cricket

IND vs NZ: 7 ரன்னில் சதத்தை தவறவிட்ட சீஃபர்ட்! கிளென் பிலிப்ஸ் அதிரடியால் நியூசிலாந்து அபார வெற்றி!

வினோத்குமார் — Sun, 1 Nov 2026 16:09:38 +0530

நியூசிலாந்து இந்தியா அணிக்கு எதிரான 5-வது டி20 போட்டி ஹாமில்டனில் இன்று நடைபெற்றது. முதலில் டாஸ் வென்ற நியூசிலாந்து அணி பவுலிங் தேர்வு செய்தது. இந்திய அணியில் அதிரடியாக இரண்டு மாற்றங்கள் செய்யப்பட்டிருந்தன. அதாவது அக்‌ஷர் பட்டேல் மற்றும் மாயங்க் யாதவ் பதிலாக வருண் சக்கரவர்த்தி, புவனேஷ்வர் குமார் களமிறக்கப்பட்டனர். அதேபோல் நியூசிலாந்தில் மேத்யூ ஃபிஷர் பதிலாக நேதன் ஸ்மித் களமிறங்கப்பட்டார்.

இஷான் கிஷன், ஸ்ரேயாஸ் ஐயர் அதிரடி

முதலில் களமிறங்கிய இந்திய அணியில் தொடங்க வீரர்களான அபிஷேக் சர்மா மற்றும் சஞ்சு சாம்சன் இருவரும் அடுத்தடுத்து வெளியேறினர். பின்னர் இஷான் கிஷன், ஸ்ரேயாஸ் ஐயர் ஜோடி இணைந்து அதிரடியாக விளையாடி அணியை சரிவில் இருந்து மீட்டனர். 3வது விக்கெட்டுக்கு இந்த ஜோடி 43 பந்தில் 93 ரன்கள் குவித்தது. இஷான் கிஷன் 61 ரன்களிலும், ஸ்ரேயாஸ் ஐயர் 50 ரன்களில் ஆட்டமிழந்தனர். அடுத்து இறங்கிய நமன் தீர் (33), நிதிஷ்குமார் ரெட்டி (22) ரன்கள் எடுத்தார். இறுதியில் இந்திய அணி 20 ஓவர்கள் முடிவில் 8 விக்கெட் இழப்பிற்கு 191 ரன்கள் குவித்தது.

ஆடம் மில்னே 4 விக்கெட்

நியூசிலாந்து அணியில் சிறப்பாக பந்து வீசிய ஆடம் மில்னே 4 விக்கெட்டுகளையும், நேதன் ஸ்மித், பிளேர் டிக்னர் ஆகியோர் இரண்டு விக்கெட்டுகளை எடுத்தனர். 192 ரன்கள் எடுத்தால் வெற்றி என்ற இலக்குடன் நியூசிலாந்து அணி களமிறங்கியது. நியூசிலாந்து அணியில் தொடக்க வீரர்களாக களமிறங்கிய டிம் சீஃபர்ட் - ஃபின் ஆலன் ஆகியோர் களமிறங்கினர். அதிரடி வீரர் ஃபின் ஆலன்(2) ரன்களில் வெளியேறினார்.

நியூசிலாந்து அபார வெற்றி

பின்னர் டிம் சீஃபர்ட் - டேரில் மிட்செல் ஆகியோர் அதிரடி ஆட்டத்தை ஆரம்பித்தனர். இருவரும் இணைந்து 42 பந்துகளில் 73 ரன்கள் குவித்தனர். டேரில் மிட்செல் (29) ரன்களில் வெளியேறினர். இதனையடுத்து டிம் சீஃபர்ட் - கிளென் பிலிப்ஸ் இணைந்து அதிரடியாக விளையாடினர். இறுதியில் 7 ரன்கள் வித்தியாசத்தில் டிம் சீஃபர்ட் சதத்தை தவறவிட்டார். இறுதியில் 18 ஓவர்களில் 195 ரன்கள் எடுத்து நியூசிலாந்து அணி வெற்றி பெற்றது. கிளென் பிலிப்ஸ்(65) ரன்கள் எடுத்து அணியை வெற்றிக்கு அழைத்து சென்றார். 3-2 என்ற கணக்கில் இந்திய அணி தொடரை கைப்பற்றியது.

IND Vs NZ: தொடக்கத்தில் அதிர்ச்சி.. சரிவிலிருந்து மீட்ட இஷான் - ஸ்ரேயாஸ் ஜோடி! இந்திய அணி 191 ரன்கள் குவிப்பு!

வினோத்குமார் — Sun, 1 Nov 2026 14:42:12 +0530

நியூசிலாந்துக்கு சுற்றுப்பயணம் மேற்கொண்டுள்ள இந்திய அணி 5 போட்டிகள் கொண்ட டி20 மற்றும் ஒருநாள் தொடரில் விளையாடி வருகிறது. இதுவரை நடந்து முடிந்த 4 டி20 போட்டிகளில் இந்திய அணி மூன்றிலும், நியூசிலாந்து ஒரு போட்டியில் வெற்றி பெற்றுள்ளது. இந்நிலையில் இரு அணிகளுக்கு இடையிலான 5-வது டி20 போட்டி ஹாமில்டனில் இன்று நடைபெற்று வருகிறது. முதலில் டாஸ் வென்ற நியூசிலாந்து அணி பவுலிங் தேர்வு செய்தது.

இந்திய அணியில் இரண்டு மாற்றம்

இந்திய அணியில் இரண்டு மாற்றங்கள் செய்யப்பட்டிருந்தன. அதாவது அக்‌ஷர் பட்டேல் மற்றும் மாயங்க் யாதவ் பதிலாக வருண் சக்கரவர்த்தி, புவனேஷ்வர் குமார் இணைந்தனர். நியூசிலாந்தில் மேத்யூ ஃபிஷர் பதிலாக நேதன் ஸ்மித் களமிறங்கப்பட்டார். முதலில் களமிறங்கிய இந்திய அணிக்கு ஆரம்பமே அதிர்ச்சி காத்திருந்தது. அபிஷேக் சர்மா ஒரு ரன்னும், சஞ்சு சாம்சன் 4 ரன்னும் எடுத்து ஆட்டமிழந்தனர்.

அணியை மீட்ட இஷான் கிஷன் - ஸ்ரேயாஸ் ஐயர்

பின்னர் இஷான் கிஷன், ஸ்ரேயாஸ் ஐயர் ஜோடி இணைந்து அதிரடியாக விளையாடி ரன்களை குவித்தது. 3வது விக்கெட்டுக்கு இந்த ஜோடி 43 பந்தில் 93 ரன்கள் குவித்தது. இஷான் கிஷன் 32 பந்துகளில் 61 ரன்கள் எடுத்து ஆட்டமிழந்தார். இதனையடுத்து ஸ்ரேயாஸ் ஐயர் 23 பந்துகளில் 50 ரன்களில் வெளியேறினார். இறுதியில் இந்திய அணி 20 ஓவர்கள் முடிவில் 8 விக்கெட் இழப்பிற்கு 191 ரன்கள் எடுத்தது. நமன் தீர்(33), நிதிஷ் குமார் ரெட்டி (22) ரன்கள் எடுத்திருந்தனர்.

நியூசிலாந்து அணிக்கு 192 இலக்கு

நியூசிலாந்து அணியில் சிறப்பாக பந்து வீசிய ஆடம் மில்னே 4 விக்கெட்டுகளையும், நேதன் ஸ்மித், பிளேர் டிக்னர் ஆகியோர் இரண்டு விக்கெட்டுகளை எடுத்து அசத்தினார். 192 ரன்கள் எடுத்தால் வெற்றி என்ற இலக்குடன் நியூசிலாந்து விளையாட உள்ளது.

எவ்ளோ அடிச்சும் நோ யூஸ்! ஒரே நாளில் இங்கிலாந்து, ஐக்கிய அரபு அமீரகத்தில் தோற்ற இந்தியா! பவுலிங் படுமோசம்

சுகுமாறன் — Sat, 31 Oct 2026 13:48:13 +0530

இந்திய கிரிக்கெட் அணி நியூசிலாந்து நாட்டில் சுற்றுப்பயணம் மேற்கொண்டு கிரிக்கெட் தொடரில் ஆடி வருகிறது. அதேசமயம், ஹாங்காங் சிக்ஸ் தொடரிலும் இந்திய அணி ஆடி வருகிறது.

ஐக்கிய அரபு அமீரகத்திடம் தோல்வி:

பாகிஸ்தான் அணிக்கு எதிராக நேற்று நடந்த போட்டியில் இந்திய அணி தொடரில் ஐக்கிய அரபு அமீரக அணியுடன் இன்று மோதியது. முதலில் பேட் செய்த இந்திய அணிக்கு ராகுல் திரிபாதி 7 பந்துகளில் 1 பவுண்டரி 3 சிக்ஸருடன் 24 ரன்களும், நடராஜன் 14 பந்துகளில் 3 பவுண்டரி 4 சிக்ஸருடன் 38 ரன்களும் எடுக்க இந்தியா 94 ரன்கள் எடுத்தது.

36 பந்துகளில் 95 ரன்கள் என்ற கடினமான இலக்குடன் ஐக்கிய அரபு அமீரக அணி களமிறங்கியது. ஐக்கிய அரபு அமீரக அணியை எளிதில் வீழ்த்திவிடலாம் என்று எண்ணிய இந்திய அணிக்கு அந்த அணியின் தொடக்க வீரர்களான காலித் ஷா - அன்ஷ் டான்டன் ஜோடி மிரட்டலாக ஆடியது.

போராட்டம் வீண்:

இருவரும் இணைந்து சிக்ஸர்களாக விளாசினர். நடராஜன் வீசிய பந்தை நாலாபுறமும் விளாசினர். ஷஷாங்க் சிங், நிதிஷ் ராணா என வீசிய ஓவர்களில் ரன் மழை பொழிந்தனர். கடைசியில் இந்திய அ்ணி 4.2 ஓவர்களில் விக்கெட்டே இழக்காமல் 97 ரன்கள் விளாசி அசத்தினர். காலித் ஷா 14 பந்துகளில் 3 பவுண்டரி 6 சிக்ஸருடன் 52 ரன்கள் விளாசினார். அன்ஷ் டான்டன் 12 பந்துகளில் 2 பவுண்டரி 5 சிக்ஸருடன் 39 ரன்கள் விளாசினார்.

இங்கிலாந்திடம் அரையிறுதி:

இந்த தொடரில் ஒவ்வொரு குழுவிற்கும் இடையே அரையிறுதி போட்டி இந்த தொடரில் நடைபெறும் நிலையில், அரையிறுதியில் இந்தியா - இங்கிலாந்து அணிகள் மோதியது. ஐக்கிய அரபு அமீரக அணிக்கு இடையே அதிர்ச்சி தோல்வி அடைந்த இந்தியா இங்கிலாந்திற்கு எதிராக முதலில் பந்துவீசியது.

தொடக்க வீரராக களமிறங்கிய மார்டின் ஆண்டர்சன் சிக்ஸராக விளாசினார். மறுமுனையில் அதிரடியைத் தொடங்கிய கேப்டன் சிம்ப்சன் 3 பந்துகளில் 7 ரன்கள் எடுத்து அவுட்டானார். அடுத்து வந்த பர்னார்ட் சிக்ஸராக விளாசினார். மார்ட்டின் ஆண்டர்சன் 13 பந்துகளில் 3 பவுண்டரி 6 சிக்ஸருடன் 51 ரன்கள் விளாசி அசத்தினார். பர்னார்ட் 14 பந்துகளில் 1 பவுண்டரி 4 சிக்ஸருடன் 35 ரன்கள் எடுக்க இங்கிலாந்து 6 ஓவரில் 124 ரன்கள் எடுத்தது.

3 ரன்னில் தோல்வி:

6 ஓவரில் 125 ரன்கள் என்ற கடினமான இலக்குடன் களமிறங்கிய இந்திய அணிக்கு ஷஷாங்க் சிங் 9 பந்துகளில் 29 ரன்கள் எடுக்க, நிதிஷ் ராணா 4 பந்துகளில் 4 ரன்கள் எடுக்க ராகுல் திவேதியா டக் அவுட்டானார். நெருக்கடியான சூழலில் களமிறங்கிய ராகுல் திரிபாதி 14 பந்துகளில் 2 பவுண்டரி 7 சிக்ஸருடன் 56 ரன்கள் எடுக்க, கேப்டன் குருணல் பாண்ட்யா 7 பந்துகளில் 2 பவுண்டரி 3 சிக்ஸருடன் 28 ரன்கள் எடுக்க இந்தியா 121 ரன்கள் எடுத்தது. இதனால், 3 ரன்கள் வித்தியாசத்தில் இங்கிலாந்து வெற்றி பெற்றது.

ஒரே நாளில் நடந்த 2 போட்டியிலும் இந்தியா தோல்வி அடைந்ததால் ரசிகர்கள் ஏமாற்றம் அடைந்தனர்.

50 ஆண்டுகள் ஆச்சு.. இந்தியா மகளிர் அணி முதன்முறையாக டெஸ்ட் போட்டி ஆடிய நாள் இன்று!

சுகுமாறன் — Sat, 31 Oct 2026 09:14:03 +0530

இந்தியாவில் ஆடவர் கிரிக்கெட்டிற்கு இணையாக மகளிர் கிரிக்கெட் போட்டிகளும் கொண்டாடப்பட்டு வருகிறது. இந்திய மகளிர் கிரிக்கெட் அணி கடந்த 10 ஆண்டுகளாக அதிகளவில் கொண்டாடப்பட்டு வரும் நிலையில், இந்திய மகளிர் கிரிக்கெட் அணி கடந்து வந்த பாதை கடினமானது.

இன்றுடன் 50 ஆண்டுகள்:

இந்திய மகளிர் கிரிக்கெட் அணி வரலாற்றில் அக்டோபர் 31ம் தேதி பொன்னெழுத்துக்களால் பொறிக்க வேண்டிய நாள் ஆகும். முதன்முறையாக தங்களது டெஸ்ட் கிரிக்கெட்டை வெஸ்ட் இண்டீஸ் அணிக்கு எதிராக இந்தியா தொடங்கியது இதே நாள் ஆகும். 1976ம் ஆண்டு இந்திய அணி முதன்முறையாக தனது டெஸ்ட் கிரிக்கெட் வாழ்க்கையைத் தொடங்கியது. இன்றுடன் 50 ஆண்டுகள் ஆவதை கிரிக்கெட் ரசிகர்களால் கொண்டாடி வருகின்றனர்.

முதல் டெஸ்ட்:

இந்தியாவிற்கு சுற்றுப்பயணம் மேற்கொண்ட வெஸ்ட் இண்டீஸ் அணி 1976ம் ஆண்டு அக்டோபர் 31ம் தேதி இந்தியாவுடன் டெஸ்ட் போட்டியில் ஆடியது. பெங்களூரில் உள்ள சின்னசாமி மைதானத்தில் நடைபெற்ற இந்த போட்டியில் முதலில் வெஸ்ட் இண்டீஸ் அணி பேட் செய்தது.

வெஸ்ட் இண்டீஸ் அணியின் கிளோரியா கில் 53 ரன்கள் விளாச, ஹால் 44 ரன்களும், லைலா வில்லியம்ஸ் 43 ரன்களும் விளாச வெஸ்ட் இண்டீஸ் அணி 274 ரன்களுக்கு ஆல் அவுட்டானது. இதையடுத்து, ஆட்டத்தை தொடங்கிய இந்திய அணிக்காக சோபா சிறப்பான ஆட்டத்தை அளித்தார். மற்றொரு வீராங்கனை சந்தியா 12 ரன்னில் அவுட்டானாலும் அடுத்துவந்த பவுசி 39 ரன்கள் எடுத்தார். மறுமுனையில் சிறப்பாக ஆடி அரைசதம் விளாசிய சோபா பண்டிட் 69 ரன்களில் அவுட்டானார்.

அசத்தல் பேட்டிங்:

அவர் ஆட்டமிழந்த பிறகு மிடில் ஆர்டரில் வந்த சாந்தா ரங்கசாமி அசத்தலாக ஆடி 74 ரன்கள் விளாசினார். இதனால், இந்திய அணி 269 ரன்களுக்கு 9 விக்கெட்டுகளை குவித்து டிக்ளேர் செய்தது. இரண்டாவது இன்னிங்சைத் தொடங்கிய வெஸ்ட் இண்டீஸ் அணிக்கு இந்தியா தனது பந்துவீச்சால் நெருக்கடி அளித்தது. கிளோரியா 24 ரன்களும், பாட்ரிகா 29 ரன்களும் எடுக்க பின்வரிசையில் வந்த லைலா 56 ரன்கள் எடுத்து அசத்தினார். இதனால், 175 ரன்களுக்கு 7 விக்கெட்டுகளை இழந்த வெஸ்ட் இண்டீஸ் ஆட்டத்தை டிக்ளேர் செய்தது.

டிரா ஆன ஆட்டம்:

இதையடுத்து, இரண்டாவது இன்னிங்சைத் தொடங்கிய 30 ரன்களுக்கு 1 விக்கெட்டுகளை இழந்திருந்தபோது 5 நாள் நேரம் முடிவுக்கு வந்தது. இதனால், இந்தியா விளையாடிய முதல் டெஸ்ட் போட்டி டிரா ஆனது.

இந்திய அணிக்காக முதல் இன்னிங்சில் சுபாங்கி குல்கர்னி அசத்தலாக பந்துவீசினார். அவர் 11.4 ஓவர்களில் 48 ரன்கள் விட்டுக்கொடுத்து 5 விக்கெட் வீழ்த்தினார். இரண்டாவது இன்னிங்சிலும் சுபாங்கி குல்கர்னி 2 விக்கெட்டுகள் வீழ்த்தினார்.

அந்த காலகட்டத்தில் இந்திய மகளிர் டெஸ்ட் போட்டியில் தாங்கள் ஆடிய முதல் போட்டியிலே டிரா செய்தது என்பது மிகப்பெரிய விஷயமாக கருதப்பட்டது. ஏனென்றால் அன்றைய காலகட்டத்தில் உலக கிரிக்கெட்டை ஆடவர் வெஸ்ட் இண்டீஸ் அணி ஆட்சி செய்து கொண்டிருந்தது. அந்த நாட்டு மகளிர் அணியுடன் போட்டியை டிரா செய்வது என்பது அசாத்தியமான ஒன்றாகவே பார்க்கப்பட்டது.

இந்த போட்டியில் அதிக விக்கெட்டுகளை இந்திய அணிக்காக வீழ்த்திய இந்திய வீராங்கனை சுபாங்கி குல்கர்னி பேசும்போது, இந்த நாளை நான் எப்போதும் போற்றி நினைவு கூர்வேன் என்று தெரிவித்துள்ளார். லாலா அமர்நாத்திடம் பயிற்சி பெற்ற மாணவியான சுபாங்கி அவரிடம் இருந்து ஏராளமான யுக்திகளையும் கற்றுத்தேர்ந்துள்ளார். இந்த போட்டிக்கு பிறகு இந்திய மகளிர் அணியின் பேருந்தை ரசிகர்கள் சூழ்ந்துகொண்டு கொண்டாடியது யாராலும் மறக்க முடியாத நிகழ்வாகும்.

IND vs NZ: சீட்டுக்கட்டு போல் சரிந்த இந்திய பேட்டிங்.. 87 ரன்கள் வித்தியாசத்தில் நியூசிலாந்து அபார வெற்றி!

வினோத்குமார் — Fri, 30 Oct 2026 16:27:27 +0530

இந்தியா-நியூசிலாந்து அணிகளுக்கு இடையாயான 4வது டி20 போட்டி ஆக்லாந்து மைதானத்தில் இன்று நடைபெற்று வருகிறது. முதலில் டாஸ் வென்ற இந்திய அணி முதலில் பந்து வீச்சை தேர்வு செய்தது. இந்திய அணியில் இரண்டு மாற்றங்கள் செய்யப்பட்டன. பைவ் சூர்யவன்ஷிக்குப் பதிலாக இஷான் கிஷனும், புவனேஷ்வர் குமாருக்கு பதிலாக மயங்க் யாதவ் களமிறங்கினர். நியூசிலாந்தில் அணியில் எந்த மாற்றமும் செய்யப்பட்டவில்லை.

சிக்சர், பவுண்டரியாக பறக்க விட்ட நியூசிலாந்து

அதன்படி முதலில் களமிறங்கிய நியூசிலாந்து அணி இந்திய அணியின் சிறப்பான பந்து வீச்சால் அடுத்தடுத்து விக்கெட்டுகளை இழந்தனர். டிம் செபர்ட் 3, அதிரடி ஆடிய டேரில் மிட்செல் 24 ரன்னில் ஆட்டமிழந்தார். பின்னர் பின் ஆலன் 17 பந்தில் 31 ரன்னும், பெவன் ஜேக்கப்ஸ் 7 ரன்களில் வெளியேறினர். தடுமாறிக்கொண்ட நியூசிலாந்து அணியில் 5வது விக்கெட்டுக்கு கிளென் பிலிப்ஸ்-ப்ரேஸ்வெல் ஜோடி இணைந்து அதிரடி ஆட்டத்தை வெளிப்படுத்தினர். இந்த ஜோடி 40 பந்தில் 115 ரன்கள் குவித்தது. ப்ரேஸ்வேல் 25 பந்துகளில் 65 ரன்கள் எடுத்து ஆட்டமிழந்தார்.

கிளென் பிலிப்ஸ் அதிரடி

கிளென் பிலிப்ஸ் 46 பந்தில் அதிரடி சதம் அடித்தார்.அவர் 107 ரன்னில் ஆட்டமிழந்தார். இதில் 10 சிக்சர், 4 பவுண்டரி அடங்கும். இறுதியில், நியூசிலாந்து அணி 20 ஓவரில் 7 விக்கெட்டுக்கு 259 ரன்கள் குவித்துள்ளது. இந்திய அணியில் சிறப்பாக பந்து வீசிய மாயங்க் யாதவ் 3 விக்கெட்டுகளையும், பிரின்ஸ் யாதவ், அக்சர் படேல், அர்ஷ்தீப் சிங் தலா ஒரு விக்கெட்டும் வீழ்த்தினர்.

சீட்டு கட்டுபோல் சரிந்த விக்கெட்

இதையடுத்து, 260 ரன்கள் எடுத்தால் வெற்றி என்ற கடின இலக்குடன் களமிறங்கிய இந்திய அணிக்கு ஆரம்பத்திலேயே அதிர்ச்சி காத்திருந்தது. 4 ரன்களுக்குள் 2 விக்கெட்டுகளை இழந்து திணறியது. சஞ்சு சாம்சன் (4) மற்றும் இஷான் கிஷன் (0) சொற்ப ரன்களில் ஆட்டமிழந்தனர். மற்ற வீரர்களும் அடுத்தடுத்து ஆட்டமிழந்தனர். இறுதியில் இந்திய அணி 20 ஓவர்கள் முடிவில் 172 ரன்களுக்கு 9 விக்கெட்டுகளை இழந்தது. அதிகபட்சமாக திலக் வர்மா(35), நமன் தீர்(28), அபிஷேக் சர்மா (27), ஸ்ரேயாஸ் ஐயர் (22), நிதிஷ் குமார் ரெட்டி (21) ரன்கள் எடுத்தனர். நியூசிலாந்து அணியில் சிறப்பாக பந்து வீசிய ஜேக்கப் டஃபி 4 , மிட்செல் சான்ட்னர், மேத்யூ ஃபிஷர் ஆகியோர் 2 விக்கெட்டுகளை வீழ்த்தினர். தற்போது நியூசிலாந்து தனது முதல் வெற்றியை பதிவு செய்ததை அடுத்து 3-1 என்ற முன்னிலையில் இந்தியா உள்ளது.

NZ vs IND 4th T20: ருத்ரதாண்டவம் ஆடிய நியூசிலாந்து... கிளென் பிலிப்ஸ் அதிரடி சதம்.. இந்தியாவுக்கு கடின இலக்கு!

வினோத்குமார் — Fri, 30 Oct 2026 14:51:47 +0530

இந்திய கிரிக்கெட் அணி நியூசிலாந்தில் சுற்றுப்பயணம் செய்து டி20, ஒருநாள் மற்றும் டெஸ்ட் தொடரில் விளையாடுகிறது. முதலில் இரு அணிகளுக்கு இடையேயான 5 போட்டிகள் கொண்ட டி20 தொடர் நடைபெற்று வருகிறது. இதில் இந்திய அணி 3-0 என்ற கணக்கில் தொடரை கைப்பற்றியுள்ளது.
சொந்த மண்ணிலேயே தொடரை இழந்ததை அடுத்து நியூசிலாந்து அணி இந்த போட்டியில் வெற்றி பெற்றாக வேண்டிய கட்டாயத்தில் களமிறங்கியது. தொடரை கைப்பற்றிய உற்சாகத்தில் அடுத்த இரண்டு போட்டிகளில் வெற்றி பெற்று நியூசிலாந்து அணியை ஒயிட் வாஷ் திட்டத்தோடு ஃபுல் ஃபார்முடன் இந்திய அணி களமிறங்கி உள்ளது.

4வது டி20 போட்டி

இந்நிலையில் இந்தியா-நியூசிலாந்து அணிகளுக்கு இடையாயான 4வது டி20 போட்டி ஆக்லாந்து மைதானத்தில் இன்று நடைபெற்று வருகிறது. முதலில் டாஸ் வென்ற இந்திய அணி முதலில் பந்து வீச்சை தேர்வு செய்தது. இந்திய அணியில் இரண்டு மாற்றங்கள் செய்யப்பட்டன. பைவ் சூர்யவன்ஷிக்குப் பதிலாக இஷான் கிஷனும், புவனேஷ்வர் குமாருக்கு பதிலாக மயங்க் யாதவும் களமிறக்கப்பட்டனர். நியூசிலாந்தில் அணியில் எந்த மாற்றமும் செய்யப்பட்டவில்லை.

ஆரம்பத்தில் தடுமாறிய நியூசிலாந்து

முதலில் களமிறங்கிய நியூசிலாந்து அணி 34 ரன்களுக்கு அடுத்தடுத்து இரண்டு விக்கெட்டுகளை இழந்து தடுமாறியது. சிறிது நேரம் தாக்கு பிடித்த அதிரடி வீரர் ஆலன் 30 ரன்களில் ஆட்டமிழந்தார். பின்னர் கிளென் பிலிப்ஸ்- ப்ரேஸ்வேல் ஜோடி சேர்ந்து அணியை சரிவில் இருந்து மீட்டர். இந்திய அணி பந்து வீச்சை சிக்சர், பவுண்டரியுமாக இருவரும் பறக்க விட்டனர். பின்னர் ப்ரேஸ்வேல் 25 பந்துகளில் 65 ரன்கள் எடுத்து ஆட்டமிழந்தார்.

கிளென் பிலிப்ஸ் சதம்

கிளென் பிலிப்ஸ் 49 பந்துகளில் 107 ரன்களுடன் ஆட்டமிழந்தார். இறுதியில் நியூசிலாந்து அணி 20 ஓவர்கள் முடிவில் 259 ரன்கள் எடுத்தது. 260 ரன்கள் என்ற கடின இலக்குடன் இந்திய அணி களமிறங்க உள்ளது. இந்திய அணியில் சிறப்பாக பந்து வீசிய மாயங்க் யாதவ் மூன்று விக்கெட்டுகளை வீழ்த்தினார்.

IND vs PAK: 6 ஓவர் போட்டி! சிக்ஸர் மழை பொழிந்த பாகிஸ்தான்! இந்தியா அதிர்ச்சி தோல்வி!

சுகுமாறன் — Fri, 30 Oct 2026 13:49:25 +0530

இந்திய கிரிக்கெட் அணி நியூசிலாந்து நாட்டில் சுற்றுப்பயணம் மேற்கொண்டு கிரிக்கெட் ஆடி வரும் அதேசமயம், ஹாங்காங்கில் ஹாங்காக் சிக்ஸஸ் என்ற கிரிக்கெட் தொடரிலும் இந்திய அணி பங்கேற்று ஆடி வருகிறது.

6 ஓவர் போட்டி:

6 ஓவர் கொண்ட இந்த போட்டியைப் பொறுத்தமட்டில் 6 வீரர்கள் மட்டுமே பங்கேற்று ஆடுவார்கள். இதில் இன்று நடந்த போட்டியில் இந்தியா - பாகிஸ்தான் அணிகள் மோதியது. ஹாங்காங்கின் மாங்காக் நகரில் நடந்த இந்த போட்டியில் குருணல் பாண்ட்யா தலைமையில் களமிறங்கிய இந்திய அணியில் ராகுல் திரிபாதி, நிதிஷ் ராணா, ஷஷாங்க் சிங், ராகுல் திவேதியா, நடராஜன் களமிறங்கினர்.

89 ரன்கள் டார்கெட்:

முதலில் பேட் செய்த இந்திய அணிக்கு ராகுல் திரிபாதி 9 ரன்னில் அவுட்டாக, நிதிஷ் ராணா 14 பந்துகளில் 19 ரன்கள் எடுத்து ரிட்டையர்ட் ஹர்ட் ஆக ஷஷாங்க் சிங் மட்டும் அதிரடி காட்டினார். அவர் 11 பந்துகளில் 2 பவுண்டரி 5 சிக்ஸருடன் 40 ரன்கள் எடுத்து விளாச, ராகுல் திவேதியா, குருணால் பாண்ட்யா டக் அவுட்டானார்கள். தமிழ்நாட்டைச் சேர்ந்த நடராஜன் 6 பந்துகளில் 2 பவுண்டரியுடன் 12 ரன்கள் எடுக்க இந்தியா 6 ஓவர்களில் 5 விக்கெட் இழப்பிற்கு 88 ரன்கள் எடுத்தது.

89 ரன்கள் என்ற இலக்குடன் களமிறங்கிய பாகிஸ்தான் அணிக்கு கேப்டன் அப்பாஸ் அப்ரிடி - கவாஜா அதிரடி தொடக்கம் அளித்தனர். பந்துகளை இருவரும் சிக்ஸருக்கு மாறி, மாறி விளாசினர். குருணல் பாண்ட்யா, நடராஜன் ஓவர்களை இருவரும் விளாசித் தள்ளியதால் பாகிஸ்தான் ரன் உச்சத்திற்குச் சென்றது.

அப்பாஸ் சிக்ஸர் மழை:

குருணல் பாண்ட்யா வீசிய முதல் ஓவரிலே முதல் பந்து தவிர எஞ்சிய 5 பந்துகளும் சிக்ஸருக்கு பறந்தது. நடராஜன் வீசிய அடுத்த ஓவரிலும் 2 சிக்ஸர்கள், 3 பவுண்டரி வந்ததால் பாகிஸ்தான் 2 ஓவரிலே 59 ரன்களை எட்டியது. ஷஷாங்க் சிங் வீசிய 3வது ஓவரில்தான் இந்த ஜோடி பிரிந்தது.

பாகிஸ்தான் வெற்றி:

சிக்ஸர் மழை பொழிந்த அப்பாஸ் அப்ரிடி 8 பந்துகளில 5 சிக்ஸர் 1 பவுண்டரியுடன் 35 ரன்கள் எடுத்து அவுட்டானார். அவர் ஆட்டமிழந்த அடுத்த ஓவரில் சிக்ஸராக விளாசிய கவாஜா 12 பந்துகளில் 2 பவுண்டரி 5 சிக்ஸருடன் 41 ரன்கள் எடுத்து அவுட்டானாலும் அடுத்து வந்த இர்ஃபான் கான் சிக்ஸர் விளாச 3.5 ஓவர்களில் 91 ரன்கள் எடுத்து பாகிஸ்தான் வெற்றி பெற்றது.

குருணல் பாண்ட்யா ஒரே ஓவரில் 31 ரன்களையும், நடராஜன் ஒரே ஓவரில் 28 ரன்களும் விட்டுக்கொடுத்தனர். இந்த தொடரில் இந்தியா, பாகிஸ்தான் மட்டுமின்றி ஆஸ்திரேலியா, வங்கதேசம், ஸ்காட்லாந்து, ஐக்கிய அரபு அமீரகம், ஓமன், தென்னாப்பிரிக்கா, ஹாங்காங், இங்கிலாந்து, இலங்கை , ஆப்கானிஸ்தான் ஆகிய அணிகளும் பங்கேற்றுள்ளனர்.

IND vs NZ: வெற்றி வேட்கையைத் தொடருமா இந்தியா? தோல்விக்கு புல்ஸ்டாப் வைக்குமா நியூசி?

சுகுமாறன் — Fri, 30 Oct 2026 09:19:44 +0530

இந்திய கிரிக்கெட் அணி நியூசிலாந்திற்கு சுற்றுப்பயணம் மேற்கொண்டு கிரிக்கெட் தொடர் ஆடி வருகிறது. இரு அணிகளும் மோதி வரும் டி20 தொடர் தற்போது நடந்து வருகிறது.

4வது டி20:

இரு அணிகளும் மோதிய முதல் 3 டி20 போட்டிகளில் இந்திய அணி அபார வெற்றி பெற்றது. இந்த நிலையில், இரு அணிகளும் மோதும் 4வது டி20 போட்டி இன்று நடக்கிறது. இந்த போட்டி அந்த நாட்டில் உள்ள ஆக்லாந்து மைதானத்தில் நடக்கிறது.

சொந்த நாட்டிலே முதல் 3 போட்டியில் இந்தியாவிடம் தோற்ற நிலையில், நியூசிலாந்து அணி இந்த போட்டியில் வெற்றி பெற்றாக வேண்டிய கட்டாயத்தில் களமிறங்கியுள்ளது. கடந்த 3 போட்டியிலும் இரு அணிகளும் பலவீனமாக பந்துவீசிய நிலையில், இந்த போட்டியில் சிறப்பாக பந்துவீச வேண்டிய கட்டாயத்தில் உள்ளனர்.

பேட்ஸ்மேன்கள் ஆதிக்கம்:

கடந்த 3 போட்டிகள் நடைபெற்ற மைதானமும் பேட்டிங்கிற்கு பெரியளவில் ஒத்துழைத்த நிலையில், இந்த மைதானத்திலும் பேட்ஸ்மேன்கள் ஆதிக்கம் செலுத்த ஆர்வத்துடன் உள்ளனர். இந்திய அணியைப் பொறுத்தமட்டில் அபிஷேக் சர்மா, சாம்சன், சூர்யவன்ஷி வலுவாக உள்ளனர். மிடில் ஆர்டரில் திலக் வர்மா, ஸ்ரேயாஸ் ஐயர், நமன் தீர் உள்ளனர். சமீபகாலமாக ஃபினிஷர் ரோலில் நமன் தீர் சிறப்பாக ஆடி வருகிறார்.

நியூசிலாந்து அணியிலும் டிம் செஃபெர்ட், ஆலன், டேரில் மிட்செல், கிளென் பிலிப்ஸ், ஜேக்கப்ஸ், ப்ரேஸ்வேல், சான்ட்னர் என வலுவான பேட்டிங் ஆர்டர் உள்ளனர். இவர்களில் மிட்செல் ஃபார்முக்கு வந்தால் அந்த அணிக்கு மிகப்பெரிய பலமாக இருக்கும்.

வெற்றியைத் தீர்மானிக்கும் பந்துவீச்சு:

வெற்றியைத் தீர்மானிக்கும் வீரர்களாக பந்துவீச்சாளர்கள் உள்ளனர். இந்திய அணியில் புவனேஷ், அர்ஷ்தீப்சிங், ப்ரின்ஸ் யாதவ், அக்ஷர் படேல், நிதிஷ் ரெட்டி சிறப்பாக பந்துவீச வேண்டியது அவசியம் ஆகும். நியூசிலாந்து அணியைப் பொறுத்தமட்டில் ஜேக்கப் டஃபி, ஜேமிசன், மிலினே, ஃபிஷர், சான்ட்னர், ப்ரேஸ்வல் என சிறப்பான பந்துவீச்சாளர்கள் இருந்தாலும் அவர்கள் ரன்களை வாரி வழங்கி வருகின்றனர்.

இதனால் இரு அணி வீரர்களும் கட்டுப்பாடுடன் பந்துவீச வேண்டியது அவசியமாகும். இந்திய அணி நியூசிலாந்து அணிக்கு எதிரான தொடரை முழுமையாக கைப்பற்ற ஆர்வத்துடன் செயல்பட்டு வருகிறது.

RCB WPL 2027: ஈ சாலா கப் நமதாகுமா? அடுத்தாண்டு களமிறங்கப்போகும் ஆர்சிபி சிங்கப்பெண்கள் யார்? யார்?

சுகுமாறன் — Thu, 29 Oct 2026 09:45:10 +0530

ஐபிஎல் கிரிக்கெட் தொடர் போலவே டபுள்யூபிஎல் கிரிக்கெட் தொடரும் மிகவும் பிரபலம் ஆகும். மகளிர் பிரமியர் லீக் தொடருக்கான மினி ஏலம் நேற்று நடைபெற்றது. இதில் 5 அணிகளும் தங்களுக்குத் தேவையான வீராங்கனைகளை ஏலத்தில் எடுத்துள்ளனர்.

ஆர்சிபி அணி நேற்று 4 வீராங்கனைகளை ஏலத்தில் எடுத்தது. வரும் 2027ம் ஆண்டு பங்கேற்க உள்ள ஆர்சிபி அணியின் முழு பட்டியலை கீழே காணலாம்.

ஆர்சிபி அணி முழு விவரம்:

ஸ்மிரிதி மந்தனா ( கேப்டன்), ரிச்சா கோஷ், எல்லீஸ் பெர்ரி, லாரன் பெல், பூஜா வஸ்த்ரகர், அருந்ததி ரெட்டி, நடின் டி கிளெர்க், ராதா யாதவ், ஸ்ரேயங்கா பாட்டீல், ஜார்ஜியா வோல், ஜேஸ் ஜோனசன், தேஜல் ஹஸ்பானிஸ், சயலி சாத்கரே, க்ளோ ட்ரையான், ப்ரேமா ராவத், வ்ருந்தா, குமார் ப்ரத்யூஷா

விக்கெட் கீப்பர்கள்:

ரிச்சா கோஷ், ப்ரத்யூஷா குமார்

பேட்டிங் வீராங்கனைகள்:

வ்ருந்தா தினேஷ், தேஜல் ஹஸ்பானிஸ், ஸ்மிரிதி மந்தனா, ஜார்ஜியா வோல்

ஆல்ரவுண்டர்கள்:

க்ளோ ட்ரையான், ஜெஸ் ஜோனசன், ஸ்ரேயாங்கா பாட்டீல், சயலி சத்காரே, ப்ரேமா ராவத், நடின் டி கிளார்க், எல்லீஸ் பெர்ரி

ராதா யாதவ், பூஜா வஸ்த்ரகர், லாரன் பெல், அருந்ததி ரெட்டி

ப்ளேயிங் லெவனில் களமிறங்க வாய்ப்புள்ள அணி:

ஸ்மிரிதி மந்தனா, ஜார்ஜியா வோல், எல்லீஸ் பெர்ரி, தேஜல் ஹஸ்பானிஸ், ரிச்சா கோஷ், நடின் டி கிளார்க், ராதா யாதவ், ஸ்ரேயங்கா பாட்டீல், சயலி சத்கரே, அருந்ததி ரெட்டி, லாரன் பெல்

கோப்பையை தக்க வைக்குமா?

ஆர்சிபி அணி கடந்த 2024 மற்றும் நடப்பாண்டில் நடந்த தொடரில் சாம்பியன் பட்டம் வென்று அசத்தியுள்ளது. நடப்பு சாம்பியனாக அடுத்தாண்டு களமிறங்கும் ஆர்சிபி அணி கோப்பையைக் கைப்பற்ற ஆவலுடன் களமிறங்கியுள்ளது.

ஆர்சிபி அணி அதிகளவு ஆல்ரவுண்டர்களுக்கு முக்கியத்துவம் அளித்துள்ளது. நேற்று நடந்த ஏலத்திலும் ஜெஸ் ஜோனசன், ட்ரையான் ஆகிய இரு ஆல்ரவுண்டர்களை ஏலத்தில் எடுத்துள்ளனர். இவர்கள் மட்டுமின்றி ஏற்கனவே அணியில் ஸ்ரேயங்கா பாட்டீல், எல்லீஸ் பெர்ரி, சயலி சத்காரே உள்ளனர். இதனால், அவர்கள் பேட்டிங் மற்றும் பந்துவீச்சு பிரிவு வலுவாக உள்ளது.

பேட்டிங், பந்துவீச்சு பலம்:

விக்கெட் கீப்பர்களாக ரிச்சா கோஷ் மற்றும் பிரத்யூஷா குமார் இருந்தாலும் பிரதான விக்கெட் கீப்பராக ரிச்சா கோஷ் இடம்பெறுவார். பிரதான பேட்டர்களாக ஸ்மிரிதி மந்தனா, ஜார்ஜியா வோல் உள்ளனர். நேற்று நடந்த ஏலத்தில் வ்ருந்தா தினேஷ், தேஜல் ஹசப்னிஸ் ஏலத்தில் எடுக்கப்பட்டுள்ளனர். இவர்கள் இருவருக்கும் ப்ளேயிங் லெவனில் வாய்ப்பு கிடைக்குமா? என்று தெரியவில்லை. தேஜல் ஹசப்னிஸ் முக்கிய வீராங்கனையாக திகழ்வார் என்று கருதப்படுகிறது.

பந்துவீச்சைப் பொறுத்தமட்டில் பிரதான பந்துவீச்சாளராக லாரன் பெல் உள்ளார். அவருடன் ராதா யாதவ், பூஜா உள்ளனர். அருந்ததி ரெட்டி, எல்லீஸ் பெர்ரி, ஸ்ரேயங்கா பாட்டீலும் உள்ளனர்.

WPL 2027: பட்டைய கிளப்பும் 18 பேரு! ஹர்மன்ப்ரீத்தின் முழுமையான மும்பை இந்தியன்ஸ் பட்டாளம் இவங்கதான்!

சுகுமாறன் — Wed, 28 Oct 2026 21:31:27 +0530

மகளிர் பிரிமீயர் லீக் தொடரில் 2 முறை சாம்பியன் பட்டம் வென்ற அணி என்ற பெருமையை கொண்ட அணி மும்பை இந்தியன்ஸ். ஹர்மன்ப்ரீத்கவுர் தலைமையில் மிகவும் ஆக்ரோஷமான அணியாக ஆடி இரண்டு முறை கோப்பையை வென்ற மும்பை அணி அடுத்தாண்டு நடைபெறும் டபுள்யூபிஎல் தொடரை கைப்பற்ற வேண்டும் என்ற முனைப்பில் களமிறங்கியுள்ளனர்.

மும்பை இந்தியன்ஸ்:

இன்று நடந்த ஏலத்திலும் வீராங்கனைகளை ஏலத்தில் எடுக்க போட்டா போட்டி மும்பை அணி நிர்வாகம் நடத்தியது. இன்று நடந்த ஏலத்தில் மும்பை அணி திஷா கசத், லத்திகா, பார்தி ராவல், சானிகா சால்கே, ஸ்வேதா ஷெராவத் மற்றும் அக்ஷிதா பகத் ஆகியோரை ஏலத்தில் எடுத்துள்ளது.

6 வீராங்கனைகள்:

இவர்களில் அக்ஷிதா பகத்தை ரூபாய் 10 லட்சத்திற்கும், ஸ்வேதா ஷெராவத்தை ரூபாய் 20 லட்சத்திற்கும்,சானிகா சால்கே ரூபாய் 10 லட்சத்திற்கும், பார்தி ராவலை ரூபாய் 10 லட்சத்திற்கும் ஏலத்தில் எடுத்துள்ளனர். இவர்கள் மட்டுமின்றி லத்திகாவை ரூபாய் 10 லட்சத்திற்கும், திஷா கசத்தை ரூபாய் 10 லட்சத்திற்கும் ஏலத்தில் எடுத்துள்ளனர்.

Our Squad for #TATAWPL 2027 💙 1. Harmanpreet Kaur 2. Natalie Sciver-Brunt ✈️ 3. Amelia Kerr ✈️ 4. Hayley Matthews ✈️ 5. Shabnim Ismail ✈️ 6. Amanjot Kaur 7 Sajeevan Sajana 8. Vaishnavi Sharma 9. Nicola Carey ✈️ 10. Sanskriti Gupta 11. Rahila Firdous 12. Tara Norris ✈️ 13. Disha Kasat 14. Latika Inamdar 15. Bharti Rawal 16. Saanika Chalke 17. Shweta Sehrawat 18. Akshita Bhagat
— Mumbai Indians (@mipaltan) October 28, 2026

ஏலத்தின் முடிவில் மும்பை இந்தியன்ஸ் அணியின் முழுமையான வீராங்கனைகள் பட்டியல் விவரம்;

1. ஹர்மன்ப்ரீத் கவுர்
2. நடாலியா ஸ்கிவர் - ப்ரன்ட்
3. அமெலியா கெர்
4.ஹேலி மேத்யூஸ்
5.ஷப்னிம் இஸ்மாயில்
6. அமன்ஜோத் கவுர்
7.சஜீவன் சஜனா
8.வைஷ்ணவி சர்மா
9.நிகோலா கேரி
10.சன்ஸ்கிரிதி குப்தா
11.ரஹிலா பிர்தோஸ்
12. தாரா நோரிஸ்
13. திசா கசத்
14.லத்திகா இனம்தர்
15.பார்திராவல்
16. சானிகா சால்கே
17.ஸ்வேதா ஷெராவத்
18. அக்ஷிதா பகத்

வெளிநாட்டு வீராங்கனைகள் யார்? யார்?

இந்த வீராங்கனைகள் அடுத்தாண்டு நடைபெற உள்ள தொடரில் களமிறங்க உள்ளனர். இளமையும், அனுபவமும் கொண்ட அணியாக மும்பை களமிறங்க உள்ளது. இந்த அணியில் மொத்தம் 6 வெளிநாட்டு வீராங்கனைகள் இடம்பிடித்துள்ளனர். நடாலியா ஸ்கிவர் ப்ரன்ட், அமெலியா கெர், ஹேலி மேத்யூஸ், ஷப்னிம் இஸ்மாயில், நிகோல கேரி, தாரா நோரிஸ் வெளிநாட்டு வீராங்கனைகள் ஆவார்கள்.

கொச்சியில் இன்று நடந்த இந்த மினி ஏலத்தில் ஒவ்வொரு அணியும் வீராங்கனைகளை போட்டியிட்டு எடுத்தனர்.