Shikhar Dhawan Marriage: ஷிகர் தவான் 2வது திருமணம் - யார் இந்த ஷோஃபி ஷைன்? ஷாக் தகவல்கள் - ஃபோட்டோ வைரல்

Shikhar Dhawan Sophie Shine Marriage: இந்திய கிரிக்கெட் அணியின் முன்னாள் வீரர் ஷிகர் தவான், தனது நீண்டநாள் காதலியான ஷோஃபி ஷைன் என்பவரை திருமணம் செய்துள்ளார்.

ஷிகர் தவான் - ஷோஃபி ஷைன் திருமண புகைப்படங்கள்

Source : Instagram

Shikhar Dhawan Sophie Shine Marriage: இந்திய கிரிக்கெட் அணியின் முன்னாள் வீரர் ஷிகர் தவான், ஏற்கனவே திருமணமாகி விவாகரத்தானவர் என்பது குறிப்பிடத்தக்கது.

ஷிகர் தவான் திருமணம்:

இந்திய கிரிக்கெட் அணியின் முன்னாள் தொடக்க வீரரான ஷிகர் தவான், தனது நீண்ட நாள் காதலியான ஷோஃபி ஷனை திருமணம் செய்துள்ளார். டெல்லியில் நேற்று அரங்கேறிய இந்த நிகழ்வில், மிகவும் நெருக்கமானவர்கள் மட்டும் பங்கேற்றனர். கடந்த ஆண்டு தங்களுக்கு இடையேயான உறவை வெளிப்படையாக அறிவிக்கும் முன்பாக, இந்த ஜோடி சில ஆண்டுகள் காதலித்து வந்தது குறிப்பிடத்தக்கது. கடந்த 2025ம் ஆண்டு துபாயில் நடைபெற்ற சாம்பியன்ஸ் ட்ராபி போட்டியின் போது, முதல்முறையாக தவான் - ஷைனி ஆகியோர் பொதுவெளியில் முதல்முறையாக தோன்றினர். தொடர்ந்து கடந்த ஜனவரி மாதம் இந்த தம்பதிக்கு நிச்சயதார்த்தம் ஆனது குறிப்பிடத்தக்கது.

புகைப்படங்கள் வைரல்:

ஷிகர் தவான் - ஷோஃபி ஷைன் திருமணத்தில் பங்கேற்ற சக இந்திய கிரிக்கெட் வீரரான சாஹல், விழா தொடர்பான புகைப்படங்களை சமூக வலைதளத்தில் பகிர்ந்துள்ளார். அதில் நடனமாடு, வீடியோக்களும் இடம்பெற்றுள்ளன. இந்த புகைப்படங்களை பகிர்ந்து கிரிக்கெட் உலகை சேர்ந்த பல பிரபலங்களும், ரசிகர்களும் தவானுக்கு வாழ்த்து தெரிவித்து வருகின்றனர்.

முன்னதாக ஆஸ்திரேலியாவைச் சேர்ந்த கிக்பாக்ஸரான ஆயிஷா முகர்ஜி என்பவரை, 2012ம் ஆண்டு ஷிகர் தவான் திருமணம் செய்து கொண்டார். அவர்களுக்கு ஜொராவர் எனும் ஒரு மகனும் உள்ளார். அதேநேரம், நாளடைவில் தம்பதியினர் இடையே ஏற்பட்ட கருத்து வேறுபாட்டால் கடந்த 2023ம் ஆண்டு தவான் தனது முதல் மனைவியை பிரிந்தார். தொடர்ந்து, ஷோஃபி ஷைனியை காதலித்து மணம் முடித்துள்ளார்.

யார் இந்த ஷோஃபி ஷைனி?

ஊடக அறிக்கைகளின்படி, ஷோஃபி ஷைனி, தயாரிப்பு ஆலோசகராக (Product Consultant) ஆக பணியாற்றுகிறார். லிமெரிக் தொழில்நுட்ப நிறுவனத்தில் சந்தைப்படுத்தல் மற்றும் மேலாண்மையில் பட்டம் பெற்றுள்ளார்.. கிரிக்கெட் பிரபலங்கள் பெரும்பாலும் சமூக ஊடகங்கள் மற்றும் திரைத்துறையை சேர்ந்த பிரபலங்களை திருமணம் செய்துகொள்ளும் நிலையில், ஷோஃபியின் கதை சற்றே மாறுபட்டதாக உள்ளது.

அயர்லாந்தில் பிறந்த இந்த தொழில்துறை நிபுணர், காசில்ராய் கல்லூரியில் இருந்து ஆச்சரியத்தை ஏற்படுத்தக் கூடிய கல்விப் பின்னணியைக் கொண்டுள்ளார். தற்போது அவர் அபுதாபியை தளமாகக் கொண்ட நார்தர்ன் டிரஸ்ட் கார்ப்பரேஷனில் இரண்டாவது துணைத் தலைவராக பணியாற்றுகிறார். தனது முழு கல்வியையும் அயர்லாந்தில் முடித்த ஷோஃபி, இப்போது டா ஒன் ஸ்போர்ட்ஸின் பிரிவான ஷிகர் தவான் அறக்கட்டளைக்கு தலைமை தாங்குகிறார். சோஃபிக்கு இன்ஸ்டாகிராமில் கிட்டத்தட்ட 367,000 ஃபாலோவர்ஸ் உள்ளனர். சிறிது காலமாக தவானுடன் எடுத்த படங்கள் மற்றும் வீடியோக்களை வெளியிட்டு வருகிறார்.

 

 

 

 

 

View this post on Instagram

 

 

 

 

 

 

 

 

 

 

 

A post shared by Yuzvendra Chahal (@yuzi_chahal23)