ஓடுபாதையில் வெடித்து சிதறிய விமானம்..! வானுயர தீப்பிழம்பு - பரிதாபமாக இருவர் பலி - வீடியோ வைரல்

Flight Accident: தரையிறங்கும்போது ஏற்பட்ட விபத்தில் விமானம் வெடித்து சிதறிய கோர விபத்து டொமினிகன் குடியரசில் அரங்கேறியுள்ளது.

விமான விபத்து

Source : social media/x

Flight Accident: டொமினிகன் குடியரசில் ஏற்பட்ட பயங்கர விபத்தில், விமான ஓட்டி உள்ளிட்ட இருவர் சம்பவ இடத்திலேயே உயிரிழந்தனர்.

வெடித்து சிதறிய விமானம்:

டொமினிகன் குடியரசின் லா ரொமானா சர்வதேச விமான நிலையத்தின் ஓடுபாதையில் தனியார் விமானம் ஒன்று விபத்துக்குள்ளானதில், அதன் விமானி மற்றும் துணை விமானி உயிரிழந்ததாக அந்நாட்டின் தேசிய விமானப் போக்குவரத்து ஆணையம் அறிவித்துள்ளது.  விபத்தின் போது விமானத்தில் வேறு எந்த பயணிகளும் இல்லை எனவும் அதிகாரிகள் தரப்பில் தெரிவிக்கப்பட்டுள்ளது..  டொமினிகன் சிவில் விமானப் போக்குவரத்து நிறுவனத்தின் அறிக்கையின்படி, லா ரொமானாவிற்கு தென்மேற்கே சுமார் 16 கடல் மைல் தொலைவில் இருந்தபோது விமானம் அவசரநிலையை அறிவித்து, விமான நிலையத்திற்குத் திரும்ப முயன்றபோது கீழே விழுந்ததாக தெரிவிக்கப்பட்டுள்ளது.

இணையத்தில் வைரலாகும் விபத்து வீடியோ:

விபத்து தொடர்பான வீடியோக்கள் இணையத்தில் வேகமாக பரவி வருகின்றன. அதில் விமான நிலையத்திலிருந்து பெரும் புகை மண்டலம் எழுவதும், தீயை அணைப்பதற்காக தீயணைப்பு வாகனங்கள் தண்ணீரைப் பீய்ச்சியடிப்பதும் காணப்பட்டன. விமானப் போக்குவரத்து ஆணையத்தின்படி, கல்ஃப்ஸ்ட்ரீம் ஜி200 ரக விமானம் சம்பந்தப்பட்ட விபத்துக்கான காரணத்தைக் கண்டறிய விசாரணை தொடங்கப்பட்டுள்ளது.

WATCH: Private jet crashes while emergency landing at La Romana International Airport in Dominican Republic. pic.twitter.com/oiaEIRPjes

— AZ Intel (@AZ_Intel_) June 7, 2026

விபத்து தொடர்பான வீடியோவின்படி, அவசர கதியில் தரையிறக்கப்பட்ட விமானமாது, ஓடுபாதையில் பயணிக்கும்போது ஓட்டுனரின் கட்டுப்பாட்டை இழந்து அருகே உள்ள புல்வெளியில் சரிந்துள்ளது. தாறுமாறாக சறுக்கிச் சென்று மேலே உயர்ந்து மீண்டும் ஓடுபாதைக்குள் திரும்பும்போது, விமானத்தின் அடிப்பகுதி தரையுடன் பயங்கரமாக மோதி, தீ விபத்து ஏற்பட்டு விமானம் வெடித்து சிதறியுள்ளது. இதனால் பல அடி உயரத்திற்கு கரும்புகையுடன் பயங்கர தீப்பிழம்புகள் எழுந்துள்ளது.

WATCH: Another angle shows the private jet crash during an attempted emergency landing at La Romana International Airport in the Dominican Republic. Two crew members were killed. pic.twitter.com/9lWZms7ynF

— Breaking911 (@Breaking911) June 8, 2026

தொடரும் விபத்துகள்:

1.16 கோடி மக்கள் வசிக்கும் டொமினிகன் குடியரசின் சுற்றுலாத்துறை அந்நாட்டு பொருளாதாரத்தின் ஒரு முக்கியத் தூணாக விளங்குகிறது. லா ரொமானா சர்வதேச விமான நிலையம் அருகிலுள்ள சுற்றுலாத் தலமான லா ரொமானாவிற்கான இணைப்புச் சேவையை வழங்குகிறது. 2021-ஆம் ஆண்டில் சாண்டோ டொமிங்கோவில் உள்ள லாஸ் அமெரிக்காஸ் சர்வதேச விமான நிலையத்திலிருந்து புறப்பட்ட ஒரு தனியார் விமானம் விபத்துக்குள்ளாகி ஒன்பது பேர் உயிரிழந்ததைத் தொடர்ந்து இந்தச் சம்பவம் நிகழ்ந்துள்ளது.