Jailer vs Jailer : தனியாளாக தர்ணாவில் ஈடுபட்ட ஜெயிலர் படத்தின் இயக்குநர்!

நெல்சன் இயக்கத்தில் ரஜினி நடித்துள்ள படம் ஜெயிலர். இப்படம் வருகின்ற ஆகஸ்ட் மாதம் 10ம் தேதி வெளியாக உள்ளது.

இந்நிலையில் ஜெயிலர் என்ற பெயரில் மலையாளத்திலும் ஒரு படம் தயாராகி உள்ளது.

சக்கீர் மடத்தில் இயக்கத்தில் தியாகன் ஸ்ரீனிவாசன் நடித்துள்ள இப்படமும் வருகின்ற ஆகஸ்ட் 10ம் தேதிதான் வெளியாகிறது

ஏற்கனவே சன் பிக்சர்ஸ் தரப்பில் இருந்து, சக்கீர் மடத்தில் இயக்கியுள்ள ஜெயிலர் படத்தின் தலைப்பை மாற்றுமாறு கேட்டுக்கொள்ளப்பட்டது. அதற்கு அப்பட இயக்குநர் மறுப்பு தெரிவித்து விட்டார்.

தற்போது தமிழ் ஜெயிலர் படத்திற்கு அதிக திரையரங்குகள் ஒதுக்கப்பட்டதாகவும் மலையாள ஜெயிலர் படத்திற்கு வெறும் 75 திரையரங்குகள் மட்டும் ஒதுக்கப்பட்டதாகவும் அவர் சாடியுள்ளார்.

இதனால் கேரள பிலிம் சேம்பர் அலுவலக வாயிலில் மலையாள சினிமாவை காப்பாற்றுங்கள் என்ற பலகையுடன் தர்னாவில் ஈடுபட்டுள்ளார்.