Usman Tariq Ms Dhoni: "தோனி இல்லையென்றால் நான் இல்லை" உஸ்மான் தாரிக்கின் ஆச்சரியமூட்டும் பின்னணி!
IND vs PAK T20 WC 2026: உஸ்மான் பாகிஸ்தான் அணியில் நுழைந்தது முன்னாள் இந்திய கேப்டன் எம்எஸ் தோனியால் தான் அவர் கூறியுள்ளது தற்போது படு வைரலாகி வருகிறது.
பாகிஸ்தானின் நட்சத்திர சுழற்பந்து வீச்சாளர் உஸ்மான் தாரிக் தான் கிரிக்கெட் விளையாடுவதற்கு காரணம் இந்திய அணியின் முன்னாள் கேப்டனான எம்.எஸ் தோனி தான் காரணம் என்று தெரிவித்துள்ளது ஆச்சரியத்தை ஏற்ப்படுத்தியுள்ளது.
தனது வழக்கத்திற்கு மாறான பந்துவீச்சு ஸ்டைலுக்காக தலைப்புச் செய்திகளில் இடம்பிடித்து வருகிறார் பாகிஸ்தான் அணியின் சுழற்பந்து வீச்சாளரான உஸ்மான் தாரிக், ஆனால் உஸ்மான் பாகிஸ்தான் அணியில் நுழைந்தது முன்னாள் இந்திய கேப்டன் எம்எஸ் தோனியால் தான் அவர் கூறியுள்ளது தற்போது படு வைரலாகி வருகிறது.
தோனி தான் காரணம்:
உஸ்மான் தனது வேலையை விட்டுவிட்டு கிரிக்கெட்டு விளையாட மீண்டும் திரும்பும் முடிவு குறித்து ஒரு நேர்காணல் ஒன்றில் விளக்கினார். உஸ்மான் தாரிக் தான் வேலையை விடுவதற்கு, தோனியின் மூலம் தான் உத்வேகம் பெற்றதாகக் கூறினார். டோனி தனது டிக்கெட் கலெக்டர் வேலையை விட்டுவிட்டு கிரிக்கெட்டுக்குத் திரும்பியதை காட்டும், எம்.எஸ் தோனி! படம் தான் காரணமாக அமைந்தது, உஸ்மான் தோனிக்கு பாராட்டு தெரிவிக்கும் வீடியோவும் சமூக ஊடகங்களில் வேகமாக வைரலாகி வருகிறது.
துபாயில் AFP செய்தி நிறுவனத்திடம் பேசிய உஸ்மான் தாரிக், "கிரிக்கெட்டில் எனக்கென ஒரு பெயரை உருவாக்க வேண்டும் என்ற கனவை நான் கைவிட்டேன், ஆனால் ஒரு நாள் அந்தப் படத்தைப் பார்த்தேன் (MS Dhoni: The Untold Story), அதுதான் நானும் அதைப்போலவே செய்ய முடியும் என்று என்னை நம்ப வைத்தது" என்றார்.
"I started playing cricket because of MS DHONI" : Pakistani spinner Usman Tariq pic.twitter.com/tFJYM7F7fF
— lakshman (@rebel_notout) February 15, 2026
உஸ்மான் துபாயில் விற்பனையாளராகப் பணிபுரிந்து வந்தார். தோனியின் படத்தைப் பார்த்த பிறகு, மீண்டும் கிரிக்கெட் விளையாட முடிவு செய்தார்.
பாக் அணிக்குள் எப்படி நுழைந்தார்:
கரீபியன் பிரீமியர் லீக்கில் உஸ்மான் தாரிக் அற்புதமாக பந்துவீச்சை வெளிப்படுத்தினார். தான் அணியில் எப்படி நுழைந்தேன் என்பதை தெரிவித்த தாரிக் "கடந்த ஆண்டு நான் எனது திருமணத்தில் மும்முரமாக இருந்தபோது, பாகிஸ்தான் அணிக்கான எனது தேர்வு குறித்து எனது பயிற்சியாளர் என்னிடம் கூறினார், ஆரம்பத்தில் அவர் என்னிடம் நக்கல் அடித்தார் என்று நினைத்தேன், ஆனால் அது உண்மைதான்; ஒருவேளை என் மனைவி எனக்கு அதிர்ஷ்டத்தைத் தந்திருக்கலாம்" என்று அவர் கூறினார்
தலைப்பு செய்திகள்
ட்ரெண்டிங் செய்திகள்
