Dinesh Karthik on Babar Azam: ”பாபர் ஒன்னும் கோலி கிடையாது! எப்படி ஒப்பிடலாம்..” விமர்சித்து தள்ளிய தினேஷ் கார்த்திக்

டி20 உலகக் கோப்பையில் இந்தியாவுக்கு எதிரான போட்டியில் பாபர் அசாம் மோசமான ஷாட் காரணமாக ஆட்டமிழந்ததை அடுத்து அவர் இந்தக் கருத்தை தெரிவித்தார்.

பாபர் அசாம்

Source : PTI

முன்னாள் இந்திய கிரிக்கெட் வீரர் தினேஷ் கார்த்திக், பாபர் அசாமை விராட் கோலியுடன் ஒப்பிடுவது நியாயமில்லை என்று கூறினார் . டி20 உலகக் கோப்பையில் இந்தியாவுக்கு எதிரான போட்டியில் பாபர் அசாம் மோசமான ஷாட் காரணமாக ஆட்டமிழந்ததை அடுத்து அவர் இந்தக் கருத்தை தெரிவித்தார். இந்தியாவும் பாகிஸ்தானும் சூப்பர் 8க்கு தகுதி பெற்றுள்ளன, ஆனால் வெவ்வேறு குழுக்களில் உள்ளன என்பது குறிப்பிடத்தக்கது.

 

தினேஷ் கார்த்திக், பாபர் அசாமின் ஷாட் தேர்வையும் கேள்வி எழுப்பினார். அவர் மோசமான ஷாட்டை ஆடி, 7 பந்துகளில் 5 ரன்கள் மட்டுமே எடுத்து அக்சர் படேல் பந்துவீசி ஆட்டமிழந்தார். இதன் விளைவாக, நமீபியாவுக்கு எதிராக அவர் 5வது இடத்திற்கு கூட உயர்த்தப்படவில்லை, இது அவமானமாகக் கருதப்பட்டது.

தினேஷ் கார்த்திக் என்ன சொன்னார்?

இது குறித்து தினேஷ் கார்த்திக் தெரிவித்தாவது "விராட் கோலி இன்னிங்ஸின் ஆரம்பத்தில் அப்படி ஒரு ஷாட்டை ஆடுவதை என்னால் கற்பனை செய்து பார்க்க முடியவில்லை. வெற்றி பெற என்ன செய்ய வேண்டும் அல்லது தனது அணியை வெற்றியை நெருங்க என்ன செய்ய வேண்டும் என்பதை அறியும் தன்னம்பிக்கை அவருக்கு இல்லை" என்று கார்த்திக்  கூறினார். 

இந்தியாவுக்கு எதிராக 176 ரன்கள் ஸ்கோரை சேஸ் செய்த போது,  பாபர் அசாம் வந்த சூழ்நிலையில் ​​பாகிஸ்தான் அணி சிக்கலில் சிக்கியது. பாக் அணியின் மிகவும் அனுபவம் வாய்ந்த பேட்ஸ்மேன் நிலைத்து நின்று ஆடுவார்  என்று எதிர்பார்க்கப்பட்டது, ஆனால் அவர் ஒரு மோசமான ஷாட்டில் அவுட்டானர். சேசிங் போது அணியை வழிநடத்துவதும், இந்த பிரஷர் சூழ்நிலையை கையாள்வதும் பாபரின் பொறுப்பு என்று கார்த்திக் கூறினார். சேஸ் மாஸ்டர் விராட் கோலி பல ஆண்டுகளாக இதை பல முறை செய்துள்ளார்.

"நீங்கள் எவ்வளவு அழுத்தத்தைக் கையாளுகிறீர்கள் என்பதுதான் உங்களை சிறந்தவராக்குகிறது. நீங்கள் ஒரு சில ஷாட்களை மட்டும் விளையாடும் ஒவ்வொரு போட்டியும் எளிதாக இருக்க முடியாது" என்று கார்த்திக்  கூறினார். மேலும் உலகின் சிறந்த பேட்ஸ்மேனாக பாபர் இல்லை என்று முன்னாள் தினேஷ் கார்த்திக், கூறினார்.