Zelensky Vs America: இனி அமெரிக்காவ நம்பி யூஸ் இல்ல.! நேட்டோவை தூண்டிவிடும் ஜெலன்ஸ்கி; சொல்வது நடக்குமா.?

ஈரான் விவகாரத்தில் நேட்டோ மீது அமெரிக்க அதிபர் ட்ரம்ப் கோபத்தில் இருக்கும் இந்த நேரத்தில், உக்ரைன் அதிபர் ஜெலன்ஸ்கி கூறியுள்ள ஒரு விஷயம் பெரும் பரபரப்பை ஏற்படுத்தியுள்ளது. அது என்ன.? பார்க்கலாம்.

ஐரோப்பா தனி ராணுவத்தை கட்டமைக்க வேண்டும் - ஜெலன்ஸ்கி

Source : X

ஈரானுக்கு எதிரான போரில், குறிப்பாக ஹார்முஸ் ஜலசந்தியை திறக்கும் விஷயத்தில் தங்களுக்கு உதவுமாறு, நேட்டோ நாடுகளுக்கு அமெரிக்க அதிபர் ட்ரம்ப் அழைப்பு விடுத்தார். ஆனால், அவ்வாறு யாரும் செய்யாததால், ஐரோப்பிய நாடுகள் அங்கம் வகிக்கும் நேட்டோ மீது கோபத்தில் உள்ளார் ட்ரம்ப். இந்த நேரத்தில், இனி அமெரிக்காவை நம்பாமல், ஐரோப்பா தங்களுக்கென ஒரு தனி ராணுவத்தை கட்டமைக்க வேண்டும் என உக்ரைன் அதிபர் ஜெலன்ஸ்கி அறிவுறுத்தியுள்ளது, பெரும் பரபரப்பை ஏற்படுத்தியுள்ளது.

நேட்டோவை தூண்டிவிடும் ஜெலன்ஸ்கி

இது தொடர்பாக, பாட்கேஸ்ட் ஒன்றிற்கு அளித்த பேட்டி குறித்து  தனது சமூக வலைதள பக்கத்தில் பதிவிட்டுள்ள உக்ரைன் அதிபர் ஜெலன்ஸ்கி, அமெரிக்கா உண்மையிலேயே நேட்டோவிலிருந்து விலக நினைத்தால், ஐரோப்பிய பாதுகாப்பு முற்றிலும் ஐரோப்பிய ஒன்றியத்தையே சார்ந்திருக்கும்.  ஆனால், அதன் தற்போதைய வடிவத்தில் அல்ல என்று கூறியுள்ளார்.

மேலும், ஐரோப்பிய ஒன்றியத்திற்கு இன்னும் பல நாடுகள் தேவைப்படும் ஒரு சூழ்நிலையில் இருப்பதாக தான் நினைப்பதாகவும், இங்கிலாந்து, உக்ரைன், துருக்கி மற்றும் நார்வே. இவை நான்கும் ஐரோப்பாவின் அங்கமான வலிமையான நாடுகள் என்றும் கூறியுள்ளார். அதோடு, இங்கிலாந்து, உக்ரைன் மற்றும் துருக்கி ஆகிய நாடுகளின் படைகள் ஒன்றுசேர்ந்து, ரஷ்யாவின் படையை விட வலிமையானவை என்று கூறியுள்ள ஜெலன்ஸ்கி, உக்ரைன் மற்றும் துருக்கி இல்லாமல், ஐரோப்பாவால் ரஷ்யாவிற்கு ஈடாக எதிர்த்து நிற்க முடியாது என்று தெரிவித்துள்ளார்.

அதோடு, இந்த நான்கு நாடுகளும் இணைந்தால், கடல்களின் கட்டுப்பாட்டை கைப்பற்றலாம், வான்வெளியைப் பாதுகாக்கலாம் மற்றும் மிகப்பெரிய தரைப்படைகளை கொண்டிருக்கலாம் என்றும் அவர் கூறியுள்ளார். இது தாக்குதல் பற்றியது அல்ல, ஏனென்றால் 2030-க்குள் 2.5 மில்லியன் மக்களைக் கொண்ட ஒரு ராணுவத்தை உருவாக்க ரஷ்யா முடிவு செய்யும்போது, ​​ஐரோப்பா தனது பாதுகாப்பை பற்றியும், தனது சுதந்திரத்தை எவ்வாறு பாதுகாப்பது என்பது பற்றியும் சிந்திக்க வேண்டும் என்று அறிவுறுத்தியுள்ளார் ஜெலன்ஸ்கி.

மேலும், இங்கிலாந்து ஒரு காலத்தில் ஐரோப்பிய ஒன்றியத்தில் உறுப்பினராக இருந்தது என்றும், துருக்கியை பொறுத்தவரை, விவசாயம் குறித்து கவலைகள் உள்ளன எனவும், ஆனால், உங்களிடம்(ஐரோப்பிய ஒன்றியம்) உண்மையிலேயே ஒரு சிறந்த பொருளாதாரம் இருந்தால், இவை அனைத்தையும் நீங்கள் சமாளிக்க முடியும் என்று அவர் கூறியுள்ளார். ஆனால், பாதுகாப்புக்குத்தான் முதல் இடம், பொருளாதாரத்திற்கு இரண்டாம் இடம். இதற்கு நேர்மாறாக அல்ல என்று தெளிவுபடுத்தியுள்ளார் ஜெலன்ஸ்கி.

If the United States truly thinks about withdrawing from NATO, then European security will be based solely on the European Union. But not in its current form. I think that the EU is in a situation where it needs more countries.

The UK, Ukraine, Türkiye, and Norway. These are… pic.twitter.com/3428WkklSQ

— Volodymyr Zelenskyy / Володимир Зеленський (@ZelenskyyUa) April 10, 2026

ஈரான் போரில் உதவவில்லை என்று அமெரிக்க அதிபர் ட்ரம்ப், ஐரோப்பிய ஒன்றியத்தின் மீது கோபமாக உள்ள இந்த நேரத்தில், ஜெலன்ஸ்கியின் இந்த கருத்து பெரும் பரபரப்பை ஏற்படுத்தியுள்ளது.