Viral Video: சாலையில் வாளுடன் வலம் வந்த சீக்கியர் - நடுரோட்டில் கண்மூடித்தனமாக என்கவுன்டர் - வீடியோ வைரல்
Sikh Shot Dead US: கையில் வாளை ஏந்தி சுற்றி திரிந்த நபரை நடுரோட்டில் போலீசார் சுட்டுக் கொன்ற சம்பவம் அமெரிக்காவின் லாஸ் ஏஞ்சல்ஸில் அரங்கேறியுள்ளது.

Sikh Shot Dead US: கையில் வாளை ஏந்தி சுற்றி திரிந்த நபரை நடுரோட்டில் போலீசார் சுட்டுக் கொன்ற சம்பவத்தின் வீடியோ இணையத்தில் வைரலாகியுள்ளது.
கையில் வாளுடன் சுற்றி திரிந்த சீக்கியர்
அமெரிக்காவின் லாஞ் ஏஞ்சல்ஸில் போலீசாருடன் ஏற்பட்ட மோதலில் நடுரோட்டில் வைத்து சீக்கியர் சுட்டுக் கொல்லப்பட்ட சம்பவம் அதிர்ச்சியை ஏற்படுத்தியுள்ளது. 36 வயதான குர்ப்ரீத் சிங் என அடையாளம் காணப்பட்ட அந்த நபர், சம்பவத்தின் போது கையில் வாளை ஏந்தியபடி நடுரோட்டில் நின்று கட்கா எனப்படும் சீக்கியர்களின் தற்காப்பு கலை வித்தைகளை செய்துள்ளார். போலீசார் வெளியிட்டுள்ள தகவல்களின்படி, க்ரிப்டோ.காம் அரேனா பகுதியில் இந்த சம்பவம் நிகழ்ந்துள்ளது. கொல்லப்பட்ட நபரிடமிருந்து சீக்கியர்கள் பயன்படுத்தக்கூடிய கண்டா எனப்படும் இருமுனை கூர் வாள் கைப்பற்றப்பட்டுள்ளது.
நடந்தது என்ன?
கடந்த 13ம் தேதி காவல்துறையின் அவசர எண்ணுக்கு, சம்பவம் நடந்த பகுதியில் இருந்து பல புகார் அழைப்புகள் வந்துள்ளன. அதில், ஒரு நபர் கையில் கூரிய ஆயுதத்தை சுழற்றியபடி சாலையில் திரிவதாக தெரிவித்துள்ளனர். வாகனத்தை நடு ரோட்டில் நிறுத்திவிட்டு ஆயுத்தத்தை சுழற்றியபடி திரிந்த நபரை நெருங்கிய போலீசார், அதனை கீழே போட்டுவிட்டு சரணடையும்படி வலியுறுத்தியுள்ளனர். ஆனால், அதனை ஏற்க மறுத்த குர்ப்ரீத் தனது காரில் ஏறி தப்பிக்க முயன்று தாறுமாறாக வாகனத்தை ஓட்டியுள்ளார். ஒரு கட்டத்தில் போலீசாரின் வாகனத்தின் மீதே தனது காரை மோதியுள்ளார்.
Trigger warning ⚠️
— Nabila Jamal (@nabilajamal_) August 29, 2025
Footage of a Sikh man shot in police encounter in Los Angeles released
Clips show 35yr old Gurpreet Singh performing gatka.. a traditional martial art on the street. Moments later he’s seen carrying a machete and allegedly threatening people nearby… pic.twitter.com/EJK0KcUKtO
சுட்டுக் கொல்லப்படும் வைரல் வீடியோ:
இதையடுத்து காரில் இருந்து கீழே இறங்கிய நபரை போலீசார் சுற்றி வளைத்தனர். துப்பாக்கியை எடுத்துக் கொண்டு அவரை கைது செய்ய காரில் இருந்து இறங்கியுள்ளனர். அப்போது குர்ப்ரீத் கையில் வாளை ஏந்தியபடி போலீசாரை நோக்கி வேகமாக ஓடி வந்துள்ளார். இதனால், காவலர் ஒருவர் தனது துப்பாக்கியால் சரமாரியாக சுட்டதில், தோட்டாக்கள் பாய்ந்து குர்ப்ரீத்தின் உயிர் சம்பவ இடத்திலேயே பிரிந்தது. இந்த சம்பவத்தில் காவல்துறையினருக்கோ அல்லது பொதுமக்களுக்கோ எந்த காயமும் ஏற்படவில்லை என தெரிவிக்கப்பட்டுள்ளது. அதேநேரம், துப்பாக்கிச் சூடு சம்பவம் தொடர்பாக விசாரணை தொடங்கப்பட்டுள்ளது.
ட்ரெண்டிங் செய்திகள்






















