ARR Vs Anirudh : ‘ஏ.ஆர்.ரஹ்மானிடம் இருப்பது உங்களிடம் இல்லை..’ ஜவான் பாடலை கேட்டு ஏமாற்றமடைந்த பாலிவுட் ரசிகர்கள்!

தனுஷ் நடிப்பில் வெளியான 3 படத்தில் இசையமைப்பாளராக அறிமுகமானவர் அனிருத். தன் முதல் படத்திலேயே பல இசை ரசிகர்களின் மனதை வென்றார்.

தொடர்ந்து பல ஆல்பம் பாடல்களிலும், படங்களிலும் இசையமைத்து வருகிறார். விக்ரம் படத்தில் இவர் அமைத்த பின்னணி இசையை கேட்ட மற்ற மாநில மக்கள் அசந்து போய், அனிருதைம் “பி.ஜி.எம் கிங்” என போற்றினர். அதனால் அடுத்தடுத்த படங்களில் ஒப்பந்தமாகினார் அனிருத்.

அட்லீ இயக்கத்தில் ஷாருக்கான் நடிப்பில் உருவான ஜவான் படத்திற்கு அனி, இசையமைத்துள்ளார். ஜிந்தா பண்டா, சாலேயா, நாட் ராமையா வஸ்தாவையா ஆகிய பாடல்கள் வெளியாகி கலவையான விமர்சனங்களை பெற்று வருகிறது.

பல பாலிவுட் ரசிகர்களுக்கு, ஜவானின் பாடல்கள் அதிருப்தியை ஏற்படுத்தியுள்ளது. ‘ஏ.ஆர்.ரஹ்மானிடம் இருப்பது உங்களிடம் இல்லை அனிருத்’என ஒரு சிலர் கருத்து தெரிவித்து வருகின்றனர்.

‘நாட் ராமையா வஸ்தாவையா’ பாடலை கேட்ட பின் ‘ஒரே மாதிரியான இசையை அமைக்காமல், மக்களின் டேஸ்டிற்கு ஏற்றவாரு இசை அமைப்பதில் கை தேர்ந்தவர் ரஹ்மான். அதனால்தான் அவர் தணித்து நிற்கின்றார்’என ஏ.ஆர்.ரஹ்மானின் ரசிகர் ஒருவர் எக்ஸ் தளத்தில் ட்வீட் செய்துள்ளார்.

ஜவான் படத்தினால் அனிருத் மோசமான இசையமைப்பாளராக ஆகிவிட மாட்டார். ஏனெனில் அவர் இசையமைத்த பல பாடல்கள் பெரும் அளவில் ஹிட்டானதால்தான் அவர் இந்த இடத்தில் இருக்கிறார் என்பதை மறந்து விட கூடாது.