Sachin Tendulkar: கிரிக்கெட்டின் கடவுள் சத வேட்டை தொடங்கிய நாள் இன்று! ஒருநாள் போட்டியில் சச்சின் முதல் செஞ்சுரி வந்தது எப்படி?

"பாகிஸ்தானி கையால கோப்பை வாங்கமாட்டோம்" MASS காட்டிய இந்திய வீராங்கனைகள்

ABP NADU — Mon, 14 Sep 2026 12:31:20 +0530

"பாகிஸ்தானி கையால கோப்பை வாங்கமாட்டோம்" MASS காட்டிய இந்திய வீராங்கனைகள்

செல்ஃபி கேட்ட ரசிகர் சீரியசாக பார்த்த AK

ABP NADU — Mon, 14 Sep 2026 10:50:43 +0530

செல்ஃபி கேட்ட ரசிகர் சீரியசாக பார்த்த AK

"போய்ட்டு வாங்க நண்பா" CM-ஐ வழியனுப்பி வைத்த AK

ABP NADU — Mon, 14 Sep 2026 07:14:05 +0530

"போய்ட்டு வாங்க நண்பா" CM-ஐ வழியனுப்பி வைத்த AK

Asia Cup: மீண்டும் பாகிஸ்தானிற்கு நோஸ் கட் - ஆசிய கோப்பையை பெற மறுத்த இந்திய அணி, BCCI ஆர்டர்

குலசேகரன் முனிரத்தினம் — Mon, 14 Sep 2026 06:59:17 +0530

Asia Cup Pakistans Mohsin Naqvi: பிசிசிஐ உத்தரவின் பேரிலேயேமொஹ்சின் நக்வியிடம் இருந்து கோப்பையை பெறவில்லை என இந்திய மகளிர் அணியின் பயிற்சியாளர் விளக்கமளித்துள்ளார்.

ஆசிய கோப்பையை வென்ற இந்திய அணி:

மகளிர் ஆசியக்கோப்பை இறுதிப்போட்டி துபாய் சர்வதேச மைதானத்தில் நடைபெற்றது. இதில் டாஸ் வென்று முதலில் பேட்டிங் செய்த இந்திய அணி, சஃபாலி வர்மா மற்றும் ஸ்மிரிதி மந்தனா ஆகியோரின் அதிரடியான அரைசதங்களால், 20 ஓவர்கள் முடிவில் 5 விக்கெட்டுகளை இழந்து 183 ரன்களை குவித்தது. இதையடுத்து களமிறங்கிய இலங்கை அணியில் கேப்டன் அட்டபட்டு, விஷ்மி குணரத்னே மற்றும் நிலக்‌ஷி டி சில்வா ஆகியோரை தவிர மற்ற அனைவருமே ஒற்றை இலக்கங்களில் விக்கெட்டுகளை பறிகொடுத்தனர். இதனால் அந்த அணி 20 ஓவர்கள் முடிவில் 111 ரன்களுக்கு ஆல்-அவுட் ஆக, ஹர்மன்ப்ரீத் கவுர் தலைமையிலான இந்திய அணி 72 ரன்கள் வித்தியாசத்தில் அபார வெற்றி பெற்றது. ஒருநாள் வடிவ போட்டிகளில் 4 முறை, டி20 வடிவ போட்டிகளில் 4 முறை என மொத்தம் 8 முறை இந்திய அணி ஆசிய கோப்பையை வென்றுள்ளது குறிப்பிடத்தக்கது.

மீண்டும் கோப்பையை வாங்க மறுத்த இந்திய அணி:

இந்திய அணியின் அபார வெற்றியை தொடர்ந்து பரிசளிக்கும் விழா தொடங்கியது. ஆனால் யாரும் எதிர்பாராத விதமாக இரண்டாவது இடம் பிடித்த இலங்கை அணிக்கான பரிசுத்தொகையை வழங்கியதுமே, அந்த நிகழ்ச்சி முடிவுக்கு வந்தது. ஆனால், சாம்பியன் பட்டம் வென்ற இந்திய அணி வீராங்கனைகள் மெடல்களையும், கோப்பையையும் பெறாவே இல்லை. ஆசிய கிரிக்கெட் சம்மேளனத்தின் தலைவராக பாகிஸ்தானின் மொஹ்சின் நக்வி தொடர்வதால், அவரிடம் இருந்து கோப்பையை பெற இந்திய அணி விரும்பவில்லை. முன்னதாக ஆடவர் அணி ஆசியகோப்பையை வென்றபோதும், அவரிடம் இருந்து கோப்பையை பெற மறுத்தது குறிப்பிடத்தக்கது. பிசிசிஐ உத்தரவின் பேரிலேயேமொஹ்சின் நக்வியிடம் இருந்து கோப்பையை பெறவில்லை என இந்திய மகளிர் அணியின் பயிற்சியாளர் மஜும்தார் விளக்கமளித்துள்ளார்.

இந்தியாவின் வாய்ப்பை நிராகரித்த மொஹ்சின் நக்வி

இதுதொடர்பாக பேசிய பிசிசிஐ செயலாளர் சைகியா, “மொஹ்சின் நக்வியிடம் இருந்து ஆசிய கோப்பையை பெற இந்தியா எப்போதும் விரும்பவில்லை. அதற்காக இரண்டு மாற்றும் ஆலோசனைகளையும் நாங்கள் பரிந்துரைத்தோம். அதன்படி, ஆசிய கிரிக்கெட் சம்மேளனத்தின் துணை தலைவர் காலித் அல் ஜரூனி இந்திய அணிக்கு கோப்பையை வழங்கலாம் அல்லது புதிய விதியின்படி போட்டியில் வெற்றி பெறும் வாரியத்தின் பிரதிநிதி கோப்பையை வழங்க அனுமதிக்கப்படலாம் என வலியுறுத்தினோம். ஆனால், அந்த இரண்டு பரிந்துரைகளயும் நக்வி நிராகரித்துவிட்டார். இந்திய அணியும் தனது நிலைப்பாட்டில் உறுதியாக இருந்து கோப்பையை ஏற்க மறுத்துவிட்டது.

இதையும் படியுங்கள்: TN Weather News: கனமழைக்கு அதிக வாய்ப்பு - 13 மாவட்டங்களுக்கு இன்று அலெர்ட், சென்னை? தமிழக வானிலை அறிக்கை

ஆடவர் அணி செய்த சம்பவம்

முன்னதாக கடந்த 2025ம் ஆண்டு செப்டம்பரில் நடைபெற்ற ஆடவர் ஆசியக் கோப்பை இறுதிப் போட்டியிலும் இதேபோன்ற ஒரு பிரச்னை வெடித்தது. இறுதிப்போட்டியில் பாகிஸ்தான் நிர்ணயித்த 147 ரன்கள் இலக்கை எளிதில் எட்டி இந்திய அணி 5 விக்கெட்டுகள் வித்தியாசத்தில் வென்றது. ஆனால், அதன் பிறகு கோப்பை வழங்கும் விழா தொடங்க ஒரு மணி நேரம் காத்திருக்க வேண்டியிருந்தது. நக்விக்குப் பதிலாக ஐக்கிய அரபு அமீரக கிரிக்கெட் வாரிய அதிகாரி ஒருவர் கோப்பையை வழங்க வேண்டும் என்று இந்தியா கோரிக்கை விடுத்ததாகக் கூறப்படுகிறது. இந்தியாவுக்கும் பாகிஸ்தானுக்கும் இடையிலான பதற்றமான உறவுகளைச் சுட்டிக்காட்டி இந்த கோரிக்கை விடுக்கப்பட்டது. ஆனால், நக்வி அதனை நிராகரித்து, இந்திய கேப்டன் தன்னிடம் இருந்துதான் கோப்பையைப் பெற்றுக்கொள்ள வேண்டும் என பிடிவாதமாக இருந்தார். இதனால் இந்திய அணி கோப்பையை பெறாமலேயே அந்த விழாவும் முடிவுற்றது குறிப்பிடத்தக்கது.

நடிகர் அஜித்குமார் கார் ரேஸ்.! சிஎம் விஜய் தொடங்கி வைத்தது ஏன்.? இது தான் காரணம்- தமிழக அரசு அறிக்கை

கு. அஜ்மல்கான் — Sun, 13 Sep 2026 06:45:59 +0530

லண்டனில் முதலமைச்சர் விஜய்

தொழில் முதலீடுகள் ஈர்க்கும் வகையில் பல்வேறு திட்டங்களை தமிழக அரசு செயல்படுத்தி வருகிறது. அந்த வகையில் முதலமைச்சர் விஜய் நேற்று முன்தினம் லண்டன் புறப்பட்டு சென்றார். இதனையடுத்து நடிகர் அஜித்குமார் கலந்து கொண்ட கார் பந்தய போட்டியையும் தொடங்கிவைத்தார். இது தொடர்பாக தமிழக அரசு வெளியிட்டுள்ள அறிக்கையில், தமிழ்நாடு சட்டமன்றப்பேரவையில் கடந்த 3.9.2026 அன்று சட்டப்பேரவை விதி எண் 110-ன்கீழ், தமிழ்நாடு முதலமைச்சர், தமிழ்நாட்டில் ஏற்கெனவே வலுவாக நிலைபெற்றுள்ள வாகன மற்றும் மின்சார வாகன உற்பத்திச் சூழலை அடிப்படையாகக் கொண்டு, உலகத்தரம் வாய்ந்த "மோட்டார் ஸ்போர்ட்ஸ் நகரம்" (Motor Sports City) தமிழ்நாட்டில் அமைக்கப்படும் என்று அறிவித்துள்ளார்கள்.

அஜித்குமார் கார் ரேஸ்- தொடங்கி வைத்த சிஎம் விஜய்

இந்த நிலையில், தமிழ்நாட்டிற்கு தொழில் முதலீடுகளை ஈர்ப்பதற்காக இங்கிலாந்து நாட்டிற்கு பயணம் மேற்கொண்டுள்ள தமிழ்நாடு முதலமைச்சர். தமிழ்நாட்டில் மோட்டார் ஸ்போர்ட்ஸ் நகரம் அமைக்கப்படும் என்று அறிவித்ததை செயல்படுத்தும் வகையில், இங்கிலாந்து நாட்டின் புகழ்பெற்ற சில்வர்ஸ்டோன் மோட்டார் ரேசிங் சர்க்யூட்டிற்கு நேரில் சென்று. அங்குள்ள Race Control மற்றும் Race circuit பகுதிகளையும் பார்வையிட்டதோடு, சர்வதேசஅளவிலான நீண்டதூர கார் பந்தயத்தை நடத்துவதற்குத் தேவையான நவீன தொழில்நுட்பங்கள், செயல்பாட்டு ஏற்பாடுகள் மற்றும் பாதுகாப்பு அமைப்புகள் குறித்து கேட்டறிந்தார். மேலும், சில்வர்ஸ்டோன் ரேஸ் மியூசியத்தையும் பார்வையிட்டார்.

தமிழகத்தில் கார் ரேஸ் மைதானம்

அதனைத் தொடர்ந்து, தமிழ்நாடு முதலமைச்சர் சில்வர்ஸ்டோன் கிராண்ட் பிரிக்ஸ் பந்தயத் திடலில், பிரபல நடிகரும், மோட்டார் கார் பந்தய வீரருமான அஜித் குமார் அவர்கள் கலந்துகொண்ட 2026 மிச்செலின் லீ மான்ஸ் கோப்பை கார் பந்தயத்தைக் கொடியசைத்துத் தொடங்கி வைத்தார். இதன்மூலம், சர்வதேச அளவிலான நீண்டதூர மோட்டார் பந்தயங்களில் நிலவும் பிரம்மாண்டம். நவீன தொழில்நுட்பம், சிறப்பான நிர்வாக ஏற்பாடுகள் மற்றும் விளையாட்டுத் திறன் ஆகியவற்றை அறிந்துகொள்ளும் வாய்ப்பு கிடைத்ததோடு. உலகளாவிய தளங்களில் இந்தியத் திறமையாளர்களின் பங்கேற்பை மேலும் அதிகரிப்பதற்கான வாய்ப்புகளையும் இப்பயணம் ஏற்படுத்தியுள்ளது என குறிப்பிடப்பட்டுள்ளது.

PAK vs ENG: ஆர்ச்சர், அட்கின்சன் எல்லாம் ஓரம்போ.. 8வது விக்கெட்டிற்கு இறங்கி 9 சிக்ஸர் விளாசிய பாகிஸ்தான் இளம் பவுலர்!

சுகுமாறன் — Sat, 12 Sep 2026 09:00:04 +0530

PAK vs ENG: பாகிஸ்தான் அணி இங்கிலாந்தில் சுற்றுப்பயணம் மேற்கொண்டு டெஸ்ட் கிரிக்கெட் தொடரில் ஆடி வருகிறது. இரு அணிகளும் மோதிய முதல் இரு டெஸ்ட் போட்டியில் பாகிஸ்தான் அணி தோல்வி அடைந்த நிலையில், 3வது மற்றும் கடைசி டெஸ்ட் போட்டி நடந்து வருகிறது.

ஆட்டத்தை மாற்றிய ரசவுல்லா:

பாகிஸ்தான் அணி முதல் இன்னிங்சில் 133 ரன்களில் அவுட்டாக, இங்கிலாந்து அணி முதல் இன்னிங்சில் 453 ரன்கள் எடுத்து அவுட்டானது. தொடர்ந்து 2வது இன்னிங்சை ஆடிய பாகிஸ்தான் அணிக்கு சையூம் ஆயூப், ஷஃபிக் டக் அடுத்தடுத்து டக் அவுட்டாக ஷான் மசூத் பொறுப்புடன் ஆடி 95 ரன்களும், கேப்டன் பாபர் அசாம் பொறுப்புடன் ஆடி 76 ரன்களும் எடுத்தனர்.

அடுத்து வந்த காஸி 16 ரன்களுக்கும், முகமது இம்ரான் 4 ரன்களுக்கும் அவுட்டாக 318 ரன்களுக்கு 8 விக்கெட்டுகளை பாகிஸ்தான் இழந்தது. எஞ்சிய 2 விக்கெட்டுகளை எளிதில் வீழ்த்திவிடலாம் என்று இங்கிலாந்து கருதிய நிலையில், அதை தவிடுபொடியாக்கினார் வேகப்பந்துவீச்சாளர் ரசவுல்லா.

சிக்ஸர், பவுண்டரி:

9வது விக்கெட்டிற்கு களமிறங்கிய ரசவுல்லா டி20 போல ஆடினார். இங்கிலாந்தின் பலமிகுந்த பந்துவீச்சாளர் ராபின்சன், ஆர்ச்சர், அட்கின்சன், டங் என யார் வீசினாலும் பவுண்டரியும், சிக்ஸரும் விளாசினார்.

9 சிக்ஸர்:

All 8 sixes of Razaullah Today pic.twitter.com/3rsxElqoxw
— Jered William Jr. (@Jeredwilliam) September 11, 2026

குறிப்பாக, அட்கின்சன் வீசிய ஒரே ஓவரில் 3 சிக்ஸர்களை பறக்கவிட்டார். டான் லாரன்ஸ் வீசிய ஓவரில் ரசவுல்லா விளாசிய சிக்ஸர் மைதானத்தை விட்டு வெளியேறி அருகில் உள்ள கட்டிடத்திற்குச் சென்றது. 312 ரன்கள் இருந்தபோது உள்ளே வந்த ரசவுல்லா 63 பந்துகளில் 4 பவுண்டரி 9 சிக்ஸருடன் 81 ரன்கள் எடுத்து பாகிஸ்தான் 449 ரன்கள் எடுத்தபோது கடைசி விக்கெட்டாக வெளியேறினார்.

பாகிஸ்தானின் தொடக்க வீரர்கள், மிடில் ஆர்டரை நிலைகுலையச் செய்த இங்கிலாந்து பந்துவீச்சாளர்களை ரசவுல்லா நிலைகுலையச் செய்தார். அவருக்கு வீரர்கள், ரசிகர்கள் வாழ்த்து தெரிவித்து வருகின்றனர்.

130 ரன்கள் இலக்கு:

தற்போது இந்த போட்டியில் பாகிஸ்தான் 129 ரன்கள் முன்னிலையுடன் உள்ளது. இதனால், இங்கிலாந்து அணிக்கு 130 ரன்கள் இலக்காக நிர்ணயிக்கப்பட்டுள்ளது. 21 வயதே ஆன ரசவுல்லா பாகிஸ்தான் அணியின் புதிய ஆல்ரவுண்டராக கிடைத்துள்ளார். ரசவுல்லா முதல் இன்னிங்சில் 4 விக்கெட்டுகள் வீழ்த்தியிருந்தார்.

இந்த தொடரில் முதல் 2 போட்டியில் தாேல்வி அடைந்த பாகிஸ்தான் இந்த போட்டியில் வெற்றி பெறுவதற்கும் வாய்ப்புகள் குறைவு ஆகும். ஆனாலும், முகமது அப்பாஸ், முகமது அலி, ரசவுல்லா, இம்ரான் ஆகியோர் சிறப்பாக பந்துவீசினால் பாகிஸ்தான் வெற்றி பெறலாம்.

PAK vs SL: இறுதிவரை த்ரில்.. இறுதிப்போட்டிக்கு முன்னேறிய இலங்கை.! தனி ஆளாக போராடிய பாகிஸ்தான் கேப்டன்!

சுகுமாறன் — Sat, 12 Sep 2026 07:59:00 +0530

மகளிர் கிரிக்கெட்டின் ஆசிய கோப்பை கிரிக்கெட் தொடர் இறுதிகட்டத்திற்கு வந்துள்ளது. மொத்தம் 8 அணிகள் மோதிய இந்த தொடரில் இந்திய மகளிர் அணி அரையிறுதியில் வங்கதேச அணியை வீழ்த்தி இறுதிப்போட்டிக்குச் சென்றது.

பாகிஸ்தான் - இலங்கை:

இந்த நிலையில், இந்திய அணியுடன் இறுதிப்போட்டியில் மோதுவது யார்? என்பதை தீர்மானிக்கும் இரண்டாவது அரையிறுதிப்போட்டி துபாயில் நேற்று நடந்தது. இந்த போட்டியில் பாகிஸ்தான் - இலங்கை அணிகள் மோதியது.

கேப்டன் சனா போராட்டம்:

முதலில் ஆடிய பாகிஸ்தான் அணிக்காக முனிபா அலி 2 ரன்னில் அவுட்டாக, குல் பெரோஷா ஆடினார். ஆனால், ஜுல்பிகுர் அதிரடியாக ஆடினார். அவர் 16 பந்துகளில் 2 பவுண்டரி 2 சிக்ஸருடன் 24 ரன்கள் எடுத்து அவுட்டாக அடுத்து வந்த ஆயிஷா, சதாஃப் ஷமாஸ் அடுத்தடுத்து ஒற்றை இலக்கத்தில் அவுட்டானார்கள். அப்போது கேப்டன் ஃபாத்திமா சனா களமிறங்கினார்.

மறுமுனையில் பெரோஷா நிதானமாகவே ஆட ஃபாத்திமா அதிரடியாக ஆடினார். நிதானம் காட்டிய பெரோஷா 32 பந்துகளில் 1 பவுண்டரியுடன் 21 ரன்கள் எடுத்து அவுட்டாக, ஃபாத்திமா சனா கடைசி கட்டத்தில் அதிரடியாக ஆடியதால் பாகிஸ்தான் சற்று கெளரவமான இலக்கை நிர்ணயித்தது.

தடுமாறிய இலங்கை:

பாகிஸ்தான் அணி 20 ஓவர்களில் 5 விக்கெட் இழப்பிற்கு 130 ரன்கள் எடுத்தது. பாகிஸ்தான் கேப்டன் சனா 36 பந்துகளில் 4 பவுண்டரி 2 சிக்ஸருடன் 47 ரன்கள் எடுத்து அவுட்டானார். இலங்கை கேப்டன் அத்தப்பட்டு, ப்ரபோதா தலா 2 விக்கெட் வீழ்த்தினர்.

131 ரன்கள் எடுத்தால் இறுதிப்போட்டிக்கு செல்லலாம் என்று களமிறங்கிய இலங்கைக்கு பாகிஸ்தான் கேப்டன் சனா சவால் அளித்தார். அவரது பந்துவீச்சில் இலங்கை கேப்டன் அட்டப்பட்டு 5 ரன்னில் அவுட்டாக, அடுத்து வந்த சஞ்சனா டக் அவுட்டானார். மறுமுனையில் தொடக்க வீராங்கனை இமாஷா நிதானமாக ஆட ஹாசினி 3 ரன்னில் அவுட்டானார்.

31 ரன்களில் 3 விக்கெட்டுகளை பாகிஸ்தான் இழந்தது. அடுத்து வந்த ஹர்ஷிதா பொறுப்புடன் ஆடினார். மறுமுனையில் நிதானமாக ஆடி அணியை மீட்க உதவிய இமாஷா 24 ரன்னில் அவுட்டானார். 33 ரன்களுக்கு 4 விக்கெட்டுகளை இழந்து தோல்வியின் பிடியில் இருந்த இலங்கைக்காக ஹர்ஷிதா - கவிஷா ஜோடி சேர்ந்தனர்.

காப்பாற்றிய ஃபினிஷர்ஸ்:

வெற்றி எளிது என்று கருதிய பாகிஸ்தானை இவர்கள் பந்தாடினர். இருவரும் ஏதுவான பந்துகளை மட்டும் பவுண்டரிக்கு அனுப்பி ஓரிரு ரன்களாக எடுத்தனர். இவர்களின் ஆட்டத்தால் இலங்கை 100 ரன்களை எட்டியது. அப்போது ஹர்ஷிதாவை கேப்டன் ஃபாத்திமா அவுட்டாக்கினார். ஹர்ஷிதா 31 பந்துகளில் 2 பவுண்டரியுடன் 36 ரன்கள் எடுத்து அவுட்டானார். அவர் ஆட்டமிழந்த சில நிமிடங்களில் கவிஷாவையும் கேப்டன் ஃபாத்திமா அவுட்டாக்கினார். அவர் 33 பந்துகளில் 4 பவுண்டரியுடன் 33 ரன்கள் எடுத்திருந்தார்.

இதனால், பாகிஸ்தான் கை ஓங்கியது. ஆனால், நிலக்ஷிகா - கெளஷனி ஜோடி இலங்கையை காப்பாற்றியது. இருவரும் பவுண்டரியும், சிக்ஸரும் விளாசி ஆட்டத்தை இலங்கைக்கு சாதகமாக மாற்றினார்.

இறுதிப்போட்டியில் இலங்கை:

17வது ஓவர் முடிவில் 109 ரன்களுக்கு 6 விக்கெட்டுகள் என்ற நிலையில் இருந்த இலங்கை 19வது ஓவரின் முடிவில் வெற்றி பெற்றுவிட்டது. நிலக்ஷிகா 10 பந்துகளில் 3 பவுண்டரியுடன் 18 ரன்களும், கெளஷனி 4 பந்துகளில் 10 ரன்களும் எடுத்து ஆட்டமிழக்காமல் இருந்தனர். 18.4 ஓவர்களில் 134 ரன்கள் எடுத்த இலங்கை இறுதிப்போட்டிக்குச் சென்றது. பாகிஸ்தான் கேப்டன் ஃபாத்திமா சனா 4 விக்கெட் வீழ்த்தினார். சாம்பியன் யார்? என்பதை தீர்மானிக்கும் இறுதிப்போட்டியில் இந்தியா - இலங்கை நாளை மோதுகின்றனர்.

அஜித் காருக்கு GREEN FLAG! RACE-ஐ துவக்கி வைக்கும் விஜய்... இங்கிலாந்தில் மாஸ் சம்பவம்..

ABP NADU — Fri, 11 Sep 2026 13:54:50 +0530

Ajith car race cm vijay start green flag

Babar Azam: படுமோசமாக பேட் செய்யும் பாபர் அசாம்.. பரிதாப நிலையில் பாகிஸ்தானின் ஜாம்பவான்! மீண்டு வருவாரா?

சுகுமாறன் — Thu, 10 Sep 2026 16:57:16 +0530

பாகிஸ்தான் அணி இங்கிலாந்தில் சுற்றுப்பயணம் மேற்கொண்டு கிரிக்கெட் விளையாடி வருகிறது. இரு அணிகளும் 3 டெஸ்ட் போட்டிகள் கொண்ட தொடரில் ஆடி வருகிறது. முதல் 2 டெஸ்ட் போட்டியில் இங்கிலாந்து அணி வெற்றி பெற்ற நிலையில், 3வது டெஸ்ட் போட்டி பர்மிங்காமில் நடந்து வருகிறது.

பாகிஸ்தான் ஆல் அவுட்:

இந்த டெஸ்ட் போட்டியில் முதலில் ஆடிய பாகிஸ்தான் அணி 133 ரன்களுக்கு ஆல் அவுட்டானது. கேப்டனாக களமிறங்கிய பாபர் அசாம் முதல் இன்னிங்சில் வெறும் 7 ரன்கள் மட்டுமே எடுத்து அவுட்டானார். பாகிஸ்தான் அணிக்காக சிறப்பாக ஜொலித்து வந்த பாபர் அசாமை விராட் கோலியுடன் ஒரு காலத்தில் ஒப்பிட்டு வந்தனர்.

படுமோசத்தில் பாபர் அசாம்:

ஆனால், சமீபகாலமாக அவரது செயல்பாடு என்பது மிகப்பெரிய அளவில் விமர்சனத்திற்கு ஆளாகி வருகிறது. பாபர் அசாம் தனது கடைசி 10 டெஸ்ட் இன்னிங்சில் எடுத்த ரன்கள்

1. 14 ரன்கள் ( வங்கதேசத்திற்கு எதிராக)

2. 68 ரன்கள் ( வங்கதேசத்திற்கு எதிராக)

3.47 ரன்கள் ( வங்கதேசத்திற்கு எதிராக)

4. 23 ரன்கள் ( வெஸ்ட் இண்டீசுக்கு எதிராக)

5. 58 ரன்கள் ( வெஸ்ட் இண்டீசுக்கு எதிராக)

6. 24 ரன்கள் ( வெஸ்ட் இண்டீசுக்கு எதிராக)

7. 88 ரன்கள் ( வெஸ்ட் இண்டீசுக்கு எதிராக)

8. 8 ரன்கள் ( இங்கிலாந்துக்கு எதிராக)

9. 6 ரன்கள் ( இங்கிலாந்துக்கு எதிராக)

10. 7 ரன்கள் ( இங்கிலாந்துக்கு எதிராக)

இதில் வெஸ்ட் இண்டீசுக்கு எதிராக 58 ரன்கள, 24 ரன்கள் மட்டுமே ஆட்டமிழக்காமல் எடுத்துள்ளார். கடந்த 10 இன்னிங்சில் 3 அரைசதம் மட்டும் விளாசியுள்ளார். அதுவும் வெஸ்ட் இண்டீஸ், வங்கதேசத்திற்கு எதிராக வந்தது ஆகும்.

ஒற்றை இலக்கம்:

இங்கிலாந்து மண்ணில் இவர் கடைசியாக ஆடிய 3 இன்னிங்சிலும் ஒற்றை இலக்கத்தில் ஆட்டமிழந்துள்ளார். பாபர் அசாம் தனது டெஸ்ட் கிரிக்கெட் வரலாற்றில் இதுவரை 66 போட்டிகளில் 121 இன்னிங்சில் ஆடி 9 சதங்கள் விளாசியுள்ளார். இதில் 6 சதங்கள் பாகிஸ்தானிலே வந்தது. 1 சதம் இலங்கையிலும், 1 சதம் ஐக்கிய அரபு அமீரகத்திலும் வந்தது. எஞ்சிய ஒரு சதம் ஆஸ்திரேலிய மண்ணில் வந்தது.

இங்கிலாந்து மண்ணில் இதுவரை 6 டெஸ்ட் போட்டிகளில் ஆடியுள்ள பாபர் அசாம் இதுவரை 1 சதம் கூட விளாசியதே இல்லை. 3 முறை அரைசதம் விளாசியுள்ள பாபர் அசாம் அதிகபட்சமாக 69 ரன்கள் எடுத்துள்ளார். இங்கிலாந்து மண்ணில் 284 ரன்கள் எடுத்துள்ளார். இங்கிலாந்து மண்ணில் அவரது சராசரி 40.57 ஆகும். ஆனால், கடந்த இரண்டு டெஸ்ட் போட்டிகளில் அவரது செயல்பாடு மிகவும் மோசமாக உள்ளது.

வெளிநாட்டு மண்ணில் தடுமாற்றம்:

விராட் கோலியுடன் ஒரு காலத்தில் ஒப்பிடப்பட்ட பாபர் அசாம் தொடர்ந்து மோசமாக ஆடி வருவதும் குறிப்பாக வெளிநாட்டு மண்ணில் தடுமாறுவதும் அந்த நாட்டு ரசிகர்களுக்கு வேதனையை உண்டாக்கியுள்ளது. தற்போது நடந்து வரும் டெஸ்ட் போட்டியில் இங்கிலாந்து அணி 250 ரன்களுக்கு 5 விக்கெட்டை இழந்து ஆடி வருகிறது. ரசூல்லா 2 விக்கெட்டையும், முகமது அப்பாஸ் மற்றும் முகமது அலி தலா 1 விக்கெட் வீழ்த்தியுள்ளனர்.

Sachin Tendulkar: கிரிக்கெட்டின் கடவுள் சத வேட்டை தொடங்கிய நாள் இன்று! ஒருநாள் போட்டியில் சச்சின் முதல் செஞ்சுரி வந்தது எப்படி?

சுகுமாறன் — Wed, 9 Sep 2026 17:37:32 +0530

கிரிக்கெட்டின் கடவுள் என்று ரசிகர்களால் கொண்டாடப்படுபவர் சச்சின் டெண்டுல்கர். இந்தியாவில் ஒரு காலத்தில் சச்சின் டெண்டுல்கர் களத்தில் இருக்கும் வரை மட்டுமே ரசிகர்கள் போட்டியையே பார்ப்பார்கள். அந்தளவு இந்திய அணியை தனி ஆளாக தனது தோளில் தூக்கி சுமந்தவர் சச்சின் டெண்டுல்கர்.

சச்சின் ஒருநாள் போட்டியில் முதல் சதம் விளாசிய நாள்:

அப்பேற்பட்ட சச்சின் டெண்டுல்கர் ஒருநாள் கிரிக்கெட்டில் தனது முதல் சதத்தை விளாசிய நாள் இன்று ஆகும். 21 வயதே ஆன சச்சின் டெண்டுல்கர் கொழும்புவில் நடந்த அந்த போட்டியில் ஆஸ்திரேலியாவிற்கு எதிரான போட்டியில் மனோஜ் பிரபாகருடன் ஆட்டத்தை தொடங்கினார்.

தொடக்க வீரர் மனோஜ் பிரபாகர் 20 ரன்களில் அவுட்டாக, அடுத்து வந்த நவ்ஜோத் சிந்து 24 ரன்கள் எடுத்த அவுட்டாக மற்றொரு வீரர் முகமது அசாரூதின் ஒத்துழைப்பு அளித்தார். மற்ற வீரர்கள் நிதானமாக ஆட சச்சின் டெண்டுல்கர் பொறுப்புடன் ஆடினார். மெக்ராத், கிரெக் மெக்டெர்மாட், ஷேன் வார்னே, டிம் மே ஆகியோரின் அசத்தலான பந்துவீச்சை சச்சின் எதிர்கொண்டார்.

முதல் சதம்:

அரைசதத்தை கடந்தும் அசத்திய சச்சின் டெண்டுல்கர் தன்னுடைய முதல் ஒருநாள் போட்டி சதத்தை விளாசினார். மிக அபாரமாக ஆடிய டெண்டுல்கர் 130 பந்துகளில் 8 பவுண்டரி 2 சிக்ஸருடன் 110 ரன்கள் எடுத்து அவுட்டானார். சர்வதேச ஒருநாள் கிரிக்கெட்டில் அன்று தொடங்கியது சச்சின் சத வேட்டை. அந்த போட்டியில் இந்திய அணி 246 ரன்கள் எடுத்தது.

பவர்ப்ளே இல்லாத காலகட்டமான 1994ம் ஆண்டு 247 ரன்கள் இலக்கு என்பது மிகவும் சவாலான இலக்கே ஆகும். மைக்கேல் ஸ்லேட்டர், மார்க் டெய்லர், மார்க் வாக், டேவிட் பூன், ஸ்டீவ் வாக் என வலுவான பேட்டிங் பட்டாளம் கொண்ட ஆஸ்திரேலியாவை மனோஜ் பிரபாகர், கபில்தேவ், வெங்கடபதி ராஜு, ராஜேஷ் செளகான், கும்ப்ளே ஆகியோர் அபாரமாக பந்துவீசி ஆஸ்திரேலியாவை கட்டுப்படுத்தினர்.

அபார வெற்றி:

மனோஜ் பிரபாகர் 3 விக்கெட்டுகளையும், ராஜேஷ் செளகான் 2 விக்கெட்டையும் கைப்பற்ற ஆஸ்திரேலியா 215 ரன்களுக்கு ஆல் அவுட்டானது. இந்திய அணி இந்த போட்டியில் 31 ரன்கள் வித்தியாசத்தில் வெற்றி பெற்றது. அதே ஆண்டு சச்சின் 3 சதங்களை விளாசி அதன்பின்பு சச்சின் படைத்த சாதனைகள் உலகம் அறியும்.

1989ம் ஆண்டு ஒருநாள் போட்டியில் அறிமுகமாகிய சச்சின் 1994ம் ஆண்டுதான் முதன்முறையாக சதம் விளாசினார். ஆனால், தான் ஓய்வு பெறுவதற்குள் ஒருநாள் போட்டியில் மட்டும் 49 சதங்களை விளாசினார். ஒருநாள் போட்டியில் உலக கிரிக்கெட் வரலாற்றில் இரட்டை சதம் விளாசிய முதல் வீரர் சச்சின் டெண்டுல்கரே ஆவார். டெஸ்ட் போட்டிகளில் 51 சதங்களை விளாசியுள்ளார்.

நெருங்க முடியாத சாதனைகள்:

சச்சின் ஒருநாள் போட்டிகளில் 18 ஆயிரத்து 426 ரன்கள் எடுத்து யாருமே அருகில் வர முடியாத சாதனையை தன்வசம் வைத்துள்ளார். டெஸ்ட் கிரிக்கெட்டில் 15 ஆயிரத்து 921 ரன்கள் எடுத்து அதிக ரன்கள் சாதனையை தன்வசம் வைத்துள்ளார். சர்வதேச கிரிக்கெட்டில் சச்சின் டெண்டுல்கர் தனது முதல் சதத்தை 1994ம் ஆண்டே விளாசிவிட்டார் என்பது குறிப்பிடத்தக்கது.