T20 WC Ind vs Eng: இது சும்மா டிரெய்லர்தான்! பயிற்சி ஆட்டத்தில் இந்தியா vs இங்கிலாந்து இன்று மோதல்
ஐசிசி டி-20 உலகக்கோப்பை தொடரில், இன்று நடைபெற இருக்கும் பயிற்சி ஆட்டத்தில் க்ரூப்:1-ல் இடம் பெற்றிருக்கும் இங்கிலாந்து - க்ரூப்:2-ல் இடம் பெற்றிருக்கும் இந்தியா மோத உள்ளன.
துபாய் ஐசிசி அகாடெமி மைதானத்தில் நடைபெறும் இந்த போட்டி இந்திய நேரப்படி இன்று மாலை 7.30 மணிக்கு தொடங்க உள்ளது.
இந்த போட்டி, ஸ்டார் ஸ்போர்ட்ஸ் 1, எச்டி, ஸ்டார் ஸ்போர்ட்ஸ் 3, எச்டி, டிடி ஸ்போர்ட்ஸ், ஸ்டார் ஸ்போர்ட்ஸ் தமிழ் ஆகிய சேனல்களில் நேரலையாக ஒளிபரப்பு செய்யப்பட உள்ளது. அதுமட்டுமின்றி, ஹாட்ஸ்டார் ஆப் அல்லது இணையதளத்திலும் போட்டியை காணலாம்.
சூப்பர் 12 க்ரூப் :1 இங்கிலாந்து, ஆஸ்திரேலியா, தென்னாப்ரிக்கா, வெஸ்ட் இண்டீஸ், க்ரூப் ஏ வின்னர், க்ரூப் பி ரன்னர். சூப்பர் 12 க்ரூப்:2 இந்தியா, பாகிஸ்தான், நியூசிலாந்து, ஆஃப்கானிஸ்தான், க்ரூப் ஏ ரன்னர், க்ரூப் பி வின்னர்.
அக்டோபர் 20-ம் தேதி நடைபெற இருக்கும் அடுத்த பயிற்சி ஆட்டத்தில், ஆஸ்திரேலிய அணியை இந்திய அணி எதிர்கொள்ள உள்ளது.
க்ரூப்:2 அணிகளுக்கான போட்டிகள் அக்டோபர் 24-ம் தேதி தொடங்க உள்ளது. முதல் போட்டியில், இந்தியா - பாகிஸ்தான் அணிகள் மோதுகின்றன.