2018 Movie : மலையாள சினிமாவில் வசூலை மலை போல் குவித்த ’2018’ படம் - இப்போது ஓடிடியில் வெளியாக உள்ளது !

மலையாளத்தில் ஜூட் அந்தனி ஜோசப் இயக்கத்தில் கடந்த மே 5 ஆம் தேதி வெளியான படம் “2018”

இப்படத்தில் டோவினோ தாமஸ், ஆசிஃப் அலி, குஞ்சாகா போபன், வினீத் ஸ்ரீனிவாசன், கலையரசன், நரேன், அபர்ணா பாலமுரளி, லால் உள்ளிட்ட பலரும் நடித்திருந்தனர்

இந்த படமானது 2018 ஆம் ஆண்டு கேரளா மாநிலம் சந்தித்த பெருவெள்ளத்தை அடிப்படையாக கொண்டு உருவாக்கப்பட்டிருந்தது

கேரளாவில் படம் ரிலீசானதில் இருத்து ஹவுஸ்ஃபுல் காட்சிகளாகவே ஓடிக்கொண்டிருக்கிறது.இப்படம் 11 நாட்களில் ரூ.100 கோடியை வசூல் செய்து சாதனைப் படைத்தது.

இந்த படத்துக்கு கிடைத்த வரவேற்பை தொடர்ந்து தமிழ், தெலுங்கு உள்ளிட்ட மொழிகளில் டப் செய்து கடந்த 26ம் தேதி வெளியானது.

இதனிடையே ’2018’ படம் சோனி லைவ் ஓடிடி தளத்தில் வரும் ஜூன் 7 ஆம் தேதி வெளியாகும் என அறிவிக்கப்பட்டு உள்ளது.