நியூசிலாந்து கிரிக்கெட் அணி இந்தியாவிற்கு சுற்றுப்பயணம் செய்து 3 டி20 போட்டிகள் கொண்ட தொடரில் விளையாடியது. இந்த தொடரின் மூன்று போட்டிகளிலும் வெற்றி பெற்று 3-0 என்ற் கணக்கில் தொடரை கைப்பற்றியது இந்திய அணி. இந்நிலையில், இன்று பிசிசிஐ பகிர்ந்த ஒரு வீடியோவில் ஸ்ரேயாஸ் ஐயர் மேஜிக் செய்து காட்டுகிறார். அதை பார்த்து சிராஜ் அதிர்ச்சியில் நிற்கின்றார். இந்த வீடியோ இப்போது வைரலாகி வருகின்றது.
வீடியோ:
சிராஜூம், ருதுராஜூம் மாட்டிக் கொள்ள, மேஜிக் செய்து காட்டுவேன் என ஸ்ரேயாஸ் செய்த சம்பவம் வைரலாகி உள்ளது. ஸ்ரேயாஸ் ஐயர் மேஜிக் செய்வது இது முதல் முறையல்ல. 2020-ம் ஆண்டு ஐபிஎல் தொடரின்போது டெல்லி கேப்பிடல்ஸ் அணியைச் சேர்ந்த ஸ்ரேயாஸ், சக அணி வீரரான தவானுக்கு மேஜிக் செய்து காட்டி இருக்கிறார்.
நியூசிலாந்துக்கு எதிரான முதல் டி20 போட்டியில் 8 பந்துகளில் 5 ரன்களும், இரண்டாவது போட்டியில் பேட்டிங் களமிறங்காமலும், மூன்றாவது போட்டியில் 20 பந்துகளில் 25 ரன்கள் அடித்திருக்கிறார். மூன்றாவது போட்டியில், நியூசிலாந்து அணி 17.2 ஓவர்களில் ரன்கள் 111 எடுத்து அனைத்து விக்கெட்டையும் இழந்தது. இதனால் இந்திய அணி 73 ரன்கள் வித்தியாசத்தில் சிறப்பான வெற்றியை பெற்றது.
ரோகித் சர்மா முழு நேர டி20 கேப்டனாக பதவியேற்ற முதல் தொடரில் ஒயிட்வாஷ் செய்து அசத்தியுள்ளார். அதேபோல் ராகுல் டிராவிட் தன்னுடைய இந்திய பயிற்சியாளர் பதவியை சிறப்பாக டி20 தொடர் வெற்றியுடன் துவக்கியுள்ளது குறிப்பிடத்தக்கது. அடுத்து இரு அணிகளுக்கும் இடையேயான முதல் டெஸ்ட் போட்டி, நவம்பர் 25-ம் தேதி தொடங்க உள்ளது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்