Womens World Cup Prize Money: இந்திய அணிக்கு காத்திருக்கும் ஜாக்பாட்! கோப்பை வென்றால் பரிசு மழை!எவ்வளவு தெரியுமா?

Womens World Cup 2025 Prize Money: கடந்த ஆண்டு அமெரிக்காவில் டி20 உலகக் கோப்பையை வென்ற பிறகு ரோஹித் சர்மா தலைமையிலான அணிக்கு வழங்கப்பட்ட அதே தொகையை அணிக்கும் வழங்குவது குறித்து உயர் அதிகாரிகள் ஆலோசித்து வருவதாக கூறப்டுகிறது.

மகளிர் உலகக்கோப்பை 2025

Source : PTI

இந்திய மகளிர் இன்று நடைப்பெறும் உலகக்கோப்பையை வென்றால் மிகப்பெரிய பரிசு தொகையை பிசிசிஐ அறிவித்துள்ளது, மேலும் ஐசிசி சார்பில் எவ்வளவு பரிசுத்தொகை வழங்கப்படும் என்பதை காண்போம்.

இந்திய மகளிர் கிரிக்கெட் அணி, மகளிர் ஒருநாள் உலகக் கோப்பை இறுதிப் போட்டியில் தென்னாப்பிரிக்காவை இன்று (நவம்பர் 2 ஆம் தேதி)  நவி மும்பையில் எதிர்க்கொள்ள உள்ளது. 

பிசிசிஐ ஆலோசனை:

ஹர்மன்பிரீத் கவுர் தலைமையிலான இந்திய அணி வெள்ளிப் பரிசை வென்றால், அவர்களுக்கு ஒரு பெரிய தொகையை பரிசாக வழங்க பிசிசிஐ முழுமையாகத் தயாராக உள்ளது. முன்னாள் பிசிசிஐ செயலாளரும் தற்போதைய ஐசிசி தலைவருமான ஜெய் ஷா பரிந்துரைத்த "சம ஊதியம்" கொள்கையைப் பின்பற்றி, கடந்த ஆண்டு அமெரிக்காவில் டி20 உலகக் கோப்பையை வென்ற பிறகு ரோஹித் சர்மா தலைமையிலான அணிக்கு வழங்கப்பட்ட அதே தொகையை அணிக்கும் வழங்குவது குறித்து உயர் அதிகாரிகள் ஆலோசித்து வருவதாக கூறப்டுகிறது.

ஆண்கள் டி20 உலகக் கோப்பை இறுதிப் போட்டியில் தென்னாப்பிரிக்காவை வீழ்த்தியதில், அணியின் முழு வீரர்களுக்கும் - வீரர்கள் மற்றும் துணை ஊழியர்களுக்கும் - ரூ.125 கோடி பரிசு வழங்கப்பட்டது.

"ஆண்களுக்கும் பெண்களுக்கும் சம ஊதியத்தை பிசிசிஐ ஆதரிக்கிறது, எனவே நமது பெண்கள் உலகக் கோப்பையை வென்றால், ஆண்களின் உலகளாவிய வெற்றியுடன் ஒப்பிடும்போது வெகுமதி குறைவாக இருக்காது என்ற விவாதங்கள் நிறைய உள்ளன. ஆனால் அவர்கள் கோப்பையை வெல்வதற்கு முன்பு ஒரு அறிவிப்பை வெளியிடுவது நல்லதல்ல," என்று பிசிசிஐ தரப்பில் PTIயிடம் தெரிவித்துள்ளது.

கடந்த முறை:

2017 உலகக் கோப்பை இறுதிப் போட்டியில் இந்திய மகளிர் அணி இங்கிலாந்திடம் 9 ரன்கள் வித்தியாசத்தில் லார்ட்ஸில் தோல்வியடைந்தபோது, ​​பிசிசிஐ விளையாடும் ஒவ்வொரு உறுப்பினருக்கும் தலா ரூ.50 லட்சம் பரிசாக வழங்கியது குறிப்பிடத்தக்கது. முன்னாள் தலைமை பயிற்சியாளர் துஷார் அரோத்தே மற்றும் பிற துணை ஊழியர்களுக்கும் சிறப்பான வெகுமதி அளிக்கப்பட்டது.

2025 மகளிர் உலகக் கோப்பைக்கான பரிசுத் தொகை விவரம்

13வது ஐசிசி மகளிர் உலகக் கோப்பைப் போட்டியின் வெற்றிப்பெறும் அணிக்கு 4.48 மில்லியன் டாலர்கள் (சுமார் ரூ. 40 கோடி) பெறுவார்கள், இது 2022 ஆம் ஆண்டில் ஆஸ்திரேலியா பெற்றதை விட 239 சதவீதம் அதிகமாகும் ($ 1.32 மில்லியன்).

இரண்டாம் இடத்தைப் பிடிக்கும் அணிக்கு $2.24 மில்லியன் (ரூ. 20 கோடி) கிடைக்கும், இது கடந்த உலகக்கோப்பையில் இங்கிலாந்து பெற்ற $600,000 உடன் ஒப்பிடும்போது 273 சதவீதம் அதிகமாகும்.

இந்த ஆண்டு அரையிறுதியில் தோல்வியடைந்த இரண்டு அணிகளுக்கும் (ஆஸ்திரேலியா மற்றும் இங்கிலாந்து) தலா $1.12 மில்லியன் (ரூ. 9.3 கோடி) பரிசு வழங்கப்படும். ஐந்தாவது மற்றும் ஆறாவது இடத்தைப் பிடிக்கும் அணிகளுக்கு தலா $700,000 பரிசும், ஏழாவது மற்றும் எட்டாவது இடத்தைப் பிடிக்கும் அணிகளுக்கு $280,000 பரிசும் வழங்கப்படும்.