Pisasu 2 Movie Stills: எதிர்ப்பார்ப்புகளை கிளப்பும் பிசாசு 2 ; புது ஸ்டில்ஸ்

இயக்குநர் மிஸ்கின் இயக்கத்தில் கடந்த 2014 ஆம் ஆண்டு வெளியான திரைப்படம் ‘பிசாசு’. இந்நிலையில் படத்தின் அடுத்த பாகத்தை இயக்குநர் மிஸ்கின் இயக்கி வருகிறார். பெரும் எதிர்பார்ப்பிற்கு மத்தியில் உருவாகும் இந்த படத்தை ராக்ஃபோர்ட் எண்டர்டைன்மெண்ட் தயாரித்து வருகிறது. கார்த்திக் ராஜா பிசாசு 2 படத்திற்கு இசையமைக்கிறார்.

படத்தின் ஃபஸ்ட் லுக் போஸ்டர் சமீபத்தில் வெளியானது. இயக்குநர் வெற்றிமாறன் , எஸ்.ஜே.சூர்யா உள்ளிட்ட பிரபலங்கள் பிசாசு 2 இன் ஃபஸ்ட் லுக் போஸ்டரை ட்விட்டர் பக்கத்தில் வெளியிட்டனர்.

பிசாசு 2 படத்தில் நடிகை ஆண்ட்ரியா லீட் ரோலில் நடிக்கிறார். இவரை தவிர நடிகை பூர்ணா, ராஜ்குமார் பிச்சுமணி உள்ளிட்ட நடிகர்களும் நடித்து வருகின்றனர்

பிசாசு முதல் பாகம் எப்படி ரசிகர்களுக்கு வித்தியாசமான அனுபவத்தை கொடுத்ததோ அதேபோல பிசாசு இரண்டாம் பாகமும் ரசிகர்களுக்கு மாறுபட்ட அனுபவத்தை கொடுக்கும் என்கிறார் இயக்குநர் மிஸ்கின்.

படம் எப்போதோ தயாராகியிருக்க வேண்டும் ஆனால் கொரோனா இரண்டாம் அலை காரணமாக பாதிக்கப்பட்ட படங்களுள் பிசாசு இரண்டாம் பாகமும் ஒன்று. பிசாசு 2 அடுத்த ஆண்டு தொடக்கத்தில் திரைக்கு வரும் என எதிர்பார்க்கப்படுகிறது.

பிசாசு 2 திரைப்படத்தின் எக்ஸ்க்ளூசீவ் ஸ்டில்ஸ் சமூக வலைதளத்தில் வைரலாகி வருகின்றது