Trisha - Chiranjeevi : 18 ஆண்டுகளுக்கு பிறகு மெகா ஸ்டார் சிரஞ்சீவிக்கு ஜோடியாகும் திரிஷா!
தென்னிந்திய சினிமாவின் முன்னணி நடிகை திரிஷா கடந்த ஆண்டு வெளியான 'லியோ' படத்திற்கு பிறகு அஜித் ஜோடியாக 'விடாமுயற்சி' படத்தில் நடித்து வருகிறார்.
அதை தொடர்ந்து திரிஷா நடிக்க இருக்கும் புதிய படம் குறித்த அப்டேட் ஒன்று வெளியாகியுள்ளது.
தெலுங்கு திரையுலகின் மெகா ஸ்டார் சிரஞ்சீவி நடிக்க இருக்கும் 156வது திரைப்படத்தை இயக்குநர் மல்லிடி வசிஷ்டா இயக்குகிறார். இப்படம் 2025ம் வெளியாகும் என எதிர்பார்க்கப்படுகிறது.
'விஸ்வம்பரா' என பெயரிடப்பட்டுள்ள இப்படத்தில் நடிகர் சிரஞ்சீவியின் ஜோடியாக நடிகை திரிஷா நடிக்கிறார் என அறிவிப்பு வெளியாகியுள்ளது.
இவர்கள் இருவரும் 2006ம் ஆண்டு ஏ.ஆர். முருகதாஸ் இயக்கத்தில் வெளியான 'ஸ்டாலின்' என்ற படத்தில் இணைந்து நடித்து இருந்தனர்.
18 ஆண்டுகளுக்கு பிறகு மீண்டும் இந்த ஜோடி இனியாவது தெலுங்கு ரசிகர்களுக்கு உற்சாகத்தை ஏற்படுத்தியுள்ளது.