Urvashi Rautela : மூன்று நிமிட பாடலுக்கு 3 கோடி ரூபாய் கேட்ட லெஜண்ட் சரவணனின் ரீல் ஜோடி!

தி லெஜண்ட்” படத்தின் மூலம் தமிழ் சினிமாவில் அறிமுகமானவர் ஊர்வசி ரவுத்தலா. இவருக்கு இந்த படத்தில் நடிக்க பெரிய தொகை வழங்கப்பட்டது.

இவர் தமிழில் பெரிய அளவுக்கு படத்தில் நடிக்கவில்லை என்றாலும் ஹிந்தி சினிமாவில் பிரபலமான நடிகையாக திகழ்கிறார்

இவர் படங்களில் நடிப்பது மட்டுமில்லாமல் படங்களில் வரும் கமர்ஷியல் பாடல்களில் நடனமாடி வருகிறார்.

பாயப்பட்டு சீனு இயக்கத்தில் ராம் பொத்தினேனி நடிக்கும் படத்தில் ஒரு பாடலுக்கு நடனமாட ஊர்வசி ரவுத்தேலாவிடம் பேச்சு வார்த்தை நடத்தப்பட்டது.

அந்த பாடலில் நடனமாட அவர் ஒரு நிமிடத்திற்கு ஒரு கோடி ரூபாய் சம்பளமாக கேட்டுள்ளார். இதனை கேட்ட படக்குழுவினர் அதிர்ச்சி அடைந்துள்ளனர்.

ஊர்வசி ரவுத்தேலாவிற்கு இருக்கும் மார்கெட் காரணமாக, படக்குழு அதனை ஏற்றுக்கொண்டு 3 நிமிட நீளம் கொண்ட பாடலுக்கு 3 கோடி ரூபாயை சம்பளமாக கொடுக்க முடிவு செய்துள்ளது.