. ராஜஸ்தான் ராயல்ஸ் மற்றும் ராயல் சேலஞ்சர்ஸ் பெங்களூரு அணிகள் சம எண்ணிக்கையிலான புள்ளிகளை (12) பெற்றுள்ளன, ஆனால் ராஜஸ்தானை விட (+0.617) பெங்களூரு சிறந்த ரன் ரேட்டை (+1.919) கொண்டுள்ளது.

மற்ற அணிகளின் நிலை:

சன்ரைசர்ஸ் ஹைதராபாத் அணி, தாங்கள் ஆடிய எட்டுப் போட்டிகளில் ஐந்தில் வெற்றி பெற்று, புள்ளிப் பட்டியலில் 10 புள்ளிகளுடன் நான்காவது இடத்தில் உள்ளது. . ஐந்தாவது இடத்தில் உள்ள குஜராத் டைட்டன்ஸ் அணி, தாங்கள் ஆடிய எட்டுப் போட்டிகளில் நான்கில் வெற்றி பெற்று, எட்டு புள்ளிகளைப் பெற்றுள்ளது. சென்னை சூப்பர் கிங்ஸ் ஆறாவது இடத்திலும், டெல்லி கேப்பிட்டல்ஸ் ஏழாவது இடத்திலும் உள்ளன; இவ்விரு அணிகளும் தலா ஆறு புள்ளிகளைப் பெற்றுள்ளன.

கொல்கத்தா நைட் ரைடர்ஸ் அணி தாங்கள் ஆடிய எட்டு போட்டிகளில் இரண்டில் வெற்றி பெற்று ஐந்தில் தோல்வியடைந்துள்ளது. பஞ்சாப் கிங்ஸ் அணிக்கு எதிரான போட்டி ரத்து செய்யப்பட்டதால், அதன் மூலம் ஒரு புள்ளியைப் பெற்றது. கேகேஆர் அணி ஐந்து புள்ளிகளுடன் புள்ளி அட்டவணையில் எட்டாவது இடத்தில் உள்ளது. மும்பை இந்தியன்ஸ் (-0.736) மற்றும் லக்னோ சூப்பர்ஜெயண்ட்ஸ் (-1.106) அணிகள் தலா நான்கு புள்ளிகளுடன் முறையே ஒன்பதாவது மற்றும் பத்தாவது இடங்களில் உள்ளன.

டிரெஸ்ஸிங் ரூமில் 'வேப்பிங்'! வைரலாகும் வீடியோவால் சர்ச்சை.. ரியான் பராக் மீது பிசிசிஐ நடவடிக்கை எடுக்குமா?

ஜேம்ஸ் — Wed, 29 Apr 2026 10:06:37 +0530

பஞ்சாப் கிங்ஸ் அணிக்கு எதிரான ஐபிஎல் போட்டியின் போது ராஜஸ்தான் ராயல்ஸ் அணியின் கேப்டன் ரியான் பராக் டிரெஸ்ஸிங் ரூமில் புகைபிடித்தது(vaping) போன்ற காட்சிகள் சமூக வலைதளங்களில் வெளியாகி பெரும் அதிர்வலைகளை ஏற்படுத்தியுள்ளது.

டிரெஸ்ஸிங் ரூமில் வேப்

சண்டிகரில் நேற்று பஞ்சாப் அணிக்கு எதிரான போட்டியின் இரண்டாவது இன்னிங்ஸின் 16-வது ஓவரின் போது, ஒளிபரப்பு கேமரா தற்செயலாக ராஜஸ்தான் அணியின் டிரெஸ்ஸிங் ரூமை நோக்கித் திரும்பியது. அப்போது ரியான் பராக் 'வேப்' (Vape) எனப்படும் மின்னணு சிகரெட்டைப் பயன்படுத்துவது போன்ற காட்சிகள் நேரலையில் பதிவாகின. 16 பந்துகளில் 29 ரன்கள் எடுத்து ஆட்டமிழந்த கையோடு அவர் இவ்வாறு செய்த வீடியோ, ட்விட்டர் உள்ளிட்ட தளங்களில் காட்டுத்தீயாகப் பரவி வருகிறது. ஒரு பொறுப்பான கேப்டனாக இருந்து கொண்டு மைதானத்திற்குள் இதுபோன்ற செயல்களில் ஈடுபடலாமா என ரசிகர்கள் பலரும் சமூக வலைதளங்களில் கேள்வி எழுப்பி வருகின்றனர்.

🚨 RIYAN PARAG VAPING DURING MATCH 🚨
Not a good look for a professional. pic.twitter.com/QaDIO8lThE
— MARCUS (@MARCUS907935) April 28, 2026

விதிகள் சொல்வது என்ன?

மைதானத்திற்குள் வேப்பிங் செய்வது குறித்து தெளிவான பொது விதிகள் இல்லை என்றாலும், வீரர்களின் நடத்தை குறித்து பிசிசிஐ கடுமையான விதிமுறைகளைவைத்துள்ளது. குறிப்பாக சுகாதாரம் மற்றும் பாதுகாப்பு நெறிமுறைகளின்படி, டிரெஸ்ஸிங் ரூம் அல்லது டக்-அவுட் பகுதிகளில் புகையிலை சார்ந்த பொருட்களைப் பயன்படுத்துவது தடை செய்யப்பட்டுள்ளது. இதனால் ரியான் பராக் மீது ஒழுங்கு நடவடிக்கை எடுக்கப்பட வாய்ப்புள்ளதாகக் கருதப்படுகிறது.

சர்ச்சை மேல் சர்ச்சை:

சஞ்சு சாம்சன் சென்னை சூப்பர் கிங்ஸ் அணிக்குச் சென்றதைத் தொடர்ந்து, 2026 சீசனில் ராஜஸ்தான் அணியின் கேப்டனாகப் பொறுப்பேற்ற 24 வயதான ரியான் பராக் ஏற்கனவே கடும் விமர்சனங்களை எதிர்கொண்டு வருகிறார். இந்த போட்டிக்கு முன்னதாக ஆடிய 7 இன்னிங்ஸ்களில் அவர் வெறும் 81 ரன்கள் மட்டுமே எடுத்திருந்தார். அவரது பேட்டிங் ஃபார்ம் குறித்து முன்னாள் வீரர்கள் விமர்சித்து வரும் வேளையில், இந்த புதிய சர்ச்சை அவருக்கு கூடுதல் தலைவலியை ஏற்படுத்தியுள்ளது.

இருப்பினும் இந்த ஆட்டத்தில் 222 ரன்கள் என்ற கடினமான இலக்கை விரட்டிய ராஜஸ்தான் ராயல்ஸ் அணி, 6 விக்கெட் வித்தியாசத்தில் பஞ்சாப் அணியை வீழ்த்தி அபார வெற்றி பெற்றது. பஞ்சாப் கிங்ஸ் அணி இந்த சீசனில் சந்திக்கும் முதல் தோல்வி இதுவாகும்.

ஏற்கனவே கடந்த ஏப்ரல் 10-ம் தேதி குவஹாத்தியில் நடைபெற்ற பெங்களூரு அணிக்கு எதிரான போட்டியின் போது, டக்-அவுட்டில் செல்போன் பயன்படுத்தியதற்காக ராஜஸ்தான் ராயல்ஸ் அணியின் மேலாளர் ரோமி பிந்தருக்கு 1 லட்சம் ரூபாய் அபராதம் விதிக்கப்பட்டது குறிப்பிடத்தக்கது. தற்போது கேப்டன் ரியான் பராக்கும் சர்ச்சையில் சிக்கியுள்ளதால் ராஜஸ்தான் அணி நிர்வாகம் அடுத்தடுத்து சிக்கல்களைச் சந்தித்து வருகிறது.

Virat Kohli: விராட் கோலி இன்னும் எவ்ளோ நாள் IPL ஆடுவார்? உண்மையை உடைத்த தினேஷ் கார்த்திக்

சுகுமாறன் — Tue, 28 Apr 2026 18:03:39 +0530

ஐபிஎல் கிரிக்கெட் தொடரின் 19வது சீசன் விறுவிறுப்பாக நடந்து வருகிறது. ஐபிஎல் தொடரின் முக்கியமான அணியாக திகழ்வது நடப்பு சாம்பியன் ஆர்சிபி. இந்த அணிக்கு கோடிக்கணக்கான ரசிகர்கள் உள்ளனர். அதற்கு காரணம் விராட் கோலி.

9 ஆயிரம் ரன்கள்:

2008ம் ஆண்டு முதல் ஆர்சிபி-க்காக ஆடி வரும் விராட் கோலி ஐபிஎல் தொடரில் மட்டும் தன்னுடைய 9 ஆயிரம் ரன்களை நேற்று டெல்லி அணிக்கு எதிராக தனது சொந்த மைதானமான அருண் ஜெட்லி மைதானத்தில் எட்டி புதிய வரலாறு படைத்தார். ஐபிஎல் தொடரில் 9 ஆயிரம் ரன்களை எட்டிய முதல் வீரர் என்ற பெருமையையும் படைத்துள்ளார்.

எவ்வளவு நாள் ஆடுவார்?

விராட் கோலி 9 ஆயிரம் ரன்களை எட்டியது குறித்து ஆர்சிபி அணியின் ஆலோசகர் தினேஷ் கார்த்திக் கூறியிருப்பதாவது, அவர் வேற லெவல். 9 ஆயிரம் ரன்கள் அடித்துள்ளார். அவர் டேங்கில் இன்னும் நிறைய உள்ளது என்கிறார். இந்த மாதிரி ஒரு போட்டியில் அவர் மாதிரி பெரிய கிரிக்கெட்டரை மோடிவ் பண்றதே கஷ்டமாக இருக்கும். 75 ரன்கள்தான் அடிக்கனுமேனு இருக்கும். ஆனால் அவர் போயிட்டு தொழில்முறை கிரிக்கெட் வீரராக முடித்தார். அவர் 9 ஆயிரம் ரன்களை அடித்ததில் ஒன்றும் ஆச்சரியப்படுவதற்கு இல்லை. அவர் இன்னும் அதிக நாட்கள் ஆடப்போகிறார்.

இவ்வாறு அவர் கூறினார்.

கிரிக்கெட்டின் அரசன்:

ஐபிஎல் கிரிக்கெட் என்றாலே அனைவருக்கும் நினைவுக்கும் வரும் வீரர்கள் தோனி, கோலி மற்றும் ரோகித். இந்திய அணியின் முன்னாள் கேப்டன்களான இவர்கள் 3 பேரும் இந்தியாவின் வெற்றிக்காக கடுமையாக போராடியுள்ளனர்.

சச்சின் டெண்டுல்கரின் முறியடிக்கவே முடியாத பல்வேறு சாதனைகளை முறியடித்த ஒரே வீரர் விராட் கோலி ஆவார். ஒருநாள் போட்டியில் அதிக சதங்களை விளாசிய வீரர் என்ற பெருமையையும் தன்வசம் வைத்துள்ள விராட் கோலி தற்போது 100 சதங்கள் விளாசிய வீரர் என்ற மைல்கல்லை நோக்கி பயணித்து வருகிறார்.

37 வயதான விராட் கோலி இதுவரை 275 ஐபிஎல் போட்டிகளில் 267 போட்டிகளில் ஆடி 9 ஆயிரத்து 12 ரன்கள் எடுத்துள்ளார். இதை அவர் 6 ஆயிரத்து 735 பந்துகளில் எடுத்துள்ளார். அதிகபட்சமாக 113 ரன்கள் எடுத்துள்ளார். 42 முறை ஆட்டமிழக்காமல் இருந்துள்ளார். 808 பவுண்டரிகள், 305 சிக்ஸர்கள் விளாசியுள்ளார். 8 சதங்கள், 66 அரைசதங்கள் விளாசியுள்ளார். விராட் கோலியின் அபாரமான சாதனைகள் காரணமாக அவரை கிரிக்கெட்டின் அரசன் என்று ரசிகர்கள் பாராட்டி வருகின்றனர்.

IPL 2026 RCB vs DC: பவர்ப்ளேவிலே இதுதான் கம்மி! மோசமான வரலாறு படைத்த டெல்லி! ஆர்சிபி பயங்கரம்!

IPL 2026 RCB vs DC: பவர்ப்ளேவிலே இதுதான் கம்மி! மோசமான வரலாறு படைத்த டெல்லி! ஆர்சிபி பயங்கரம்!

சுகுமாறன் — Mon, 27 Apr 2026 21:50:11 +0530

ஐபிஎல் தொடரின் 19வது சீசன் விறுவிறுப்பாக நடந்து வருகிறது. இந்த தொடரில் இன்று டெல்லியில் நடந்த போட்டியில் டெல்லி கேபிடல்ஸ் - ஆர்சிபி அணிகள் மோதியது. இதில் பவர்ப்ளேவிலே குறைந்த ரன்கள் எடுத்த அணி என்ற மோசமான வரலாற்றை டெல்லி படைத்துள்ளது.

ஆர்சிபி அபார பந்துவீச்சு:

இந்த போட்டியில் டாஸ் வென்ற ஆர்சிபி கேப்டன் ரஜத் படிதார் முதலில் பந்துவீச்சைத் தேர்வு செய்தார். அவரது முடிவுக்கு மிகச்சிறந்த பலன் கிடைத்தது. இந்த போட்டியில் முதலில் பேட் செய்த டெல்லி அணிக்கு தொடக்கம் முதலே அதிர்ச்சி மேல் அதிர்ச்சி காத்திருந்தது.

ஆட்டத்தை தொடங்கிய பவர்ப்ளேவிற்குள் அறிமுக ஆட்டத்தில் களமிறங்கிய ஷாகில் பாராக், கேஎல் ராகுல், சமீர் ரிஸ்வி, ஸ்டப்ஸ், அக்ஷர் பேட்ல, நிதிஷ் ராணா என 6 விக்கெட்டுகளை இழந்தது. ஹேசில்வுட் மற்றும் புவனேஷ்வர் குமார் மாறி, மாறி தங்களது பந்துவீச்சு தாக்குதலை நடத்தினர்.

பவர்ப்ளேவிலே குறைந்த ரன்கள்:

இதையடுத்து, பவர்ப்ளேவான முதல் 6 ஓவரில் டெல்லி அணி 6 விக்கெட்டுகளை இழந்து 13 ரன்கள் மட்டுமே எடுத்தது. ஐபிஎல் வரலாற்றிலே பவர்ப்ளேவில் எடுக்கப்பட்ட குறைந்த பட்ச ரன் இதுவே ஆகும்.

1. டெல்லி அணி - 13 ரன்கள் ( 6 விக்கெட்) ஆர்சிபிக்கு எதிராக

2. மும்பை இந்தியன்ஸ் - 17 ரன்கள் ( 2 விக்கெட்) பஞ்சாபிற்கு எதிராக (2015)

3. மும்பை இந்தியன்ஸ் - 21 ரன்கள் ( 3 விக்கெட்) பஞ்சாபிற்கு எதிராக ( 2016)

4. பஞ்சாப் கிங்ஸ் - 21 ரன்கள் ( 3 விக்கெட்) மும்பைக்கு எதிராக (2021)

5. கொல்கத்தா - 25 ரன்கள் ( 4 விக்கெட்) பஞ்சாப்பிற்கு எதிராக (2025)

மும்பை அணியிடம் இருந்த பவர்ப்ளேவில் குறைந்த ரன்கள் என்ற மோசமான சாதனை தற்போது டெல்லி வசம் சென்றுள்ளது.

ஹேசல்வுட், புவனேஷ்வர் அபாரம்:

பின்னர், டேவிட் மில்லர் - அபிஷேக் போரலின் ஆட்டத்தால் அவர்கள் மீண்டு வர முயற்சித்தாலும் 75 ரன்களுக்கு டெல்லி ஆல் அவுட்டானது. புவனேஷ்வர் 3 ஓவர்களில் 5 ரன்கள் மட்டுமே விட்டுக்கொடுத்து 3 விக்கெட்டுகளையும், ஹேசில்வுட் 3.3 ஓவர்களில் 12 ரன்கள் மட்டுமே விட்டுக்கொடுத்து 4 விக்கெட்டையும் வீழ்த்தினர். சுயாஷ் சர்மா, குருணல் பாண்ட்யா, ரஷீக் சலம் தர் தலா 1 விக்கெட்டையும் வீழ்த்தினர்.

அபிஷேக் போரல் அதிகபடசமாக 33 பந்துகளில் 3 பவுண்டரியுடன் 30 ரன்கள் எடுத்தார். டேவிட் மில்லர் 19 ரன்களும், ஜேமிசன் 12 ரன்களும் எடுத்தனர். இவர்கள் தவிர வேறு யாரும் இரட்டை இலக்க ரன்களை எடுக்கவில்லை. சாஹில், சமீர் ரிஸ்வி, அக்ஷர் படேல் டக் அவுட்டானார்கள். கே.எல்.ராகுல், நிதிஷ் ராணா தலா 1 ரன் எடுத்து அவுட்டானார்கள்.

மாற்றுத்திறன் அல்ல, மாபெரும் திறன்: சிங்கப்பூரில் ரன்கள் மழை குவித்த தஞ்சை பாலசுந்தர்!