Japan Dubbing Video : குரல் மட்டும் இல்ல ஆளே ஒரு மாதிரி.. எதிர்பார்ப்பை எகிற வைக்கும் ஜப்பான் படத்தின் டப்பிங் வீடியோ!

பொன்னியின் செல்வன் படத்திற்கு பின், ராஜு முருகன் இயக்கத்தில் கார்த்தி நடித்துள்ள படம் ஜப்பான்.

இப்படத்தின் போஸ்டர்கள் முன்னதாக வெளியானது. இதில் நடித்துள்ள கார்த்தியின் லுக் அனைவரின் கவனத்தை ஈர்த்தது. சுருட்டை முடி, கலர் கலர் ஆடைகள், கிலோ கணக்கில் ஆபரணங்கள் என அனைத்தும் கார்த்தியை கலக்கலாக காண்பிக்கிறது.

தற்போது, இப்படத்தின் டப்பிங் பணிகள் தீவரமாக நடந்து வருகிறது.

டப்பிங் செய்யும் வீடியோவையே ப்ரோமோஷனுக்காக வெளியிட்டுள்ளது படக்குழு. நடிகர் கார்த்தியும், “வாய்ஸ் மட்டும் இல்ல ஆளே ஒரு மாதிரி” என்ற கேப்ஷனுடன் இந்த டப்பிங் வீடியோவின் லிங்கை தனது இன்ஸ்டா ஸ்டோரியில் பகிர்ந்துள்ளார்.

இயக்குநரான ராஜு முருகன், ஒன்ஸ் மோர் ஒன்ஸ் மோர் என சொல்ல, திரும்ப திரும்ப ரீ-டேக் எடுக்கிறார் கார்த்தி.

கடைசியில் யாரும் எதிர்பார்க்காத வகையில், வித்தியாசமான குரலில், “ ‘ஏய் கர்மா-ன்னா என்னனு தெரியுமா டா உனக்கு..இது வரைக்கும் நீ அடிச்ச கொசு எல்லாம் டைனோசரா மாறி உன் முன்னாடி வந்து நிக்கும்..” என வசனம் பேசி அசத்தியுள்ளார் கார்த்தி.

இந்த டப்பிங் வீடியோவானது, படத்தின் மீதான எதிர்பார்ப்பை அதிகரித்துள்ளது. ஜப்பான் படம் வருகிற தீபாவளிக்கு வெளியாகும் என்பது குறிப்பிடத்தக்கது.