விநாயகர் சதுர்த்தி: மதுரை இளைஞர்கள் & கிராமத்தினர் உற்சாகம்! 3-15 அடி சிலைகள் விற்பனை களைகட்டியது!

மாட்டுத்தாவணி பகுதியில் உள்ள சிலை சிற்பக்கூடங்களில் இருந்து விநாயகர் சிலைகளை வாங்கிச் சென்றதால் விற்பனை விறுவிறுப்பாக நடைபெற்றது, குறிப்பிடதக்கது.

விநாயகர் சதுர்த்தி

Source : whats app

விநாயகர் சதுர்த்தியை முன்னிட்டு பொது இடங்களில் வைத்து வழிபாடு நடத்துவதற்காக 3 அடி முதல் 15 அடி வரையிலான வித விதமான விநாயகர் சிலைகளை ஆர்வமுடன் வாங்கிச் சென்று இளைஞர்கள் மற்றும் கிராமத்தினர்.

விநாயகர் சதுர்த்தி 2025

 

விநாயகர் சதுர்த்தி நாளை நாடு முழுவதிலும் கொண்டாடப்பட உள்ள நிலையில் மதுரை மாவட்ட முழுவதும். விநாயகர் சிலைகளை தங்களது வீடுகளிலும் பொது இடங்களிலும் வைத்து வழிபாடு நடத்துவதற்கான ஊர் பொதுமக்கள், இளைஞர்கள், பல்வேறு அமைப்பினர் விநாயகர் சிலைகளை வாங்கிசெல்கின்றனர். மதுரை மாட்டுத்தாவணி பகுதியில் வடமாநில தொழிலாளர்கள் மூலமாக நடத்தப்படும் சிலை விற்பனை கூடத்தில் தயாரிக்கப்பட்ட பல்வேறு விதமான விநாயகர் சிலைகளை ஆர்வமுடன் வாங்கி செல்கின்றனர். 3 அடி முதல் 15 அடி வரையிலான விநாயகர் சிலைகள் தயாரிக்கப்பட்டு  சிவதாண்டவ விநாயகர், காமதேனு விநாயகர் என பல்வேறு வடிவங்களில் உருவாக்கப்பட்ட சிலைகளை மதுரை மாநகர் மற்றும் புறநகர் பகுதிகளான உசிலம்பட்டி, மேலூர், அலங்காநல்லூர், திருப்பரங்குன்றம், திருமங்கலம் ஆகிய பகுதிகளில் உள்ள பொதுமக்களும் வாங்கிசெல்கின்றனர்.

 

லாரிகள் மூலம் பல்வேறு இடங்களுக்கு செல்லும் விநாயகர் சிலை

 

ஒவ்வொரு விதமான விநாயகர் சிலைகளையும் 5 ஆயிரம் ரூபாய் தொடங்கி 50ஆயிரம் ரூபாய் வரை விற்பனை செய்யப்படுகிறது. இந்த சிலைகளை வாங்கிய பின்னர் விநாயகருக்கு முன்பாக கற்புரம், சாம்பிராணி காட்டி ஆராதனை செய்து  தேங்காய் உடைத்து வழிபாடு நடத்தினர். பின்னர் ஷேர் ஆட்டோக்கள், சரக்கு வாகனங்கள் மற்றும் லாரிகளில் விநாயகர் சிலைகளை ஏற்றி புறப்பட்டு சென்றனர். அந்தந்த பகுதிகளுக்கு விநாயகர் சிலைகளை எடுத்து செல்லும் முன்பாக விற்பனை கூடத்தில் இருந்த காவல்துறையினர் சிலை கொண்டு செல்லப்படும் பகுதி, சிலை அமைக்கப்படும் பகுதி, யார் மூலமாக சிலை வைக்கப்படுகிறது, எத்தனை அடி உயரம், தொலைபேசி எண் உள்ளிட்ட முழு விவரங்களை கேட்ட பின்பாக அந்தந்த பகுதிகளுக்கு லாரிகள் மூலமாக அனுப்பி வைக்கப்படுகின்றனர்.

 

விநாயகர் சிலைகளை வாங்கிச் சென்றதால் விற்பனை விறுவிறுப்பாக நடைபெற்றது.

 

விநாயகர் சதுர்த்தியை முன்னிட்டு வடமாநிலத்தவர் கடந்த ஒரு வருடமாக பணி செய்து உருவாக்கிய விநாயகர் சிலை விற்பனை செய்யப்படுவது மகிழ்ச்சியடைந்தாலும் கூட அரசின் பல்வேறு கட்டுப்பாடுகளால் கடந்த ஆண்டு விட விற்பனை குறைவாக இருப்பதாக தெரிவித்தனர். மதுரை மாவட்டத்தில் பல்வேறு பகுதிகளில் இருந்து வந்திருந்த பொதுமக்கள், கிராமத்தினர் பல்வேறு அமைப்புகளை சார்ந்தவர்களும் மாட்டுத்தாவணி பகுதியில் உள்ள சிலை சிற்பக்கூடங்களில் இருந்து விநாயகர் சிலைகளை வாங்கிச் சென்றதால் விற்பனை விறுவிறுப்பாக நடைபெற்றது, குறிப்பிடதக்கது.

 

இதையும் படிக்க

பிரண்ட் வேணுமா.. ? கூவிக் கூவி இளைஞர்களை சிக்கவைக்கும் ஆப்கள் - டிஜிட்டல் மோசடியின் புதிய முகம் !

உசிலம்பட்டி பள்ளி குழந்தைகள் நெகிழ்ச்சி: காலை உணவு திட்டத்திற்கு நன்றி கூறி தபால் அட்டை!