Eng vs NZ: இங்கிலாந்து பிடியில் பாகிஸ்தான் குடுமி! அரையிறுதிக்கு செல்லுமா நியூசிலாந்து.. 160 ரன்கள் இலக்கு

இங்கிலாந்து அணியின் சுழற்பந்து வீச்சை எதிர்கொள்ள திணறிய நியூசிலாந்து அணி 7 விக்கெட் இழப்புக்கு 159, ரன்கள் எடுத்தது

நியூசிலாந்து vsஇங்கிலாந்து

Source : PTI

இங்கிலாந்து அணியின் சுழற்பந்து வீச்சை எதிர்கொள்ள திணறிய நியூசிலாந்து அணி 159 ரன்களுக்கு ஆட்டமிழந்தது. இந்த முடிவு பாகிஸ்தான் அணியின் அரையிறுதி வாய்ப்பை உயிர்ப்புடன் வைத்துள்ளது.

நிதானமான தொடக்கம், திடீர் சரிவு

டாஸ் வென்று முதலில் பேட்டிங் செய்த நியூசிலாந்து அணிக்கு டிம் சீஃபர்ட் மற்றும் ஃபின் ஆலன் ஜோடி அதிரடியான தொடக்கத்தை அளித்தனர். முதல் விக்கெட்டுக்கு இந்த ஜோடி 64 ரன்களைச் சேர்த்தது. ஆனால், சீஃபர்ட் (35 ரன்கள்) மற்றும் ஆலன் (29 ரன்கள்) ஆகிய இருவரும் அடுத்தடுத்து ஆட்டமிழக்க, நியூசிலாந்து அணியின் ரன் வேகம் குறையத் தொடங்கியது.

மிரட்டிய இங்கிலாந்து சுழற்பந்து வீச்சாளர்கள்

இங்கிலாந்து அணி இன்று முழுவதுமாக சுழற்பந்து வீச்சாளர்களை நம்பியே களமிறங்கியது. அந்த வியூகம் கச்சிதமாக பலன் அளித்தது. நியூசிலாந்தின் அனைத்து விக்கெட்டுகளையும் இங்கிலாந்து சுழற்பந்து வீச்சாளர்களே வீழ்த்தினர். ரெஹான் அகமது, ஆடில் ரஷித், வில் ஜாக்ஸ் 2 விக்கெட்டுகளும், லியாம் டாவ்சன் 1 விக்கெட்டுகளை

மிடில் ஆர்டரில் கிளென் பிலிப்ஸ் சற்று அதிரடியாக விளையாடி 28 பந்துகளில் 39 ரன்கள் எடுத்தார். இருப்பினும், மற்ற நியூசிலாந்து வீரர் ஒருவரால் கூட 40 ரன்களைக் கடக்க முடியவில்லை என்பது குறிப்பிடத்தக்கது.

பாகிஸ்தானுக்கு சாதகமான சூழல்?

நியூசிலாந்து அணி இன்று தோல்வியடைந்தால் மட்டுமே பாகிஸ்தான் அணி அரையிறுதிக்குச் செல்ல முடியும். நியூசிலாந்து நிர்ணயித்துள்ள 160 ரன்கள் என்ற இலக்கு இங்கிலாந்து அணிக்கு சவாலானதாக இருந்தாலும், அது எட்டக்கூடிய ஒன்றே. நியூசிலாந்து மிக அதிக ரன்களைக் குவிக்காதது பாகிஸ்தான் ரசிகர்களுக்கு சற்று நிம்மதியை அளித்துள்ளது.

இங்கிலாந்து இந்த இலக்கை வெற்றிகரமாக எட்டுமா அல்லது நியூசிலாந்து பந்துவீச்சாளர்கள் பதிலடி கொடுப்பார்களா என்பதைப் பொறுத்தே பாகிஸ்தானின் விதி அமையும்.