Maaveeran : மாவீரன் படத்தை பார்த்துவிட்டு புகழ்ந்து தள்ளிய முன்னாள் நடிகர் உதயநிதி!

நடிகர் சிவகார்த்திகேயன் நடிப்பில் உருவாகியுள்ள படம்தான் மாவீரன். இப்படம் நாளை வெளியாகவுள்ளது.

மண்டேலா படத்தை இயக்கியதற்கு தேசிய விருது பெற்ற மடோன் அஸ்வின் இப்படத்தை இயக்கியுள்ளார்.

இப்படத்தில் அதிதி ஷங்கர், சரிதா, இயக்குநர் மிஷ்கின், யோகிபாபு, மோனிஷா பிளஸ்சி உள்ளிட்ட பலரும் நடித்துள்ளனர்

முன்னதாக மாவீரன் படத்தின் டீசர், ட்ரெய்லர், பாடல்கள் போன்றவை வெளியாகி பெரும் வரவேற்பையும், படத்தின் மீதான எதிர்பார்ப்பையும் அதிகரித்துள்ளது.

இப்படத்திற்கு பிரிட்டிஷ் போர்டு ஆஃப் ஃபிலிம் கிளாசிஃபிகேஷன் (BBFC)சான்றிதழ் வழங்கியுள்ளது. இப்படத்தில் நிறைய வன்முறை காட்சிகள் இடம்பெற்றுள்ளதாக தெரிவித்துள்ளது.

அதேபோல் அமைச்சரும் முன்னாள் நடிகருமான உதயநிதி ஸ்டாலின், இப்படத்தை பார்த்து தனது டீவிட்டர் பக்கத்தில் டபுள் தம்ஸபை பதிவிட்டுள்ளார்.