Prawn Pepper Fry : கிராமத்து முறையில் இறால் மிளகு வறுவல் செய்வது எப்படி?

தேவையான பொருட்கள் : மல்லி விதை - 2 தேக்கரண்டி, சீரகம் - 1 தேக்கரண்டி , மிளகு - 1 மேசைக்கரண்டி, அரைத்த மசாலா தூள், இறால் - 200 கிராம், எண்ணெய் - 1 மேசைக்கரண்டி, பட்டை - 1 துண்டு, கிராம்பு - 4 , ஏலக்காய் - 1 , காய்ந்த மிளகாய் - 3 , பெரிய வெங்காயம் - 1 நறுக்கியது, கறிவேப்பிலை, இஞ்சி பூண்டு விழுது - 1/2 தேக்கரண்டி, உப்பு.

செய்முறை : முதலில் இறாலை குடல் நீக்கி உப்பு மற்றும் மஞ்சள் தூள் சேர்த்து நன்கு கழுவி எடுத்துக் கொள்ளவும்.

அடுத்தது கடாயில் எண்ணெய் இல்லாமல் தனியா, சீரகம், முழு மிளகு சேர்த்து வறுக்கவும். அதன்பின் ஆறிய பிறகு மிக்ஸியில் சேர்த்து பொடியாக அரைத்து எடுத்துக் கொள்ளவும்.

அடுத்தது கடாயில் எண்ணெய் ஊற்றி சூடானதும், பட்டை, கிராம்பு, ஏலக்காய், காய்ந்த மிளகாய் சேர்த்து ஒரு நிமிடம் வறுக்கவும், அத்தபின் பெரிய வெங்காயம் மற்றும் கறிவேப்பிலை சேர்த்து வதக்கவும்.

வெங்காயம் வதங்கிய பிறகு இஞ்சி பூண்டு விழுது சேர்த்து இரண்டு நிமிடம் பச்சை மனம் நீங்கும் வரை வதக்கவும். அடுத்தது கழுவிய இறாலை துண்டுகளை சேர்த்து இரண்டு நிமிடங்களுக்கு கிளறவும்.

அதன் பிறகு உப்பு மற்றும் அரைத்த மசாலா தூள் சேர்த்து கிளறிவிட்டு 5 நிமிடம் வேகவைத்து இறக்கினால் சுவையான கிராமத்து ஸ்டைல் இறால் மிளகு வறுவல் தயார்.