Leo Update: வருகிறது லியோ திரைப்படத்தின் அடுத்த அப்டேட்..தயாரிப்பாளர் சொன்ன அப்டேட் என்னவா இருக்கும்..?

லோகேஷ் கனகராஜ் இயக்கத்தில் விஜய் நடித்திருக்கும் படம் லியோ. கவுதம் வாசுதேவ் மேனன், த்ரிஷா, அர்ஜூன், மிஷ்கின், பிரியா ஆனந்த், மன்சூர் அலிகான், சஞ்சய் தத் உட்பட நட்சத்திர பட்டாளங்கள் நடிக்கும் லியோ படத்தை செவன் ஸ்கிரீன் நிறுவனம் தயாரிக்கிறது.

படத்துக்கு அனிருத் இசை அமைத்துள்ளார். இந்த படம் அக்டோபர் 19ம் தேதி வெளியாகும் என அறிவிக்கப்பட்டுள்ளது. ஏற்கனவே மாஸ்டரில் லோகேஷ் கனகராஜும் விஜய்யும் இணைந்து மாஸ் காட்டியதால், லியோவிலும் அந்த ஹைப் இருக்கும் என எதிர்பார்க்கப்படுகிறது.

லியோ குறித்த பல்வேறு வதந்திகள் வெளியே கசிந்தாலும் அதன் அப்டேட் குறித்து மிகவும் கவனமாக படக்குழு இருந்து வருகிறது. விஜய் பிறந்த நாளன்று ‘ நான் ரெடி தான்’ பாடலையும், அதன் ஃபர்ஸ்ட் லுக் போஸ்டரையும் படக்குழு வெளியிட்டது.

இதற்கிடையே, பாலிவுட்டின் முன்னணி நடிகர்களில் ஒருவரான சஞ்சய் தத் லியோவில் இணைந்துள்ளதால், அவரது பிறந்த நாளை ஒட்டி லியோவின் கிளிம்ப்ஸ் காட்சிகளை படக்குழு வெளியிட்டது. ஆண்டனி தாஸ் என்ற கேரக்டரில் நடித்திருக்கும் சஞ்சய் தத்தின் க்ளிம்ப்ஸ் வீடியோவை வெளியிட்டது படக்குழு.

இந்த நிலையில் லியோவின் அடுத்த அப்டேட் எப்போது வெளியாகும் என்ற கேள்வி ரசிகர்களிடையே எழுந்துள்ளது. வரும் ஆகஸ்ட் 15ஆம் தேதி சுதந்திர தினத்தன்று நடிகர் அர்ஜுன் தன் பிறந்த நாளைக் கொண்டாட இருக்கிறார். அதை ஒட்டி அன்றைய தினம் லியோ அப்டேட் வெளியாக வாய்ப்புள்ளது. விஜய், சஞ்சய் தத் வரிசையில் அர்ஜுன் பிறந்த நாளன்று, அவரது கேரக்டர் குறித்த க்ளிம்ப்ஸ் காட்சிகள் வெளியாகலாம் என எதிர்பார்க்கப்பட்டது.

இந்நிலையில் லியோ படத்தின் தயாரிப்பாளரான லலித் குமார் சமீபத்தில் தனியார் பேட்டி ஒன்றில் இந்தத் தகவலை உறுதிப்படுத்தி இருக்கிறார். அர்ஜுன் பிறந்தநாளன்று அவருடைய கேரக்டர் பற்றிய முன்னோட்டம் ஒன்று வெளியாகும். அதனை ரசிகர்கள் நிச்சயம் எதிர்பார்க்கலாம் என தெரிவித்துள்ளார்.