Tirunelveli Rains : நெல்லை இலந்தைக்குளம் பகுதியில் பாதிக்கப்பட்ட மக்களுக்கு உதவிய தேவாலய நிர்வாகம்!

தென் தமிழகத்தில் கடந்த இரண்டு நாட்களாக பெய்த கனமழையால் திருநெல்வேலி, தூத்துக்குடி, குமரி மற்றும் தென்காசியில் உள்ள ஊர்களும் நகரங்களும் வெள்ளத்தில் மூழ்கின.

வெள்ளத்தில் பல மக்களும் தங்கள் வீடுகளையும் உடைமைகளையும் இழந்துள்ளனர்.

மழை ஓய்ந்துள்ள நிலையில் பாதிக்கப்பட்ட பகுதிகள் படிப்படியாக இயல்பு நிலைக்கு திரும்பி வருகிறது.

கூடுதலாக வெள்ளத்தில் பாதிக்கப்பட்ட மக்களை மீட்கும் பணிகளும் தீவிரமாக நடைபெற்று வருகிறது.

இதனைத் தொடர்ந்து பலரும் பாதிக்கப்பட்ட மக்களுக்கு தேவையான உதவிகளை செய்து வருகின்றனர். அதன்படி திருநெல்வேலி, இலந்தைக்குளம் பகுதியில் வெள்ளத்தால் பாதிக்கப்பட்டுள்ள மக்களுக்கு பாளையங்கோட்டை ஏ.ஆர் லைன் தூய இம்மானுவேல் ஆலயம் சார்பில் உதவிகள் செய்யப்பட்டுள்ளன.

மேலும் போர்வைகள், ப்ரெட் பாக்கெட்டுகள் மற்றும் குடிநீர் உள்ளிட்ட அத்தியாவசிய தேவைகள் செய்து கொடுக்கப்பட்டுள்ளதாக கூறப்படுகிறது.