New Year 2023 LIVE: புத்தாண்டு பிறந்தது.. 2023ம் ஆண்டை ஆடிப்பாடி வரவேற்ற மக்கள்...!

New Year 2023 LIVE Updates: உலகம் முழுவதும் நடைபெறவுள்ள புத்தாண்டு கொண்டாட்டங்கள் குறித்த லைவ் அப்டேட்டுகளுக்கு ஏபிபி நாடுடன் இணைந்து இருங்கள்.

Background

ஆங்கில புத்தாண்டையொட்டி நட்சத்திர விடுதிகளுக்கு சென்னை காவல்துறை கட்டுப்பாடு விதித்துள்ளது. விதிக்கப்பட்ட கட்டுப்பாடுகள்:நட்சத்திர விடுதிகளில் புத்தாண்டையொட்டி 80% பேருக்கு மட்டுமே அனுமதி வழங்க வேண்டும்.புத்தாண்டு கொண்டாட்டத்தின்போது நீச்சல் குளத்தில் குளிக்க அனுமதி இல்லை.நட்சத்திர விடுதிகளில் நள்ளிரவு 1 மணிக்கு மேல் புத்தாண்டு கொண்டாட்டங்களை நடத்தக்கூடாது.அதிகமான போதையில் இருக்கும் நபர்கள் நட்சத்திர விடுதிகளில் அனுமதிக்கப்படக்கூடாது. நட்சத்திர விடுதிகளின் கொண்டாட்ட பகுதிகளில் சிசிடிவி கேமராக்கள் பொருத்தப்பட்டிருக்க வேண்டும்.நட்சத்திர விடுதிகளில் போதைப்பொருட்களை பயன்படுத்தக்கூடாது.சென்னை மக்களுக்கு விழிப்புணர்வு குறுஞ்செய்திகள் அனுப்பப்படும்.நட்சத்திர ஹோட்டல்களில் உள்ள நீச்சல் குளம் அருகே எந்த நிகழ்ச்சியையும் நடத்தக்கூடாது. மது விருந்து நடைபெறும் இடத்தில் 18 வயதுக்கு கீழ் உள்ளவர்களுக்கு அனுமதி கூடாது. 31.12.2022 அன்று இரவு பொது இடங்களிலும் சாலைகளிலும் கூட்டம் கூடுவதைத் தவிர்க்க வேண்டும். வீடுகளில் குடும்பத்துடன் இருந்து புத்தாண்டை கொண்டாடி மகிழ்வது சிறந்தது.31.12.2022 அன்று மாலை முதல் சுமார் 90,000 காவல்துறையினர், 10,000 ஊர்க்காவல் படையினர் பாதுகாப்பு வாகனச் பணியில் ஈடுபடுவார்கள். சோதனை தமிழ்நாடு முழுவதும் நடைபெறும். எனவே, நள்ளிரவு, மோட்டார் வாகனங்களில் தேவையின்றி சுற்றுவதைத் தவிர்க்குமாறு அறிவுறுத்தப்படுகிறது.நள்ளிரவு 1 மணிக்கு மேல் பொது இடங்களில் புத்தாண்டு குதூகல கொண்டாட்டங்களுக்கு அனுமதியில்லை.முதல்நாள் இரவும், புத்தாண்டின் போதும் கடற்கரைகளில் பொதுமக்கள் கடல் நீரில் இறங்கி கொண்டாட்டங்களில் ஈடுபடக் கூடாது. மது அருந்தியவர்கள், வாகனம் ஓட்டக் கூடாது. மீறினால் கைது செய்யப்படுவர், அவர்களின் வாகனமும் பறிமுதல் செய்யப்படும்.அதிவேகமாகவும், கவனக்குறைவாகவும் வாகனம் ஓட்டுபவர்கள் மீது நடவடிக்கை எடுக்கப்படும். விபத்துக்களை தவிர்க்கவும் உயிர் சேதத்தை குறைக்கவும் மட்டுமே இந்த நடவடிக்கைகள்.மோட்டார் வாகனங்களில் நீண்ட தூரம் இரவு நேரங்களில் பயணிப்பவர்கள், மூன்று மணி நேரத்திற்கு ஒரு முறை பாதுகாப்பான இடங்களில் நிறுத்தி தேநீர் அருந்தி, பின்னர் பயணத்தினை தொடர அறிவுறுத்தப்படுகிறார்கள். அதற்காக இரவு முழுவதும் நெடுஞ்சாலைக் கடைகள் திறக்க அனுமதிக்கப்பட்டுள்ளன.வழிபாட்டுத் தலங்களுக்கு காவல்துறையால் உரிய பாதுகாப்பு வழங்கப்பட்டுள்ளது. அங்கு குழப்பம் விளைவிக்க முனைவோர் கைது செய்யப்படுவார்கள்.வெளியூர்களுக்கு செல்பவர்கள், அருகிலுள்ள காவல் நிலையத்தில் தகவல் தெரிவித்தால் பூட்டிய வீட்டருகில் காவல் ரோந்து ஏற்பாடு செய்யப்படும். இதனால் பூட்டிய வீடுகளில் திருட்டுச் சம்பவங்கள் தவிர்க்கப்படும்.கேளிக்கை விடுதிகளில் புத்தாண்டு கொண்டாட்டங்களின்போது காவல்துறையின் அனைத்து நிபந்தனைகளையும் கட்டாயம் கடைப்பிடிக்கப்பட வேண்டும்.கண்காணிப்பு கேமராக்கள் பொருத்திய ரோந்து வாகனங்கள் மூலம் பொது அமைதிக்கு குந்தகம் விளைவிப்பவர்கள் கண்காணிக்கப்படுவார்கள். பைக் ரேஸ் உள்ளிட்ட ஆபத்தான செயல்களில் ஈடுபடுகின்றவர்கள் மீது தகுந்த நடவடிக்கை எடுக்க காவல் துறையினர் அறிவுறுத்தப்பட்டிருக்கிறார்கள். அத்தகையவர்கள் பற்றிய தகவலை காவல்துறைக்கு 100 என்ற தொலைபேசி எண்ணில் தகவல் தெரிவிக்கலாம். பொதுமக்களின் இரகசியம் காக்கப்படும்.கட்டணமில்லா தகவல் தரும்அவசர உதவி தேவைப்படுபவர்கள் 'காவல் உதவி' என்ற அதிகாரப்பூர்வ செயலியை பயன்படுத்துமாறும் கேட்டுக் கொள்ளப்படுகிறார்கள். அதற்கு 'காவல் உதவி' செயலியை இன்றே பதிவிறக்கம் செய்யவும் கேட்டுக்கொள்கிறோம்.சென்னையில் ஆங்கிலப்புத்தாண்டு கொண்டாட்டத்தில் பின்பற்ற வேண்டிய விதிமுறைகள் குறித்து காவல் ஆணையர் சங்கர் ஜிவால் விளக்கமளித்தார். அதில், மதுபோதையில் வாகனங்களை இயக்குபவர்கள் மீது கடும் நடவடிக்கை எடுக்கப்படும். இரவு நேரத்திலும் தெளிவாக படம் பிடிக்கக்கூடிய ட்ரோன் கேமராக்கள் மூலம் கண்காணிக்கப்பட உள்ளது. மெரினா காமராஜர் சாலையில் டிசம்பர் 31ம் தேதி இரவு 7 மணிக்கு மேல் வாகனங்களுக்கு அனுமதியில்லை. புத்தாண்டு அன்று சென்னையில் 368 இடங்களில் வாகன சோதனை நடத்தப்படும். சோதனைச்சாவடிகள் மட்டுமின்றி ரோந்து வாகனம் மூலமும் பைக் ரேஸ் தடுக்கப்படும்.பைக் ரேஸில் ஈடுபட்டதாக இதுவரை 368 இருசக்கர வாகனங்கள் பறிமுதல் செய்யப்பட்டுள்ளன. புத்தாண்டு கொண்டாட்டத்தின்போது போதைப்பொருள் பயன்படுத்துவது கண்டறியப்பட்டால் கடும் நடவடிக்கை எடுக்கப்படும். ” என தெரிவித்தார்.  

31/12/2022 23:44:17

இன்னும் சில நிமிடங்களில் புத்தாண்டு... உற்சாகத்தில் துள்ளிக்குதிக்கும் மக்கள்..!

இன்னும் சற்று நேரத்தில் புத்தாண்டு பிறக்க உள்ளதால் பொதுமக்கள் மிகுந்த உற்சாகத்துடன் ஆர்வத்துடன் காத்துள்ளனர். 

31/12/2022 23:20:56

இன்னும் சற்று நேரத்தில் புத்தாண்டு.. பட்டாசுகளை கொளுத்தும் மக்கள்....!

2023ம் ஆண்டை வரவேற்கும் விதமாக பல பகுதிகளிலும் பட்டாசுகள் வெடித்து இளைஞர்களும், சிறுவர்களும் மகிழ்ச்சியில் திளைத்து வருகின்றனர். 

31/12/2022 23:11:34

கோயில்கள், தேவாலயங்களில் சிறப்பு வழிபாடு..!

புத்தாண்டு பிறக்க உள்ளதை முன்னிட்டு கோயில்கள், தேவாலயங்களில் சிறப்பு வழிபாடு நடைபெற்று வருகிறது. 

31/12/2022 22:03:17

புத்தாண்டு வரவேற்க ஆரவாரத்துடன் காத்திருக்கும் மக்கள்..!

புத்தாண்டு கொண்டாட்டத்திற்காக பூங்காக்கள், பிரதான சாலைகள் மற்றும் வணிக வளாகங்களில் மக்கள் சென்னையில் கூடி ஆர்ப்பரித்து வருகின்றனர். 

31/12/2022 21:40:11

சிங்கப்பூரில் பிறந்தது 2023 புத்தாண்டு..!

சிங்கப்பூரில் 2023ம் ஆண்டு புத்தாண்டு பிறந்தது. அந்த நாட்டு மக்கள் கோலாகலமாக கொண்டாடி வருகின்றனர். 

31/12/2022 21:27:40

சென்னையில் வெறிச்சோடிய கடற்கரைகள்..!

புத்தாண்டு கொண்டாட்டத்தில் அசம்பாவிதங்களை தவிர்க்கும் நோக்கில், போலீசார் கடும் கட்டுப்பாடுகளை விதித்து தீவிர வாகன சோதனையில் ஈடுபட்டுள்ளனர். கடற்கரையில் பொதுமக்களுக்கு அனுமதி மறுக்கப்பட்டதால் மெரினா, சாந்தோம் உள்ளிட்ட கடற்கரைகளிலும், காமராஜர் சாலை உள்ளிட்டவையும் வெறிச்சோடி காணப்படுகின்றன.

31/12/2022 21:22:31

2023ம் ஆண்டும் கடினமாக தான் இருக்கும்..! - ரிஷி சுனக்

இங்கிலாந்து பிரதமர் ரிஷி சுனக் வெளியிட்டுள்ள புத்தாண்டு வாழ்த்து செய்தியில், அடுத்த 12 மாதங்களிலும் இங்கிலாந்தின் பிரச்னை தீர்வுக்கு வராது. 2023-ம் ஆண்டும் இங்கிலாந்து மக்களுக்கு நெருக்கடியான ஆண்டாகதான் இருக்கும். இந்த நெருக்கடியான 12 மாதங்களைக் கடந்த பின் இங்கிலாந்து மிகச் சிறந்ததாக இருக்கும் என, ரிஷி சுனக் நம்பிக்கை தெரிவித்துள்ளார்.

31/12/2022 19:15:26

புத்தாண்டை கடற்கரையில் கொண்டாட அனுமதி இல்லை..!

இன்று இரவு கடலூர் கடற்கரையில் புத்தாண்டை கொண்டாட அனுமதி இல்லை என கடலூர் காவல் துறை தெரிவித்துள்ளது. 

31/12/2022 18:37:54

ஆஸ்திரேலியாவில் புத்தாண்டுக் கொண்டாட்டம்..!

இந்திய நேரப்படி மாலை 6.30 மணிக்கு ஆஸ்திரேலியாவில் நள்ளிரவு 12 மணி என்பதால், அங்கு புத்தாண்டு பிறந்துள்ளது. புத்தாண்ண்டை அந்நாட்டு மக்கள் வானவேடிக்கையுடன் வரவேற்று கொண்டாடி வருகின்றனர். 

31/12/2022 18:31:22

ரஷ்யாவை அழிக்க உக்ரைனை மேற்குலகம் பயன்படுத்துகிறது - புதின்

 ரஷ்ய அதிபர் விளாடிமிர் புடின், ரஷ்ய அரசு தொலைக்காட்சியில் ஒளிபரப்பான புத்தாண்டு வீடியோ செய்தியில், ரஷ்யாவை அழிக்க உக்ரைனை ஒரு கருவியாக பயன்படுத்தும் மேற்குலகின் முயற்சிகளுக்கு தனது நாடு ஒருபோதும் அடிபணியாது என்று கூறினார். உக்ரைனில் ரஷ்யா தனது தாய்நாட்டைப் பாதுகாக்கவும், அதன் மக்களுக்கு "உண்மையான சுதந்திரத்தை" பெறவும் உக்ரைனில் போராடுவதாக புடின் தனது புத்தாண்டு செய்திக்குறிப்பில்  கூறியுள்ளார். 

31/12/2022 17:59:39

காமராஜர் சாலையில் போக்குவரத்து..!

புத்தாண்டு கொண்டாட்டங்களுக்காக சென்னையில் பல்வேறு சாலையில் போக்குவரத்து மாற்றம் எதுவும் இல்லை அறிவிக்கப்பட்டுள்ளது. 

31/12/2022 16:54:44

விராட் கோலி பதிவிட்ட 2022ன் கடைசி சூரிய உதயம்..!

இந்திய அணியின் முன்னாள் கேப்டனும், கிரிக்கெட் வீரருமான விராட் கோலி சனிக்கிழமை ட்விட்டரில் "2022 இன் கடைசி சூரிய உதயம்" என்ற தலைப்புடன் சூரிய உதயத்தின் படத்தை வெளியிட்டார். படத்தில் கோலி அவரது மனைவி அனுஷ்கா சர்மா மற்றும் அவரது மகள் வாமிகாவுடன் உள்ளார். 

31/12/2022 16:34:26

நியூசிலாந்தில் பிறந்தது புத்தாண்டு..!

நியூசிலாந்து நாட்டில் ஆக்லாந்து நகரில் புத்தாண்டு கொண்டாட்டம் கோலாகலமாக கொண்டாடப்பட்டது. 

31/12/2022 15:57:16

பிறந்தது புத்தாண்டு..!

உலகிலேயே முதன் முதலில் கிருஸ்துமஸ் தீவில் அமைந்துள்ள கிரிபாட்டி நாட்டில் புத்தாண்டானது பிறந்தது. இங்கு 2023ஆம் ஆண்டினை கோலாகளமாக மக்கள் வரவேற்று மகிழ்ச்சியை வெளிப்படுத்தி வருகின்றனர். 

31/12/2022 15:49:38

கோவிட் கட்டுப்பாடுகள் ஏதுமின்றி 2023 இல் ஆஸ்திரேலியா..!

கொரோனா கட்டுப்பாடுகள் ஏதுமின்றி ஆஸ்திரேலியாவில்  புத்தாண்டு கொண்டாட்டங்கள் கொண்டாடப்படவுள்ளது. 

31/12/2022 15:20:27

இங்கிலாந்தின் பிரச்சனைகள் 2023ல் நீங்காது என புத்தாண்டு செய்தியில் பிரதமர் ரிஷி சுனக் எச்சரிக்கை..!

புத்தாண்டில் எங்கள் பிரச்சனைகள் அனைத்தும் தீர்ந்துவிடும் என்று நான் நடிக்கப் போவதில்லை என்று சுனக் கூறினார். "ஆனால் 2023, உலக அரங்கில் பிரிட்டனின் மிகச் சிறந்ததை வெளிப்படுத்தும் வாய்ப்பை வழங்கும்... சுதந்திரம் மற்றும் ஜனநாயகம் அச்சுறுத்தலுக்கு உள்ளாகும் இடமெல்லாம் பாதுகாக்கப்படும்" என்று அவர் கூறினார்.

31/12/2022 13:46:00

தமிழ்நாட்டில் உள்ள நட்சத்திர விடுதிகளுக்கு விதிக்கப்பட்ட புத்தாண்டு விதிமுறைகள் இதோ...!

• நட்சத்திர விடுதிகளில் புத்தாண்டையொட்டி 80% பேருக்கு மட்டுமே அனுமதி வழங்க வேண்டும்.


• புத்தாண்டு கொண்டாட்டத்தின்போது நீச்சல் குளத்தில் குளிக்க அனுமதி இல்லை.


• நட்சத்திர விடுதிகளில் நள்ளிரவு 1 மணிக்கு மேல் புத்தாண்டு கொண்டாட்டங்களை நடத்தக்கூடாது.


• அதிகமான போதையில் இருக்கும் நபர்கள் நட்சத்திர விடுதிகளில் அனுமதிக்கப்படக்கூடாது. 


• நட்சத்திர விடுதிகளின் கொண்டாட்ட பகுதிகளில் சிசிடிவி கேமராக்கள் பொருத்தப்பட்டிருக்க வேண்டும்.


• நட்சத்திர விடுதிகளில் போதைப்பொருட்களை பயன்படுத்தக்கூடாது.


• சென்னை மக்களுக்கு விழிப்புணர்வு குறுஞ்செய்திகள் அனுப்பப்படும்.


• நட்சத்திர ஹோட்டல்களில் உள்ள நீச்சல் குளம் அருகே எந்த நிகழ்ச்சியையும் நடத்தக்கூடாது. 


• மது விருந்து நடைபெறும் இடத்தில் 18 வயதுக்கு கீழ் உள்ளவர்களுக்கு அனுமதி கூடாது. 

இவ்வாறு தமிழ்நாடு காவல் துறை நட்சத்திர விடுதிகளுக்கு விதிமுறைகளை விதித்துள்ளது. 

31/12/2022 13:25:33

முதலமைச்சர் மு.க. ஸ்டாலின் புத்தாண்டு வாழ்த்து..!

புத்தாண்டே வருக, புதுவாழ்வு தருக! இணையற்ற இளைய ஆற்றல் வெல்க" என முதலமைச்சர் ஆங்கிலப் புத்தாண்டு வாழ்த்துகளை தெரிவித்துள்ளார்.

31/12/2022 13:40:34

புத்தாண்டை முதலில் கொண்டாடும் நாடு எது?

ஆஸ்திரேலியா மற்றும் நியூசிலாந்து நாடுகளிலும் அதன சுற்றியுள்ள தீவுகளிலும் தான் உலகில் முதன் முதலில் புத்தாண்டை கொண்டாடும் நாடுகளாக உள்ளது. இந்திய நேரப்படி இன்று மதியம் அதாவது டிசம்பர் 31ஆம் தேதி மதியம் 3.30 மணி அளவில் ஆஸ்திரேலியா மற்றும் நியூசிலாந்து நாடுகளில் நள்ளிரவு 12 என்பதால் புத்தாண்டு கொண்டாட்டங்கள் கோலாகலமாக நடைபெறவுள்ளது.