சின்னக்காவனம்  பகுதியில் உள்ள வள்ளலார் தாயார் சின்னம்மையார் இல்லத்தில் திருஅருட்பிரகாச வள்ளல் பெருமான் வருவிக்க உற்ற 204-ஆம் ஆண்டு தொடக்க விழா வெகுவிமர்சியாக நடைபெற்றது.

Continues below advertisement

 ‘வாடிய பயிரைக் கண்டபோதெல்லாம் வாடினேன்’ என்று கூறிய வள்ளலாரின் பிறந்த தினம் இன்று. இதையொட்டி, வடலுர் உள்பட தமிழகம் முழுவதும் வள்ளலார் பெருமானின் வருவிக்க உற்ற நாள் 204-ஆம் ஆண்டு தொடக்க விழா நடைபெற்று வருகிறது.

 

Continues below advertisement

வள்ளலார் தாயாரின் பிறந்த ஊரான திருவள்ளூர் மாவட்டம் சின்னக்காவனம் பகுதியில் திருஅருட்பிரகாச வள்ளல் பெருமான் வருவிக்க உற்ற 204-ஆம் ஆண்டு தொடக்க விழா வெகுவிமர்சியாக நடைபெற்றது.

அகவல் பாராயணம், பிராத்தனைகளுடன் தொடங்கிய விழா, பின்னர்  சன்மாக்க நீதிக்கொடி உயர்த்தப்பட்டது. மேலும், நாள் முழுவதும் அன்னதானம் வழங்கப்பட்டது.

தந்தை தவறியதால், தமது தாய் வீடான  திருவள்ளூர் மாவட்டம்  சின்னக்காவனத்தில் 6 மாத  குழந்தை முதல் 2 வயது வரை தவழ்ந்து விளையாடிய இடமான இங்கு வாழ்ந்த வல்லளார், பிறகு ஏழு கிணறு வீராச்சாமி கோயிலில் 33 ஆண்டுகளும், பின்பு வடலூரில் 18 ஆண்டுகளும் வாழ்ந்த அவர் 1874- அன்று மேட்டுக்குப்பம் சித்தி வளாக திருமாளிகையில் திருக்காப்பீட்டு கொண்டு அருட்பொருஞ்சோதி ஆண்டவருடன் இரண்டற கலந்து இன்றும் அருள் ஒளியாக இருக்கிறார் என நம்பப்படுகிறது.

அக்டோபர் 5-ஆம் தேதியான இன்று இறைவனால் வருவிக்க உற்ற நாள் 204-ஆம் ஆண்டு தொடக்க விழா நடைபெற்று வருகிறது.