Dulquer Salman : தக் லைஃப் படத்தில் இருந்து விலகினாரா துல்கர் சல்மான்? என்ன காரணம்?

'நாயகன்' படத்திற்கு பிறகு இயக்குநர் மணிரத்னம் - நடிகர் கமல்ஹாசன் கூட்டணி சேரும் திரைப்படம் 'தக் லைஃப்'.

இப்படத்தில் ஜெயம் ரவி, துல்கர் சல்மான், திரிஷா, அபிராமி, ஐஸ்வர்யா லட்சுமி உள்ளிட்ட ஏராளமான நட்சத்திரங்கள் நடித்து வருகிறார்கள்.

நடிகர் கமல்ஹாசனின் ராஜ்கமல் ஃபிலிம்ஸ் இன்டர்நெஷனல், மணிரத்னத்தின் மெட்ராஸ் டாக்கீஸ் மற்றும் உதயநிதி ஸ்டாலினின் ரெட் ஜெயண்ட் மூவிஸ் ஆகிய மூன்று நிறுவனங்கள் இணைந்து தயாரிக்கும் இப்படத்திற்கு ஏ.ஆர். ரஹ்மான் இசையமைக்கிறார்.

மிகுந்த எதிர்பார்ப்புக்கு மத்தியில் உருவாகி வரும் இப்படத்தில் இருந்து நடிகர் துல்கர் சல்மான் விலகியதாக தகவல்கள் வெளியாகியுள்ளது.

தற்போது சுதா கொங்கரா இயக்கத்தில் புறநானூறு மற்றும் இரு மலையாள படங்களில் துல்கர் சல்மான் பிஸியாக நடித்து வருவதால் கால்ஷீட் பிரச்சினை காரணமாக 'தக் லைஃப்' படத்தில் இருந்த அவர் விலகிவிட்டார் என கூறப்படுகிறது.

இதனால் அவருக்கு பதிலாக 'தக் லைஃப்' யார் நடிக்க போகிறார் என்ற எதிர்பார்ப்பு ரசிகர்கள் மத்தியில் எழுந்துள்ளது.